အထက်တန်းကျောင်းတက်စဉ်က တောလမ်းခရီးကြမ်းအပြေးပြိုင်ပွဲအတွက် ကျွန်မကို လေ့ကျင့်ပေးသည့်နည်းပြက ပြိုင်ပွဲမတိုင်မီ ‘‘ဦးဆောင်ပြေးတဲ့သူဖြစ်ဖို့ ဘယ်တော့မှမကြိုးစားနဲ့၊ ဦးဆောင်သူဟာ အလွယ်တကူ မောဟိုက်သွားတတ်တယ်’’ ၊ ဦးဆောင် ပြေးခြင်းထက် အမြန်ဆုံးအားကစားသမား၏နောက်၌ ထပ်ချပ်မကွာလိုက်ပါသင့်ကြောင်း အကြံပေးလမ်းညွှန်ခဲ့သည်။ ရှေ့မှဦးဆောင်သူအားဖြင့် အမြန်နှုန်းကို ချိန်ဆနိုင်ပြီး ပန်းဝင်သည်အထိ လိုအပ်သော စိတ်ဓာတ်နှင့် အင်အားပမာဏအစွမ်းတို့ကို ထိန်းနိုင်ခဲ့သည်။

ခေါင်းဆောင်မှုသည် ပင်ပန်းနွယ်နယ်စေသည်။ နောက်လိုက်ခြင်းက ပို၍ လွတ်လပ်သည်။ ၎င်းကို သိခြင်း ကြောင့် ကျွန်မ၏အပြေးလေ့ကျင့်မှု  တိုးတက်ခဲ့သော်လည်း ခရစ်ယာန်တပည့်တော်အဖြစ် လေ့ကျင့်ပျိုးထောင်မှု အတွက်ပါ အကျိုးသက်ရောက်မှုရှိကြောင်းကို သိနားလည် ရန်မှာ အချိန်ပိုကြာခဲ့သည်။ ကျွန်မ၏အသက်တာ၌ ခရစ်တော်၌ ယုံကြည်သူသည်  အလွန့်အလွန်  ကြိုးစားရမည် ဟု တွေးမိခဲ့သည်။ ခရစ်ယာန်တစ်ယောက်သည် မည်သို့မည်ပုံဖြစ်ရမည်ဟူ၍ ရှိအပ်သောအရည်အသွေးများရှိအောင် ကြိုးစားအားထုတ်ရင်း မောပန်းလာကာ သခင့်နောက်သို့ ရိုးရိုးလေးလိုက်လျှောက်ခြင်းဖြင့် ခံစားတွေ့ကြုံရသော ၀မ်းမြောက်မှုနှင့် လွတ်လပ်ခြင်း၏ အနှစ်သာရကိုအမှတ်တမဲ့နှင့် မရည်ရွယ်ဘဲ ကျော်သွားသည် (ယော ၈း၃၂၊၃၆)။

သို့သော် ကျွန်မတို့သည် ကိုယ့်ဘ၀ကိုယ် စီမံရမည် မဟုတ်ပါ။ သခင်ယေရှု ကလည်း မိမိကိုယ်တိုင် ကျင့်ဆောင်ရမည့် ဖွံ့ဖြိုးတိုးတက်ရေး အစီအစဉ်များဖြင့် အစမပြု ခဲ့ပါ။ ထိုအစား သူ့ကိုရှာလျှင် ကျွန်ုပ်တို့ စောင့်စားနေသော သက်သာခြင်းကိုတွေ့မည်ဟု ကတိပေးခဲ့သည် (မ ၁၁း၂၅-၂၈)။ ကျမ်းစာ (သို့) နည်းဥပဒေသများကို အထူးလေ့လာ သည့် အခြားသော ဘာသာရေးခေါင်းဆောင်များနှင့်မတူဘဲ သခင်ယေရှုက သူ့ကို သိကျွမ်းခြင်းသည် ခမည်းတော်ဘုရားသခင်ကို သိကျွမ်းခြင်းဖြစ်သည်ဟု ရိုးရှင်းစွာ သွန်သင်ခဲ့သည် (း၂၇)။ သခင့်ကို ရှာခြင်းဖြင့် လေးလံသောဝန်များ ဖယ်ရှားခံရပြီး (၂၈-၃၀) အသက်တာများပြောင်းလဲသွားပါသည်။

ကျွန်မတို့၏ နူးညံ့၍နှိမ့်ချသော ခေါင်းဆောင် နောက်တော်သို့လိုက်ခြင်းသည် ၀န်မဖြစ်သည်သာမက မျှော်လင့်ခြင်းနှင့် အနာငြိမ်းစေသောလမ်းဖြစ်သည်။ သခင့် မေတ္တာ၌နားနေခြင်းသည် လွတ်မြောက်ခြင်းကို ရရှိစေပါသည်။ MONICA BRANDS