စာရေးသူ

အားလုံးမြင်နိုင်ရန်
Adam R. Holz

အေဒမ် အာရ် ဟို့

ဆရာ အေဒမ် အာရ် ဟို့ (Adam R. Holz) သည် Focus on the Family's မီဒီယာ၏ ပြန်လည်သုံးသပ်ခြင်း ဝက်ဘ်ဆိုဒ် ဖြစ်သော Plugged In ဝက်ဘ်ဆိုဒ်၏ ဒါရိုက်တာလူကြီး ဖြစ်သည်။ Discipleship Journal တွင်လည်း တွဲဖက်စာတည်းအဖြစ် ဆောင်ရွက်သေးသည်။ သူသည် NavPress မှ ရိုက်နှိပ်ထုတ်ဝေသည့် သမ္မာကျမ်းစာလေ့လာခြင်းစာစဉ် Beating Busyness ကိုလည်း ရေးသားပြုစုသူဖြစ်သည်။ သူ့ဇနီးမှာ ဂျဲနီဖာ (Jennifer)ဖြစ်သည်။ သူတို့၌ ရေကူးခြင်း၊ ကျွမ်းဘားအားကစားခြင်း၊ ရုပ်ရှင်ဇတ်လမ်းကြည့်ခြင်း နှင့် စန္ဒရားတီးခတ်ခြင်း ကိုနှစ်သက်ပြီး ထမင်းစားပြီးလျှင် ဘာအချိုတည်းရမည်နည်းဟု အဖေဖြစ်သူကို မေးတတ်သည့် ကလေး (၃) ဦး ရှိသည်။ ဆရာသည် သူ၏အားလပ်ချိန်များတွင် လျှပ်စစ်ဂီတာတီးခြင်းဖြင့် အချိန်ကုန်နေတတ်သည်။

စာမူ/ အကြောင်းအရာ များ အေဒမ် အာရ် ဟို့

‌ကျေးဇူးတော် အသစ်တစ်ဖန်အစပြုခြင်း

လွန်ခဲ့သောဆယ်စုနှစ်များစွာက ရုပ်ရှင်အဘိဓာန်သို့ ‘reboot’ (အသစ်တစ်ဖန် အစပြုခြင်း) ဟူသည့် စကားလုံးအသစ် ရောက်ရှိခဲ့သည်။ ရုပ်ရှင်ဝေါဟာရတွင် ‘reboot’ ဆိုသည်မှာ ဇာတ်လမ်းဟောင်းကိုယူကာ ပြန်လည်ရိုက်ကူးခြင်းဖြစ်သည်။ အချို့သော ‘reboot’ များသည် ကျွန်ုပ်တို့သိသော စူပါဟီးရိုး (သို့) နတ်သမီးပုံပြင်များကို ပြန်ပြောခြင်း ဖြစ်သည်။ အချို့ ‘reboot’ များမှာ လူသိနည်းသောပုံပြင်ကို ယူကာ ပုံစံအသစ်ဖြင့် ပြန်လည်တင်ဆက်ခြင်း ဖြစ်သည်။ သို့သော် ပုံစံတိုင်းတွင် ‘reboot’ သည် နောက်တစ်ကြိမ် ထပ်လုပ်သည့်သဘောဖြစ်သည်။ အသစ်သောစတင်မှု၊ ဘဝဟောင်းထဲသို့ အသစ်သောအသက်တာ မှုတ်သွင်းခြင်းဖြစ်သည်။

‘Reboot’ ပါဝင်သည့် နောက်ပုံပြင်တစ်ခုမှာ ဧဝံဂေလိအကြောင်းပင်ဖြစ်သည်။ ဧဝံဂေလိတရားတွင် သခင်ယေရှုသည် ခွင့်လွှတ်ခြင်းအပြင် ကြွယ်ဝသော ထာဝရအသက်ကို ကျွန်ုပ်တို့အား ပေးကမ်းသည် (ယော ၁၀:၁၀)။ ယေရမိမြည်တမ်းစကားတွင် ပရောဖက်ယေရမိက ကျွန်ုပ်တို့အပေါ်ထားသည့် ဘုရားသခင်၏မေတ္တာသည် နေ့ရက်တိုင်းတွင် အသစ်ဖြစ်ကြောင်း သတိပေးဖော်ပြထားသည်။…

လုံးဝ သန့်ရှင်း သန့်စင်သွားပြီ

မကြာ‌မီက ကျွန်တော်တို့ဇနီးမောင်နှံသည် ဧည့်သည်များကို မဖိတ်ခေါ်မီ အိမ်သန့်ရှင်းရေးလုပ်ခဲ့ကြရာ မီးဖိုချောင်ကြမ်းခင်းကြွေပြား၌ ဒူးထောက်ပြီးတိုက်ချွတ်ရမည့် အမဲကွက်အစွန်းများကို တွေ့လိုက်ရသည်။ သို့သော် ကြမ်းကိုတိုက်ချွတ်လေ၊ အခြားအစွန်းကွက်များ တွေ့လာရလေကို ကျွန်ုပ်သိရှိရသည်။ အစွန်းတစ်ကွက်ကို ပြောင်အောင်တိုက်လိုက်တိုင်း အခြားတစ်ကွက် ထင်ရှားပေါ်လာဖို့သာ ဖြစ်နေ သည်။ မီးဖိုချောင်ကြမ်းခင်းက ပြန်ကောင်းလာစရာမရှိသည့်ကြမ်းပြင်ပုံပေါက် သွားသည်။ သို့နှင့် “ငါဘယ်လောက်ပဲ ကြိုးစားတိုက်တိုက် ဒီကြမ်းပြင် လုံးဝသန့်ရှင်းသွားအောင် ငါမလုပ်နိုင်ဘူး” ဟု ကျွန်တော်နားလည်လိုက်သည်။

မိမိကိုယ်ကို သန့်ရှင်းစင်ကြယ်စေခြင်းနှင့် ပတ်သက်၍ ကျမ်းစာကလည်း ထိုသဘောအတိုင်းပင် ပြောထားသည်။ အပြစ်နှင့်ပတ်သက်၍ မိမိဘာသာ မည်မျှပင်အကောင်းဆုံး အပြစ်ကင်းအောင် ကြိုးစားလည်း စံချိန်မမီဘဲ အမြဲရှုံးနိမ့်မည် ဖြစ်သည်။ ဘုရားသခင်၏ကယ်တင်ခြင်းကျေးဇူးကို မပြတ်ခံစားရသည့်တိုင် (ဟေရှာ ၆၄:၅) ပရောဖက်ဟေရှာယက “အကျွန်ုပ်တို့ရှိသမျှသည် စင်ကြယ်ခြင်း မရှိပါ။ ပြုဖူးသမျှသော ကုသိုလ်ကောင်းမှုတို့သည် ညစ်သောအဝတ်နှင့် တူကြပါ၏” (:၆)ဟု ရေးသားခဲ့ခြင်းက ဘုရားသခင်၏လူ…

ကော်ဖီရနံ့

လွန်ခဲ့သည်နှစ်များစွာက မနက်ခင်းတစ်ခုတွင် ကုလားထိုင်၌ ကျွန်ုပ်ထိုင်နေစဥ် အငယ်ဆုံးသမီးလေး လှေခါးမှဆင်းလာပြီး ကျွန်ုပ်ထံသို့ အသော့ပြေးလာကာပေါင်ပေါ်သို့ ခုန်တက်လိုက်သည်။ သမီးလေးအား ချစ်မြတ်နိုးစွာဖြင့် ဖျစ်ညှစ်လိုက်ပြီး သူ့နဖူးကို နမ်းလိုက်သည့်အခါ သူမ ပျော်ရွှင်မြူးတူးစွာ အော်လိုက်သည်။ သို့သော် မျက်မှောင်ကြုတ်၊ နှာခေါင်းရှုံ့ကာ ကျွန်ုပ်၏ကော်ဖီခွက်အား စွပ်စွဲသည့် အကြည့်ဖြင့် ကြည့်ပြီး “ဖေဖေ၊ သမီးဖေဖေ့ကို ချစ်တယ်။ နှစ်သက်တယ်။ ဒါပေမယ့် ဖေဖေ့ရဲ့အနံ့ကို သမီးမကြိုက်ဘူး”ဟု လေးလေးနက်နက် ဆိုသည်။

သူမကိုယ်တိုင်သိမည် မဟုတ်သော်လည်း သိမ်မွေ့ကြင်နာမှုနှင့် အမှန်တရားကို သမီးပြောခဲ့သည်။ ကျွန်ုပ်၏ခံစားချက်များကို မထိခိုက်စေလိုသော်လည်း ကျွန်ုပ်အား တစ်စုံတစ်ခု မဖြစ်မနေပြောရမည်ဟု သူမခံစားခဲ့ရသည်။ ကျွန်ုပ်တို့၏ ဆက်ဆံရေးများ၌ တစ်ခါတစ်ရံ ထိုသို့ လုပ်ဆောင်ရန် လိုအပ်သည်။

ရှင်ပေါလုက ဧဖက်သြဝါဒစာ ၄ တွင် အထူးသဖြင့် ခက်ခဲသည့်အမှန်တရားများကို ပြောကြားသည့်အခါ တစ်ဦးနှင့်တစ်ဦးအပေါ် ပြောဆိုပုံနှင့်စပ်လျဥ်း၍ ကျွန်ုပ်တို့ကို…

ပရမ်းပတာကြားမှကျေးဇူးတော်

ကျွန်တော်ငိုက်လာသောကြောင့် မှေးကနဲအိပ်ပျော်သွားသည်။ မြေအောက်ခန်းမှနေ၍ ကျွန်တော့်သားသည် သူ၏လျှပ်စစ်ဂီတာကို စတင်တီးခတ်သည်။ နံရံများတုန်ခါနေသည်။ ငြိမ်သက်တိတ်ဆိတ်မှုမရှိ။ အိပ်မပျော်နိုင်ပါ။ ခဏအကြာတွင် အခြားဂီတသံတစ်ခုကို ကြားလိုက်ရသည်။ ကျွန်တော့်သမီးက “အံ့ဩဖွယ် ကျေးဇူးတော်” သီချင်းအား စန္ဒရားနှင့်တီးခတ်နေသည်။

ပုံမှန်အားဖြင့် ကျွန်တော့သားဂစ်တာတီးခြင်းကို ကျွန်တော်သဘောကျသည်။ သို့သော် ထိုအခိုက်အတန့်တွင် ၎င်းအသံသည် ကျွန်တော့်နား၌ ကန့်လန့်ဖြစ်၍ နေမထိထိုင်မသာဖြစ်ခဲ့ရသည်။ တစ်ပြိုင်တည်းတွင် ရင်းနှီးနေကျ John Newton (ဂျွန်နျူတန်)၏ ဓမ္မသီချင်းတီးလုံးများက ပရမ်းပတာအခြေအနေတွင် ကျေးဇူးတော်သည် တောက်ပနေကြောင်းကို ကျွန်တော့်အား သတိပေးခဲ့သည်။ နိဒါန်းမချီဘဲ ဝင်ရောက်လာသော ဘဝမုန်တိုင်းများက မည်မျှပင် ကျယ်လောင်ကာ မလိုလားစရာကောင်းနေစေကာမူ ဘုရားသခင်၏တီးလုံးများသည် ရှင်းလင်းစွာ၊ မှန်ကန်စွာ မြည်နေ၍ ကျွန်တော်တို့အပေါ် ဘုရားသခင် ကြည့်ရှုစောင့်ရှောက်နေကြောင်းကို သတိပေးနေပါသည်။

ဤအဖြစ်မျိုးကို သမ္မာကျမ်းစာထဲတွင် တွေ့နိုင်ပါသည်။ ဆာလံကျမ်း ၁၀၇: ၂၃-၃၂ တွင် သင်္ဘောသားများသည် သူတို့ကို…

ပြေးပြိုင်ပွဲ၌ ပါဝင်ဆင်နွဲပါ

National Football League (NFL - အမျိုးသားဘောလုံးအဖွဲ့ချုပ်)၏ အားကစားသမားများ၏ အားကစားသက်တမ်းသည် မှတ်သားလောက်အောင် တိုတောင်းလှသည်။ statista.com ၏လေ့လာချက်အရ ပျှမ်းမျှ (၃.၃) နှစ်သာရှိသည်။ NFL နောက်တန်းကစားသမား Tom Brady (တွမ်ဘရက်ဒီ)ကမူ ၂၀၂၁ ခုနှစ်၊ သူ့အသက် (၄၄) နှစ်၌ သူ၏ (၂၂) နှစ်မြောက် ဘောလုံးရာသီကို စတင်ကစားခဲ့သည်။ အဘယ့်ကြောင့်နည်း။ အစာကို စနစ်တကျ ထိန်းချုပ်စားသောက်ခြင်း၊ လေ့ကျင့်ခန်း မှန်မှန်ပြုလုပ်ခြင်းတို့ကြောင့် သူ၏အားကစားအရည်အသွေးကို ထိန်းသိမ်းနိုင်ခြင်းဖြစ်နိုင်သည်။ ဘရက်ဒီဆွတ်ခူးခဲ့သည့် ‘Super Bowl’ ဆုကြီး (၇) ခုကြောင့် သူ့အား NFL မှ ‘G.O.A.T. - greatest of all time’ (ရာသက်ပန်အကောင်းဆုံး အားကစားသမား)ဆုကို ချီးမြှင့်ခဲ့သည်။ သူ့ဘဝတွင် ဘောလုံးကစားခြင်းတစ်ခုတည်းကိုသာ အာရုံစူးစိုက်ပြီး မကစားခဲ့ပါက…

မင်းအပိုင်ဖြစ်အောင် လုပ်ပစ်လိုက်၊ ဘော်ဒါ

၂၀၀၂ ခုနစ် ဇွန်လ(၁၁)ရက်တွင် American Idol (အမေရိကန် အသည်းစွဲ)သီချင်းပြိုင်ပွဲကြီးကို စတင် ကျင်းပခဲ့သည်။ အပတ်စဉ်တိုင်းတွင် မျှော်လင့်ချက်အပြည့်နှင့် ပြိုင်ပွဲဝင်များသည် နာမည်ကြီးသီချင်းများကို မိမိတို့ကိုယ်ပိုင်ဟန်ဖြင့် ဖျော်ဖြေခဲ့ကြသည်။ ကြည့်ရှုသူ ပရိသတ်များက ပြိုင်ပွဲနောက်တစ်ဆင့်တက်ရန် သင့်တော်သူကို မဲပေးခဲ့ကြသည်။

“ဒီသီချင်းကို မင်းသီချင်းဖြစ်အောင်လုပ်လိုက်တာပဲ၊ ဘော်ဒါ” ဟူသည့်မှတ်ချက်က ပြိုင်ပွဲ၏ဒိုင်တစ်ဦးဖြစ်သည့် Randy Jackson (ရန်ဒီ ဂျက်ဆင်)၏ ကိုယ်ပိုင်အကဲဖြတ်ချက်ဖြစ်သည်။ သီဆိုသူသည် ရင်းနှီးသည့်တေးသွားကို သေချာစွာလေ့လာပြီး တစ်မူထူးစွာ ဆန်းသစ်ပြောင်းလဲပြီး ကိုယ်ပိုင်ဟန်ဖြင့် ဖျော်ဖြေပါက သူထိုကဲ့သို့ ချီးမွမ်းလေ့ရှိသည်။ “ကိုယ်ပိုင်ဖြစ်အောင်လုပ်ခြင်း”သည် တစ်စုံတစ်ရာကို လုံးဝဆန်းသစ်ပြောင်းလဲလိုက်ပြီးနောက် ပရိသတ်ကို ချပြလိုက်ခြင်းဖြစ်သည်။

ရှင်ပေါလုက ကျွန်ုပ်တို့အား မိမိတို့၏ယုံကြည်မှုကို ပိုင်နိုင်သေချာစေပြီး ပြန်လည်ဖော်ပြနိုင်ရေး တစ်စုံတစ်ရာလုပ်ဆောင်ရန် ဖိတ်ခေါ်ခဲ့သည်။ ဖိလိပ္ပိသြဝါဒစာ ၃ တွင် ရှင်ပေါလုသည် ဘုရားသခင်ရှေ့တော်၌ ဖြောင့်မတ်ခြင်းအတွက် သူ၏ကိုယ်ပိုင် အားထုတ်ကျင့်ကြံမှုကို ငြင်းပယ်ကာ…

ဘုရားသခင်ကို အာရုံပြုပါ

စေ့စပ်လက်စွပ်ဝယ်စဥ်က မှန်ကန်သည့်စိန်ကိုရရှိရေးအတွက် နာရီပေါင်းများစွာ အချိန်ပေးကာ ကျွန်ုပ်ရှာဖွေခဲ့ပြီး “အကောင်းဆုံးစိန်နဲ့ လွဲသွားရင် ဘယ်လိုလုပ်မလဲ” ဟူသည့် အတွေးနှင့် ကြာမြင့်စွာ နပန်းလုံးခဲ့ရသည်။

စီးပွားရေးစိတ်ပညာရှင် Barry Schwartz (ဘယ်ရီရှဝဒ်)၏အဆိုအရ ထိုသို့အချိန်ကြာမြင့်လည်း မဆုံးဖြတ်နိုင်ခြင်းက ကျွန်ုပ်သည် “ကျေနပ်အားရသူ”နှင့် ဆန့်ကျင်ဘက်ဖြစ်သည့် “ရနိုင်သမျှယူသောသူ” ဖြစ်ကြောင်း ပြနေသည်။ “ကျေနပ် အားရသူ”သည် သူတို့၏လိုအပ်ချက်များအတွက် လုံလောက်မှု ရှိခြင်း၊ မရှိခြင်းအပေါ်မူတည်၍ ရွေးချယ်မှုများပြုလုပ်သည်။ “ရနိုင်သမျှယူသောသူ”ဆိုလျှင်ကော။ လိပ်ပြာမသန့်စွာနှင့် အကောင်းဆုံးရွေးချယ်မှုကို အမြဲလုပ်ရန် လိုသည်ဟု ထင်ကြသည်။ စိုးရိမ်စိတ်၊ စိတ်ဓာတ်ကျခြင်းနှင့် မကျေမနပ်ဖြစ်ခြင်းများသည် ရွေးချယ်မှုများစွာ ကြုံတွေ့ရချိန်တွင် မိမိမဆုံးဖြတ်နိုင်ခြင်းကြောင့် ထွက်ပေါ်လာသည့် ဖြစ်နိုင်ခြေရလဒ်များဖြစ်သည်။ စင်စစ် လူမှုဗေဒပညာရှင်များက ဤဖြစ်စဉ်အတွက် “လွဲချော်မည်ကို ကြောက်ရွံ့ခြင်း” ဟူသည့် စကားစုကို တီထွင်ခဲ့သည်။

သမ္မာကျမ်းစာတွင် “ရနိုင်သမျှယူသောသူ” (သို့) “ကျေနပ်အားရသူ” ဟူသောစကားလုံးမျိုး မတွေ့ရသော်လည်း အလားတူအမြင်တစ်ခုကိုဖြင့်…

ကျွန်ုပ်တို့အတွက် နေရာပြင်ဆင်နေသည်

ကျွန်‌‌တော်တို့မိသားစု ခွေးမွေးရန်အစီအစဉ်ရှိသဖြင့် ကျွန်တော်၏ (၁၁) နှစ်အရွယ် သမီးသည် လပေါင်းများစွာ လေ့လာစုံစမ်းခဲ့သည်။ အသေးစိတ် ဂရုစိုက်ရမည့် အရာများအနက် ခွေးကိုဘာကျွေးရမည်၊ အိမ်အသစ်၌ နေသားကျအောင် မည်သို့ လုပ်ပေးရမည် စသည်တို့ကို သူမသိသည်။

ခွေးပေါက်လေးများအတွက် အကောင်းဆုံးမှာ အခန်းတစ်ခန်းတွင် နေသားကျ အောင် လုပ်ပေးပြီးမှ တစ်ခန်းပြီးတစ်ခန်း ရွှေ့ပေးရခြင်းဖြစ်သည်ဟု သူမပြောသည်။ ထို့ကြောင့် အခန်းပိုတစ်ခန်းကို ဂရုတစိုက်ပြင်ဆင်ခဲ့ကြသည်။ အသစ်စက်စက် ခွေးလေးကို ပြုစုပျိုးထောင်ချိန်အတွင်း အံ့ဩစရာများတွေ့ကြုံရမည်မှာ သေချာသော်လည်း ပျော်ရွှင်နေသည့် သမီးလေး၏ ကြိုတင်ပြင်ဆင်မှုကို မီမည်မဟုတ်ပါ။

ခွေးလေးလိုချင်နေသည့် သူမ၏စိတ်ပြင်းပြမှုကို သမီးက ချစ်စရာကောင်းသည့် ပြင်ဆင်မှုအဖြစ် အကောင်အထည်ဖော်လိုက်ပုံသည် ဣသရေလလူမျိုးများနှင့် အတူနေထိုင်လိုသည့် ခရစ်တော်၏ဆန္ဒ၊ သူတို့အတွက် အိမ်ပြင်ဆင်ပေးမည့် သူ၏ ကတိတော်ကို အမှတ်ရစေသည်။ သူ၏လောကသာသနာ ပြီးဆုံးခါနီးတွင် ရှင်ယေရှုက တပည့်တော်များအား “ဘုရားသခင်ကို ယုံကြည်ကြလော့။ ငါ့ကိုလည်း…

လွတ်မြောက်ခြင်းလား၊ ငြိမ်းချမ်းငြိမ်သက်ခြင်းလား

ကြော်ငြာဆိုင်းဘုတ်မှ “လွတ်မြောက်ခြင်း”ဟု ရေပူကန်တပ်ဆင်ခြင်း၏ အကျိုး ကျေးဇူးများကို ကြေညာသည်။ ၎င်းက ကျွန်တော့်အာရုံကိုဖမ်းစားလျက် အတွေးဝင်စေသည်။ တစ်နေ့နေ့တွင် ရေပူရေချိုးကန်ဝယ်မည်ဟု ကျွန်တော်တို့ဇနီးမောင်နှံ ပြောဖြစ်သည်။ ခြံအနောက်၌ ကန်ကို ဆင်လိုက်လျှင် အပန်းဖြေရသလိုမျိုး ဖြစ်နေမည်။ သန့်ရှင်းရေးပြန်လုပ်ရခြင်းကလွဲလို့ပေါ့။ ထို့နောက် တက်လာမည့်လျှပ်စစ်မီတာခက အတွေးထဲဝင်လာပြီး၊ ချက်ခြင်းဆိုသလို မျှော်လင့်ထားသည့် လွတ်‌မြောက်ခြင်း ခံစားချက်ထက် ထိုအရာမှလွတ်မြောက်ရန် လိုအပ်သကဲ့သို့ ဖြစ်လာခဲ့သည်။

သို့သော် ထိုစကားလုံးသည် ထိရောက်မှုရှိလှသည်။ အကြောင်းမှာ ကျွန်ုပ်တို့လိုချင်နေသည့် စိတ်သက်သာမှု၊ သက်သောင့် သက်သာရှိမှု၊ လုံခြုံမှုတို့ကို ရစေရမည်ဟု ကတိပေးနေ၍ ဖြစ်သည်။ ‘လွတ်မြောက်ခြင်း’ဆိုသည်မှာ ကျွန်ုပ်တို့၏ခေတ်ယဉ်ကျေးမှုက နည်းအမျိုးမျိုးနှင့် ကျွန်ုပ်တို့ကို ဖြားယောင်း ကျီစယ်နေသည့်အရာဖြစ်သည်။ အနားယူခြင်း (သို့) လှပသည့် တစ်နေရာရာသို့ သွားရောက်ခြင်းသည် အမှားမဟုတ်ပါ။ သို့သော် ဘ၀၏ခက်ခဲမှုများမှ ‘ထွက်ပြေးခြင်း’နှင့် ခက်ခဲမှုများကို ဘုရားရှင်ထံ ‘ယုံကြည် စိတ်ချစွာ…

ခရစ်စမတ်ရောက်ရန် တစ်ရက်ပိုနီးလာပြီ

“ခရစ်စမတ်ပြီးသွားပြီလို့ ကျွန်မ မယုံနိုင်ဘူး”ဟု မရွှင်မပျဖြစ်နေသော သမီးက ဆိုသည်။ သူမည်သို့ခံစားရသည်ကို ကျွန်ုပ်သိသည်။ ခရစ်စမတ်၏နောက်ဆက်တွဲ ကြောင့် စိတ်မသာမယာခံစားရနိုင်သည်။ လက်ဆောင်များကို ဖွင့်ဖောက်ပြီး၊ ခရစ်စမတ်သစ်ပင်နှင့် မီးလုံးများကို ဖြုတ်သိမ်းပြီးဖြစ်သည်။ အင်အားမဲ့သောခံစားချက်ဖြင့် ဇန်နဝါရီလထဲဝင်လာပြီး အားလပ်ရက်အတွင်း တိုးလာသည့် ကိုယ်အလေးချိန်ကို လျော့ရန်အ‌ရေးက စောင့်ကြိုနေ၏။ ခရစ်စမတ်အချိန်အခါအတွက် ရင်မောစရာ၊ ပြင်ဆင်စရာများသည် အဝေးကြီးလိုသေးသည်ဟု ခံစားရသည်။

လွန်ခဲ့သောနှစ်အနည်းငယ်က ခရစ်စမတ်ပစ္စည်းများကို ပြန်လည် သိမ်းဆည်းစဉ်က ‘ပြက္ခဒိန်ကို ဘယ်လိုကြည့်ကြည့် နောက်နှစ်ခရစ်စမတ်ရောက်ဖို့ တစ်ရက် ပိုနီးလာကြောင်း’ ကျွန်ုပ်သိသည်။ ၎င်းကို ကျွန်ုပ် မကြာခဏပြောတတ်လေ့ရှိသည်။

သို့သော် တစ်ခဏတာ ခရစ်စမတ်ပွဲ ဆင်နွဲခြင်းထက် လောကသို့ ရှင်ယေရှု ကယ်တင်ခြင်းကို ဆောင်ယူလာခြင်းနှင့် ကိုယ်တော်၏ပြန်အလာကို ကျွန်ုပ်တို့စောင့်စား မျှော်လင့်ခြင်းဟူသည့် စစ်မှန်သည့် ဝိညာဉ်ရေးရာက ပို၍အရေးကြီးသည်။ ခရစ်တော် ဒုတိယအကြိမ်ပြန်ကြွလာခြင်းအား စောင့်ကြည့်နေခြင်း၊ စောင့်ဆိုင်းခြင်း၊ မျှော်လင့်ခြင်းအကြောင်းကို…