လူမဆန်စွာ ကားကို ၀ိုင်း၍ဖျက်ဆီးကြသည့်အတွက် မေရီ အန်း ဖရန်ကို ဒုက္ခရောက် ခဲ့သည်။ အသက်ရှင် ကျန်ရစ်ခဲ့ငြားလည်း ဒဏ်ရာကြောင့် မျက်စိကွယ်ခဲ့၏။ “မြင်မြင်သမျှက အမှောင်ထုပဲ” ဟု ဖရန်ကို ဆိုသည်။ ၂၁ နှစ်ကြာပြီးနောက် ချော်လဲပြီး ခါးဒဏ်ရာရခဲ့သည်။ (မျက်စိနှင့်လုံးဝမဆိုင်သည့်) ခါးဒဏ်ရာခွဲစိတ်မှုမှ သတိပြန်ရ လာချိန်တွင် အံ့သြဖွယ် သူမျက်စိပြန်မြင်ခဲ့သည်။ နှစ်ပေါင်း ၂၀ ကျော်ကြာပြီးမှ ပထမဆုံးအနေနှင့် သူ့သမီး၏ မျက်နှာကို ဖရန်ကို ပြန်မြင်ရသည်။ သူ့မျက်စိပြန်မြင်ရခြင်းကို သိပ္ပံနည်းကျ မရှင်းပြနိုင်ကြောင်း ဦးနှောက်နှင့်အာရုံကြော ခွဲစိတ်ဆရာဝန်က ပြောသည်။ အဆုံးဟု ထင်ရသည့် အမှောင်ထုက အလှတရားနှင့်အလင်းသို့ ပို့ဆောင်ခဲ့သည်။

ဉာဏ်ပညာမဲ့မှုနှင့် ဒုစရိုက်တို့၏ဖုံးကွယ်မှုက ကမ္ဘာကြီးကို လွှမ်းခြုံထားပြီး ဘုရားရှင်၏မေတ္တာကို မမြင်နိုင်အောင်ကွယ်ထားကြောင်း (ဟေရှာ ၂၅း၇) သမ္မာကျမ်းနှင့် ကျွန်ုပ်တို့၏အတွေ့အကြုံများက ပြောနေ၏။ အတ္တ၊ လောဘ၊ လွတ်လပ်လိုစိတ်၊ တန်ခိုး အာဏာ တပ်မက်မှုတို့က ကျွန်ုပ်တို့၏အမြင်ကိုပိတ်ထားပြီး “အံ့ဖွယ်သောအမှုတို့ကို ပြုတော်မူပြီး… သစ္စာနှင့်မြဲမြံ” သည့် ဘုရားရှင်ကို (း၁) ရှင်းလင်းစွာ မမြင်နိုင်အောင် ကာထားသည်။

ဘာသာပြန်တစ်ခုက ဤတင်းတိမ် ပိတ်ဖုံးထားခြင်းကို “တိမ်သလ္လာမည်း” ဟု ခေါ်ဆိုထားသည်။ မိမိတို့ဘာသာဆိုလျှင် တစ်ခါတစ်ရံ အမှောင်ဖုံးကာ၊ မရေမရာဖြစ်ပြီး၊ စိတ်ပျက်အားငယ်မှုတို့ကို တွေ့ကြုံခံစားရသည်။ ကျွန်ုပ်တို့သည် တစ်ခါတစ်ရံ ချောင်ပိတ်ကာ စမ်းတ၀ါးဝါးနှင့် ဒယီးဒယိုင်ဖြစ်ပြီး ရှေ့ဆက် သွားရမည့်လမ်းကို မမြင်နိုင်ပါ။ သို့သော် ပရောဖက်ဟေရှာယက ဘုရားသခင်သည် နောက်ဆုံးတွင် “လူမျိုးတို့ကို ဖုံးလွှမ်းသော တင်းတိမ်ကိုလည်းကောင်း ပယ်တော်မူ လိမ့်မည်”ဟုကတိပေးထားသည့်အတွက် ကျေးဇူးတော်ကြီးလှပါသည်(း၇)။

ကျွန်ုပ်တို့ကို မျှော်လင့်ခြင်းမဲ့သည့်အခြေအနေ၌ ဘုရားသခင်သည် ပစ်မထားပါ။ သူ၏ချစ်မေတ္တာအလင်းက ကျွန်ုပ်တို့အမြင်ကိုကွယ်စေသည့်အရာမှန်သမျှကို ဖယ်ရှား ပေးလျက် ကောင်းမွန်သည့်အသက်တာ၊ ကြွယ်ဝသည့် ကျေးဇူးတော်စသည့် လှပသည့် အမြင်ရူပါရုံဖြင့် ကျွန်ုပ်တို့ကို အံ့သြမိန်းမောစေပါသည်။ WINN COLLIER