ပထမကမ္ဘာစစ်ကြီး ပြီးဆုံးပြီးနောက် သမ္မတ ဝုဒ်ရိုး ဝီလ်ဆင်အား ကမ္ဘာပေါ်ရှိ သြဇာအာဏာကြီးမားသည့် ခေါင်းဆောင်များအနက်တစ်ဦးအဖြစ် သိမှတ်ကြသည်။ သို့သော် သူသည် ၁၉၁၉ ခုနှစ်၌ လေဖြတ်သွားပြီးနောက်ပိုင်း မည်သည့်ပြဿနာများကို သမ္မတကြီးထံ တင်ပြသင့်မသင့် ဆုံးဖြတ်ပေးခြင်း စသည်ဖြင့် သူ၏အမှုရေးရာ အားလုံးနီးပါးကို ဇနီးဖြစ်သူကသာ စီမံခန့်ခွဲကြောင်း လူနည်းစုသာ သိရှိကြသည်။ အချိန်ကာလတစ်ခုအတွင်း အီးဒစ် ဝီလ်ဆင်သည် အမှန်ပင် အမေရိကန် ပြည်ထောင်စု၏ သမ္မတအဖြစ် တာဝန်ထမ်းဆောင်ခဲ့ကြောင်း ခေတ်သစ် သမိုင်းပညာရှင်များ ယုံကြည်ထားကြသည်။

ကနဦးအသင်းတော်၏ ခေါင်းဆောင်များဟု မေးလာလျှင် ကျွန်ုပ်တို့အများစုက ပေတရု၊ ပေါလုနှင့် တိမောသေ စသည်ဖြင့် သူတို့အကြောင်း အချက်အလက် စုံစုံလင်လင် ပြုစုခံရသူများကိုသာ ဖြေမိမည်။ သို့သော် ရောမ ၁၆ တွင် ရှင်ပေါလုက အမျိုးသား၊ အမျိုးသမီး၊ ကျွန်၊ ဂျူးလူမျိုး၊ တစ်ပါးအမျိုးသားစသည်ဖြင့် အသင်းတော်အတွက် သူတို့၏ အသက်ကို နည်းအမျိုးမျိုးနှင့်ပေးဆပ်ထားသည့် နောက်ခံအမျိုးမျိုးရှိသူ လူ ၄၀ နီးပါး၏ စာရင်းကို ပြုစုထားသည်။

ဒုတိယတန်းစား အသင်းသူအသင်းသားများအဖြစ် တွေးထင်ဖို့ဝေးစွ၊ ရှင်ပေါလုက ဤသူများကို လွန်စွာလေးစားရိုသေကြောင်း သိသာထင်ရှားပါသည်။ ရှင်ပေါလုက သူတို့သည် ရှင်ယေရှုအတွက်အစေခံသည့်အတွက် ချီးမြှင့်ခံရမည့် တမန်တော်များကြား၌ ထင်ပေါ်သူများဖြစ်ကြောင်း ဖော်ပြထားပါသည် (း၇)။

အသင်းတော်၌ခေါင်းဆောင်ဖြစ်ရန် မစွမ်းဆောင်နိုင်ဟု ကျွန်ုပ်တို့အများစုခံစားရသော်လည်း အမှန်တွင် အစေခံရန်နှင့် တစ်ပါးသူများကိုကူညီရန် ကျွန်ုပ်တို့အယောက် စီ၌ ဆုကျေးဇူးကိုယ်စီရှိကြပါသည်။ ဘုရားသခင်၏ခွန်အားဖြင့် ကိုယ်တော်၏ ဘုန်းတော် ထင်ရှားရန်အတွက် ကျွန်ုပ်တို့၏ဆုကျေးဇူးများကို အသုံးပြုကြပါစို့။ PETER CHIN