ပြက္ခဒိန်ကိုလှန်ရင်း ဒီဇင်ဘာလမရောက်မီကပင် ကျွန်ုပ်တို့၏ မြောက်ပိုင်းမြို့လေးများတွင် ခရစ်စမတ် ပျော်ပွဲရွှင်ပွဲလေးများကို စတင်ကျင်းပကြပါပြီ။ ဆေးခန်းတစ်ခု၌ သစ်ပင်နှင့် ချုံပုတ်လေးများကို ရောင်စုံမီးများနှင့် အလှဆင်ထားရာ ညအချိန်မြင်ကွင်းမှာ ရင်သပ် ရှုမောဖွယ် ကောင်းလှတော့သည်။ အခြားတစ်နေရာတွင်မူ အဆောက်အဦကို ထည်ဝါခမ်းနားသော ခရစ်စမတ်လက်ဆောင်ထုပ်ပုံ ထုပ်ပိုး ဆင်ယင်ထားသည်။ ဘယ်နေရာကြည့်ကြည့် ခရစ်စမတ်ပုံရိပ် ကင်းသည့် နေရာမရှိ၊ အနည်းဆုံးတော့ ခရစ်စမတ်ဈေးကွက် အစပြုပြီဖြစ်သည်။

ဤသို့ မြိုင်မြိုင်ဆိုင်ဆိုင် ဖြစ်နေသည့် အပြင်အဆင် များကို လူအချို့က သဘောကျသော်လည်း အချို့မှာမူ အပြစ်သာ မြင်သည်။ သို့သော် ခရစ်စမတ်အပေါ် အခြားသူများ၏အမြင်အဓိပ္ပာယ် ဖွင့်ဆိုချက်က အမှန်တကယ် အရေးကြီးသည့်အရာ မဟုတ်ပါ။ ဤသို့ပွဲဆင်နွဲ ကျင်းပခြင်း သည် မိမိအတွက် မည်သည့်အဓိပ္ပာယ်ဖြစ်သည်ကို စဉ်းစားဆင်ခြင်သင့်သည်။

သခင်ယေရှုမွေးဖွားပြီး နှစ်ပေါင်း ၃၀ ကျော်နောက်တွင် သခင်က သူ့တပည့်တော် များအား ‘‘ငါသည် အဘယ်သူဖြစ်သနည်း’’ (း၁၃) ဟု မေးမြန်းရာ အခြားသူတို့၏အဖြေကို သူတို့ပြန်ပြောကြသည်။ ‘‘လူအချို့က ကိုယ်တော်သည် ဗတ္တိဇံဆရာယောဟန် ဖြစ်သည်ဟူ၍လည်းကောင်း၊ ဧလိယဖြစ်သည်ဟူ၍ လည်းကောင်း၊ ပရောဖက် တစ်ပါးပါးဖြစ်သည်ဟူ၍လည်းကောင်း ဆိုကြပါ၏’’ ဟု ပြန်ဖြေကြသည် (း၁၄)။ သင်တို့လည်း ငါ့ကို အဘယ်သူဖြစ်သည် ဆိုကြသနည်းဟု ထပ်မေးရာ (း၁၅) ရှိမုန်ပေတရုက ‘‘ကိုယ်တော်သည် ခရစ်တော် တည်းဟူသော အသက်ရှင်တော်မူသော ဘုရားသခင်၏သားတော် ဖြစ်တော်မူသည်’’ ဟု လျှောက်ခဲ့သည် (း၁၆)။

ဤနှစ်တွင်လည်း သခင်ယေရှုသည် မည်သူဖြစ်သည်ကို မတွေးဘဲ လူတို့ ခရစ်စမတ်ကို ကြိုဆိုကြပါလိမ့်မည်။ သို့သော် ခရစ်စမတ်သည် ရင်ကိုနွေးထွေးစေသော နွားတင်းကုပ်၌ မွေးဖွားခဲ့သည့် ကလေးငယ်အကြောင်းလား၊ သို့မဟုတ် ကျွန်ုပ်တို့၏ ဖန်ဆင်းရှင်သခင်သည် သူဖန်ဆင်းသောလူသားများအတွက် လူ့ဇာတိကို ခံယူခဲ့ခြင်းလား စသည့် အရေးကြီးသည့် ဤမေခွန်းမျိုးကို လူတို့စဉ်းစားအောင် ကျွန်ုပ်တို့ကူညီကြပါစို့။ TIM GUSTAFSON