ဇယ်ဗီးယား ၏ ပထမဆုံး အလုပ်အင်တာဗျူးအတွက် ပြင်ဆင်ရာ ကျွန်မ၏ခင်ပွန်း အယ်လင် က သားကို သူ၏အနာဂတ်အလုပ်ရှင်များနှင့်တွေ့ပြီး အင်တာဗျူးပြီးမှ ပေးရန် ကျေးဇူးတင်ကဒ်များပါသည့် အထုပ်တစ်ထုပ် ပေးခဲ့သည်။ ထို့နောက် သူက အလုပ်သမား ငှားရမ်းမည့် အလုပ်ရှင်သဖွယ် သရုပ်ဆောင်ပြီး သူ၏ နှစ်ပေါင်း များစွာသော မန်နေဂျာအတွေ့အကြုံကို သုံးကာ ဇယ်ဗီးယား ကို မေးခွန်းများ မေးမြန်းသည်။ နှစ်ယောက်သား အစမ်းမေးမြန်းဖြေဆိုပြီးနောက် ဇယ်ဗီးယား က သူ့ကိုယ်ရေးအချက်အလက် စာရွက်စာတမ်းများကို ဖိုင်တွဲလိုက်သည်။ အဖေဖြစ်သူက ကျေးဇူးတင်ကဒ်ကို သတိပေးရာ သူက ပြုံးလျက် ‘‘သား သိပါတယ်။ စိတ်ရင်းမှန်နဲ့ ကျေးဇူးတင်တဲ့ စာတိုလေးက ကျွန်တော်ကို အခြား အလုပ်လျှောက်သူတွေနဲ့ ခြားနားစေမှာ ဖြစ်တယ်’’ ဟု ပြန်ပြောခဲ့သည်။

မန်နေဂျာမှ ဇယ်ဗီးယား ကို အလုပ်ခန့်ကြောင်း ဖုန်းဆက်လာသောအခါ သူက နှစ်များစွာအတွင်း ပထမဆုံး သော လက်ဖြင့်ရေးသားထားသည့် ကျေးဇူးတင်ကဒ်လေးအတွက် ကျေးဇူးတင်ကြောင်း ပြောခဲ့သည်။

ကျေးဇူးတင်ကြောင်းပြောခြင်းက တည်မြဲသည့်အကျိုးသက်ရောက်မှုကို ဖြစ်စေသည်။ ဆာလံကျမ်းတွင် ဆာလံဆရာများ၏ စိတ်နှလုံးအကြွင်းမဲ့ဆုတောင်းပြီး ကျေးဇူး သိသောစိတ်ဖြင့် ဝတ်ပြုကိုးကွယ်ခြင်းများကို မှတ်တမ်းတင်ထားသည်။ ဆာလံ ကျမ်းပေါင်း
၁၅၀ ကျမ်းရှိငြားလည်း ဤအပိုဒ်ငယ်လေးနှစ်ပိုဒ်မှာ ကျေးဇူးတင်သည့် သတင်းစကားကို ထင်ဟပ်ပြသည်။ ‘‘အို ထာဝရဘုရား၊ အကျွန်ုပ်သည် စိတ်နှလုံးအကြွင်းမဲ့ ကိုယ်တော်ကို ချီးမွမ်းပါမည်။ အံ့ဖွယ်သောအမှုတော် ရှိသမျှတို့ကို ပြညွှန်ပါမည်’’ (ဆာ ၉း၁-၂)။

ဘုရား၏အံ့သြဖွယ်လုပ်ဆောင်ချက်များအားလုံးအတွက် ကျေးဇူးတင်ကြောင်း ဖော်ပြခြင်းသည် ဘယ်ခါမှ မဆုံးနိုင်သော်လည်း ဆုတောင်းခြင်းဖြင့် စတင်ကာ စိတ်ရင်းနှင့်ကျေးဇူးတင်ကြောင်း ပြောပါ။ ဘုရားရှင်အား ချီးမွမ်းခြင်း၊ ကိုယ်တော် ပြုခဲ့ သည့်အရာနှင့် ပြုပေးဦးမည်ဟု ကတိပေးသည့် အရာအားလုံးတို့အတွက် အသိမှတ်ပြု ဝန်ခံလျက် ကျေးဇူးသိသောစိတ်ဖြင့် ဝတ်ပြုကိုးကွယ်ခြင်းအသက်တာ ဘဝရှင်သန်မှု ပုံစံကို ပြုစုပျိုးထောင်နိုင်ပါသည်။ XOCHITL DIXON