အမေရိကန်ဥပဒေရုံးတော်၏ ညွှန်ကြားချက် (ယခင် ကော်ကေးရှန် ကျောင်းသားများသာ တက်ရောက်နိုင်သောကျောင်းကို အာဖရိကန်-အမေရိကန် ကျောင်းသားများ တက်ရောက် သင်ကြားနိုင်ရန် ချမှတ်သောဥပဒေ) ကို လိုက်နာမည့်အစား ၁၉၅၈ ခုနှစ်တွင် ပိတ်လိုက်သော မူလတန်းကျောင်းအဟောင်း တစ်ခုတွင် ကျွန်ုပ်တို့ အသင်းတော်ပြုလျက် ၀တ်ပြုစည်းဝေးကြပါသည်။ ၁၉၅၉ ခုနှစ်တွင် ထိုမူလတန်းကျောင်းပြန်ဖွင့်ပြီး ယခု ကျွန်ုပ်တို့အသင်းသား တစ်ဦးဖြစ်သည့် အဲလ်ဗာ သည် ထိုအချိန်က လူဖြူအသိုင်းအဝိုင်းသို့ အတင်းအကြပ် ဖိအားပေး သွတ်သွင်းခံရသော လူမဲ ကျောင်းသူ တစ်ဦးဖြစ်ခဲ့သည်။ “ကျွန်မနဲ့ အသားကျ ရင်းနှီးတဲ့ ဆရာဆရာမများအပါအဝင် လုံခြုံမှု ရှိတဲ့ အသိုင်းအဝိုင်းက အထုတ်ခံရပြီး အခြားလူမဲကျောင်းသားတစ်ဦးနဲ့ကျွန်မ နှစ်ယောက်ပဲ ရှိတဲ့ ကြောက်စရာ စာသင်ခန်းအသစ်ကို အပို့ခံရတယ်” ဟု အဲလ်ဗာက ပြန်လည်ပြောပြသည်။ အဲလ်ဗာ သည် အခြားကျောင်းသားများနှင့် ကွဲပြားခြင်းကြောင့် ဒုက္ခခံရသော်လည်း သတ္တိရှိသော၊ ယုံကြည်ခြင်း၊ ခွင့်လွှတ်ခြင်းတို့နှင့် ပြည့်ဝသော အမျိုးသမီးတစ်ဦးဖြစ်လာသည်။

သူ၏သက်သေခံချက်သည် အလွန်မှနက်နဲသည်။ မည်သည့်လူမျိုး၊ မည်သည့် ယဉ်ကျေးမှုဓလေ့မှ လာသည်ဖြစ်စေ လူသားတိုင်းကို ဘုရားသခင်ချစ်ကြောင်း အမှန်တရားကို လက်မခံသည့် လူ့ဘောင်အဖွဲ့အစည်းမှ လူအချို့၏လက်၌ အဲလ်ဗာ အလွန် ဒဏ်ခံခဲ့ရသည်။ လူမျိုးတစ်မျိုး(ယုဒလူ) ဖြစ်ခြင်းကြောင့် ဘုရားသခင်၏ ချစ်ခြင်းကို ခံရပြီး အခြားသူများက ငြင်းပယ်ခံရသည်ဟု သိထားခြင်းကြောင့် ကနဦး အသင်းတော်မှ အသင်းသားအချို့သည်လည်း ထိုနည်းတူ ဒဏ်ခံခဲ့ရသည်။ ဘုရားသခင် ထံမှ ရူပါရုံကိုရရှိပြီးနောက် ရှင်ပေတရုက “အကယ်စင်စစ် ဘုရားသခင်သည် လူမျက်နှာကို မှတ်တော်မမူ။ လူအမျိုးမျိုးတို့တွင် ဘုရားသခင်ကို ကြောက်ရွံ့၍ တရားသဖြင့် ကျင့်ဆောင်သောသူသည် အထံတော်၌ မျက်နှာရသည်ကို ငါသိမြင်၏” (တ ၁၀း၃၄-၃၅) ဟု အံ့ဖွယ် ဖွင့်ပြချက်ကို ထုတ်ဖော်ပြောလိုက်ရာ ကြားနာသူများမှာ အံ့သြမိန်းမော တွေဝေသွားတော့သည်။

ဘုရားသခင်သည် သူ၏ချစ်ခြင်းမေတ္တာကို ဖြန့်ဝေပေးရန် လူတိုင်းအတွက် လက်တော်ကို ဆန့်တန်းပေးသည်။ သခင်၏တန်ခိုးခွန်အားဖြင့် ကျွန်ုပ်တို့လည်း ထိုနည်းအတိုင်း ပြုကြပါစို့။ WINN COLLIER