ကျွန်ုပ်၏ကျောင်းနေဖက် သူငယ်ချင်းတစ်ဦးက ကျွန်ုပ်တို့ မိသားစုအတွက် ကော်လီ ခွေးတစ်ကောင် လက်ဆောင်ပေးသည်။ ထိုခွေးက အမလေးဖြစ်ပြီး သားမပေါက်နိုင် တော့သည့် အရွယ်ဖြစ်သည်။ မကြာမီ ကျွန်ုပ်တို့ သိလိုက်သည်မှာ ထိုခွေးလေးသည် သူ့ဘဝတစ်လျှောက်လုံး လှောင်အိမ်သေးသေးလေး၌သာ နေထိုင်ခဲ့ခြင်းပင်။ ကန့်သတ်ထားသည့် အဝန်းအဝိုင်းအတွင်း၌သာ လှုပ်ရှား သွားလာခဲ့ရသည်။ မျဉ်းဖြောင့်ပေါ်၌ မပြေးနိုင်၊ ပြေးလွှား ဆော့ကစားရန် ခြံဝင်းကျယ်၌ လွှတ်ထားသော်လည်း သူ့ကို ခြံခတ်ထားသည်ဟုသာ ထင်သည်။

ကနဦးခရစ်ယာန်အများစုမှာ ယုဒလူများဖြစ်ပြီး ၎င်း တို့သည် မောရှေ၏ပညတ်ဝင်းကြီး၌ နေသားကျခဲ့ကြသည်။ ပညတ်တော်များက ကောင်းပါသည်။ ၎င်းတို့သည် အပြစ်ကို ဖော်ပြပြီး သခင်ယေရှုထံ ပို့ဆောင်ပေးရန် (ဂလာ ၃း၁၉-၂၅) ဘုရားသခင်က ပေးထားခြင်းဖြစ်သည်။ သို့သော် ယခုတွင် ဘုရားသခင်၏ကျေးဇူးတော်နှင့် သခင် ခရစ်တော်၏ လွတ်ခြင်းအခွင့်အားဖြင့် ၎င်းတို့၏ယုံကြည်ခြင်းအသစ်ကို ရှင်သန်ပြရမည့် အချိန်ဖြစ်သည်။ ယခု သူတို့ အမှန်တကယ် လွတ်မြောက်ပါပြီလား။

ကျွန်ုပ်တို့၌လည်း ထိုပြဿနာရှိနိုင်ပါသည်။ တင်းကြပ်သော အသင်းတော်၏ စည်းမျဉ်းစည်းကမ်းများအောက်၌ ကျွန်ုပ်တို့ ကြီးပြင်းကောင်း ကြီးပြင်းခဲ့မည်။ သို့မဟုတ် ပါကလည်း လွတ်လပ်လွန်းသောအိမ်ထောင်၌ ကြီးပြင်းခဲ့ပြီး ယခုတွင် လုံခြုံမှုပေးမည့် စည်းကမ်းများကို မဖြစ်မနေလိုအပ်နေသည်။ မည်သို့ပင်ဖြစ်စေ ယခုသည် ခရစ်တော်၌ရှိသော လွတ်ခြင်းအခွင့်ကို ဖက်ယမ်းဆုပ်ကိုင်ရမည့်အချိန်ပင်ဖြစ်သည် (ဂလာ ၅း၁)။ ကိုယ်တော်ကို ချစ်သောစိတ်နှင့် နာခံရန် (ယော ၁၄း၂၁)၊ မေတ္တာနှင့် နှိမ့်ချစိတ်နှင့် တစ်ဦးအပေါ်တစ်ဦး အစေခံရန် (ဂလာ ၅း၁၃)၊ သခင်ယေရှု ကျွန်ုပ်တို့ကို လွတ်ခြင်းအခွင့် ပေးခဲ့ပြီးဖြစ်သည်။ ‘‘သားသည် သင်တို့ကိုလွှတ်လျှင် သင်တို့သည် ဧကန်အမှန် လွတ်ကြလိမ့်မည်’’ (ယော ၈း၃၆) ဟူသည့် ကျမ်းပိုဒ်ကို နားလည် သဘောပေါက်သူများအတွက် ဝမ်းမြောက်ခြင်းနှင့် ချစ်ခြင်းမေတ္တာကွင်းပြင်ကြီးမှ ဖွင့်လှစ်ကြိုဆိုနေပါသည်။ MIKE WITTMER