ရုပ်သံအစီအစဉ်တစ်ခု၌ အရွယ်ရောက်လူငယ်များက ဆယ်ကျော်သက်ဘဝကို ပို၍ နားလည်ရန် အထက်တန်းကျောင်းသားအဖြစ် ဟန်ဆောင်ကြသည်။ ဆယ်ကျော်သက် များသည် မိမိတို့၏တန်ဖိုးကို မည်သို့ တိုင်းတာကြောင်းလေ့လာရာ လူမှုဆက်သွယ်ရေး မီဒီယာနည်းလမ်းက အဓိကအခန်းကဏ္ဍ၌ပါဝင်နေကြောင်း ထိုသူတို့ တွေ့ရှိခဲ့ကြသည်။“ကျောင်းသားလူငယ်များ၏ မိမိကိုယ်ကို တန်ဖိုးထားမှုမှာ လူမှုမီဒီယာများနှင့် တွဲလျက် ရှိတယ်။ ဓာတ်ပုံတစ်ပုံ အတွက် သူတို့ ‘Likes’ ဘယ်လောက်ရသည့်အပေါ် အမှီပြုနေတယ်” ဟု အစီအစဉ်၌ ပါဝင်သူတစ်ဦးက လေ့လာတွေ့ရှိခဲ့သည်။ ဤသို့ တစ်ပါးသူ၏ လက်ခံမှုကိုလိုလားခြင်းက လူငယ်များကို အွန်လိုင်းပေါ် အစွန်းရောက် ပြုမူကျင့်ကြံရန် တွန်းပို့နိုင်သည်။

တစ်ပါးသူ၏လက်ခံမှုကို လိုလားတောင့်တခြင်းက အမြဲရှိနေသည်။ က ၂၉ တွင် လေအာသည် ခင်ပွန်း ယာကုပ် ထံမှမေတ္တာကို တောင့်တသည်ကို နားလည်နိုင်ပါသည်။ သူ၏ အထီးကျန်မှုကို အမိအရ ဖော်ကျူးနေသည့် သူ့သားသုံးဦး၏နာမည်များက ဤအချက်ကို ထင်ဟပ်ပြနေသည် (း၃၁-၃၄)။ သို့သော် ဝမ်းနည်းစရာမှာ သူတောင့်တသည့် လက်သင့်ခံခြင်းမျိုးကို ယာကုပ် ပေးခဲ့ကြောင်း တစ်ခါမျှ ဖော်ပြထားခြင်းမရှိပါ။

စတုတ္ထသားကို မွေးဖွားသည့်အခါ လေအာသည် သူ့ခင်ပွန်းယာကုပ်ကို မျှော်နေ မည့်အစား ဘုရားသခင်ထံလှည့်ပြီး “ချီးမွမ်းသည်”ဟု အနက်ရှိသည့် ယုဒဟူ၍ သားကို အမည်ပေးခဲ့သည် (း၃၅)။ အဆုံး၌ လေအာသည် သူ့ရည်မှန်းချက်ကို ဘုရားသခင်ထံမှ ရှာဖွေရန် ရွေးချယ်ခဲ့ပုံရသည်။ သူသည် ဘုရားသခင်၏ ကယ်တင်ခြင်းဇာတ်ကြောင်း၌ တစ်စိတ်တစ်ပိုင်းပါဝင်ခဲ့သည်။ ဒါဝိဒ်မင်းသည် ယုဒအနွယ်မှ ဆင်းသက်လာပြီး၊ ထိုမှ သခင်ယေရှု မွေးဖွားလာခဲ့သည်။

ကျွန်ုပ်တို့၏မျှော်မှန်းချက်ကို နည်းလမ်းအမျိုးမျိုး၊ အရာအမျိုးမျိုးတို့မှ ကြိုးစားရှာဖွေ နိုင်ပါသော်လည်း သခင်ယေရှုတစ်ပါးတည်းထံမှသာ ခရစ်တော်နှင့်အတူ အမွေခံရမည့် ဘုရားသခင်၏သားသမီးများအဖြစ်၊ ကောင်းကင်ဘုံရှင် အဘဘုရားသခင်နှင့် အတူ ထာဝရ နေရမည့်သူများအဖြစ် မိမိတို့၏ဖြစ်တည်မှု အစစ်အမှန်ကို ရှာဖွေတွေ့ရှိ နိုင်ပါသည်။ ရှင်ပေါလုရေးသားထားသကဲ့သို့ ဤလောကတွင်ရှိသော အရာတစ်ခုမျှ “အဖိုးအနန္ဃထိုက်သော ခရစ်တော်ကိုသိသောပညာ”နှင့် နှိုင်းယှဉ်၍ မရနိုင်ပါ (ဖိ ၃း၈)။ PETER CHIN