လေယာဉ်မတော်တဆဖြစ်မှုကြောင့် အဖေဖြစ်သူနှင့် မိထွေးတို့ဆုံးပါးသွားပြီး သားဖြစ်သူ လူငယ်လေးမှာ အပြင်းအထန် ဒဏ်ရာရရှိသွားသည့်အကြောင်းကို အက်ဘီ ပထမနှစ် အထက်တန်းကျောင်းသူဘဝတွင် သူမနှင့် သူ့အမေတို့ ကြားလိုက်ရ သည်။ သူတို့သည် ထိုလူငယ်လေးကို မသိသော်လည်း အက်ဘီ ၏အမေက “အမေတို့ အဲဒီလူငယ်လေးနဲ့ သူ့မိသားစုအတွက် ဆုတောင်းပေးဖို့ လိုအပ်တယ်” ဟု ပြောပြီး သူတို့ ဆုတောင်းပေးဖြစ်ခဲ့ကြသည်။

နှစ်အနည်းငယ်ကြာပြီးနောက် တစ်နေ့တွင် အက်ဘီ သည် တက္ကသိုလ်ရှိ စာသင်ခန်းထဲသို့ ဝင်လာစဉ် ကျောင်းသားတစ်ဦးက သူ့နံဘေးမှထိုင်ခုံတွင် သူမကို နေရာ ပေးခဲ့သည်။ ထိုကျောင်းသားမှာ လေယာဉ်ပျက်ကျစဉ်က သူမဆုတောင်းပေးခဲ့သော အော်စတင်ဟက်ခ်ျ ဆိုသော လူငယ်လေး ဖြစ်နေသည်။ သူတို့တွဲပြီး သိပ်မကြာပါ။ ၂၀၁၈ ခုနှစ်တွင် လက်ထပ်ဖြစ်ခဲ့ကြသည်။

သူတို့ လက်မထပ်မီ အင်တာဗျူးတစ်ခုတွင် “ကျွန်မ ခင်ပွန်းလောင်းအတွက် ကျွန်မဆုတောင်းပေး နေခဲ့တာ ပါလားလို့ တွေးမိရင် ရူးသွားနိုင်တယ်” ဟု ဖြေကြားခဲ့သည်။ ကျွန်ုပ်တို့သည် မိမိလိုအင်များနှင့် မိမိနှင့်ရင်းနှီးခင်မင်ဆုံးသူများအတွက် စသည်ဖြင့် ဆုတောင်းချက်များ ကို ကန့်သတ်ပြီး အခြားသူများအတွက် အချိန်ယူ ဆုတောင်းပေးခြင်းမရှိသည့်အဖြစ်မျိုး ဖြစ်တတ်ပါသည်။ သို့သော် ရှင်ပေါလုက ဧဖက်မြို့ရှိ ယုံကြည်သူများထံ ပေးပို့သောစာ တွင် “ကာလအစဉ် စိတ်နှလုံးပါလျက် ဆုတောင်းပတ္ထနာပြုခြင်း အမျိုးမျိုးတို့ဖြင့် ဆုတောင်းကြလော့။ ထိုဆုတောင်းခြင်းငှာ အားမလျော့ဘဲလျက် ငါမှစ၍ သန့်ရှင်းသူ အပေါင်းတို့အဖို့ ဆုတောင်းလျက် စောင့်ရှောက်ကြလော့” (ဧ ၆း၁၈) ဟု ပြောခဲ့သည်။ ၁တိ ၂း၁ တွင်လည်း ရှင်ဘုရင်မှစ၍ မင်းအာဏာရှိသောသူအပေါင်းတို့နှင့် လူအမျိုးမျိုးတို့အဖို့ ဆုတောင်းပတ္ထနာပြုရန် ပြောထားပါသည်။

ကျွန်ုပ်တို့ မသိသောသူများဖြစ်လင့်ကစား သူတို့အတွက် ဆုတောင်းပေးကြပါစို့။ ဤနည်းဖြင့် ကျွန်ုပ်တို့သည် ထမ်းရွက်စရာဝန်ချင်းတို့ကို အချင်းချင်း ကူညီထမ်းရွက် နိုင်ကြမည်ဖြစ်သည် (ဂလာတိ ၆း၂)။ DAVE BRANON