မက်စီကို ပင်လယ်ကွေ့၌ သူငယ်ချင်းများနှင့် ရေကူးပျော်မြူးနေကြစဉ် ကိတ်လင်း တစ်ယောက် ငါးမန်းနှင့်ရင်ဆိုင်ခဲ့ရပြီး ငါးမန်းက သူ့ခြေကိုခဲကာ သူ့တစ်ကိုယ်လုံးကို ဆွဲချသည်။ ကိတ်လင်းကလည်း ငါးမန်း၏နှာခေါင်းကို ထုကာ ပြန်တိုက်ခိုက်သည်။ ထိုအခါ အသားစားငါးကြီးမှာ ကိတ်လင်းကို လွတ်ပြီး အရှုံးနှင့် အဝေးသို့ ကူးခတ် ထွက်သွားသည်။ ငါးမန်းကိုက်ခဲထားသည့် ဒဏ်ရာများစွာ ရှိခဲ့ပြီး အချက် ၁၀၀ ကျော် ချုပ်ခဲ့ရလည်း ငါးမန်းကြီးသည် ကိတ်လင်းကို မချုပ်မခဲထားနိုင်ခဲ့ပါ။

ထိုအဖြစ်က သခင်ယေရှုသည် သေခြင်းကို ချေမှုန်းလျက် သူ၏နောက်တော်လိုက် တပည့်တော်များကို ခြိမ်းခြောက်အနိုင်ယူသည့် သေခြင်း၏တန်ခိုးကို အဆုံးသတ် ပစ်ခဲ့ခြင်းကို သတိရစေသည်။ ရှင်ပေတရု၏ အဆိုအရ သခင် ယေရှုကို သေခြင်းဝေဒနာသည် အစဉ်ချည်နှောင်ချုပ်ကိုင် ရန် မဖြစ်နိုင်ပါ (တ ၂း၂၄)။

ဤစကားကို ယေရုရှလင်ရှိ လူပေါင်းတို့အား ရှင်ပေတရု မိန့်ကြားခဲ့ခြင်းဖြစ်သည်။ ထိုလူအများစုသည် သခင်ယေရှုကို လက်ဝါးကပ်တိုင်၌ ရိုက်ထားပါဟု အော်ဟစ်ခဲ့သူများ ဖြစ်ကောင်းဖြစ်မည် (မ ၂၇း၂၂)။ ထို့ကြောင့် ရောမစစ်သားများက သခင်ယေရှုကို လက်ဝါးကပ်တိုင်၌ ရိုက်ပြီး၊ ကိုယ်တော်အမှန်တကယ်သေဆုံးကြောင်း အတည်ပြုပြီး သည့်တိုင် ကားတိုင်၌ ချိတ်ဆွဲထားခဲ့သည်။ သခင်ယေရှု၏အလောင်းတော်ကို ဂူ၌ မြှုပ်နှံပြီး သုံးရက်အကြာတွင် ဘုရားသခင်က သူ့ကို သေခြင်းမှထမြောက်စေခဲ့သည်။ သခင်ထမြောက်ပြီးနောက် ပေတရုနှင့်၊ အခြားတပည့်တော်တို့နှင့် သခင်တွေ့ဆုံ စားသောက် ခဲ့သည်။ ပြီးနောက် ရက်လေးဆယ်ပြည့်သည့်နေ့တွင် သခင်ကောင်းကင်သို့ တက်ကြွသွားသည်ကို သူတို့မြင်တွေ့ခဲ့ရသည် (တ ၁း၉)။

သခင်ယေရှု၏လောကီအသက်တာသည် ရုပ်ပိုင်းနာကျင်ဝေဒနာ ခံစားရလျက် စိတ်ပိုင်းဆိုင်ရာ သေလောက်အောင် အလွန်ညှိုးငယ်ခဲ့သော်လည်း ဘုရားသခင်၏ တန်ခိုးတော်သည် သေခြင်းကို ချေမှုန်းအောင်မြင်ခဲ့သည်။ ထို့ကြောင့် သေခြင်း (သို့)
အခြားမည်သည့် ရုန်းကန်ရမှုဖြစ်ပါစေ၊ ထိုဖိစီးမှုများက ကျွန်ုပ်တို့ကို ထာဝရချုပ်နှောင် ဖမ်းထားနိုင်သော အစွမ်းမရှိပါ။ တစ်နေ့သောအချိန်တွင် ယုံကြည်သူအားလုံး ဘုရားသခင်၏မျက်မှောက်တော်၌ ထာဝရအသက်နှင့်ပြည့်ဝစုံလင်မှုကို ခံစားရမည် ဖြစ်သည်။ ဤအနာဂတ်ကို မျက်မှောက်ပြုခြင်းဖြင့် ယနေ့တွင် လွတ်မြောက်မှုကို ကျွန်ုပ်တို့ ရှာဖွေတွေ့နိုင်အောင် မစလိမ့်မည်။ JENNIFER BENSON SCHULDT