အမျိုးသမီးတစ်ဦးသည် လမ်းမပေါ် ကားမောင်းထွက်လာစဉ် ကျောင်းသားများ ဆင်းနေသည့် ကျောင်းကြိုပို့ယာဉ်ကို မစောင့်လိုဘဲ ပရမ်းပတာ မောင်းပြီး လမ်းဘေး လူသွားလမ်းပေါ်တက်သွားကာ ပြန်ဆုတ်လာသည်။ သူ့ကို ရဲဌာနမှ အရေးယူခဲ့သည်။

စောင့်ဆိုင်းရခြင်းက စိတ်မရှည်စရာဖြစ်သည် မှန်သော်လည်း စောင့်ဆိုင်းနေစဉ် လုပ်စရာ၊ သင်ယူစရာများရှိနေပါသည်။ ယေရုရှလင်မြို့မှ မထွက်သွားရန် တပည့်တော်များကို မိန့်ကြားစဉ် (း၎) ဤအချက်ကို သခင်ယေရှု သိမှတ်ခဲ့သည်။ သန့်ရှင်းသော ဝိညာဉ်တော်၌ ဗတ္တိဇံခံယူရန် သူတို့စောင့်ဆိုင်းနေရခြင်း ဖြစ်သည် (း၅)။

အထက်ခန်း၌ သူတို့ စုရုံးနေကြစဉ် သူတို့ စိတ်လှုပ်ရှားလျက် မျှော်လင့်တကြီး စောင့်စားနေကောင်း စောင့်နေမည်။ သခင် သူတို့ကို စောင့်စားရန် မိန့်ကြားစဉ် သခင်က ဘာမှမလုပ်ဘဲ စောင့်ရန် မဆိုလိုကြောင်း သူတို့ နားလည်ပုံရသည်။ သူတို့ဆုတောင်းလျက် စောင့်သည် (း၁၄)။ နှုတ်ကပတ်တော်အလိုအရ ယုဒကို အစားထိုးရန် တပည့်တော် အသစ်တစ်ပါးကို ရွေးချယ်ခဲ့ကြသည် (း၂၆)။ ဝတ်ပြုကိုးကွယ်လျက် ဆုတောင်းကြစဉ် သူတို့အပေါ်သို့ သန့်ရှင်းသောဝိညာဉ်တော်သက်ရောက်လေသည်(၂း၁-၄)။

တပည့်တော်တို့သည် စောင့်ဆိုင်းရုံ စောင့်ဆိုင်း နေကြခြင်းမက သူတို့ကိုယ်ကို ပြင်ဆင်နေခဲ့ကြသည်။ ဘုရားသခင်ကို စောင့်ဆိုင်းစဉ် ဘာမှ မလုပ်ရန် (သို့) စိတ်မရှည်စွာနှင့် တစ်စုံတစ်ရာကို ရှေ့ဆက်တိုးလုပ်ဆောင်ရန် ဟူသည့် အဓိပ္ပာယ် မသက်ရောက်ပါ။ ထိုသို့ဖြစ်မည့်အစား ကျွန်ုပ်တို့ ဆုတောင်း၊ ကိုးကွယ်လျက် မိတ်သဟာယပြုလျက် ကိုယ်တော် ဘာပြုမည်ကို စောင့်စားနိုင်ပါသည်။ စောင့်စားနေရသည့်အချိန်သည် ရှေ့ဖြစ်လာမည့်အရာအတွက် ကျွန်ုပ်တို့၏ခန္ဓာ စိတ်ဝိညာဉ်ကို ပြင်ဆင်ပေးပါသည်။

ဘုရားသခင် ကျွန်ုပ်တို့ကို စောင့်စားရန် မိန့်ကြားလျှင် ကိုယ်တော်နှင့် ကျွန်ုပ်တို့ အတွက် ကိုယ်တော်၏အကြံအစည်ကို ယုံကြည်နိုင်ကြောင်း သိမှတ်လျက် စိတ်လှုပ်ရှား နေနိုင်ပါသည်။ PETER CHIN