ကျွန်မသူငယ်ချင်း Erin ၏ ခြေချင်းဝတ်တွင် ထိုးထားသော ဘိုးလင်းဘောလုံးနှင့် လဲကျ နေသော ပစ်မှတ်ပင် ဆေးမင်ကြောင်ရုပ်ကို စိတ်ဝင်တစားနှင့်ကြည့်နေမိသည်။ Erin သည်လည်း Sara Groves ၏ သီချင်းဖြစ်သော (ပင်ပြန်ထောင်လိုက်) Setting Up the Pins သီချင်းကို နားထောင်မိပြီး ထိုတစ်မူထူခြားသော တက်တူးပုံလေးကိုထိုးရန် အကြံရခဲ့သည်။ ထိုကောင်းမွန်သော သီချင်းစာသားလေးတွင် နားဆင်သူများအား အဖန်တစ်လဲလဲ လုပ်ရသောအလုပ်များက အဓိပ္ပာယ်မရှိသကဲ့သို့ ခံစားရစေသော်လည်း ဘိုးလင်းဘောလုံးပစ်ခံရရန်အတွက် ပြန်ပြန်ထောင်နေရသည့်အဖြစ် တွင် ၀မ်းမြောက်ခြင်းကို ရှာဖွေရန် တိုက်တွန်းထားသည်။

အဝတ်လျှော်၊ ချက်ပြုတ်၊ မြတ်ရိတ် စသော အလုပ် များကဲ့သို့ပင် ဘ၀တွင် တစ်ခါပြီးမြောက်တိုင်း ထပ်ခါတစ်လဲလဲ
လုပ်ဆောင်နေရသော အမှုအရာများဖြင့် ပြည့်နေသည်။ ၎င်းသည် အသစ်သောရုန်းကန်ရမှု မဟုတ်ဘဲ စိတ်ပျက်စရာ နည်းဟောင်းများသာ ဖြစ်သည်။ ဓမ္မဟောင်းကျမ်းမှ ဒေသနာကျမ်းတွင် လူတစ်ဦးသည် ထိုသို့ရုန်းကန်ခဲ့ရ သည်။ ကျမ်းအစတွင် စာရေးသူက နိစ္စဓူဝလုပ်ဆောင်နေရပြီး မဆုံးနိုင်သော လူ့ဘ၀ သံသရာသည် အချည်းအနှီးဖြစ်သည်သာမက (၁း၂-၃) အဓိပ္ပာယ်မရှိကြောင်း ညည်းညူ လျက် “ဖြစ်ဘူးသောအရာသည် ဖြစ်လတံ့သော အရာနှင့်တူ၏။ ယခုပြုသောအမှုသည် ပြုလတံ့သော အမှုနှင့်တူ၏” (း၉) ဟု ဖော်ပြထားပါသည်။

ပျော်ရွှင်ခြင်းနှင့် စစ်မှန်သော ပြည့်စုံခြင်းသည် ဘုရားသခင်ကိုကြောက်ရွံ့၍ ပညတ်တော်တို့ကို စောင့်ရှောက်ခြင်းမှ လာခြင်းဖြစ်ကြောင်းကို သတိရခြင်းဖြင့် ကျွန်မ သူငယ်ချင်းကဲ့သို့ပင် ဒေသနာဆရာသည်လည်း ၀မ်းမြောက်ခြင်းနှင့် ဘ၀၏အဓိပ္ပာယ်ကို ပြန်တွေ့ခဲ့သည်(၁၂း၁၃)။ ဘုရားရှင်သည် ပုံမှန်ဖြစ်သောအရာနှင့် အရေးမပါပုံ ပေါက်နေ သည့် ဘဝ၏အမှုအရာများကိုပင် တန်ဖိုးထားကာ၊ သစ္စာရှိစွာ လုပ်ဆောင်မှုအတွက် ဆုများပြင်ဆင်ထားနှင့်ကြောင်း သိရခြင်းက ကျေနပ်နှစ်သိမ့်စရာပင် (း၁၄)။

သင်ရော မည်သို့သော“ပင်”များကို ထပ်ခါထပ်ခါပြန်ထောင်နေရပါသနည်း။ ထပ်ခါတလဲလဲ လုပ်နေရသောအမှုအရာများကြောင့် ပင်ပန်းနွမ်းနယ်ချိန်များတွင် ဤအလုပ်များကို ချစ်ခြင်းပူဇော်သက္ကာအဖြစ် ဘုရားရှင်ထံ ဆက်ကပ်ပူဇော်ရန် အချိန်ယူ ကြပါစို့။ LISA SAMRA