နယူးယောက်မြို့တော်၊ ဂိုရှန်အရပ်ရှိ ဒိန်ခဲထုတ်လုပ်သူ အယ်လင်ဂလပ်စ်တော့ဖ် က သူ၏နှစ်ချို့ဒိန်ခဲ ထုတ်လုပ်ပုံ အဆင့်ဆင့်၊ ဒိန်ခဲ၌အရသာထည့်ပုံ၊ ဒိန်ခဲမျက်နှာပြင် အနေအထား ပြုလုပ်ပုံအဆင့်ဆင့်ကို ယူကျူ့ ဗီဒီယို၌ ဖော်ပြထားသည်။ ဈေးကွက်ထဲသို့ မပို့ဆောင်မီ ဒိန်ခဲအတုံးတိုင်းကို မြေအောက်ခန်းလှိုဏ်ဂူထဲရှိ စင်ပေါ်တွင် ခြောက်လမှ တစ်နှစ်အထိ ထားထားရသည်။ ဤစိုထိုင်းဆရှိသည့် ပတ်ဝန်းကျင်တွင် ဒိန်ခဲများကို ဂရုတစိုက် စောင့်ရှောက် ရသည်။ ‘‘စစ်မှန်တဲ့ အရသာနဲ့ ကောင်းတဲ့ဒိန်ခဲတစ်တုံးဖြစ်လာအောင် မှန်ကန်တဲ့ ပတ်ဝန်းကျင်မှာ ရှိနေဖို့ ကျွန်တော်တို့ အကောင်းဆုံး ကြိုးစားကြရတယ်’’ဟု ဂလပ်စ်တော့ဖ် က ရှင်းပြသည်။

ဂလပ်စ်တော့ဖ် က သူထုတ်လုပ်သည့်ဒိန်ခဲကို အကောင်းဆုံး အရသာရှိစေလိုသည်။ သူ့စိတ်ဆန္ဒက သူ့သားသမီးများ အသီးသီးပြီး ရင့်ကျက်သူများဖြစ်လာ အောင်၊ သူ့သားသမီးများ၏ ‘‘စစ်မှန်သော အလားအလာ’’ ရှိသည့်အတိုင်း ပြုစုပျိုးထောင်လိုသည့် ဘုရားသခင်၏ စိတ်ဇောအဟုန်ကို အမှတ်ရစေသည်။ တမန်တော် ရှင်ပေါလုက ဤပြုစု ပျိုးထောင်မှုဖြစ်စဉ် တစ်လျှောက်လုံး၌ ပါဝင်သူများကို တမန်တော်များ၊ ပရောဖက်များ၊ သာသနာပြုများ၊ သင်းအုပ်များနှင့် ဆရာများ စသည်ဖြင့် ဖော်ပြထားသည်(ဧ ၄း၁၂)။ အထက်ပါ ဆုကျေးဇူးရှိသူများသည် ယုံကြည်သူတစ်ဦးစီ၏ ကြီးထွားမှုကို လှုံ့ဆော်နိုင်ပြီး အစေခံအမှုဆောင်ကြရန် ခွန်အားပေးတိုက်တွန်းနိုင်သည် (အပိုဒ်ငယ် ၁၁ တွင် ‘‘ဓမ္မဆရာအမှုကို ပြုတတ်မည့် အကြောင်း’’ ဟု ဆိုထားသည်)။ ပန်းတိုင်မှာ ‘‘ငါတို့ရှိသမျှသည် … ခရစ်တော်၏ပြည့်စုံခြင်း ပမာဏ အရပ်တည်းဟူသော ကြီးရင့်သောလူအဖြစ်သို့ ရောက်ကြ’’ရန် ဖြစ်သည် (း၁၃)။

သန့်ရှင်းသောဝိညာဉ်တော်၏တန်ခိုးအားဖြင့် ရင့်ကျက်ကြီးထွားစေခြင်း ဖြစ်စဉ်၌ မိမိကိုယ်ကို အပ်နှံပါက ဝိညာဉ်ရေး၌ ကြီးထွားတိုးတက်လာမည်ဖြစ်သည်။ ကျွန်ုပ်တို့အသက်တာတွင် ဘုရားရှင်ခန့်အပ်ထားသူများ၏ ညွှန်ကြားမှုအတိုင်း ခံယူ လိုက်လျှောက်လျက်၊ အစေခံရန် ကိုယ်တော် စေလွှတ်သောအခါ ကျွန်ုပ်တို့သည် သာ၍ ထိရောက်စွာ လုပ်ဆောင်နိုင်လိမ့်မည်။ LINDA WASHINGTON