မျှော်လင့်ခြင်း - ကြောက်ရွံ့မှုအစား ယုံကြည်မှုကို ရွေးချယ်ခြင်း

ကျွန်ုပ်တို့၏ တည်မြဲသောယုံကြည်စိတ်ချရာ

မသေချာမရေရာမှုများ၊ စိုးရိမ်ကြောက်လန့်မှုများနှင့် ပြည့်နေသော ဤလောကကမ္ဘာ၌ ယုံကြည်ခြင်းဟူသောအရာကို သံသယများက တစ်ခါတစ်ရံ လွှမ်းမိုးနေနိုင်ပါသည်။ လူများစွာတို့မှာ အနာဂတ်အတွက် ဝေဝါးသောအမြင်ဖြင့် ဘဝရှင်သန်နေကြရသည်။ ဤစာစောင်ငယ်လေးတွင် ဆရာကြီး Bill Crowder (ဘေလ်ခရောက်ဒါ) က ခရစ်တော်၌သာ တွေ့ရှိနိုင်သောမျှော်လင့်ခြင်းကို အလင်းပေးဖွင့်ပြထားပါသည်။ စိန်ခေါ်မှု အခက်အခဲများကြားမှပင် သင်၏ ယုံကြည်ခြင်းနှင့် ဘုရားသခင်အပေါ် ကိုးစားမှုကို မည်သို့ခိုင်ခံ့စေနိုင်မည်ကို ရှာဖွေကြည့်လိုက်ပါ။

စွဲလမ်းမှုများမှ လွတ်မြောက်ခြင်း

သင်ကိုယ်တိုင်စွဲလမ်းမှုတစ်စုံတစ်ရာနှင့် ရုန်းကန်နေရပါသလား။ သို့မဟုတ် စွဲလမ်းမှုတစ်စုံတစ်ရာနှင့် ရုန်းကန်နေရသူတစ်ဦးဦးကို သင်သိပါသလား။ စွဲလမ်းမှုများမှ လွတ်မြောက်ခြင်း ဟူသည့်စာအုပ်ငယ်လေးတွင် စွဲလမ်းမှုက မည်သို့မည်ပုံဖြစ်ပေါ်လာသည်၊ ကျွနု်ပ်တို့၏ဘဝများကို မည်သို့ထိခိုက်စေနိုင်သည်၊ ဘုရားသခင်၏မစမှုဖြင့် ထိုစွဲလမ်းမှုနှောင်ကြိုးကို မည်သို့ဖြတ်တောက်နိုင်မည်ကို ဆရာဝန်နှင့်သမ္မာကျမ်းစာသင်ကြားသူ ဆရာရောဘတ်ဆော်လမွန်က စူးစမ်းလေ့လာတင်ပြထားပါသည်။

မျက်မှောက်တော်၌

သင်၏ဆုတောင်းခြင်းအသက်တာ မည်သို့ရှိသနည်း။

တစ်ခါတစ်ရံ၌ ပျားပန်းခတ်အလုပ်များမှုကြောင့် သင်နှင့် ဘုရားသခင် အချိန်ယူရန် အချိန်မရှိဖြစ်တတ်သည်။ ဆရာကြီး ဒဲနစ်ဖစ်ရှာ အကြံပြုသည့် လက်တွေ့ကျသည့် လမ်းညွှန်မှုများအတိုင်း ဘုရားသခင်နှင့် သင်၏ အချိန်ယူခြင်းကို စောင့်ထိန်းလုပ်ဆောင် နိုင်အောင် မှန်မှန်ကျမ်းစာဖတ်ခြင်းနှင့် ဆုတောင်းခြင်းအချိန်ကို ထားရှိရယူရန် နည်းလမ်းရှာကြံပါ။ ထိုအခါ သင်နှင့်အချိန်ယူရန် စောင့်ဆိုင်းနေသည့် ကျေးဇူးကရုဏာတော်ရှင် ထာဝရဘုရားသခင်နှင့် ပြန်လည်ဆက်သွယ်ခွင့်ရပြီး ထိုအချိန်လေးမှ အသစ်သော အမြင်များကို သင်ရရှိ လိမ့်မည်။

ဆရာကြီး ဒဲနစ်ဖစ်ရှာသည် Our Daily Bread Ministries မှ သုတေသီ စာတည်းဖြတ်သူတစ်ဦးဖြစ်ပြီး ဒဲန်ဗာကျမ်းစာကျောင်းနှင့် ဖူလာကျမ်းစာကျောင်းမှ ဘွဲ့ရခဲ့သူဖြစ်သည်။ သူသည် မူးဒီဓမ္မတက္ကသိုလ်တွင် သင်ကြားပို့ချခဲ့သည့် ဆရာတစ်ဦးလည်း ဖြစ်သည်။ သူနှင့်ဇနီးသည် ဆရာမ ဂျဲနက်တို့သည် မီချီဂန်ပြည်နယ် ဒီဝစ်ထ်အရပ်၌ နေထိုင်ကြသည်။

ငွေကြေး - အဘယ်ကြောင့် အမြဲတမ်းမလုံလောက်ရတာပါလဲ။

ကျွန်ုပ်တို့ထဲတွင် နောက်ထပ်တစ်ဒေါ်လာ ထပ်မလိုချင်သူ မည်သူရှိသနည်း။ ကျွန်ုပ်တို့အားလုံးသည် ဝင်ငွေ၊ စုဆောင်းထားသည့်ငွေကြေး မည်မျှပင်ရှိနေပါစေ လုံလောက်သည်ဟု မည်သည့်အခါမှ ထင်မှတ်လေ့မရှိသကဲ့သို့ဖြစ်နေသည်။ ကျွန်ုပ်တို့သည် အဘယ်ကြောင့် ကျေနပ်တင်းတိမ်မှုမရှိနိုင်သနည်းဟု စဉ်းစားမိကြပါသလား။ ဘာကိုမှမမျှော်လင့်ထားဘဲ၊ ကျွန်ုပ်တို့ကိုချစ်သူ၊ ထာဝရတည်လျက် မပြောင်းလဲသူ၊ အရာအားလုံးကို ထိန်းချုပ်နိုင်စွမ်းရှိပြီး ကျွန်ုပ်တို့အတွက် အကောင်းဆုံးကိုသာ နှလုံးသွင်း စဥ်းစားပေးသူ မည်သူရှိသနည်း။ ဘုရားသခင်သည်ခွန်အားအစွမ်းနှင့်ပြည့်စုံ၍ ကျွန်ုပ်တို့ကို သိကျွမ်းသူ၊ ချစ်မြတ်နိုးသူ ဖြစ်သည်။ ကျွန်ုပ်တို့ကို သူဖန်ဆင်းထားခြင်းကြောင့် ကျွန်ုပ်တို့၏ လိုအပ်ချက်များကို အတိအကျသိရှိသူလည်း ဖြစ်သည်။

ကူညီကြပါ။ ကျွန်ုပ် မနက်ဖြန်ကို ရင်မဆိုင်ရဲဘူး။

သင့်အတွက် မနက်ဖြန်ဟာ ဘယ်အရာတွေကို ဆောင်ကြဉ်းလာမလဲဆိုတာ ကြိုတင်တွေးတော ပူပန်နေပါသလား။ တကယ်တော့ သင်တစ်ယောက်တည်း မဟုတ်ပါဘူး။ ကျွန်ုပ်တို့ တော်တော်များများဟာ မနက်ဖြန်မှာ ဖြစ်လာမယ့်၊ ဖြစ်လာနိုင်ခြေများအတွက် မနက်ဖြန်ကိုရင်ဆိုင်ရမှာ စိုးရိမ်တတ်ကြပါတယ်။ ကျွန်ုပ်တို့ ကြိုက်သည်ဖြစ်စေ၊ မကြိုက်သည်ဖြစ်စေ မနက်ဖြန်ကတော့ရောက်လာဦးမည်ပင်။ ဖန်ဆင်းရှင် ဘုရားသခင်ဆိုတဲ့ မနက်ဖြန်တိုင်းကို အစိုးရတဲ့ အရှင်သခင်ထံမှ အကူအညီမစမှုနဲ့ အာမခံချက်ကို တောင်းခံနိုင်ပါတယ်။

အိုမင်းလာခြင်းနှင့်အတူ မျှော်လင့်ချက်နှင့်ပြည့်နေသည့် အနာဂတ်နေ့ရက်များ

“အသက်ကြီးလာတာ ဝမ်းနည်းစရာပဲ’’ ... အသက်ကြီးပြီး အိုမင်းလာခြင်းနှင့် ပတ်သက်ပြီး သင်ရော ဤသို့ ခံစားမိပါသလား။ နာတာရှည်ရောဂါ သို့မဟုတ် အထီးကျန်ဆန်ခြင်းများနှင့် ကြိုးစားရုန်းကန်နေရပါသလား။ အသက်ရှင်ရန်အတွက် ဆန္ဒ မရှိသလောက် ဖြစ်နေပြီလား။

စိတ်မကောင်းစရာအချက်မှာ ကျွန်ုပ်တို့အားလုံး မလွဲမသွေ အသက်ကြီးရင့် အိုမင်းလာ ကြရမည် ဖြစ်သည်။ သင်ခံစားရသည်များကို နားလည်ရုံမက အိုမင်းခြင်းခရီးကိုပါ ကျော်လွှားနိုင်အောင် ကူညီနိုင်သူတစ်ဦး ရှိပါသည်ဆိုလျှင်၊ ပြီးတော့ ဤတစ်စုံတစ်ဦးက သင်သူ့ထံလာရန်အတွက် ရင်ခွင်ဖွင့်ပြီး လက်ကမ်းစောင့်ကြိုနေပါသည်ဆိုလျှင် . . . သင်မည်သို့ပြုမည်နည်း။