စာရေးသူ

အားလုံးမြင်နိုင်ရန်
Cindy Hess Kasper

စင်ဒီဟက်စ်ကက်စ်ပါ

စင်ဒီဟက်စ်ကက်စ်ပါ (Cindy Hess Kasper) သည် Our Daily Bread Ministries ၌ နှစ်ပေါင်း ၄၀ ထက်မက အစေခံခဲ့သည်။ ၎င်းတို့အနက် အနှစ် (၃၀) က Our Daily Journey ၏ စီနီယာ အကြောင်းအရာစာတည်း အဖြစ် လုပ်ဆောင်ခဲ့သည်။ ထိုနှစ်များအတွင်းတွင် သူမသည် လူငယ်များအတွက် ဝတ်ပြုကိုးကွယ်ခြင်း စာမူများကို (၁၀) နှစ်ကျော်ကြာသည်အထိ ရေးသားခဲ့သည်။ ထို့နောက် Our Daily Bread စာမူများကို ၂၀၀၆ ခုနှစ်မှ စတင်၍ ရေးသားပေးခဲ့သည်။ သူမ၏ ဖခင်၊ အနှစ်သက်ဆုံး ညွှန်ပြသူဆရာ နှင့် ခွန်အားပေးသူ ဖြစ်သည့် နှစ်ရှည်ဆက်ကပ်နေသည့် စီနီယာ ဆရာကြီး ခလဲ ဟက်စ် (Clair Hess) ကြောင့် သူမသည် စာပေရေးသားခြင်းအတွက် စိတ်ထက်သန်လာခဲ့သည်။ ဆရာမသည် ၂၀၁၈ ခုနှစ်တွင် အငြိမ်းစားယူသွားခဲ့ပြီ ဖြစ်သော်လည်း ဝတ်ပြုကိုးကွယ်ခြင်းဆိုင်ရာ စာမူများကို ဆက်လက်ရေးသားပေးနေသည်။ ဆရာမနှင့် ခင်ပွန်းဖြစ်သူ ဆရာ တွမ် တို့၌ ကလေး (၃)ဦးနှင့် ချစ်စရာကောင်းပြီး သာယာကြည်နူးစေသည့် အရူးလေးများဖြစ်သည့် (ဆရာမ၏စကားအရ) မြေးများစွာ ရှိသည်။

စာမူ/ အကြောင်းအရာ များ စင်ဒီဟက်စ်ကက်စ်ပါ

အကောင်းအဆိုးအားလုံး

(၁၇) ရာစုက Oliver Cromwell (အော်လီဗာကော(မ်)ဝဲလ်)သည် “အင်္ဂလန်ကို ကာကွယ်သူ”ဟု လူသိထင်ရှားသော စစ်သေနာပတိဖြစ်သည်။ ထိုခေတ်အခါက အရေးကြီးပုဂ္ဂိုလ်များအတွက် သူတို့၏ပုံတူပန်းချီများ ရေးဆွဲလေ့ရှိကြသည်။ ထို့ပြင် လူတစ်ဉီး၏မျက်နှာရှိ ဆွဲဆောင်မှုအားနည်းသောရှုထောင့်ကို ရေးဆွဲရန် ရှောင်ရှားခြင်းသည် အနုပညာရှင်တစ်ဉီးအတွက် အဆန်းမဟုတ်ပါ။ သို့သော် ကော(မ်)ဝဲလ်က သူ့အား မြှောက်ပင့်မှုမျိုးကို မလိုချင်ခဲ့ပါ။ သူက ပန်းချီဆရာအား “မင်းက ငါ့အရှိအတိုင်းကိုပဲ ဆွဲရမယ်။ အကောင်းရောအဆိုးပါ အားလုံးနော်၊ မဟုတ်ရင် ငါမင်းကို အခကြေးငွေမပေးဘူး” ဟုသတိပေးခဲ့သည်။

ပန်းချီဆရာက လိုက်လျောခဲ့ပုံရပါသည်။ ကော(မ်)ဝဲလ်၏ပုံတူ ရေးဆွဲပြီး ချိန်တွင် မျက်နှာပေါ်မှ သိသာထင်ရှားသောကြွက်နို့များပါရှိပြီး၊ ယနေ့ခေတ် ဆိုလျှင် လူမှုမီဒီယာတွင် မတင်မီ ပုံပြင်မည် (သို့) ပိုလှအောင်ပြုလုပ်မည်မှာ အသေအချာပင်ဖြစ်သည်။

“အကောင်းအဆိုးအားလုံး” ဟူသောအသုံးအနှုန်းသည် လူတို့အား စိတ် အနှောင့်အယှက်ဖြစ်ရသည့် ၎င်းတို့၏ချို့ယွင်းချက်များ၊ သဘောထားများနှင့် ပြဿနာများစသည်ဖြင့် သူတို့၏အရှိကိုအရှိတိုင်း…

ချိုမြိန်သောအိပ်စက်ခြင်း

ကျွန်မသူငယ်ချင်း ဖလော့(စ်)သည် ညအချိန်၌ အိပ်မရတိုင်း “ယေရှုရှင်၊ ကိုယ်တော်ကို ချစ်ပါ၏ကျူး” ဓမ္မသီချင်းမှစာသားများကို ဆင်ခြင်သည်။ သူမက ၎င်းသီချင်းကို “သန်းခေါင်ယံသီချင်း” ဟု ခေါ်သည်။ အဘယ်ကြောင့်ဆိုသော် ထာဝရဘုရား၏ ကတိတော်နှင့် ထာဝရဘုရားကို သူမချစ်ရသည့် အကြောင်းပြချက်များစွာကို သတိရစေသောကြောင့် ဖြစ်သည်။

အိပ်စက်ခြင်းသည် ဘဝ၏တစ်စိတ်တစ်ပိုင်း ဖြစ်သောကြောင့် လိုအပ်ပါသော်လည်း တစ်ခါတစ်ရံ အိပ်မပျော်နိုင်ပါ။ တစ်ခါတစ်ရံတွင် ကျွန်ုပ်တို့ ဝန်မခံသောအပြစ်များကို ဖော်ပြသည့် သန့်ရှင်းသောဝိညာဉ်တော်၏အသံကို ခံစားရ၊ ကြားရသည်။ သို့မဟုတ် အလုပ်အကိုင်၊ ပေါင်းသင်းဆက်ဆံရေး၊ ငွေရေးကြေးရေး၊ ကျန်းမာရေး၊ သားရေးသမီးရေးအတွက် စိတ်ပူနေမိသည်။ မကြာမီမှာပင် ဉီးနှောက်အတွင်း ရှေ့လာမည့်အနာဂတ်ကို စတင်စိတ်ကူးယဉ်ပုံဖော်မိသည်။ မှေးခနဲအိပ်ပျော်သွားသည်ဟု ထင်သော်လည်း နာရီကြည့်မိသည့်အခါ အချိန်ကုန်ခဲလှပါဘိ။

သုတ္တံကျမ်း ၃:၁၉-၂၄ တွင် ထာဝရဘုရား၏ပညာတော်၊ ဉာဏ်ေတော်၊ သိပ္ပံအတတ်တို့ကို ကိုင်စွဲလျှင် ကောင်းစွာ အိပ်ပျော်ရလိမ့်မည်ဟု ရှောလမုန်မင်းကြီးက…

သင်ယူမှုကို နှစ်သက်ခြင်း

သတင်းထောက်တစ်ဦးဖြစ်လာပုံကို မေးမြန်းသောအခါ လူတစ်ယောက်က သူ၏ သင်ယူလိုမှုအပေါ်သူ့မိခင်၏ပေးဆပ်မှုအကြောင်းကို ဝေမျှခဲ့သည်။ သူ့မိခင်သည် နေ့စဉ်မြေအောက်ရထားဖြင့် သွားလာစဉ် ထိုင်ခုံများပေါ်တွင် လူတို့ချန်ခဲ့သောသတင်းစာများကို ကောက်ပြီး သူ့ကိုပေးသည်။ အထူးသဖြင့် အားကစားသတင်းများကို သူနှစ်သက်ဖတ်ရှုသော်လည်း သတင်းစာများက သူ့ကို ကမ္ဘာရေးရာဗဟုသုတများနှင့် မိတ်ဆက်ပေးခဲ့ပြီး နောက်ဆုံးတွင် ကျယ်ပြန့်သောစိတ်ဝင်စား စူးစမ်းဖွယ်ရာများအတွက် သူ၏စိတ်ကို ဖွင့်ပေးခဲ့သည်။

ကလေးများသည် သူတို့သဘာဝအတိုင်း စူးစမ်းလိုစိတ်နှင့်သင်ယူခြင်းကို နှစ်သက်သောကြောင့် ငယ်ရွယ်စဥ် ၎င်းတို့ကို သမ္မာကျမ်းစာနှင့် မိတ်ဆက်ပေးခြင်းက တန်ဖိုးရှိလှသည်။ ဘုရားသခင်၏တစ်မူထူးသော ကတိတော်များနှင့် စိတ်လှုပ်ရှားဖွယ် သမ္မာကျမ်းသူရဲကောင်းများအကြောင်း ပုံဝတ္ထုများကို သူတို့စိတ်ဝင်စားလာကြမည်။ သူတို့၏ အသိဉာဏ် ပိုမိုနက်ရှိုင်းလာသည်နှင့်အမျှ သူတို့သည် အပြစ်၏အကျိုးဆက်များ၊ နောင်တရရန်လိုအပ်မှုနှင့် ဘုရားသခင်ကို ယုံကြည်ကိုးစားခြင်းဖြင့် တွေ့နိုင်သောဝမ်းမြောက်မှုတို့ကို နားလည လာနိုင်သည်။ ဥပမာ - သုတ္တံကျမ်းအခန်းကြီး ၁ က ပညာ၏အကျိုးကျေးဇူးများကို မိတ်ဆက်ပေးပြီး (သု ၁:…

သမ္မာကျမ်းစာကို ပုံဖော်ခြင်း

ဒတ်ချ်လူမျိုးတို့၏အိမ်များတွင် တွေ့ရလေ့ရှိသော အပြာရောင်နှင့်အဖြူရောင် အလှဆင်ကြွေပြားများကို Delft (ဒက်) မြို့တွင် မူလပထမပြုလုပ်ခဲ့သည်။ တစ်ခါတစ်ရံ ထိုကြွေပြားများပေါ်တွင် အကျွမ်းတဝင်ရှိလှသော နယ်သာလန်နိုင်ငံ ၏ လှပသော တောတောင်ရေမြေရှုခင်း၊ နေရာအနှံ တွေ့ရလေ့ရှိသော လေရဟတ်များနှင့် အလုပ်လုပ်နေသူ၊ ကစားနေသူများ၏ပုံများကို ရေးဆွဲထားလေ့ရှိသည်။

၁၉ ရာစုနှစ်က Charles Dickens (ချားလ်စ်ဒစ်ကင်း)၏ “A Christmas Carol” (ခရစ်စမတ် နာတာလူးသီချင်း)စာအုပ်တွင် ထိုကြွေပြားများအား ကျမ်းပိုဒ်များ သရုပ်ဖော်ရေးဆွဲရာ၌ အသုံးပြုထားသည်။ ဒတ်ချ်လူမျိုးတစ်ဦး၏လက်ရာ ရှေးဟောင်းမီးလင်းဖိုတွင် “ကာဣနနှင့် အာဗြေလ၊ ဖာရောမင်း၏သမီးတော်များ၊ ရှေဘပြည်မှ မိဖုရားများနှင့် ပင်လယ်ထဲသို့ခရီးနှင်နေသော တမန်တော်ပုံများ”ပါရှိသော တစ်မူထူးခြားသော Delft ကြွေပြားများဖြင့် ဆောက်လုပ်ထားပုံကို ဖော်ပြထားသည်။ အိမ်‌ထောင်စုများစွာသည် နွေးထွေးသောမီးပုံနားတွင် မိသားစုဝင်များစုရုံးမီးလှုံရင်း ကျမ်းစာထဲမှ ပုံဝတ္ထုများကို ဝေငှလျက် ယင်းကြွေပြားများကို သင်ကြားရေးကိရိယာအဖြစ် အသုံးပြုကြသည်။ ဘုရားသခင်၏သဘောလက္ခဏာများဖြစ်သော တရားမျှတခြင်း၊…

မိုးရွာသောနေ့များ

အမေရိကန်နိုင်ငံ၊ တင်နစီပြည်နယ်၌ ကိုဗစ်-၁၉ ကူးစက်မှုကို ဟန့်တားရန်ကြိုးစားမှုအနေဖြင့် လုပ်ငန်းငယ်လေးများကို ရပ်ဆိုင်းလိုက်ရသောအခါ လုပ်ငန်းရှင်များက သူတို့၏ ဝန်ထမ်းများကို မည်သို့စောင်မရမည်၊ ဆိုင်ခန်းငှားခများကို မည်သို့ဖြေရှင်းရမည်၊ ဤကပ်ဘေးအတွင်း မည်သို့ရှင်သန်ရုန်းကန်ကြရမည် စသည်ဖြင့် ပူပန်ခဲ့ကြသည်။ သူတို့၏သောကကို စာနာသိမှတ်လျက် နာ့ရှ်ဗေးလ်ဒေသမှ သင်းအုပ်တစ်ပါးက ရုန်းကန်နေရသည့်လုပ်ငန်းရှင်များအား ငွေကြေးထောက်ပံ့ပေးခဲ့သည်။

"လူတစ်ယောက်က မိုးရေထဲမှာ ကြွက်စုတ်ဖြစ်နေတဲ့အချိန်မှာ မိုးရာသီ ရံပုံငွေ ပေါ်ထိုင်ပြီး ကျွန်တော်တို့ မနေနိုင်ပါဘူး" ဟု ဆရာက ရှင်းပြပြီး အခြားသော အသင်းတော်များလည်း ပူးပေါင်းပါဝင်ကူညီကြရန် တိုက်တွန်းခဲ့သည်။

မိုးရာသီရံပုံငွေဆိုသည်မှာ အချိန်အတိုင်းအတာတစ်ခုထိ သာမန်ဝင်ငွေ ကျဆင်းသွားပြီး လုပ်ငန်း ဆက်လက်ပုံမှန်လည်ပတ်ရန်ရှိနေသည့် အခြေအနေအတွက် ဖယ်ထားသည့်ငွေဖြစ်သည်။ မိမိအတွက်သာ အရင်ကြည့်တတ်ခြင်းက သဘာဝကျသော်လည်း မိမိ၏လိုအပ်မှုထက်ကျော်ကြည့်ရန်၊ အခြားသူကို အစေခံနိုင်မည့် နည်းလမ်းများရှာကြံရန်၊ ရက်ရောသောစေတနာစိတ်ကို လေ့ကျင့် ပျိုးထောင်ရန် သမ္မာကျမ်းစာမှ တိုက်တွန်းအား‌ပေးထားပါသည်။ သုတ္တံကျမ်း အခန်းကြီး…

အတွင်းမှ လှိုက်ပြိုပျက်စီးနေခြင်း

ကျွန်မ ဆယ်ကျော်သက်အရွယ်က အမေသည် ဧည့်ခန်းနံရံပေါ်၌ နှစ်အတော်တန်ကြာအောင် စွဲထင်နေသော နံရံဆေးပန်းချီတစ်ခု ရေးဆွဲခဲ့သည်။ ဘေးတစ်ဘက် တစ်ချက်တွင် ပြိုလဲနေသော ကျောက်တိုင်များ၊ ကြွေမွနေသော အုတ်မြစ်များ၊ ကျိုးပဲ့နေသောရုပ်တုများနှင့် ပျက်စီးနေသော ဂရိဘုရားကျောင်းပုံဖြစ်သည်။ တစ်ချိန်က ခမ်းနားထည်ဝါစွာ လှပခဲ့သော Hellenistic (ဘီစီ ၄ရာစုမှ ၁ရာစုနှစ်က ဂရိစာပေနှင့် ယဉ်ကျေးမှုဆိုင်ရာ) ဗိသုကာလက်ရာများကို ကြည့်ရင်း ၎င်းတို့ကိုအဘယ်အရာက ဖျက်ဆီးပစ်သနည်းဟု မြင်ယောင်တွေးကြည့်မိသည်။ အထူးသဖြင့် တစ်ခေတ်တစ်ခါက အရှိန်အဝါဖြင့် ကြီးကျယ်ခမ်းနားခဲ့သော ယဥ်ကျေးမှု၏ပြိုကျပျက်စီးမှုအဖြစ်ဆိုးသည် 'အတွင်းမှလှိုက်စားခြင်းကြောင့်' ဟု စတင်လေ့လာရသောအခါ ကျွန်မ၏သိချင်စိတ်ပိုတိုးလာတော့သည်။

ယနေ့ ကျွန်မတို့၏ဝန်းကျင်၌ တွေ့မြင်နေရသော ညစ်ညမ်းသောအပြစ်ဒုစရိုက်များ၊ အပျက်အစီးများက စိတ်ပျက်စရာ ကောင်းလှသည်။ ဘုရားသခင်ကိုငြင်းပယ်နေသောလူမျိုးနှင့် တိုင်းနိုင်ငံများကြောင့် ထိုသို့ ဖြစ်နေရကြောင်း လက်ညိုးထိုးကာ ကြိုးစားပြီး ရှင်းပြနေခြင်းက သဘာဝကျပါသည်။ သို့သော် မိမိအတွင်းပိုင်းကို ကျွန်ုပ်တို့စစ်ဆေးရန် မလိုအပ်ပေဘူးလား။ မိမိ၏နှလုံးသားကို…

ဆုတောင်းခြင်းအားကြီးသောသူ

ကျွန်မတို့မိသားစုသည် အမြဲ မဟုတ်သော်လည်း ကျွန်မတို့၏အဘိုး Dierking (ဒီယာကင်း)ကို ယုံကြည်ခြင်းနှင့် ဆုတောင်းအားကြီးသူအဖြစ် အမှတ်ရကြသည်။ "တို့တတွေ အစာမစားခင် ဘုရားသခင်ရဲ့ကျေးဇူးတော်ကို ချီးမွမ်းခြင်းနဲ့ စကြမယ်" ဟူ၍ ပထမဆုံးအကြိမ် မိသားစု၌ သူ့အဖေကြေညာလိုက်ခြင်းကို ကျွန်မအဒေါ်က ပြန်ပြောင်းသတိရသည်။ သူ၏ပထမဆုံးဆုတောင်းက မပြေပြစ်သော်လည်း အဘိုးသည် ဆုတောင်းခြင်း အလေ့အကျင့်ကို နောက်ထပ် နှစ်ပေါင်း (၅၀) ကျော် ဆက်လက်လုပ်ဆောင်ခဲ့ပြီး မကြာခဏဆိုသလို တစ်နေ့လုံး ဆုတောင်းတတ်သည်။ အဘိုးဆုံးသွားသောအခါ ကျွန်မ၏ခင်ပွန်းသည် "အဘိုးက ဆုတောင်းခြင်း အားကြီးသူတစ်ဦးဖြစ်တယ်" ဟုပြောပြီး အဖွားကို "Praying hands" (ဆုတောင်းနေသောလက်များ) အပင်လေးပေးခဲ့သည်။ နေ့စဥ် ဘုရားရှင်နောက်တော်လိုက်ပြီး ကိုယ်တော်နှင့်စကားပြောရန် ဟူသော သူ၏ဆုံးဖြတ်ချက်က သူ့အား ခရစ်တော်၏သစ္စာရှိသော အစေခံတစ်ဦးအဖြစ် ပြောင်းလဲ ပေးခဲ့သည်။

သမ္မာကျမ်းစာ၌ ဆုတောင်းခြင်းအကြောင်း များစွာပါရှိ၏။ ရှင်မဿဲခရစ်ဝင် ၆:၉-၁၃ ၌…

သင်၏ဖြစ်ကြောင်းကုန်စင်ကို ဘုရားရှင် သိသည်

ကျွန်မ၏အချစ်ဆုံးသူငယ်ချင်းနှင့်အတူ နေ့လည်စာစားပြီးနောက် အိမ်သို့ ကား မောင်းပြန်ခဲ့စဥ် သူနှင့်မိတ်ဆွေဖြစ်ရခြင်းအတွက် ဘုရားသခင်အား နှုတ်မှဖွင့်ဟကာ ကျေးဇူးတင်ခဲ့မိသည်။ ကိုယ့်ကိုကိုယ်ပင် မကြိုက်သောအရာများ ရှိလျက်ပင် သူက ကျွန်မကို နားလည်ပြီး ချစ်သည်။ ကျွန်မ၏ထူးခြားသောစရိုက်၊ အကျင့်နှင့် အလွဲ အချော်များစသည့် ကျွန်မ၏ပုံစံအမှန်အတိုင်းကို လက်ခံပေးသော လူအနည်းစုထဲမှ တစ်ဦးဖြစ်သည်။ သို့ဖြစ်လျက်ပင် ကျွန်မလူစွမ်းကောင်း လုံးဝမဖြစ်ခဲ့သော အချိန် များ၊ အခြားသူများကို ကျွန်မဝေဖန်အပြစ်မြင်ခဲ့သော၊ မကြင်နာခဲ့သော၊ မခင်မင်တတ်ခဲ့သောအချိန်များစသည်ဖြင့် - သူမနှင့်အခြား ကျွန်မချစ်ခင်နှစ်သက်သူများ အား ပြောပြရန် တွန့်ဆုတ်နေသေးသော ဘဝအကြောင်းများ ရှိနေသေးသည်။

သို့သော် ဘုရားသခင်သည် ကျွန်မဘဝ၏ ဖြစ်ကြောင်းကုန်စင် အားလုံးကို သိပါ သည်။ အကယ်၍ ကျွန်မက အခြားသူများကိုပြောပြရန် တွန့်ဆုတ်နေလျှင်သော်မှ ဘုရားရှင်သည် ကျွန်မပွင့်လင်းစွာ ပြောဆိုနိုင်သော တစ်ဦးတည်းသောသူဖြစ်သည်။

ကျွန်ုပ်တို့ ရင်းနှီးပြီးသားဖြစ်သော ဆာလံကျမ်း အခန်းကြီး…

ဘုရားသခင်ပြင်ဆင်ပေးသည့် ဝမ်းမြောက်ခြင်း

မာစီးရာ သည် လူစုလူဝေးကြားထဲသွားတိုင်း အခြားသူကို ပြုံးပြရန် သူအမြဲ ကြိုးစားသည်။ ၎င်းသည် ခင်မင်ဖော်ရွေသောမျက်နှာကို မြင်ရန်လိုအပ်သူ တစ်ဦးဦးကို နွေးထွေးမှုပြသရန် သူမ၏နည်းလမ်းတစ်ခုဖြစ်သည်။ များသော အားဖြင့် လူတို့၏စိတ်ရင်းမှန်ဖြင့် တုံ့ပြန်အပြုံးကိုရပါသည်။ သို့သော် မာစီးရာ သည် နှာခေါင်းစည်းကို မဖြစ်မနေတပ်ရချိန်တွင် သူ့နှုတ်ခမ်းကို လူတို့ မမြင်နိုင်တော့၍ သူ့အပြုံးကိုလည်း မမြင်နိုင်တော့ပါ။ "ဒါဟာ ဝမ်းနည်းစရာပဲ။ ဒါပေမယ့် ငါဆက်ပြုံးရမယ်။ ငါ့မျက်လုံးတွေကနေတစ်ဆင့် ငါ့အပြုံးကို သူတို့ မြင်ကောင်း မြင်မှာပဲ" ဟု သူတွေးမိသည်။

အမှန်တွင် ထိုအတွေး၏နောက်ကွယ်၌ သိပ္ပံပညာရှိသည်။ နှုတ်ခမ်းထောင့်ရှိ ကြွက်သားနှင့် မျက်လုံးများကို တွန့်စေသည့်ကြွက်သားများသည် အတိုင်အဖောက် ညီညီ အလုပ်လုပ်နိုင်သည်။ ၎င်းကို 'Duchenne (ဒူရှန်း)အပြုံး' ဟုခေါ်ပြီး ၎င်းကို "မျက်လုံးဖြင့် ပြုံးပြခြင်း" ဟု ဖော်ပြကြသည်။

"မျက်စိအလင်းသည် နှလုံးကို ရွှင်လန်းစေတတ်၏"…

အစီအစဥ်ရှိပြီလား

အသက် ၁၈ နှစ်ပြည့်တော့မည့် ကေဒန်သည် သူဦးစားပေးရွေးချယ်ခဲ့သည့် ကောလိပ်တွင် ပညာသင်ထောက်ပံ့ကြေးရပြီး ကျောင်းတတ်ရမည့်နေ့ကို မျှော်မဆုံး ဖြစ်နေသည်။ သူအထက်တန်းကျောင်းတက်စဥ်က ကျောင်းတွင်း သာသနာလုပ်ငန်း၌ ပါဝင်ခဲ့သလို ကောလိပ်တွင်လည်း ပတ်ဝန်းကျင်အသစ်၌ အမှုတော်ဆောင်နိုင်ရန် မျှော်လင့်နေသည်။ အချိန်ပိုင်းအလုပ်မှ ဝင်‌ငွေကို သူစုထားသလို အလုပ်အသစ်ရဖို့လည်း အလားအလာ ရှိနေသည်။ သူရည်မှန်း ထားသည့်အတိုင်း အားလုံးက အံကိုက်ဖြစ်သည်။

ထိုနောက်တွင် ၂၀၂၀ခုနှစ် နွေဦး၌ ကမ္ဘာလုံးဆိုင်ရာ ရောဂါကပ်ဘေးက အရာအားလုံးကို ပြောင်းလဲပစ်လိုက်သည်။

သူ၏ပထမနှစ်ဝက်စာသင်ကာလကို အွန်လိုင်း မှ သင်မည်ဖြစ်ကြောင်း ကျောင်းမှ အကြောင်းကြားလာသည်။ ကျောင်းတွင်းသာသနာလုပ်ငန်းကို ရပ်ဆိုင်းထားရသလို စီးပွားရေး မကောင်းသဖြင့် အလုပ်သစ်က မျှော်တိုင်း ဝေးပြီ။ စိတ်ပျက်နေသောသူ့ကို သူ့သူငယ်ချင်းက နာမည်ကြီး လက်ဝှေ့သမား တစ်ဦး၏စကားတစ်ခွန်းကို ပြောပြခဲ့သည်။ "မျက်နှာတည့်တည့် အထိုးမခံရ သေးတဲ့ အချိန်အထိတော့ လူတိုင်းမှာ ကြိုတင်အကြံစည်ရှိကြတာပဲ"တဲ့။…