၁၉၇၀ ခုနှစ် မေလထုတ်သတင်းဆောင်းပါးတစ်ပုဒ်တွင် “ဆပ်ပြာပူဖောင်းပေါ်မှာ (on the bubble)” ဟူသော ဥပစာစကားကို ပထမဆုံးအကြိမ်အဖြစ် သုံးနှုန်းထား သည်။ ၎င်းသည် မသေချာသောအခြေအနေတစ်ရပ်ကိုညွှန်းဆိုပြီး၊ ပြိုင်ကား မောင်းသမား Steve Krisiloff နှင့် ပတ်သက်နေပါသည်။ Indianapolis 500 ကားမောင်းပြိုင်ပွဲတွင် အရှိန်နှေးသောကြောင့် သူ့အဖြစ်က ယှဥ်ပြိုင်ခွင့်ရရန် မသေချာ “on the bubble” ဟုဖော်ပြထားခြင်း ဖြစ်သည်။ သူမောင်းသည့် စံနှုန်းက အဆင့်မီသောသူများနှင့်ယှဉ်လျှင် အနှေးဆုံးဖြစ်သော်လည်း နောက်ပိုင်းတွင် ပြိုင်ပွဲဝင်ရောက်ယှဉ်ပြိုင်ခွင့်ရခဲ့သည်။

ကျွန်ုပ်တို့သည်လည်း ဘဝပြေးပွဲကို ဆက်ယှဉ်ပြိုင်ရန် (သို့) အဆုံးတိုင်အောင် ပြေးနိုင်ရေး မည်သည်ကိုပေးဆပ်ရမည်ကို မသေချာသောအချိန်များ ခံစားဖူး ပေမည်။ ထိုသို့ခံစားရသောအခါ သခင်ယေရှု၌ ကျွန်ုပ်တို့ရှိနေပါက ဘယ်သောအခါမှ မသေချာ မရေရာသောဘဝ၌ ရှိမနေကြောင်းကို သတိရအပ် သည်။ ဘုရားသခင်၏သားသမီးများဖြစ်သည့်အလျောက် ကောင်းကင်နိုင်ငံရှိ ကျွန်ုပ်တို့၏နေရာသည် သေချာစိတ်ချရသောနေရာဖြစ်သည် (ယော ၁၄:၃)။ ထိုစိတ်ချမှုသည် သခင်ယေရှုကို တိုက်ထောင့်အမြစ် အသက်ကျောက်မြတ်အဖြစ်ရွေးချယ်သောဘုရားသခင်ထံမှလာသည်။ ယေရှုတည်းဟူသောတိုက်ထောင့်အမြစ် ၌ ကျွန်ုပ်တို့၏အသက်တာကိုတည်ဆောက်ပြီး၊ ဘုရားသခင်သည် ကျွန်ုပ်တို့ကို သူအလိုတော်ရှိသည့်အတိုင်းဖြစ်နိုင်သော သူ၏ဝိညာဉ်တော်နှင့် ပြည့်ဝသော အသက်ကျောက်ဖြစ်ရန် ရွေးချယ်တော်မူသည်။ (၁ပေ ၂ :၅-၆)

သခင်ခရစ်တော်၌ မျှော်လင့်လျက်၊ သူ့နောက်တော်လိုက်ခြင်းအားဖြင့် ကျွန်ုပ် တို့၏အနာဂတ်သည် လုံခြုံစိတ်ချရပြီဖြစ်သည်(:၆)။ ကျွန်ုပ်တို့သည် “မှောင်မိုက်ထဲမှ အံ့ဖွယ်သောအလင်းတော်သို့ ခေါ်သွင်းတော်မူသောသူ၏ ဂုဏ်ကျေးဇူးများကို ဖော်ပြစေခြင်းငှာ ရွေးချယ်တော်မူသောအမျိုး၊ မင်းစည်းစိမ်ရှိသော ယဇ်ပုရောဟိတ် မျိုး၊ သန့်ရှင်းသောလူမျိုး၊ ပိုင်ထိုက်တော်မူသော အပေါင်းအသင်းဖြစ်ကြ၏”(:၉)။

သခင်ယေရှု၏အမြင်တွင် ကျွန်ုပ်တို့သည် မသေချာမရေရာသောဘဝ၌ ရှိမနေ ပါ။ ကျွန်ုပ်တို့သည် အဖိုးတန်လျက်အချစ်ခံရသူများဖြစ်သည်။ RUTH O’REILLY-SMITH