ခရစ်စမတ်၏အံ့ဖွယ်ရာ

ပစ္စည်းဟောင်းရောင်းချသည့်နေရာတွင် ကတ်ထူစက္ကူဗူးဟောင်းထဲ၌ ဖွားမြင်စခရစ်တော်အရုပ်လေးကို ကျွန်မတွေ့လိုက်သည်။ သူငယ်တော်အရုပ်လေးကို ကျွန်မကောက်ကိုင်လိုက်စဥ် အရုပ်၏ခန္ဓာကိုယ် အနုစိတ်လက်ရာကို သတိထားမိသည်။ ဤမွေးကင်းစကလေးငယ်ကို စောင်နှင့် မထွေးပိုက်ထားသလို မျက်လုံးများလည်း မမှိတ်နေပါ။ သူကလေးနိုးနေပြီး စောင်ထဲမှ တစ်ပိုင်းတစ်စ ထွက်နေပြီး လက်ကလေးဆန့်လျက် “ကျွန်တော်ဒီမှာ” ဟုပြောနေသယောင်ယောင်ပင်။

ဤရုပ်တုငယ်လေးသည် ခရစ်စမတ်၏အံ့ဖွယ်ရာဖြစ်သော ဘုရားသခင်၏ သူ၏သားတော်ကို လူ့ဇာတိခန္ဓာနှင့် မြေကြီးပေါ်စေလွှတ်ခြင်းကို ပြနေသည်။ ‌ယေရှု၏ခန္ဓာကိုယ်ပေါက်စလေး ကြီးပြင်းလာစဥ် သူ၏လက်သေးသေးများက အရုပ်များနှင့်ကစားခဲ့ပြီး၊ တဖြည်းဖြည်းနှင့် ပညတ္တိကျမ်းများကို စတင်ကိုင်တွယ်လာကာ သူ၏သာသနာခရီးမစတင်ခင် ပရိဘောဂများကို ပြုလုပ်ခဲ့သည်။ မွေးစက ဖောင်းတစ်တုတ်ခိုင်ခဲ့သော သူ၏ခြေထောက်လေးများက သွန်သင်ခြင်းအမှုပြုရန်နှင့် အနာရောဂါများငြိမ်းစေရန် တစ်နေရာမှတစ်နေရာဆီသို့ သူ့ကိုပို့ဆောင်ပေးခဲ့သည်။ သူ့ဘဝနောက်ဆုံးအချိန်တွင် လက်ဝါးကပ်တိုင်၌ သူ၏ခန္ဓာကိုယ်ကို ကပ်ထားရန် ဤလူ့ဇာတိ ခြေထောက်နှင့်လက်များကို သံမှိုနှင့်ရိုက်ခဲ့ရသည်။

“အပြစ်နှင့်ပြည့်စုံသော ဇာတိပကတိ၏သဏ္ဌာန်ကိုဆောင်သော မိမိသားတော်ကို စေလွှတ်တော်မူ၍၊ အပြစ်ဖြေဖို့ရာ ဇာတိပကတိ၌ အပြစ်ကို ဒဏ်ပေးတော်မူ၏”…

သင့်အသံကို အသုံးပြုပါ

လီစာသည် အသက် (၈) နှစ်အရွယ်ကတည်းက စကားထစ်သည့်ရောဂါဖြင့် ရုန်းကန်ခဲ့ရပြီး လူအများနှင့်စကားပြောဆိုရန် လိုအပ်သည့် လူမှုရေးအခြေအနေများကို ကြောက်ရွံ့ခဲ့သည်။ သို့သော် နောက်ပိုင်းတွင် စကားပြောကုထုံးအားဖြင့် သူမ၏စိန်ခေါ်မှုကို ကျော်လွှားရန် အထောက်အကူဖြစ်ခဲ့ပြီးနောက် လီစာသည် အခြားသူများကို ကူညီမစရန် သူမ၏အသံကို အသုံးပြုစိမ့်သောငှာ ဆုံးဖြတ်ခဲ့သည်။ သူမသည် စိတ်ထိခိုက်နာကျင်မှုများအတွက် အရေးပေါ်ဆက်သွယ်ရန် ဖုန်းလိုင်းတစ်ခုတွင် အတိုင်ပင်ခံအဖြစ် စေတနာ့ဝန်ထမ်းအဖြစ် လုပ်ကိုင်ခဲ့သည်။

မောရှေသည် ဣသရေလလူမျိုးတို့ကို ကျွန်သုံ့ပန်းဘဝမှ ထုတ်ဆောင်ရန် ဦးဆောင်ရသည်တွင် စကားပြောဆိုခြင်းနှင့်ပတ်သက်၍ စိုးရိမ်သောကကို ရင်ဆိုင်ခဲ့ရသည်။ ဖာရောဘုရင်နှင့် စကားပြောရန် ဘုရားသခင်က ပြောသောအခါ မောရှေသည် သူ၏စကားပြောစွမ်းရည်ကို စိတ်မချသောကြောင့် ကန့်ကွက်ခဲ့သည် (ထွက် ၄:၁၀)။ ထာဝရဘုရားကလည်း “လူ၏နှုတ်ကို အဘယ်သူဖန်ဆင်းသနည်း” ဟုပြန်ပြောပြီးနောက် “သင်၏နှုတ်၌ ငါရှိ၍ သင်သည် အဘယ်သို့ပြောရမည်ကို သွန်သင်မည်” (:၁၁-၁၂)ဟု မောရှေအား ကတိပေးခဲ့သည်။

ဘုရားသခင်၏…

ရှင်သန်ခြင်း လက္ခဏာများ

အလှမွေးဂဏန်းတစ်စုံကို ကျွန်မ၏သမီး လက်ဆောင်ရသောအခါ သူမသည် ထိုအကောင်လေးများ သဲတူးပြီးပုန်းနိုင်စေရန် ဖန်လုံးထဲသို့ သဲများဖြည့်ထားပေးသည်။ ၎င်းတို့ စားသောက်ရန်အတွက် ရေ၊ ပရိုတိန်းနှင့် အသီးအနှံအပိုင်းအစများကို ဖြည့်ဆည်းပေးထားသည်။ သူတို့သည် ပျော်ရွှင်နေပုံရပြီး တစ်နေ့တွင် သူတို့ပျောက်သွားရာ ကျွန်မတို့ထိတ်လန့်သွားခဲ့သည်။ ကျွန်မတို့ နေရာစုံတွင် ရှာဖွေခဲ့ကြပြီး နောက်ဆုံးတွင် သဲအောက်၌ သူတို့ရှိနေကြောင်းသိလိုက်ရသည်။ သူတို့၏အခွံမာများကို အသစ်လဲလှယ်ကြသည်ဖြစ်၍ ထိုနေရာ၌ နှစ်လခန့်မျှ ကြာဉီးမည်ဖြစ်သည်။

အချိန်နှစ်လကုန်သွားပြီး နောက်ထပ်တစ်လ ထပ်ကြာနေသောအခါ သူတို့သေသွားမည်ကို ကျွန်မတို့စိုးရိမ်ခဲ့ကြသည်။ ကျွန်မတို့ကြာကြာစောင့်ဆိုင်းရလေ ပို၍စိတ်မရှည်လေဖြစ်လာသည်။ နောက်ဆုံးတွင် ၎င်းတို့အသက်ရှင်နေသောလက္ခဏာကို ကျွန်မတို့တွေ့လာပြီး ဂဏန်းလေးများ သဲထဲမှ ထွက်လာကြသည်။

ဣသရေလလူမျိုးများ ဗာဗုလုန်တွင် ပြည်နှင်ဒဏ်ခံရချိန်၌ သူတို့အတွက် ဘုရားသခင်၏ပရောဖက်ပြုချက် ပြည့်စုံလာပါဉီးမည်လားဟု ဣသရေလလူမျိုးများ သံသယဖြစ်မိနိုင်ကြောင်းကို ကျွန်မပြန်ဆင်ခြင်မိသည်။ သူတို့ စိတ်ပျက်အားငယ်ခဲ့ကြပါသလား။ သူတို့ ထိုနေရာတွင် ထာဝရနေသွားရမည်ကို စိုးရိမ်ခဲ့ကြပါသလား။ ဘုရားသခင်က “ငါထားသောကတိကောင်းကို…

လှည့်ပြန်ရမည့်နေရာ

အထက်တန်းကျောင်းသား ဂျက်ခ်၏ အပူအပင်မရှိသောစိတ်ထားနှင့် အားကစားစွမ်းရည်ကို လူတိုင်းသဘောကျကြသည်။ သူသည် လက်တစ်ဘက်၌ စကိတ်ဘုတ်ပြားကိုကိုင်ကာ ကျန်လက်တစ်ဘက်ကို ဟန်ချက်ညီစေရန် လေထဲတွင်ဆန့်ထားကာ စကိတ်ကွင်းပေါ်သို့ခုန်တက်ရသည်ကို အနှစ်သက်ဆုံးဖြစ်သည်။

ဂျက်ခ်သည် မြို့တွင်းအသင်းတော်တစ်ခုသို့ တတ်ရောက်ပြီးနောက်ပိုင်းတွင် ရှင်ယေရှုနောက်တော်သို့ လိုက်လျှောက်ရန် ဆုံးဖြတ်ခဲ့သည်။ ထိုအချိန်က သူ့မိသားစု၏ရုန်းကန်ရမှုများကို ကြံ့ကြံ့ခံရင်ဆိုင်ခဲ့ရပြီး သူ့နာကျင်မှုများ သက်သာစေရန် မူးယစ်ဆေးသုံးစွဲခဲ့သည်။ သူ့အသက်တာပြောင်းလဲပြီးနောက် သူ့အတွက် အရာရာအဆင်ပြေနေပုံရသည်။ သို့သော် နှစ်အနည်းငယ်အကြာတွင် သူဆေးပြန်သုံးခဲ့သည်။ သင့်လျော်သော ကြားဝင်ဟန့်တားမှုမရှိ၊ စဥ်ဆက်မပြတ်ကုသမှု မခံယူသဖြင့် နောက်ဆုံးဆေးလွန်ကာ သူသေဆုံးသွားခဲ့သည်။

ဒုက္ခအခက်အခဲနှင့် ရင်ဆိုင်ရသောအခါ မိမိပြုနေကျအရာဘက်သို့ လှည့်ပြန်သွားရန် လွယ်ကူလှသည်။ ဣသရေလလူမျိုးတို့သည် အာရှုရိလူတို့ တိုက်ခိုက်လာမည်ကိုသိသောအခါ စိတ်ဓာတ်ကျလျက် သူတို့ကျွန်ခံခဲ့ဘူးသော မှီခိုရာသခင်များဖြစ်သည့် အဲဂုတ္တုလူတို့ထံအကူအညီတောင်းရန် ချဥ်းကပ်ခဲ့ကြသည် (ဟေရှာ ၃၀:၁-၅)။ ဘုရားသခင်က ၎င်းသည် အလွန်ဆိုးသောအမှုဖြစ်မည်ဟု ကြိုတင်မိန့်ကြားထားသော်လည်း ဣသရေလလူမျိုးတို့ ရွေးချယ်မှုမှားခဲ့သောအခါ ကိုယ်တော်ဆက်လက်ဂရုပြုစောင်မခဲ့သည်။ ဟေရှာယက…

သံကဲ့သို့ ခိုင်ခံ့သည်

သံထည်ပိုးထိုးကောင်သည် သားရဲများရန်မှကာကွယ်ပေးသော ၎င်းတို့၏မာကြောသော အပြင်ပန်းကြောင့် လူသိများသည့်အင်းဆက်ပိုး ဖြစ်သည်။ တစ်မူထူးခြားသော မျိုးကွဲမျိုးစိတ်ဆိုလျှင် ဖိအားဒဏ်ခံနိုင်သော ထူးကဲသည့်ခွန်အားရှိသည်။ ၎င်း၏ မာကျောသော အပြင်ဘက်အခွံနှစ်ခုကို ပူးလိုက်ပါက ဆက်ရာကွဲကြောင်းဖြစ်သွားခြင်းထက် ထိုအဆက်နေရာက ဆန့်ထွက်ကာ ပူးတွဲသွားသည်။ ၎င်း၏ ချပ်လျပြီး မသိသာသော ကျောပုံစံက ကျိုးပဲ့ကွဲကြေမွမှုမှ ကာကွယ်ပေးသည်။ သိပ္ပံနည်းကျစမ်းသပ်ချက်များအရ ၎င်းသည် သူ့ခန္ဓာကိုယ်အလေးချိန်ထက် အဆပေါင်း (၄၀,၀၀၀) နီးပါးရှိသောဖိအားကို ခံနိုင်ကြောင်း ဖော်ပြထားသည်။

ဘုရားရှင်သည် ဤပိုးကို အထူးခိုင်မာအောင် ဖန်ဆင်းထားသကဲ့သို့၊ ပရောဖက်ယေရမိကိုလည်း ခံနိုင်ရည်အား ပေးခဲ့သည်။ သူသည် ဣသရေလလူမျိုးတို့အား သတင်းဆိုးကို ပြောပြသောအခါ ပြင်းထန်သောဖိအားကို ရင်ဆိုင်ရနိုင် သောကြောင့် ဘုရားရှင်က သူ့အား “သံတိုင်၊ ကြေးဝါထရံအရာ၌ ငါခန့်ထား၏” (ယေ ၁:၁၈)ဟု ကတိတော်ပေးခဲ့သည်။ ပရောဖက်ကြီး ကြေမွမသွားရန်၊ ပျက်စီးမသွားရန်နှင့် စိတ်မပျက်သွားရန်အတွက် ဖြစ်သည်။ ဘုရား၏မျက်မှောက်တော်နှင့်…

ထာဝရဘုရား သိတော်မူ၏

စိတ္တဇပန်းချီကားကြီးရှေ့၌ရပ်လျက် အနုပညာကိုခံစားနေသော ချစ်သူနှစ်ဦးသည် ပန်းချီကားအောက်နားတွင် အဖုံးဖွင့်ထားသောဆေးဘူးနှင့် စုတ်တံတို့ကိုတွေ့လိုက်သည်။ “မပြီးပြတ်သေးသောလက်ရာ”ဖြစ်ပြီး မည်သူမဆိုပါဝင်ရေးဆွဲနိုင်သည်ဟု အထင်မှားကာ သူတို့သည် ဆေးရောင်အချို့ဖြည့်စွက်ခြယ်ခဲ့ကြသည်။ အမှန်စင်စစ် မူရင်းပန်းချီဆရာက ပန်းချီကားကိုရေးဆွဲပြီးသည့်သဘောနှင့် ဆေးဘူးနှင့်စုတ်တံတို့ကို တမင်ပြသထားခြင်းသာဖြစ်သည်။ မှတ်တမ်းဗီဒီယိုကို ပြန်ကြည့်ပြီးနောက် ၎င်းသည် နားလည်လွဲမှုသက်သက်သာဖြစ်ကြောင်း အသိအမှတ်ပြုပြီး အရေးမယူခဲ့ပေ။

ယော်ဒန်မြစ်အရှေ့ဘက်ခြမ်းရှိ ဣသရေလလူမျိုးတို့သည်လည်း ထူးကဲသော ယဇ်ပုလ္လင်ကို တည်ထောင်သဖြင့် နားလည်မှုလွဲခံခဲ့ရခဲ့ဖူးသည်။ မြစ်အနောက်ဘက်ကမ်းမှ လူမျိုးတို့သည် ယင်းလုပ်ရပ်ကို ဘုရားသခင်ကိုပုန်ကန်သောလုပ်ရပ် ဟုမှတ်ယူပြီး အမျက်ထွက်ကြသည်။ တဲတော်သည်သာ ထာဝရဘုရား အလိုတော်နှင့်ညီသည့် ဝတ်ပြုရာနေရာဖြစ်ကြောင်း လူတိုင်းသိသည် (ယောရှု ၂၂:၁၆)။

ထာဝရဘုရားအား ကိုးကွယ်ရန်၊ ယဇ်မျိုးတို့ကိုပူဇော်ရန် ထာဝရဘုရား၏ ယဇ်ပလ္လင်ပုံတူ တည်ခြင်းသာဖြစ်ကြောင်း မြစ်အရှေ့ဘက်မှ လူမျိုးစုခေါင်းဆောင်တို့ ရှင်းပြသောအခါ တင်းမာမှုများ ဖြေလျော့သွားသည်။ နောင်ကာလ၌ ၎င်းတို့သားမြေးများသည် အခြားသော ဣသရေလလူမျိုးသားမြေးတို့နှင့် ဝိညာဥ်ရေးရာနှင့် ဘိုးဘေးဘီဘင်ချင်း သက်ဆိုင်မှုကို သိမှတ်နိုင်ခြင်းငှာတည်သော…

သာမန်မဟုတ်သော ရဲရင့်ခြင်းသတ္တိ

၁၄၇၈ တွင် အီတလီနိုင်ငံ၊ ဖလောရန့်ဒေသကို အုပ်ချုပ်သူ Lorenzo de Medici (လောရန်ဇို ဒီ မဒီချီ)သည် သူ့အသက်ကို အန္တရာယ်ပြုသည့်ဘေးမှ လွတ်မြောက်ခဲ့သည်။ သူ့ကိုရန်ပြုတိုက်ခိုက်လာချိန်တွင် သူ၏ပြည်သူပြည်သားများက တုံ့ပြန်ရန် ကြိုးစားရင်းမှ စစ်ပွဲစတင်လာသည်။ အခြေအနေ တစ်ဖြည်းဖြည်းဆိုးလာသည့်အခါ ရက်စက်သည့် King Ferrante I of Naples (နေပယ်လ်မြို့ဘုရင် ပထမမြောက် ဖာရန်တေး)သည် လော်ရန်ဇို၏ရန်သူဖြစ်လာသည်။ သို့သော် လော်ရန်ဇို၏ ရဲရင့်သောလုပ်ရပ်သည် အရာရာကို ပြောင်းလဲစေခဲ့သည်။ သူသည် ဘာလက်နက်မှ မပါဘဲ ရှင်ဘုရင်ထံ တစ်ဦးတည်းသွားရောက်တွေ့ဆုံခဲ့သည်။ သူ၏ရဲရင့်မှု၊ ဆွဲဆောင်နိုင် မှုနှင့် ထက်မြက်မှုက ဘုရင် ဖာရန်တေး၏ လေးစားမှုကို ရရှိခဲ့ပြီး စစ်ပွဲရပ်သွားသည်။

ဒံယေလသည်လည်း ရှင်ဘုရင်၏စိတ်နှလုံးတော်ကို ပြောင်းလဲစေခဲ့သည်။ ဗာဗုလုန်တွင် နေဗုခဒ်နေဇာမင်းအား စိတ်အနှောင့်အယှက်ပေးသည့် အိပ်မက်အနက်ကို မည်သူမျှမဖော်နိုင်သဖြင့် ရှင်ဘုရင် အမျက်ထွက်ပြီး…

ဘေးကင်းရာသို့ ဆွဲခေါ်ခဲ့သည်

ကလေးမလေးသည် ရေတိမ်သောချောင်းငယ်အတွင်း ဆော့ကစားနေချိန် အဖေဖြစ်သူက စောင့်ကြည့်နေခဲ့သည်။ သူမ၏ရာဘာဘွတ်ဖိနပ်သည် သူ့ဒူးခေါင်းထိရှည်သည်။ သူမ၏ဘွတ်ဖိနပ် မြှုပ်သည့်အနက်အထိ သူရေထဲဆင်းသွားပြီး နောက်ခြေတစ်လှမ်း လှမ်း၍မရတော့သည့်အခါတွင် “ဖေဖေ၊ သမီး နစ်နေပြီ”ဟု အော်ခေါ်ခဲ့သည်။ သုံးလှမ်းမျှနှင့် အဖေဖြစ်သူက သူမ ဘေးနားရောက်ရှိခဲ့ပြီး မြက်ထူသည့် ကမ်းဘောင်စပ်သို့ ဆွဲတင်ပေးခဲ့သည်။ သူမလေးသည် ဘွတ်ဖိနပ်ကို ဆွဲချွတ်လိုက်ပြီး ရေများထွက်ကျလာသည့်အခါ သဘောကျစွာ ရယ်ခဲ့သည်။

ဆာလံဆရာဒါဝိဒ်သည် ရန်သူများလက်မှ ဘုရားသခင် သူ့ကို ကယ်တင်ခဲ့ပြီးနောက် သူသည် ခဏထိုင်ချလိုက်ပြီး “ဖိနပ်များကို ချွတ်လိုက်ကာ” စိတ်အေးသွားရမှုကို အတွင်းစိတ်ထဲထိ လွှမ်းမိုးခံစားလိုက်သည်။ သူ၏ခံစားချက်များကို ဖော်ပြရန် ဒါဝိဒ်သည် သီချင်းတစ်ပုဒ်စပ်ဆိုခဲ့သည်။ “ချီးမွမ်းအပ်သော ထာ၀ရဘုရားကို ငါတောင်းလျှောက်၍၊ ရန်သူတို့လက်မှကယ်တင်ခြင်းသို့ရောက်၏” (၂ ရာ ၂၂:၄)။ ဘုရားသခင်ကို သူ၏ကျောက်၊ မြို့ရိုး၊ အကွယ်အကာ၊ ရဲတိုက်အဖြစ် သူချီးမွမ်းခဲ့သည်(:၂-၃)။ ထို့နောက် ဘုရားရှင်၏တုံ့ပြန်မှုကို…

ဖော်ရွေသောစကား

အထက်တန်းကျောင်းတက်စဥ်က ကက်သရင်းနှင့် ကျွန်မမှာ အလွန်ရင်းနှီးသော မိတ်ဆွေဖြစ်သည်။ ကျွန်မတို့နှစ်ဉီး ဖုန်းဖြင့် မဆက်သွယ်ဖြစ်လျှင် အတန်းထဲတွင် စာတိုလေးများ အပြန်အလှန်ပေးရင်း နောက်တစ်ခါ စုပြီး အိပ်ကြမည့်အစီအစဥ် ဆွဲနေတတ်သည်။ တစ်ခါတစ်ရံ မြင်းအတူတူစီးကြပြီး တစ်ခါတစ်လေ ကျောင်းအစီအစဥ်များအတွက် အတူတကွ ပူးတွဲလုပ်ဆောင်လေ့ရှိသည်။

တနင်္ဂနွေနေ့လည်ခင်းတစ်ခုတွင် ကက်သရင်းအကြောင်း စဥ်းစားမိသည်။ ထိုမနက်က ထာဝရအသက်ကို မည်သို့ရနိုင်မည့်အကြောင်းကို တရားဟောဆရာက ဟောကြားခဲ့သည်။ ကျွန်မ သူငယ်ချင်းသည် သမ္မာကျမ်းစာ၏သွန်သင်ချက်များကို ကျွန်မယုံသကဲ့သို့ မယုံကြည်ပါ။ သူ့ကိုဖုန်းခေါ်ပြီး သခင်ယေရှုနှင့် ထိတွေ့ပေးရန် ကျွန်မ၌ တာဝန်ရှိကြောင်းခံစားရသည်။ သို့သော် ကျွန်မ ပြောပြမည့်အရာကို သူငြင်းပယ်ပြီး သူနှင့်ကျွန်မ အခင်အမင်ပျက်သွားမှာကို စိုးရိမ်မိ၍ တွန့်ဆုတ်ခဲ့သည်။

ဤကြောက်စိတ်က ကျွန်မတို့အတော်များများကို နှုတ်ပိတ်နေစေခဲ့သည်ဟု ကျွန်မထင်ပါသည်။ တမန်တော်ရှင်ပေါလုပင် “ဧဝံဂလိတရား(ကို) ... ဖော်ပြခြင်းငှာ ... နှုတ်ကိုရဲရင့်စွာဖွင့်လှစ်”မည့်အကြောင်း သူ့အတွက်ဆုတောင်းရန် တောင်းဆိုခဲ့သည် (ဧ…

အောင်မြင်ခြင်းနှင့် စွန့်လွှတ်ခြင်း

​ေနွေရာသီသင်တန်းတစ်ခုတွင် ကျွန်မသားသည် ဆွစ်ဇာလန်နိုင်ငံရှိ အယ်လ်ပိုင်း တောင်တန်းကိုတက်ချင်သော လူငယ်လေးတစ်ယောက်အကြောင်း ရေးသားထားသည့် စာအုပ်ကို ဖတ်နေသည်။ ထိုလူငယ်သည် အချိန်တော်တော်များများ‌ပေးပြီး တောင်တက်လေ့ကျင့်ခဲ့သည်။ တောင်စတက်ကြသောအခါ၊ ကိစ္စတိုင်းသည် ထင်ထားသလို မဖြစ်လာခဲ့ပါ။ တောင်တက်ခရီးစဥ် လမ်းတစ်ဝက်တွင် တောင်တက် အဖွဲ့ဝင်တစ်ဉီး ဖျားသဖြင့် ဇာတ်လိုက်လူငယ်သည် သူ၏ရည်မှန်းချက်ကို လက်လျှော့လိုက်ပြီး ဖျားနေသော အဖွဲ့ဝင်ကို ကူညီရန် ဆုံးဖြတ်လိုက်သည်။

ကျောင်းစာသင်ခန်းတွင် သား၏ဆရာမက “တောင်ဆက်မတက်ခြင်းကြောင့် ၎င်းသည် ဇာတ်ကောင်၏အရှုံးလား”ဟု မေးရာ ကျောင်းသားတစ်ဉီးက “ဟုတ်ပါတယ်၊ သူ့ရဲ့ဗီဇထဲမှာ ရှုံးနိမ့်ဖို့ကို ပါလာတာ”ဟု ဖြေသည်။ သို့သော် အခြားကလေးတစ်ဉီးက ထိုအဆိုကိုသဘောမတူ၊ “ဇာတ်လိုက်ကောင်လေး၏ ရှုံးနိမ့်မှု မဟုတ်ပါ။ တစ်ဉီးတစ်ယောက်ကို ကူညီဖို့ အရေးကြီးသည့်အရာတစ်ခုကို သူလက်လွှတ်လိုက်ခြင်းပါ” ဟု ဖြေခဲ့သည်။

ကျွန်ုပ်တို့၏အစီအစဉ်များကို ဘေးဖယ်ပြီး သူတစ်ပါးအား ဂရုစိုက်ခြင်းသည် ယေရှုခရစ်တော်ကဲ့သို့ အသက်ရှင်ခြင်းဖြစ်သည်။ ခရစ်တော်သည် ဘုရားသခင်၏…