အသင်းတော်နှင့်ပတ်သက်ပြီး ကျွန်တော်၏ငယ်ဘဝ အမှတ်တရများအနက်တစ်ခုမှာ သင်းအုပ်ဆရာက ဘုရားကျောင်းအလယ်လမ်းအတိုင်း လျှောက်လာပြီး ‘‘ကျွန်ုပ်တို့ ဗတ္တိဇံ ခံခဲ့သည့် ရေကို သတိရကြပါ’’ဟု စိန်ခေါ်ခြင်း ဖြစ်သည်။ ‘‘ရေကို သတိရရမယ်၊ ဘယ်လိုလုပ် ရေကို သတိရနိုင်မှာလဲ’’ ဟု ကိုယ့်ဘာသာကိုယ် ပြန်မေးမိသည်။ ထို့နောက် ဆရာက လူတိုင်းအပေါ် ရေဖြန်းခြင်းကို လုပ်ဆောင်ရာ ကလေးအနေနှင့် ကျွန်တော့်အတွက် ပျော်စရာရော၊ စိတ်ရှုပ်စရာပါ ဖြစ်ခဲ့သည်။

ဗတ္တိဇံအကြောင်းကို ကျွန်ုပ်တို့ အဘယ်ကြောင့် ဆင်ခြင်အပ်သနည်း။ လူတစ်ဦးသည် ဗတ္တိဇံခံသောအခါ ရေထက် ပိုလေးနက်သည့်အရာရှိသည်။ ယေရှုခရစ်ကို ယုံကြည်ခြင်းအားဖြင့် ကိုယ်တော့်အား ကျွန်ုပ်တို့ ယူတင် ဝတ်ဆင်ပြီးဖြစ်ကြောင်းကို ဗတ္တိဇံက ပုံဆောင်ပါသည် (ဂလာ ၃း၂၇)။ တစ်နည်းအားဖြင့် ကျွန်ုပ်တို့သည် သခင်နှင့်သက်ဆိုင်ပြီး ကျွန်ုပ်တို့အထဲ၌၊ ကျွန်ုပ်တို့အားဖြင့် သခင်အသက်ရှင်ခြင်းကို ဗတ္တိဇံက ဖော်ဆောင်ပေးသည်။

ထိုအချက်က မလုံလောက်သေးဟုခံစားရပါက(း၂၆)တွင် ဤသို့ဆိုထားပါသည်။ ခရစ်တော်ကို ကျွန်ုပ်တို့ယူတင်ဝတ်ဆင်ပြီးပါက သခင်၌ ကျွန်ုပ်တို့၏ဖြစ်တည်မှုမှာ ဘုရားသခင်၏သားသမီးများ ဖြစ်ကြောင်း ဖော်ပြထားသည်။ ဓမ္မဟောင်းကျမ်း နည်းဥပဒေသများကို လိုက်လျှောက်ခြင်းဖြင့် မဟုတ်ဘဲ ယုံကြည်ခြင်းအားဖြင့် ကျွန်ုပ်တို့သည် ဘုရားသခင်နှင့်ပြန်လည်မှန်ကန်သင့်မြတ်ခွင့်ရပြီးဖြစ်သည်(း၂၃-၂၅)။ ယောက်ျား/မိန်းမဖြစ်ခြင်းကြောင့်၊ ယဉ်ကျေးမှုဓလေ့ထုံးစံအရ၊ လူမှုဘဝ အဆင့်အတန်း အရ စသည်ဖြင့် တစ်ဦးနှင့်တစ်ဦး ခွဲခြား၍မရပါ။ ခရစ်တော်အားဖြင့် ကျွန်ုပ်တို့သည် လွတ်ခြင်းအခွင့်ရပြီး တစ်လုံးတစ်ဝတည်းဖြစ်စေလျက် ယခုတွင် ကျွန်ုပ်တို့သည် ကိုယ်တော် ပိုင်ဆိုင်သူများဖြစ်သည် (း၂၉)။

သို့ဖြစ်၍ ဗတ္တိဇံနှင့် ၎င်း၏အဓိပ္ပာယ်ပုံဆောင်မှုမှန်သမျှကို သတိရအပ်သည်။ သတိရရန် အကြောင်းရှိသည်။ သာမန်ဗတ္တိဇံခံယူခြင်းကို ရိုးရိုးအာရုံပြုခြင်း မဟုတ်ဘဲ ယေရှုခရစ်နှင့်သက်ဆိုင်ခြင်း၊ ဘုရားသခင်၏သားသမီး ဖြစ်လာခြင်းအချက်၌ အာရုံပြု ရမည်ဖြစ်သည်။ ကျွန်ုပ်တို့၏ဖြစ်တည်မှု၊ အနာဂတ်နှင့် ဝိညာဉ်ရေး လွတ်မြောက်မှုတို့ကို သခင်ခရစ်တော်၌ တွေ့ရှိနိုင်ပါသည်။ PETER CHIN