အမွေဟူသည် ဝယ်ယူလုပ်ယူ၍မရ

ကောလိပ်ကျောင်းပိတ်ချိန်၌ ကျွန်မ အိမ်ပြန်ခဲ့ပါသည်။ အချိန်အတန်ကြာမျှ အိမ်နှင့်ဝေးပြီး ကိုယ့်ဒူးကိုယ်ချွန်နေခဲ့ရသဖြင့် စားသောက်ဆိုင်၌ မိဘများက ငွေရှင်းပေးသောအခါ တစ်မျိုးဖြစ်နေသည်။ စားပွဲပေါ်သို့ လက်သုတ်ပုဝါကို ချလိုက်ပြီး “ညစာအတွက် ကျေးဇူးပါ ဖေဖေ” ဟု ပြောလိုက်သည်။ “ကိစ္စမရှိပါဘူးကွယ်၊ အရာရာတိုင်းအတွက် သမီးဖေဖေ့ကို ကျေးဇူးတင်စရာမလိုပါဘူး။ သမီးကိုယ့်ဘာသာကိုယ် ရပ်တည်နေတာကိုလည်း နားလည်တယ်။ ဒါပေမဲ့ မင်းက ဖေဖေ့သမီးဖြစ်နေတံုးပဲ၊ မိသားစုမှာ ပါဝင်နေတံုးပဲ” ဟု ဆိုပါသည်။ ကျွန်မပြံုးရင်း “ကျေးဇူးပါဖေဖေ” ဟု ထပ်ပြောဖြစ်သည်။

ကျွန်မ၏မိသားစု၌ မိဘ၏မေတ္တာကိုရခြင်း၊ ကျွန်မအတွက် လိုအပ်သည်များကို ပြုပေးခြင်းအတွက် ကျွန်မဘာမှပေးစရာမလိုပါ။ အဖေ့မှတ်ချက်က ဘုရားသခင်၏
မိသားစုဝင်ဖြစ်အောင် ထိုက်တန်အောင် ကျွန်မဘာမှမလုပ်ရကြောင်းကို သတိပေးလာသည်။

ဧဖက်ဩဝါဒစာ၌ ရှင်ပေါလုက “ငါတို့သည် ဘုရားသခင်ရှေ့တော်၌ မေတ္တာအားဖြင့် သန့်ရှင်းလျက်၊ အပြစ်ကင်းလွတ်လျက် အညစ်အကြေးတင်ခြင်း၊ အရေတွန့်ခြင်းနှင့် ကင်းလွတ်မည်အကြောင်း” (၅:၂၅-၂၇)၊ ငါတို့ကို…

ကောင်းချီးခံရသောမုန့်

ကျွန်ုပ်တို့၏အကြီးဆံုးသမီးကြီး ဆယ်ကျော်သက်အရွယ်ရောက်သော် ကျွန်တော်တို့ ဇနီးမောင်နှံက သူမွေးကတည်းက ရေးမှတ်ခဲ့သည့် မှတ်တမ်းစာအုပ်လေးကို သူ့အား ပေးခဲ့ သည်။ သူကြိုက်သည့်အရာ၊ မကြိုက်သည့်အရာ၊ တစ်မူထူးသည့်အရာ၊ အမှတ်တရ ဖြစ်သည့်အရာ စသည်တို့ကို စာတိုလေးဖြင့် မှတ်သားခဲ့သည်။ အချို့နေရာများတွင် သူ့ အပေါ် ကျွန်ုပ်တို့၏အမြင်ခံစားချက်၊ သူ့အသက်တာအတွင်း မြင်ရသည့် ဘုရားသခင်၏လုပ်ဆောင်မှုစသည်တို့ကို စာတစ်စောင်သဖွယ် ရေးသားထားသည်။ သူ၏ ၁၃ နှစ်မြောက် မွေးနေ့တွင် ပေးသော ထိုမှတ်တမ်းစာအုပ်လေးက သူ့ကို အလွန်ဖမ်းစားခဲ့သည်။ ၎င်းသည် အရေးကြီးသော သူမ၏မူလဖြစ်တည်မှု အစိတ်အပိုင်းပင် မဟုတ်ပါလား။

သာမန်မုန့်ကို ကောင်းချီးပေးသည်တွင် သခင်ယေရှုသည် သူ၏ဖြစ်တည်မှုကို ဖော်ပြခဲ့သည်။ ထိုဖြစ်တည်မှုက အခြားသောဖန်ဆင်းခြင်းအရာများနှင့်အတူ ဘုရား ဘုန်းတော်ကို ထင်ဟပ်ဖော်ကျူးခဲ့သည်။ အနာဂတ်ကမ္ဘာနှင့် စပ်လျဉ်း၍ သခင်ယေရှုပြညွှန်ခြင်းလည်းဖြစ်မည်ဟု ကျွန်ုပ်ယုံသည်။ ဖန်ဆင်းခြင်းအရာခပ်သိမ်းသည် တစ်နေ့တွင် ဘုရားဘုန်းတော်နှင့်ပြည့်ဝလိမ့်မည်။ ထို့ကြောင့် မုန့်ကို ကောင်းချီးပေး…

သစ်သီးရည်

ချွေတာရေးစတိုးဆိုင်မှ လျော့စျေးဖြင့် ကျွန်မမီးအိမ်လေးတစ်လံုးဝယ်ယူခဲ့သည်။ အိမ်ရှိကျွန်မရုံးခန်းအတွက် ၎င်းသည် သင့်တော်သည့် အရွယ်အစားနှင့်စျေးနှုန်းဖြစ်ပြီး၊ အရောင်ကလည်းလိုက်ဖက်မည့်ပံုပေါ်ပါသည်။ သို့သော် အိမ်ရောက်၍ ပလပ်ထိုးပြီးကြည့်ရာ မီးမလင်းပါ။

ကိစ္စမရှိပါ။ ကျွန်မခင်ပွန်းက “လွယ်ပါတယ်။ ငါပြင်ပေးမယ်” ဟု ပြောပြီး ဖြုတ်ကြည့်ရာ၊ မီးကြိုးဆက်ထားခြင်းမရှိသည်ကို ချက်ခြင်းတွေ့လိုက်သည်။ ဝါယာကြိုးဆက်သွယ်ထားခြင်းမရှိခြင်းကြောင့် လှပသော မီးအိမ်လေးဖြစ်သော်လည်း အသံုးမဝင်ပါ။

ကျွန်မတို့အသက်တာလည်း ထိုနည်းသဘောအတိုင်းဖြစ်ပါသည်။ သခင် ယေရှုက တပည့်တော်များအား “ငါသည် စပျစ်နွယ်ပင်ဖြစ်၏။ သင်တို့သည် အခက်များ ဖြစ်ကြ၏။ အကြင်သူသည် ငါ၌တည်၍ ငါသည်လည်း သူ၌တည်၏။ ထိုသူသည် များစွာသောအသီးကို သီးတတ်၏” ဟု မိန့်ကြားသည်။ သို့သော် နောက်ထပ်သတိပေးချက်မှာ “သင်တို့သည် ငါနှင့်ကွာလျှင် အဘယ်အမှုကိုမျှ မတတ်နိုင်” (ယော ၁၅:၅) ဟူ၍ ဖြစ်သည်။

ထိုသွန်သင်ချက်ကို စပျစ်ပင်စိုက်ပျိုးသောအရပ်ဒေသ၌ သွန်သင်နေခြင်း ဖြစ်၍ တပည့်တော်များအနေဖြင့် ချက်ခြင်းနားလည်ကြသည်။…

သစ်ခုတ်သမား

ကျွန်ုပ်ကောလိပ်ကျောင်းတတ်စဉ်က ထင်းခုတ်၊ ထင်းစီ၊ ထင်းရောင်း၊ ထင်းပို့ စသည့် အလုပ်ကို တစ်နှစ်လုပ်ကိုင်ခဲ့ရသည်။ အလွန်ပင်ပန်းပါသည်။ ထိုကြောင့် ၄ ရာ ၆ မှ ကံဆိုးသည့် သစ်ခုတ်သမားတစ်ဦးအပေါ် ကျွန်ုပ်စာနာကရုဏာသက်မိပါသည်။

ပရောဖက်ဧလိရှဲထံတပည့်ခံသူ ပရောဖက်များ တိုးပွားများပြားလာသဖြင့် ၎င်းတို့ ဆံုနေကျနေရာက ကျဉ်းသွားသည်။ သို့နှင့် တောထဲသွားပြီး သစ်ခုတ်ကာ နေရာဆောက်လုပ်ရန် တစ်ယောက်က အဆိုပြုသည်။ ဧလိရှဲလည်း သဘောတူပြီး ကမ်းနားသို့ အတူဆင်းသွားကြသည်။ အားလံုးအဆင်ပြေစွာရှိနေပြီးမှ လူတစ်ဉီး၏ ပုဆိန်ကျွတ်ပြီး ရေထဲကျသွားသည် (:၅)။

အချို့က ဧလိရှဲသည် တုတ်ဖြင့် ပုဆိန်ရှိမည့်နေရာကိုစမ်း၍ ရေပေါ် ပေါ်စေသည်ဟု ဆိုကြသည်။ ထိုသို့ မဟုတ်ပါ။ ၎င်းသည် အံ့ဖွယ်နိမိတ်လက္ခဏာဖြစ်သည်။ ပုဆိန်သည် ဘုရားသခင်၏လက်တော်အားဖြင့် ရေပေါ်ပေါလောပေါ်လာမှ သွားရောက်ဆယ်ယူရခြင်းဖြစ်သည် (:၆-၇)။

ဤရိုးစင်းသောအံ့သြဖွယ်ရာလေးက ဘုရားသခင်သည် ပုဆိန်ပျောက်၊ သော့ပျောက်၊ မျက်မှန်ပျောက်၊ ဖုန်းပျောက်…

အဖိုးတန်ခွဲခွာမှု

ပန်းပုပညာရှင် Liz Shepherd၏ ၂၀၁၈ ခုနှစ် ပြပွဲတွင် “The Wait - စောင့်စားရချိန်” ပန်းပုရုပ်သည် ဘဝ၌ပေါ်လွင်သော အဖိုးတန်သော အလွန်ထူးကဲမှုကို ပေါ်ထွက်စေ သည်ဟု Boston Globe သတင်းစာမှ ရေးသားခဲ့သည်။ နောက်ဆံုးအချိန် ရောက်နေသည့်ဖခင်ကြီး၏အနီးအပါး၌ အချိန်ကုန်လွန်ခဲ့ရခြင်းကြောင့် သူ့ပြပွဲက တမ်းတစိတ်၊ ဆံုးရှုံးမှု၊ ချစ်ခင်ရသူများက လက်လှမ်းမမီနိုင်သောအရပ်သို့ ရောက်သွားပြီဟူသည့် ထိရှလွယ်သည့်ခံစားချက်အငွေ့အသက်များကို ပေးနေသည်။

သေခြင်းသည် အဖိုးကြီးကြောင်း အယူအဆက ဗီဇသဘာဝအသိနှင့် ဆန့်ကျင် ကောင်း ဆန့်ကျင်နေမည်။ သို့သော် ဆာလံဆရာက “ထာဝရဘုရားရှေ့တော်၌ မိမိ သန့်ရှင်းသောသူတို့၏သေခြင်းအရာသည် အဖိုးကြီးလှ၏” (ဆာ ၁၁၆:၁၅) ဟု ဆိုထားသည်။ ဘုရားသခင်သည် သူ့လူများ၏သေခြင်းကို တန်ဖိုးထားသည်။ ၎င်းတို့ ခွဲခွာသွားစဉ် ဘုရားရှင်က သူတို့ကို ကြိုဆိုသည်။

ဤဖြောင့်မတ်သော ဘုရားလူများ၊ သစ္စာရှိသောအစေခံများကား မည်သူနည်း။…