ဘီလီ ဂရေဟမ်သည် အသက် ၁၆ နှစ်တွင် ခရစ်တော်ကို ယုံကြည်လက်ခံခြင်း မတိုင်မီ အစောပိုင်းနှစ်များကတည်းက သူ့မိဘများ၏သခင်ယေရှုအား ကိုးကွယ် ဆည်းကပ်မှုက သက်သေဖြစ်ခဲ့သည်။ မိဘနှစ်ဦးလုံးသည် ယုံကြည်သူမိသားစုမှ ကြီးပြင်းလာပြီး ခရစ်တော်ကို ယုံကြည်သည်။ အိမ်ထောင်ကျပြီးနောက် သားသမီးများအား ချစ်ကြင်နာစွာ ပြုစုပျိုးထောင်ခြင်း၊ ဆုတောင်းခြင်း၊ ကျမ်းစာဖတ်ခြင်းတို့ အပါအ၀င် ကလေးများနှင့်အတူ ဘုရားကျောင်းသို့ သစ္စာရှိစွာ တက်ရောက်ခြင်းဖြင့် ယုံကြည်ခြင်းအမွေအနှစ်ကို ဆက်လက် ကျင့်သုံးခဲ့သည်။ ဘီလီအတွက် သူ့မိဘများ ချပေးခဲ့သည့် ခိုင်မာသည့် အခြေခံအုတ်မြစ်က ခရစ်တော်ကို ယုံကြည်လာရန်၊ နောက်ဆုံးတွင် ရဲဝံ့သောဧဝံဂေလိ တရားဟောဆရာ ဖြစ်လာရန် ဘုရားသခင် အသုံးပြုသည့် မြေဆီတစ်စိတ်တစ်ပိုင်း ဖြစ်ခဲ့သည်။

ရှင်ပေါလု၏ သားတပည့် လူငယ်လေး တိမောသေ သည်လည်း ခိုင်မာသောဝိညာဉ်ရေးအုတ်မြစ်မှ အကျိုး ကျေးဇူးများ ရရှိခဲ့သည်။ “သင်၏အဖွားလောဣ၊ အမိဥနိတ်၌ အရင်တည်သော ယုံကြည်ခြင်း… သင်၌လည်းတည်သော ယုံကြည်ခြင်းစစ်” ဟူ၍ ရှင်ပေါလု ရေးသားခဲ့သည် (၂ တိ ၁း၎)။ ဤအမွေအနှစ်က တိမောသေ၏ ခရစ်တော်အားယုံကြည်ကိုးစားခြင်းစိတ်နှလုံးကို ပြင်ဆင် တည့်မတ်ပေးခဲ့သည်။

ယခုတွင် ဤယုံကြည်ခြင်းဓလေ့ကို ဆက်လက်ဆောင်ယူလျက် (း၅)၊ တန်ခိုးကို ပေးသနားတော်မူသည့် သန့်ရှင်းသော ဝိညာဉ်တော်အားဖြင့် တိမောသေ၌ “ဘုရားသခင်ပေးတော်မူသောဆုကို နှိုးဆော်ရန်”(း၆) ရှင်ပေါလု တိုက်တွန်းခဲ့သည်။ သို့နှင့် တိမောသေသည် ဘုရားသခင်ပေးတော်မူသောတန်ခိုးကို ရသည့်အတိုင်း ဧ၀ံဂေလိတရားနှင့်ဆက်ဆံ၍ ဆင်းရဲဒုက္ခကိုခံယူခဲ့သည်(း၇-၈)။ ခိုင်မာသည့် ဝိညာဉ်ရေး အမွေအနှစ်ကြောင့် ကျွန်ုပ်တို့ ယုံကြည်လာမည်ဟု အတိအကျ အာမမခံသော်လည်း အခြားသူတို့၏ ပုံစံကောင်းနှင့် ကြီးကြပ်လမ်းညွှန်မှုက ယုံကြည်ခြင်းလမ်းကို ပြင်ဆင် ပေးနိုင်ပါသည်။ သခင်ယေရှုကို ကယ်တင်ရှင်အဖြစ် လက်ခံယုံကြည်ပြီးနောက် အမှုတော်မြတ်၌၊ ကိုယ်တော်အတွက် အသက်ရှင်ရာ၌၊ အခြားသူများ၏ယုံကြည်ခြင်းကို ပြုစုပျိုးထောင်ခြင်းထိတိုင် ဝိညာဉ်တော်က ကျွန်ုပ်တို့ကို ဦးဆောင်လမ်းပြသွားမည်။ ALYSON KIEDA