ကလေးမလေးတစ်ယောက် ပြန်ပေးဆွဲခံရပြီးနောက် တစ်ပတ်အကြာတွင် သူ့ကို အီသီယိုးပီးယားရဲများ ပြန်တွေ့သောအခါ လည်ဆံမွေးအမဲရောင်ရှိသည့် ခြင်္သေ့ ၃ ကောင်က သူမကို သူတို့ကလေးကဲ့သို့ စောင့်ရှောက်ထားကြောင်း တွေ့ရသည်။ လူ ၇ ယောက်က ၁၂နှစ် အရွယ် ကလေးမလေးကို တောအုပ်ထဲ ပြန်ပေးဆွဲသွားပြီး ရိုက်နှက်ခဲ့ကြသည်။ အံ့သြဖွယ်ရာမှာ ထိုကလေးမလေး၏ အော်သံကို
ခြင်္သေ့များကြားပြီး အမြန်ရောက်လာကာ ထိုသူများကို လိုက်သဖြင့် သူတို့ ထွက်ပြေးသွားကြတော့သည်။ ‘‘ကျွန်တော်တို့ သူ့ကို ရှာတွေ့ပြီး ရောက်လာချိန်အထိ ခြသေ့င်္တွေက သူ့ဘေးက စောင့်နေပြီး နောက်မှ လက်ဆောင်လေးလိုသူ့ကို ချန်ထားပြီး တောအုပ်ထဲသို့ ပြန်ဝင်သွားတယ်’’ဟု ရဲအရာရှိ ၀န်ဒီမူ က သတင်းထောက်ကို ပြောပြပါသည်။

ထိုကလေးမလေးကြုံရသကဲ့သို့ အကြမ်းဖက်မှုနှင့် ဆိုးညစ်မှုဒုစရိုက်များက ကျွန်ုပ်တို့ကို လွှမ်းမိုးလျက် ကျွန်ုပ်တို့မျှော်လင့်ချက်မဲ့အောင် ခြောက်လှန့်နေသောခေတ် ဖြစ်သည်။ ရှေးခေတ် ယုဒလူမျိုးများလည်း ထိုသို့အဖြစ်နှင့် ကြုံတွေ့ခဲ့ပါသည်။ သူတို့သည် ကြောက်မက်ဖွယ်ရာ ရန်သူများနှင့် ရင်ဆိုင်နေရကာ မည်သို့မျှ လွတ်လမ်းမရှိသော အခြေအနေနှင့် အကြပ်ရိုက်နေသည်။ ကြောက်ရွံမှုက သူတို့ကို လွှမ်းမိုးနေသည်။ သို့သော် ဘုရားရှင်သည် မပြောင်းမလဲ၊ သူတို့နှင့်အတူ တည်ရှိနေခဲ့သည်။ ‘‘ဣသရေလအမျိုး၏ရှင်ဘုရင် ထာဝရဘုရားသည် သင့်အလယ်၌ ရှိတော်မူ၏။ သင်သည် နောက်တစ်ဖန် ဘေးဥပဒ်နှင့် မတွေ့မကြုံရ’’(ဇေဖနိ ၃း၁၅)။ မိမိ၏မနာခံမှုကြောင့် ကပ်ဆိုးများ ကြုံရခြင်း ဖြစ်လင့်ကစား ဘုရားရှင်သည် ကျွန်ုပ်တို့ကို ကယ်တင်ဦးမည်။ ‘‘သင်၏ဘုရားသခင်ထာဝရဘုရားသည် သင့်အလယ်၌ရှိ၍ တန်ခိုးကြီးသော ဘုရားသည် သင့်ကို ကယ်တင်တော်မူလိမ့်မည်’’ (း၁၇)။

မည်သည့်ပြဿနာများ၊ မကောင်းမှုများက ကျွန်ုပ်တို့ကို လွှမ်းမိုးလာပါက ယုဒတို့၏အရှင် ခြင်္သေ့မင်း သခင်ယေရှုသည် ကျွန်ုပ်တို့နှင့်အတူရှိပါသည် (ဗျာ ၅း၅)။ မည်မျှပင် အထီးကျန်မှုများ ခံစားနေရပါစေ၊ ခွန်အားနှင့်ပြည့်စုံသော ကျွန်ုပ်တို့၏ ကယ်တင်ပိုင်ရှင်သည် ကျွန်ုပ်တို့နှင့်အတူ ရှိသည်။ ကြောက်ရွံ့ခြင်းများက ကျွန်ုပ်တို့ကို မည်သို့ပင် ဖျက်ဆီးစေကာမူ ဘုရားရှင်သည် ကျွန်ုပ်တို့ဘေးတွင် ရှိကြောင်း စိတ်ချမှု ပေးနေပါသည်။ WINN COLLIER