၁၉၁၇ ခုနှစ်တွင် ငွေကြေးအဆင်မပြေဖြစ်နေသော အမေရိကန်နိုင်ငံ၊ ကယ်လီဖိုးနီးယားပြည်နယ်မှ လုပ်ငန်းရှင် Frederick Lehman (ဖရက်ဒရစ်လီမန်)သည် “ဘုရားသခင်၏ချစ်ခြင်းမေတ္တာ” ဟူသော ဓမ္မသီချင်းစာသားကို ရေးစပ်ခဲ့သည်။ သူသည် စျာန်ဝင်နေချိန်၌ ပထမနှစ်ပိုဒ်ကို မြန်မြန်ဆန်ဆန် ရေးနိုင်ခဲ့သော်လည်း တတိယအပိုဒ်ကို ရေးမရ ဖြစ်နေခဲ့သည်။ ထိုအခါ ယခင်နှစ်များက ရှာတွေ့ရှိခဲ့သော ထောင်နံရံ၌ ရေးထားသည့် ကဗျာတစ်ပုဒ်ကို သူပြန်သတိရမိသည်။ အကျဉ်းသားတစ်ဦးသည် ဘုရားသခင်၏ချစ်ခြင်းမေတ္တာကို နက်ရှိုင်းစွာ သိရှိနားလည်ကြောင်း ကျောက်နံရံပေါ်တွင် ရေးခြစ်ကဗျာဖွဲ့ခဲ့သည်။ ကဗျာစာသားက လီမန်၏ဓမ္မသီချင်းနှင့် ကိုက်ညီနေသဖြင့် ထိုကဗျာကို သီချင်း၏တတိယအပိုဒ်အဖြစ် ရေးလိုက်သည်။

လီမန် နှင့် ထောင်ထဲမှ ကဗျာဆရာကဲ့သို့ ကျွန်ုပ်တို့၌ ခက်ခဲဆုတ်ယုတ်မှုများနှင့် ရင်ဆိုင်တွေ့ကြုံရသောအချိန်များ ရှိကြသည်။ ထိုသို့ စိတ်ပျက်အားငယ်ချိန်တွင် “(ဘုရားသခင်၏) အတောင်တော်အရိပ်၌ ခိုလှုံပါ၏” (ဆာ ၅၇:၁)ဟူ၍ ဆာလံဆရာဒါဝိဒ်၏စကားအတိုင်း ပြောနိုင်ပါသည်။ ကျွန်ုပ်တို့၏အခက်အခဲများကို ဘုရားသခင်ထံ “အော်ဟစ်နိုင်ပါသည်” (:၂)။ လက်ရှိရင်ဆိုင်နေရသောဒုက္ခနှင့် “ခြင်္သေ့စုထဲမှာ နေရ”သော အခြေအနေများတွင် ကျွန်ုပ်တို့၏ကြောက်ရွံ့ခြင်းများကို ဘုရားသခင်အား ပြောပြနိုင်ပါသည် (:၄)။ မကြာမီတွင် အတိတ်က ဘုရားသခင်လက်တွေ့ပြင်ဆင်ပေးခဲ့သည့် အရာများကို ကျွန်ုပ်တို့ပြန်လည်သတိရကာ “သီချင်းဆိုမည်။ ချီးမွမ်းထောမနာပြုပါမည်။ … ငါလည်း စောစောနိုးမည်” (:၇-၈)ဟု ဒါဝိဒ်နှုတ်မြွက်ခဲ့သည့်အတိုင်း ကျွန်ုပ်တို့လည်း နှုတ်မြွက်ကြရမည်ဖြစ်သည်။

ဤဓမ္မသီချင်းတွင် “ဘုရားသခင်၏ချစ်မေတ္တာသည် သာ၍ကြီးမြတ်ပေ၊ အမြင့်ဆုံးကြယ်ကို ကျော်လွန်သွားသည်” ဟု ကြွေးကြော်ထားသည်။ ကျွန်ုပ် တို့၏လိုအပ်မှု အကြီးမားဆုံးအချိန်များတွင် ဘုရား၏မေတ္တာ မည်မျှကြီးမြတ် သည်ကို ကိုင်စွဲရန် အကြောင်းပေါ်လာသောအခါ အမှန်ပင် “ကရုဏာတော် သည် ကောင်းကင်သို့လည်းကောင်း၊ သစ္စာတော်သည် မိုးတိမ်သို့လည်းကောင်း မီပါ၏” (:၁၀)။