အချိန်ကြာမြင့်စွာ ဖုန်းကွယ်ထားသည့် အင်အားကြီးသည့် ယောက်ျားသားများ၏ အမျိုးသမီးများအပေါ် လိင်အကြမ်းဖက်မှု ဒုစရိုက်ဆိုးညစ်မှုကြီး ဘွားကနဲပေါ်လာပါပြီ။ နာကျင်ကြေကွဲစရာဖြစ်ပါသည်။ သတင်းခေါင်းစီးများကို ဖတ်ရင်း ကျွန်ုပ်အထင်ကြီး လေးစားသူ ပုဂ္ဂိုလ် ၂ ဦး၏ မတရားအကြမ်းဖက်မှုအတွက် သက်သေ ရှာတွေ့ပြီဟု တွေ့ရ၍ ကျွန်ုပ်ကြေကွဲရသည်။ အသင်းတော်သည် ထိုကိစ္စမျိုးနှင့် အကျွမ်းတ၀င်မရှိပါ။

ဒါဝိဒ်မင်းသည် သူ့အပြစ်အတွက် သူရင်ဆိုင် ရမည့်အချိန်ရောက်လေပြီ။ တစ်ညနေတွင် ဒါဝိဒ်မင်းသည် ရေချိုးနေသည့် အမျိုးသမီးတစ်ဦးကို မြင်ပြီး (၂ ရာ ၁၁း၂)၊ သူမကို လိုချင်တပ်မက်ခဲ့သည်။ ဗာသရှေဘသည် သူ၏သစ္စာရှိစစ်သည် ဥရိယ၏ဇနီးမယားဖြစ်သော်လည်း သူမကို ဒါဝိဒ်မင်း သိမ်းပိုက်ခဲ့သည်။ ဗာသရှေဘက သူမ၌ ကိုယ်ဝန်ရှိနေကြောင်း ဒါဝိဒ်မင်းအား ပြောကြားရာ ဒါဝိဒ်မင်း ဆောက်တည်ရာမရဖြစ်လေပြီ။ သို့နှင့် စက်ဆုပ်အထင်သေးဖွယ် လုပ်ရပ်အားဖြင့် စစ်မြေမြင်၌ ဥရိယ ကျဆုံးသွားအောင် ယွာဘအား စီစဉ်စေလျက် ဒါဝိဒ်မင်း အကောက်ကြံခဲ့တော့သည်။

ဗာသရှေဘနှင့် ဥရိယအပေါ် မတရားပြုပြီး အာဏာကို အလွဲသုံးစား လုပ်ခဲ့သည့် အမှုကို ဖုံးကွယ်၍မရပါ။ ပရောဖက်ကြီး ရှမွေလက ဇာတ်စုံခင်းပြလေပြီ။ မိမိ၏ဒုစရိုက်ကို မိမိဖြေရှင်းရပါမည်။

ဤအဖြစ်အပျက်များကို ကျွန်ုပ်တုိ့ကြားနာရန်လိုအပ်သည်။ ကျွန်ုပ်တို့ခေတ်၌ အခွင့်အာဏာကို အလွဲသုံးစားမလုပ်မိအောင် ဤအဖြစ်အပျက်များက သတိပေးသည်။ ဒါဝိဒ်မင်းသည် ဘုရားသခင်၏စိတ်တော်နှင့်တွေ့သူ (တ ၁၃း၂၂)ဖြစ်သော်လည်း သူ့လုပ်ရပ်အတွက် တာဝန်ယူရမည့်သူလည်း ဖြစ်သည်။ ကျွန်ုပ်တို့၏ ခေါင်းဆောင် များစွာသည် အခွင့်အာဏာကို အသုံးပြုခြင်း၊ အလွဲသုံးစားပြုခြင်းများအတွက် တာဝန်ယူတတ်အောင် ၎င်းတို့အတွက် ဆုတောင်းလျက် ထောက်မရပေမည်။

ဘုရားသခင်၏ကျေးဇူးတော်အားဖြင့် ရွေးနုတ်ကယ်တင်ခြင်းခံရနိုင်ပါသည်။ ကျမ်းစာကို ဆက်လက်ဖတ်ရှုလျှင် ဒါဝိဒ်မင်း၏လေးနက်သောနောင်တကို တွေ့ရမည် (၂ ရာ ၁၂း၁၃)။ ခေါင်းမာသူများအတွက် သေခြင်းမှ အသက်ရှင်ခြင်းသို့ လှည့်ပြန် ရသောအခွင့် ရှိခြင်းကြောင့် ကျေးဇူးတင်ပါ၏။ WINN COLLIER