ကျွန်တော် အာရှ၌ခရီးသွားစဉ် ဖတ်ရမည့်စာများ၊ အလုပ်ဖိုင်များ ထည့်သွင်းထားသည့် အိုင်ပက် မှာ ရုတ်တရက် ပျက်သွားပြီး ဖန်သားမျက်နှာပြင်မည်းမည်းသာ ပေါ်လာသည်။ အကူအညီရှာရာ ကွန်ပြူတာဆိုင်တစ်ဆိုင်ကိုတွေ့သော်လည်း ပြဿနာမှာ ကျွန်တော်က တရုတ်စကား မပြောတတ်၊ ဆိုင်ရှင် ဆရာသမားကလည်း အင်္ဂလိပ်လို မပြောတတ်ပါ။ မည်သို့ဖြေရှင်းမည်နည်း။ သို့နှင့် ဆော့ဝဲလ်ပရိုဂရမ်တစ်ခု အားဖြင့် သူက တရုတ်လို စာရိုက်လိုက်ပြီး ကျွန်တော်က အင်္ဂလိပ်လို ပြန်ဖတ်နိုင်သည်။ ကျွန်တော်က အင်္ဂလိပ်လို စာရိုက်ထည့်လျှင် သူက တရုတ်လို ပြန်ဖတ်နိုင်သည်။ ဘာသာစကား မတူသည့်တိုင် ထိုဆော့ဝဲလ်ကြောင့် ကျွန်ုပ်တို့ ရှင်းလင်းစွာ ဆက်သွယ်နိုင်ခဲ့သည်။

ကောင်းကင်ဘုံရှင် အဘဘုရားထံ ကျွန်ုပ်ဆုတောင်း သည့်အခါ ကျွန်ုပ်နှလုံးသားကို ကောင်းစွာ မဖော်ပြနိုင်၊ မဆက်သွယ်နိုင်ဟု အချိန်အတော်များများ ခံစားရသည်။ ကျွန်ုပ်တစ်ဦးတည်း ထိုသို့ဖြစ်နေသည် မဟုတ်ပါ။ ကျွန်ုပ်တို့ အများစုသည် ဆုတောင်းခြင်းနှင့်ပတ်သက်ပြီး တစ်ခါတစ်ရံ ရုန်းကန်ကြရသည်။ သို့သော် “ထိုမှတစ်ပါး၊ ငါတို့မတတ်နိုင်သောအရာမှာ ၀ိညာဉ်တော်သည် မစတော် မူ၏။ ငါတို့သည် ဆုတောင်းသင့်သည်အတိုင်း အဘယ်ဆုကို တောင်းရမည်ဟုမသိကြ။ သို့ရာတွင် ငါတို့ ဆုတောင်းခြင်း အမှုကို နှုတ်မမြွက်နိုင်သော ညည်းတွားခြင်းအားဖြင့် ၀ိညာဉ်တော်သည် စောင့်မတော်မူ၏။ စိတ်နှလုံးကို စစ်တော် မူသောသူသည်လည်း ၀ိညာဉ်တော်၏စိတ်သဘောကို သိတော်မူ၏။ … ၀ိညာဉ်တော် သည် သန့်ရှင်းသောသူတို့၏ဆုတောင်းခြင်းအမှုကို ဘုရားသခင်၏အလိုတော်နှင့်အညီ စောင့်မတော်မူ၏” ဟူ၍ ရှင်ပေါလု ရေးသားထားသည် (ရောမ ၈း၂၆-၂၇)။

သန့်ရှင်းသောဝိညာဉ်တော်၏ဆုကျေးဇူးတော်ကား အံ့ဖွယ်ပင်။ ကွန်ပြူတာ ပရိုဂရမ်ထက် ပိုကောင်းသည်။ ၀ိညာဉ်တော်က ကျွန်ုပ်တို့၏အတွေးများနှင့် ဆန္ဒများကို အဘဘုရား၏ရည်ရွယ်ချက်နှင့် ညီညွတ်အောင် ဆက်သွယ်ပေးသည်။ သန့်ရှင်းသော ၀ိညာဉ်တော်၏ လုပ်ဆောင်မှုကြောင့် ဆုတောင်းခြင်းအဆင်ပြေ၏။ BILL CROWDER