သမ္မာကျမ်းစာလေ့လာသောအဖွဲ့မှ တစ်ယောက်က ‘‘ကိုယ်ပိုင်ဆာလံသီချင်း ရေးစပ်ကြ ရအောင်’’ ဟု အစပြုလိုက်သည်။ အစပိုင်းတွင် အချို့က မရေးတတ်ဟုဆိုပြီး ငြင်းကြ သော်လည်း အချင်းချင်းကို အားပေးရင်းနှင့် အဖွဲ့သားတိုင်းသည် သူတို့အသက်တာ၌ ဘုရားရှင်ပြုပေးသော အရာများကို ဖော်ကျူးလျက် ချီးမွမ်းသီချင်းများကို သီကုံးရေးသား ပါတော့သည်။ စုံစမ်းစစ်ကြောမှုကို အောင်နိုင်ခြင်း၊   ကိုယ်တော်၏ကာကွယ်မှု၊ ကိုယ်တော်၏မစထောက်ပံ့မှု၊ နာကျင်စရာများနှင့်မျက်ရည်များစသည်ဖြင့် စိတ်လှုပ်ရှားဖွယ်ကျွန်ုပ်တို့၏ဆာလံသီချင်းအမျိုးမျိုးက တည်မြဲသော ကိုယ်တော်၏ သတင်းစကားကို ဆောင်ယူလာသည်။

စာအားဖြင့်ဖြစ်စေ၊ သီချင်းအားဖြင့်ဖြစ်စေ၊ စကား အားဖြင့်ဖြစ်စေ ကျွန်ုပ်တို့၌ ဘုရားရှင်၏ချစ်ခြင်းမေတ္တာကို ဖော်ပြသည့် ဇာတ်လမ်းများစွာ ရှိပါသည်။ သူ့လူမျိုးများကို တစ်ကျွန်းတစ်နိုင်ငံကျွန်ဘ၀မှ ဘုရားရှင် ကယ်နှုတ်ကာ ရန်သူများအား အောင်နိုင်ခဲ့ပုံကို (း၁၀-၁၅) ပြန်လည်ရေတွက် ချီးမွမ်းသည့် ၁၃၆ ခု မြောက်သောဆာလံကို ရေးသားသူကဲ့သို့ အချို့သူများ၏ဇာတ်လမ်းက စိတ်လှုပ်ရှားစရာအားပြင်းလှသည်။ အချို့အကြောင်းအရာများမှာ ဘုရားသခင်၏ ကြီးမြတ်လှသော ဖန်ဆင်းခြင်းအကြောင်းကို ရိုးရှင်းစွာဖော်ပြသည်။ ‘‘ပညာတရားအတိုင်း ကောင်းကင်ကို ဖန်ဆင်းတော်မူထသော … ရေပေါ်မှာမြေကြီးကိုဖြန့်တော်မူထသော၊ … အလင်းအိမ်ကြီး ကို ဖန်ဆင်းတော်မူထသော၊ နေ့ကိုအုပ်စိုးသောနေကိုလည်းကောင်း၊ … ညကို အုပ်စိုးရ သော လနှင့်ကြယ်များကိုလည်းကောင်း ဖန်ဆင်းတော်မူထသော…’’ (း၅-၉) ဘုရားသခင် အကြောင်းကို ရေးစပ်သီကုံးထားပါသည်။

ဘုရားသခင်သည် မည်သို့သောဘုရားဖြစ်သည်၊ မည်သည့်အမှုများ ပြုခဲ့သည်ကို  အမှတ်ရအောက်မေ့ခြင်းသည် ဘုရားရှင်ကို ဘုန်းကြီးစေသော ချီးမွမ်းခြင်းနှင့် ကျေးဇူး တင်ခြင်းများကို ထွက်ပေါ်စေပါသည်။ ထာဝရတည်သောမေတ္တာတော်အရှင် ဘုရား သခင်၏ကောင်းမြတ်ခြင်းကို ‘‘ဆာလံသီချင်းမှစသော ဓမ္မသီချင်းအမျိုးမျိုး(အားဖြင့်)အချင်းချင်း ပြောဆိုဖတ်ရွတ်’’ ချီးမွမ်းနိုင်မည်ဖြစ်သည် (ဧ ၅း၁၉)။ ဘုရားရှင်၏ မေတ္တာတော်ကို ခံစားခဲ့ရသည့်အကြောင်းအရာကို သင့်ကိုယ်ပိုင် ဆာလံသီချင်းအဖြစ် ပြောင်းလဲပြီး မကုန်ဆုံးနိုင်၊ ကြွယ်ဝစွာစီးဆင်းနေသော ကိုယ်တော်၏ကောင်းမြတ်ခြင်းကို ခံစားလိုက်ကြပါစို့။ LAWRENCE DARMANI