လူတစ်ဦးသည် သူ့နေအိမ်အပြင်ဘက်တွင် လုံခြုံရေးကင်မရာတပ်ဆင်ပြီး ပုံထွက် ကောင်းမကောင်း၊ ကင်မရာ အလုပ်လုပ်မလုပ် သေချာအောင် ပြန်လည် စစ်ဆေးနေသည်။ ထိုသို့စစ်ဆေးနေစဉ် ပခုံးကျယ်ကျယ်၊ အနက်ရောင်ဝတ်ဆင်ထားသူတစ်ဦး နောက်ဖေး ခြံဝင်းထဲတွင် ဟိုဟိုဒီဒီသွားနေသည်ကို သူတွေ့နေသည်။ ထိုကျူးကျော်ဝင်ရောက်သူကို သူရင်းရင်းနှီးနှီး တွေ့ဘူးနေသည်။ နောက်ဆုံးတွင် ထိုသူသည် သူကိုယ်တိုင်ပင် ဖြစ်နေကြောင်း သတိထားမိတော့သည်။

ကျွန်မတို့သည် မိမိကိုယ်ခန္ဓာမှ အပြင်ဘက်သို့ ထွက်ပြီး ကိုယ်ကိုယ်ကိုယ် အခြေအနေအမှန်ကို လေ့လာ သုံးသပ်သည့်အခါ မည်သည့်အရာကို တွေ့မည်နည်း။ ဒါဝိဒ်မင်းကြီးသည် ဗာသရှေဘနှင့်ပတ်သက်၍ နှလုံးသား ခိုင်မာလျက်ရှိစဉ်တွင် သူ၏ပြင်ပမှ သူ့အပေါ် မည်သို့ မြင်သည်ကို သိရှိစေရန် ဘုရားသခင်က ပရောဖက်နာသန်ကို စေလွှတ်၍ သူ့အားကယ်တင်ခဲ့သည် (၂ ရာ ၁၂)။

နာသန်က ဒါဝိဒ်မင်းကြီးအား ဆင်းရဲသားတစ်ဦး၏တစ်ကောင်တည်းသောသိုးအား လုယူသည့် သူဌေးတစ်ဦး အကြောင်းကို ပြောပြသည်။ တိရိစ္ဆာန်အကောင်ရေ များစွာ ပိုင်ဆိုင်သော်လည်း သူဌေးကြီးသည် ဆင်းရဲသား၏ တစ်ကောင်တည်းသောသိုးကို လုယူသတ်ဖြတ်ပြီး ဟင်းလျာအဖြစ် ချက်ပြုတ်စားသောက်သည်။ ဒါဝိဒ်မင်း၏ပြုမူပုံကို နှိုင်းယှဉ်ဖော်ပြသော နာသန်၏ပုံပြင်ကို ကြားပြီးနောက် ဒါဝိဒ်သည် ဥရိယ စိတ်ထိခိုက် အောင် ပြုမူမိခဲ့သည်ကို ပြန်လည်မြင်ယောင်မိသည်။ နာသန်သည် ဖြစ်ပေါ်လာမည့် ကွင်းဆက်ကို ဖော်ပြသော်လည်း အဓိကထင်သာမြင်သာစွာ သိစေလိုသည့်အရာမှာ “ထာဝရဘုရားသည် ကိုယ်တော်အပြစ်ကို ကယ်တော်မူပြီ” (း၁၃) ဟူ၍ပင်ဖြစ်သည်။

ကျွန်ုပ်တို့၏အသက်တာတွင် ဘုရားသခင်ဖော်ပြသည့် အပြစ်ဒုစရိုက်သည် ကျွန်ုပ်တို့အား အပြစ်တင်ပြောဆိုရန် ရည်ရွယ်ခြင်းမဟုတ်ဘဲ ကျွန်ုပ်တို့ပြစ်မှားသော သူနှင့် ပြန်လည်သင့်မြတ်စေရန် အတွက်သာဖြစ်သည်။ ဘုရားသခင်၏ခွင့်လွှတ်ခြင်းနှင့် တကွ ကျေးဇူးတော်အားဖြင့် ကျွန်ုပ်တို့၏နောင်တတရားသည် ကိုယ်တော်နှင့် ပိုမိုနီးကပ် စေရန် လမ်းရှင်းပေးခြင်းသာဖြစ်သည်။ JENNIFER BENSON SCHULDT