တက္ကသိုလ်တွင် ဂရိနှင့်ရောမဒဏ္ဍာရီများကို ကျွန်မလေ့လာခဲ့စဉ်က ပုံပြင်များထဲမှ နတ်ဘုရားများသည် အလွယ်တကူ ဒေါသထွက်ကြပြီး၊ မကြာခဏ စိတ်ဆိုးကြကြောင်း တွေ့ရှိရသည်။ သူတို့၏ဒေါသအမျက်ကို ခံရသည့်လူသားများသည် တစ်ခါတစ်ရံ သူတို့နှုတ်မှ ဆန္ဒပြုလိုက်ရုံနှင့် အသက်ပျောက်ခဲ့ရသည်။

ကျွန်မ လှောင်ပြောင်မိပြီး မည်သို့သောလူများက ထိုနတ်ဘုရားများကို ယုံကြပါလိမ့်ဟု တွေးမိသည်။ နောက်မှ‘‘အမှန်တကယ် အသက်ရှင်သော ဘုရားသခင်အပေါ် ကျွန်မ၏အမြင်သည်လည်း ထူးမခြားနားဖြစ်နေလား၊ ကွဲပြား ခြားနားပါ၏လော’’ ‘‘သံသယ၀င်လာတိုင်း ကိုယ်တော့်ကို   အမျက်ထွက်လွယ်သည့်ဘုရားအဖြစ် ကျွန်မမြင်မိသလား။’’ ဟုတ်ပါသည်။ ကျွန်မ ထိုသို့မြင်မိသည်။ ၀မ်းနည်းစရာပါ။

ထို့ကြောင့် ‘‘ကိုယ်တော်၏ဘုန်းကို အကျွန်ုပ်အား ပြတော်မူပါ’’ ဟု တောင်းဆိုသည့် မောရှေကို ကျွန်မ သဘောကျသည် (ထွက် ၃၃း၁၈)။ သူ့ကိုဆန့်ကျင်၍မကြာခဏ ညည်းတွားတတ်သည့် လူအုပ်ကြီးကို ဦးဆောင်ရန် ရွေးချယ်ခံရသည့်အတွက် ထိုကြီးလေးသည့် တာဝန်ကို ထမ်းဆောင်ရာတွင် ဘုရားရှင် သူ့ကို အမှန်တကယ် မစမည်လားကို မောရှေ သိချင်သည်။ မောရှေ၏တောင်းဆိုမှုက ဘုရားရှင်၏ဘုန်းတော် ထင်ရှားဖော်ပြခြင်းဖြင့် ချီးမြှင့်ခံရသည်။ ဘုရားရှင်သည် မောရှေအား သူသည် ‘‘ချစ်သနားခြင်း မေတ္တာ ကရုဏာနှင့် ပြည့်စုံ၍ စိတ်ရှည်ခြင်း၊ ကျေးဇူးပြုခြင်း၊ သစ္စာစောင့်ခြင်းနှင့် ကြွယ်ဝသော ဘုရားဖြစ်ကြောင်း’’ (၃၄း၆) သူ၏နာမနှင့် ဂုဏ်တော်များကို ဖော်ပြခဲ့သည်။

ထိုကျမ်းပိုဒ်က ဘုရားရှင်သည် စိတ်လိုက်မာန်ပါလုပ်တတ်သော၊ အလွယ်တကူ ဒေါသထွက်တတ်သောဘုရား မဟုတ်ကြောင်း သတိပေးသည်။ ဘုရားသခင်အပေါ် ကျွန်မစိတ်ဆိုးခြင်း (သို့) စိတ်မရှည်ဖြစ်မိချိန်များတွင် စိတ်ချမှုရှိစေသည်။ ထို့အပြင်ကိုယ်တော်နှင့် ကျွန်မတိုး၍တူလာစေရန် ဘုရားရှင် မပြတ်လုပ်ဆောင်လျက်ရှိသည်။

ကျွန်မတို့အပေါ် ကိုယ်တော်၏စိတ်ရှည်ခြင်း၊ မိတ်ဆွေတစ်ဦး၏ ခွန်အားပေး စကား၊ လှပသည့်နေ၀င်ဆည်းဆာ၊ အကောင်းဆုံးဖြစ်သည့် ကျွန်မတို့အတွင်းမှ သန့်ရှင်းသော ၀ိညာဉ်တော်၏ ဖြည်းညင်းအသံတော် စသည်တို့အားဖြင့် ဘုရားသခင်နှင့် ကိုယ်တော်၏ဘုန်းတော်ကို ကျွန်မတို့ တွေ့မြင်နိုင်သည်။ LINDA WASHINGTON