ဘုရားသခင်ရှေ့တော်၌ ဖြောင့်မှန်စွာ လုပ်ဆောင်ခြင်း
“နွားကျောင်းသားကဲ့သို့ အိမ်ဆောက်သူ” ဟူသောစကားလုံးသည် ဗြိတိန်နိုင်ငံရှိ အိမ်ပိုင်ရှင်များက ဆောက်လုပ်ရေးလုပ်ငန်းတွင် မကျွမ်းကျင်သည့် အလုပ်သမားများကို ညွှန်းဆိုခြင်းဖြစ်သည်။ ထိုစကားလုံးသည် ဆိုးဝါးသော အတွေ့အကြုံများကြောင့် ကြောက်ရွံ့မှု (သို့) နောင်တတရားဟုလည်း အဓိပ္ပာယ်သက်ရောက်သည်။
ဓမ္မဟောင်းခေတ်ကာလက ရိုးဖြောင့်မှုမရှိသော လက်သမား၊ ပန်းရံသမား၊ ကျောက်ဆစ်သမားများလည်း ရှိမည် မလွဲပါ။ သို့သော်လည်း ယောရှမင်းကြီး အုပ်စိုးသော ကာလတွင် သစ္စာစောင့်သိသော လုပ်သားများက ပြိုပျက် နေသောဗိမာန်တော်ကို ပြန်လည်ပြုပြင်ကြကြောင်း ဖော်ပြ ပါရှိသည် (၄ ရာ ၁၂း၁၅)။
ယဇ်ပရောဟိတ် ယောယဒ သွန်သင်သော ကာလ ပတ်လုံး ယောရှမင်းသည် ထာဝရဘုရားရှေ့တော်၌ တရားသောအမှုကိုပြုပြီး (၄ ရာ ၁၂း၂)၊ ယဇ်ပရောဟိတ် ယောယဒ သေလွန်သော် ယောရှမင်းသည် ထာဝရဘုရား၏
အိမ်တော်ကိုစွန့်၍ ရုပ်တုတို့ကို ဝတ်ပြုကိုးကွယ်ခဲ့သည် (၆ ရာ၂၄း၁၇-၂၇)။
ယောရှမင်း၏အသက်တာကို ကြည့်လျှင် …
ခရစ်တော်၏ မွှေးရနံ့
အတိတ်က ဖြစ်ရပ်၊ အကြောင်းအရာတို့ကို ပြန်လည်မြင်ယောင် စဉ်းစားရာ၌ မည်သည့်အာရုံက အဆွဲဆောင်နိုင်ဆုံးနည်း။ ကျွန်တော့်အတွက် ဆိုရလျှင် ရနံ့အာရုံ ဟုပင်ဆိုရမည်။ နေလောင်ဒဏ်ကာကွယ်ပေးသည့် အဆီတမျိုး၏ရနံ့ကိုရလျှင် ပြင်သစ်နိုင်ငံရှိ ကမ်းခြေတစ်ခုသို့ ရောက်သွားစေသည့်အလား ကျွန်ုပ်ခံစားရသည်။ ကြက်သားနှပ် ဟင်းအနံ့ရလျှင် ငယ်စဉ်က ဘွားဘွား ချက်ကျွေးခဲ့သည့်ဟင်းကို သတိရမိသည်။ ထင်းရှူးပင်ဆိုလျှင် `ခရစ်စမတ်ရောက်ပြီ´ဟု သတိရသလို၊ မုတ်ဆိတ်ရိတ် ဆေးရည်အနံ့တစ်မျိုးဆိုလျှင် သား၏ဆယ်ကျော်သက် အရွယ်ကို ပြန်သတိရမိသည်။
ရှင်ပေါလုက မိမိတို့ယုံကြည်သူ တစ်ယောက်စီတိုင်း သည် ခရစ်တော်၏ အမွှေးရနံ့များဖြစ်ကြောင်း သတိပေးခဲ့ သည်။ ‘‘အဘယ်သို့နည်းဟူမူကား၊ ငါတို့သည် ကယ်တင်သောသူတို့၌၎င်း၊ ဘုရားသခင် အား ခရစ်တော်၏ အမွှေးအကြိုင် ဖြစ်ကြ၏” (၂ကော ၂း၁၅)။
ရှင်ပေါလုအနေဖြင့် ရောမစစ်သားများ၏အောင်ပွဲခံပုံကို ပုံဆောင်၍ ဥပမာပေးခြင်း
ဖြစ်သည်။ ထိုခေတ်အခါက ရောမတို့သည် စစ်တိုက်၍အောင်မြင်သောအခါ ယဇ်ပလ္လင် ပေါ်တွင် နံ့သာပေါင်းကို…
အံ့ဖွယ်မေတ္တာတော်
ဖမ်းဆီးသိမ်းသွားခြင်းခံရသော ဣသရေလလူမျိုးတို့အား ယေရုရှလင်မြို့တွင် နောက်တစ်ဖန် ပြန်လည်အခြေချရန် ထာဝရဘုရားခွင့်ပြုခြင်းအကြောင်းကို ဓမ္မဟောင်း ကျမ်းများဖြစ်သော ဧဇရမှတ်စာနှင့် နေဟမိမှတ်စာတို့တွင် ဖော်ပြထားသည်။ ဒါဝိဒ်မြို့တွင် ပြန်လည်အခြေချသည့် ဟေဗြဲလူဦးရေများပြားပြီး၊ ဗိမာန်တော်အသစ်ကို ပြန်တည်ဆောက်ကာ မြို့တံတိုင်းကို ပြန်လည်ပြုပြင်ခဲ့ပြီး ဖြစ်သည်။
ဓမ္မဟောင်းကျမ်း၏ နောက်ဆုံးကျမ်းဖြစ်သော မာလခ်ိအနာဂတ္တိကျမ်းကို ရေးသားခဲ့သူ ပရောဖက်မာလခိ သည် နေဟမိနှင့် ခေတ်ပြိုင်ပေါ်ထွန်းခဲ့သူဖြစ်သည်။ ထိုကျမ်း၏အစတွင် ဘုရားသခင်သည် ဣသရေလ လူမျိုးတို့အား “သင်တို့ကို ငါချစ်လေပြီ” ဟု ဖော်ပြထားသည်။ ထိုအခါ ဣသရေလလူမျိုးတို့က “အကျွန်ုပ်တို့ကို အဘယ်သို့ ချစ်တော်မူသနည်း” ပြန်လည်လျှောက်ထားသည် (မာလခိ ၁း၂)။
အံ့သြဖွယ်ကောင်းလှသည်။ ဣသရေလလူမျိုးတို့၏ သမိုင်းသည် ထာဝရ ဘုရားသခင်၏ သစ္စာကတိတည်ကြောင်း သက်သေဖြစ်သည်။ သူရွေးနှုတ်ထားသော သူ့လူမျိုးတော်တို့ကို ဘုရားသခင်သည် နှစ်ပေါင်းရာချီ၍ နိမိတ်လက္ခဏာအားဖြင့် တစ်မျိုး၊ သာမန်အမှုများအားဖြင့် တစ်ဖုံ၊ ဆက်လက်ထောက်ပံ့ပေးခဲ့သည့်တိုင် လူမျိုးတော်…
မိုးကုတ်စက်ဝိုင်းမှ မုန်တိုင်းများ
ကျွန်ုပ်၏သား ဂျော့(ရှ်)သည် အလက်စကာမြို့၊ကိုဒက်ရွာလေးမှ ဆော်လမွန်ငါးဖမ်းသော တံငါသည်တစ်ဦးဖြစ်သည်။ တစ်ကြိမ်တွင် သူသည် သူ့လှေပေါ်မှနေ၍ လှေနှင့် ကိုက်တစ်ရာခန့် အကွာရှိ အခြားလှေတစ်စင်းပုံကို ဓာတ်ပုံရိုက်ယူကာ ကျွန်ုပ်တို့ထံ ပို့လာသည်။ ပုံထဲတွင် မနှစ်မြို့ဖွယ်ရာ မိုးသားတိမ်တိုက်များက လှေငယ်လေးကို လွှမ်းမိုးထားသည်။ သို့သော်လည်း ကျွန်ုပ်တို့ကို အစဉ်အမြဲ
ချစ်ကာ သတိနှင့်ကြည့်ရှု စောင့်ရှောက်တော်မူသော ဘုရားသခင်၏ အသွင်သဏ္ဍာန်ကို ဆောင်သော သက်တန့် ငယ်သည် ထိုလှေငယ်လေးကို မိုး၍ ဝန်းရံထားသည်။
ထိုဓာတ်ပုံလေးက လောကခရီးရှည်ကို ပုံဆောင် သည်။ ကျွန်ုပ်တို့သည် မရေရာသော ခရီးရှည်ကို ဖြတ်သန်း သွားနေရသည်။ သို့သော် ထိုခရီးလမ်း တွင် ဘုရားသခင်၏ သစ္စာတော်က ကျွန်ုပ်တို့ကို ၀န်းရံပို့ဆောင်သည်။
တပည့်တော်တို့သည် ပင်လယ်ပြင်တွင် မုန်တိုင်း လှိုင်းတံပိုးဒဏ်နှင့် တွေ့ကြုံရသည်တွင် သခင်ယေရှုသည် ထိုအတွေ့အကြုံနှင့် ယှဉ်ကာ ဘုရားသခင်၏တန်ခိုးတော်နှင့် သစ္စာတော်တို့ကို…
နားလည်ကြစေသား
လန်ဒန်မြို့ရှိ အမျိုးသားပြတိုက်နှင့် မော်စကိုမြို့ရှိ ပန်းချီပြခန်းများသို့ လှည့်ပတ် ကြည့်ရှုရခြင်းကို ကျွန်တော် သဘောကျနှစ်သက်သည်။ များစွာသော အနုပညာ လက်ရာများမှာ ရင်သပ်ရှုမောဖွယ်ရာကောင်းသော်လည်း အချို့မှာ ကျွန်တော့်အာရုံကို ရှုပ်ထွေးစေသည်။ ထိုအနုပညာရှင်များသည် လက်ရာမြောက်စွာ ဖန်တီးရေးဆွဲထား သော်လည်း မိမိရှေ့၌တွေ့မြင်ရသည့်အရာကို ကျွန်တော် နားမလည်နိုင်ပါ။
ထို့နည်းတူပင် တစ်ခါတစ်ရံတွင် နှုတ်ကပတ်တော်မှ သွန်သင်ဖော်ပြသော အရာများကို နားလည် သဘောပေါက် ရန် ခက်ခဲတတ်သည်။ နားလည်နိုင်ပါ့မလား၊ ဘယ်ကစဖတ် ရမလဲ စသည်ဖြင့် တွေးမိမည်။ ရှင်ပေါလုရေးသားထားချက် က ကျွန်ုပ်တို့အတွက် အထောက်အကူ ဖြစ်နိုင်ပါသည်။ ‘‘ငါတို့သည် ကျမ်းစာ၌ပါသော သည်းခံခြင်း၊ သက်သာခြင်း အကြောင်းများကို အမှီပြု၍ မျှော်လင့်ရသောအခွင့် ရှိစေခြင်းငှာ ကျမ်းစာ၌ အထက်က ရေးထားသမျှသည် ငါတို့ကို ဆုံးမသြ၀ါဒပေး၍ ရေးထားသတည်း’’ (ရော ၁၅း ၁-၆)။
ကျွန်ုပ်တို့ကို ဆုံးမသွန်သင်ရန်…
ဗြောင်းဆန်မှုများထက် သာလွန်ကြီးမြတ်သော
ဓမ္မဟောင်းကျမ်းမှ ဓမ္မရာဇ၀င်ဒုတိယစာစောင်၏ အဓိကအချက်ကို “ဗြောင်းဆန်သော ဘ၀အကြောင်း” ဟု အလွယ်ခေါ်ဆိုနိုင်သည်။
ဒါဝိဒ်မင်းသည် ဣသရေလနိုင်ငံ၏ ဘုရင်အဖြစ်နိုင်ငံထူထောင်ရာ၌ စစ်ရေးအရ စိန်ခေါ်မှုများ၊ နိုင်ငံရေးပုန်ကန်မှုများ၊ မိတ်ဆွေနှင့် မိသားစုအတွင်း သစ္စာဖောက်မှု များကို ရင်ဆိုင်ခဲ့ရသည်။ ဒါဝိဒ်မင်းကိုယ်တိုင် အပြစ်မကင်း ကြောင်း သူနှင့်ဗာသရှေဘ၏ဆက်ဆံရေးက အထင်းသား ဖော်ပြနေသည် (အခန်းကြီး ၁၁-၁၂)။
သည့်တိုင် ဓမ္မရာဇ၀င်ဒုတိယစောင်အဆုံးပိုင်း၌ ဘုရားသခင်၏ကရုဏာတော်၊ မေတ္တာတော်နှင့် ကယ်တင် ခြင်းများအတွက် ဒါဝိဒ်၏ချီးမွမ်းသီချင်းကို တွေ့ရသည်။ “အိုထာဝရဘုရား၊ ကိုယ်တော်သည် အကျွန်ုပ်၏မီးခွက် ဖြစ်တော်မူ၏။ ထာဝရဘုရားသည် အကျွန်ုပ်၏မှောင်မိုက်ကို လင်းစေတော်မူ၏။” (၂ရာ ၂၂း၂၉)။
ဒါဝိဒ်မင်းသည် သူ့ဘ၀၏အခက်အခဲများစွာတွင် ထာဝရဘုရားထံသို့သာ ဦးလှည့်ခဲ့သည်။ အကျွန်ုပ်သည် ကိုယ်တော်ကိုအမှီပြု၍ တပ်ကိုဖျက်ပါပြီ။ အကျွန်ုပ်၏ဘုရားသခင်ကိုအမှီပြုလျက် မြို့ရိုးကို ကျော်၍၀င်ပါပြီ” (း၃၀)။
ဒါဝိဒ်မင်းရုန်းကန်ရမှုများကို ကျွန်ုပ်တို့ထပ်တူခံစားရမည်။ အဘယ်ကြောင့် ဆိုသော် ဒါဝိဒ်မင်းသည် ကျွန်ုပ်တို့နှင့်ထူးမခြားနား၊…
ဒုက္ခရောက်သူအတွက် နှစ်သိမ့်သက်သာရာ
ချားလ်စ်ဒစ်ကင်ဆန် ရေးသားသည့် `ဒေးဗစ်ကော့ပါးဖီး´ ၀တ္ထုမှ တူမောင် `ဒေးဗစ်ကော့ပါးဖီး´ အား ပထွေးဆိုးက အနိုင်ကျင့်ညှဉ်းဆဲရာ ကြီးတော်ဖြစ်သူက ရင်ဆိုင်ပစ်လိုက်သည့်အခန်းကို ကျွန်မသဘောကျလှသည်။
ဒေးဗစ်ကော့ပါးဖီးသည် ကြီးတော် ဘက်စီထရော့ဝု ၏အိမ်သို့ ရောက်လာရာ သူ့ပထွေး မစ္စတာ မာ့စတုန်းကလည်း မလှမ်းမကမ်းမှ လိုက်ပါ လာသည်ကို ကြီးတော်က သဘောမတွေ့ပါ။ သားအပေါ် ရက်စက်စွာ ပြုမူမှုအတွက် သူ့အပေါ် မကျေနပ်ချက်
တစ်သီကြီးကို ပထွေးခမျာ မငြင်းနိုင်အောင် ဘက်စီ ပြောချ လိုက်သည်။ ကြီးတော်၏စွဲချက်က ပြင်းထန်မှန်ကန်လွန်း သဖြင့် သာမန်ဆိုလျှင် ရန်လိုတတ်သော မစ္စတာ မာ့စတုန်း သည် ဘာတစ်ခွန်းမှ မပြောနိုင်ဘဲ ထွက်သွားတော့သည်။ ကြီးဒေါ်ဘက်စီ၏အား၊ ကောင်းမြတ်ခြင်းအားဖြင့် အဆုံး၌ ဒေးဗစ်မှာ တရားမျှတမှုကို ခံစားရတော့သည်။
ခွန်အားကြီး၍ ကောင်းမြတ်သော၊ တစ်နေ့တွင် ဤကမ္ဘာရှိအမှားအယွင်းများကို
ပြန်လည်တည့်မတ် မှန်ကန်စေမည့်သူတစ်ဦးရှိသည်။ သခင်ယေရှုပြန်လည်ကြွလာသော…
တည်မြဲသော ဘုရားရှင်၏စကားတော်
ဒုတိယ ကမ္ဘာစစ်ကြီးအစတွင် လေကြောင်းဗုံးကြဲတိုက်ိခိုက်မှုဒဏ်ကြောင့် ပိုလန်နိုင်ငံရှိ ၀ါဆောမြို့ ပြားပြားဝပ်သွားသည်။ မြို့တော်တစ်ဝန်းတွင် အင်္ဂတေအဆောက်အအုံများ၊ အကျိုးအပဲ့များ၊ မှန်ကွဲစများက ပြန့်ကြဲနေသည်။ သို့သော် မြို့လယ်ခေါင်တွင် အဆောက်အအုံပျက်ကြီးတစ်ခုက ထီးထီးတည်ရှိနေသည်။ ၎င်းမှာ ဗြိတိသျှတို့၏ပိုလန် ဌာနချုပ်နှင့် နိုင်ငံခြားအခြေစိုက် ကျမ်းစာအသင်းတိုက်ပင် ဖြစ်သည်။ အဆောက်အအုံပျက်၏နံရံထက်၌ အောက်ပါစာသား များကို တွေ့ရဆဲဖြစ်သည်။ “ကောင်းကင်နှင့်မြေကြီး မတည် သော်လည်း ငါ့စကားတည်လိမ့်မည်” (မ ၂၄း၃၅)။
တပည့်တော်များက `ကပ်ကမ္ဘာကုန်သော ပုပ္ပနိမိတ်´ (း၃)နှင့် စပ်လျဉ်း၍ မေးမြန်းသောအခါ အထက်ပါကျမ်းပိုဒ်ကို သခင်ယေရှုမိန့်ကြားလျက် တပည့်တော်များကို အားပေးခဲ့သည်။ သခင်၏စကားက မျက်မှောက်ခေတ် ရုန်းရင်းခတ်မှုများကြား ရှင်သန်နေရသော ကျွန်ုပ်တို့ အတွက်လည်း အားပေးစကားဖြစ်သည်။ ပြိုပျက် ပျက်စီးသည့် အိမ်မက်များကြားရပ်လျက် မပျက်စီးနိုင်သော ဘုရားသခင်၏ သဘောတော်၊ အချုပ်အခြာအာဏာတော်နှင့် ကတိတော် အပေါ်စိတ်ချမှုကို ကျွန်ုပ်တို့တွေ့ရှိနိုင်သည်။
ဆာလံဆရာက “အိုထာဝရဘုရား၊…
သယ်ယူပို့ဆောင်ပေးသည့် ၀ိညာဉ်တော်
အိုင်ယာလန်နိုင်ငံရှိ မြို့များစွာတွင် အိမ်နံပါတ်များ၊ စာပို့သင်္ကေတအမှတ်များကို အသုံးပြုလေ့ မရှိပါ။ ထို့ကြောင့် မြို့ထဲ၌ `ပက်ထရစ် မာဖီစ်´ ဆိုသူ သုံးဦးရှိနေလျှင် အရင်ရှိနှင့်နေထိုင်သူ နှစ်ဦးထံ စာအရင်ရောက်မည်။ ပြီးမှ နောက်ဆုံးမှ လာရောက်အခြေချသူထံ ရောက်ရှိမည်။ စာကို၎င်းတို့ သေချာစွာစစ်ဆေးကြည့်ပြီးမှ “ကျုပ်စာမဟုတ်ဘူးထင်တယ်” ဤသို့ဖြင့် တစ်ဆင့်ပြီးတစ်ဆင့် ရောက်လာသည်ဟု တတိယ ပက်ထရစ် မာဖီ က ဆိုသည်။ ဤစာပို့စနစ်ကို အဆုံးသတ်ရန် အိုင်းရစ်အစိုးရ အနေဖြင့် မှန်ကန် ကောင်းမွန်သည့် စာဖြန့်ဝေခြင်းစနစ် ဖြစ်လာ အောင် မကြာမီက စာပို့သင်္ကေတအမှတ် ဖော်ပြသည့်စနစ်ကို စတင်ကျင့်သုံးခဲ့သည်။
တစ်ခါတစ်ရံဆုတောင်းရာ၌လည်း ကျွန်ုပ်တို့စိတ်နှလုံးရှိ အရာကို ဘုရားသခင်ထံ ရောက်အောင် မစပေးမှု လိုအပ်သည်ဟု ခံစားကောင်းခံစားရမည်။ ဘယ်စကားလုံးရွေးချယ်ပြောရမှန်း၊ မိမိ စိတ်အလိုများကို မည်သို့ဖော်ပြရမှန်းမသိ ဖြစ်ကောင်းဖြစ်မည်။ ရောမသြ၀ါဒစာ အခန်းကြီး ၈ တွင်…
ယေရှုသည် မျက်ရည်ကျတော်မူ၏
ကျွန်မက စာအုပ်တစ်အုပ်ကို စိတ်ဝင်တစားဖတ်ရှုနေ၍ ကျွန်မသူငယ်ချင်းက `ဘာဖတ်နေတာလဲ´ဟု ခါးကိုင်းကာ စူးစမ်းသည်။ ပြီးနောက် ချက်ချင်းဆိုသလို ကျွန်မကို အထိတ်တလန့်ကြည့်ကာ “အမလေး စိတ်ပျက်စရာကြီး” ဟု ဆိုသည်။
ကျွန်မက “ဂရင်းနတ်သမီးပုံပြင်” စာအုပ်မှ “မှန်ခေါင်းတလား” ဟူသည့် ဇာတ်လမ်း ကို ဖတ်နေခြင်းဖြစ်ပြီး သူက `ခေါင်းတလား´ ဟူသည့် စကားကြောင့် စိတ်အနှောင့်အယှက် ဖြစ်သွား သည်။
လူသား၏မတည်မြဲခြင်းသဘောကို သတိပေးလာမှုကို ကျွန်မတို့ သဘောမကျပါ။ သို့သော် လူတစ်ထောင်တွင် တစ်ထောင်လုံး သေဆုံးရမည်ဟူသည်ကား အမှန်တရားပါ။ သေခြင်းတရားသည် နက်နဲသောတုံ့ပြန်မှုကို ဖြစ်ပေါ် စေသည်။ သခင်ယေရှုသည် သူနှင့်အလွန်းရင်းနှီးသည့် မိတ်ဆွေတစ်ဦး၏ဈာပနတွင် ပြင်းထန်သော ခံစားချက်ကို ဖော်ပြခဲ့သည်။ မကြာမီကမှ မာရိ၏မောင်သေဆုံးသွားရာ၊ မာရိကိုတွေ့သော် သခင်ယေရှုသည် `အလွန်ညှိုးငယ်ခြင်း၊ စိတ်ပူပန်ခြင်းရှိ´ကြောင်း (ယော ၁၁း၃၃)၊ အခြားသော ဘာသာ…