ကျွန်မ၏ကလေးများသည် စိတ်လှုပ်ရှားနေကြသော်လည်း ကျွန်မကတော့ ရတက် မအေးဖြစ်နေသည်။ အထူးပြုလုပ်ထားသောရေကန်ထဲရှိ ငါးမန်း၏ကျောကို ပွတ်သပ်၍ ရသော ငါးပြတိုက်သို့ ကျောင်းအားရက်အတွင်း သွားရောက်လည်ပတ်ခဲ့သည်။ သူများ လက်ချောင်းတွေကို တစ်ခါမျှမကိုက်ဘူးလားဟု ကျွန်မက စောင့်ရှောက်သူ တာဝန်ခံအားမေးကြည့်ရာ ထိုငါးမန်းတွေကို အခုလေးတင် ဝလင်စွာ အစာကျွေးထားသည်သာမက ပိုပိုသာသာပင် ကျွေးထား ကြောင်း စောင့်ရှောက်သူတာဝန်ခံက ပြန်ဖြေသည်။ သူတို့သည် မဆာသောကြောင့် လူတွေကိုလည်း မကိုက်ပါ။

ထိုကဲ့သို့ ငါးမန်း၏ကျောကိုပွတ်သပ်ခြင်းကို မြင်ရသောအခါ သုတ္တံကျမ်းတွင်ဖေါ်ပြသော “စား၍ဝသောသူသည် ပျားလပို့ကိုပင်ငြင်းပယ်လိမ့်မည်။ မွတ်သိပ်သော သူမူကား ခါးသောအရာကို ချိုသည်ဟု ထင်တတ်၏” (သု ၂၇း၇) ဟူသော သင်ခန်းစာကို နားလည်စေပါသည်။ ဆာငတ်ခြင်းတည်းဟူသော ခန္ဓာအတွင်း ဟာလာဟင်းလင်းဖြစ်ခြင်းသည် ကျွန်မတို့၏ ဆုံးဖြတ်ချက် ချမှတ်နိုင်သည့်စွမ်းရည်ကို ကျဆင်းစေသည်။ အခြားသူများအပေါ် ရန်လိုစိတ်ကို ဖြစ်စေနိုင်သော်လည်း ကိုယ့်ကိုကိုယ် ပြည့်ဝအောင် ဖြည့်တင်းပေးထား ခြင်းဖြင့် ပြဿနာကို ပြေလည်စွာ ဖြေရှင်းနိုင်ကြောင်း အထင်အရှား ဖော်ပြလျက်ရှိသည်။

မိမိ ခံတွင်းတွေ့နှစ်သက်သည့်အရာအပေါ် စိတ်အလိုလိုက် အသက်ရှင်မှုထက် သာလွန်သော အသက်ရှင်မှုကို ဘုရားသခင်အလိုရှိသည်။ ကျွန်မတို့အတွင်း၌ သခင်ယေရှု၏ ချစ်ခြင်းမေတ္တာဖြင့်ဖြည့်ထားရန် ကိုယ်တော်အလိုရှိသည်။ သို့မှသာ ကျွန်မတို့ ပြုလေရာတိုင်းတွင် ကိုယ်တော်ပေးထားသော ငြိမ်သက်ခြင်းနှင့် တည်ငြိမ်ခြင်း တို့ဖြင့် လုပ်ဆောင်နိုင်လိမ့်မည်။ အကန့်အသတ်မရှိ ချစ်ခြင်းခံရသည်ဟူသောအသိက ကိုယ့်ကိုကိုယ် စိတ်ချယုံကြည်မှုကိုပေးသည်။ ဘ၀၏ “အချိုမြိန်ဆုံး” သော အောင်မြင်မှု၊ ပိုင်ဆိုင်မှုနှင့် ပေါင်းသင်းဆက်ဆံမှု စသည့်အရာများကို ရည်ရွယ်ချက်ရှိရှိ မှန်ကန်စွာ ရွေးချယ်ဆွတ်ခူး နိုင်စေလိမ့်မည်။

သခင်ယေရှုနှင့်မိတ်သဟာယဖွဲ့ခြင်းသည်သာလျှင် ကျွန်မတို့အား စစ်မှန်သော စိတ်ကျေနပ်မှုကို ပေးသည်။ ကျွန်မတို့သည် “… ဘုရားသခင်၏ပြည့်စုံတော်မူခြင်း ရှိသမျှနှင့်အညီ ပြည့်စုံကြပါမည်အကြောင်း” (ဧ ၃း၁၉) ကျွန်မတို့အကျိုးနှင့် အခြားသူများအကျိုးအတွက် ကိုယ်တော်၏အံ့သြဘွယ်မေတ္တာကို အမိအရ ဖမ်းဆုတ်ကြပါစို့။ JENNIFER BENSON SCHULDT