သခင်ယေရှု၏အကူအညီကို ကျွန်ုပ်တို့လိုအပ်သည်
နောက်ဆုံးတော့ ကျွန်တော်၏ဖခင်လည်း အိုမင်းယိုယွင်းနိုင်ကြောင်းကို သဘောပေါက်နားလည်ခဲ့ရသည့်နေ့ရက် ရောက်လာခဲ့ပြီ။ ကလေးဘဝကအဖေ၏သန်မာမှုနှင့် စိတ်ဓာတ်ကြံ့ခိုင်ပုံတို့ကို ကျွန်တော်သိမြင်ခဲ့သည်။သို့သော် ကျွန်တော်အရွယ်ရောက်စ အစောပိုင်းနှစ်များတွင် သူ၏နောက်ကျော၌ ထိခိုက်ဒဏ်ရာရပြီးနောက် အဖေသည် တစ်ချိန်ချိန်တွင် ဆုံးပါးသွားနိုင်ကြောင်းကို ကျွန်တော်သဘောပေါက်လိုက်သည်။ အဖေ့ကိုရေချိုးခန်းသို့ တွဲခေါ်ခြင်း၊ အ၀တ်အစားကူလဲပေးခြင်းနှင့် ရေခွက်ကို ပါးစပ်ထိရောက်အောင် တေ့တိုက်ပေးရခြင်း စသည်ဖြင့် ကူညီနိုင်ရန် မိဘများနှင့် ကျွန်ဝောာ်အတူနေထိုင်ခဲ့သည်။ ထိုအရာများသည် အဖေ့ကို နှိမ့်ချစေသည်။ အသေးအမွှားအရာလေးများကို သူကိုယ်တိုင်လုပ်ဆောင်ရန် ကြိုးပမ်းမှုအချို့ရှိခဲ့သော်လည်း “မင်းရဲ့အကူအညီ မပါဘဲနဲ့ ငါဘာမှမလုပ်နိုင်တော့ဘူး” ဟု သူ၀န်ခံခဲ့ရသည်။ တဖြည်းဖြည်းနှင့် သူပြန်လည်သန်စွမ်းလာသော်လည်း ဤအတွေ့အကြုံက ကျွန်တော်တို့နှစ်ဦးစလုံးကို ကျွန်တော်တို့တစ်ယောက်ကိုတစ်ယောက် လိုအပ်ကြောင်း အရေးကြီးသည့်သင်ခန်းစာကို သင်ပေးခဲ့သည်။
ကျွန်တော်တို့ အချင်းချင်းကိုလိုအပ်နေစဥ်မှာပင် သခင်ယေရှုကို ပိုပြီးလိုအပ်သည်။ ရှင်ယောဟန်ခရစ်ဝင် ၁၅ တွင် စပျစ်နွယ်ပင်နှင့်အကိုင်းခက်သရုပ်က ကျွန်တော်တို့ ဆက်လက်ခံယူနေရသည့် ဥပမာဖြစ်သည်။ အခြားကျမ်းတစ်ပိုဒ်ကမူ ကျွန်တော်တို့ကို နှစ်သိမ့်မှုပေးသလို ကိုယ့်ကိုကိုယ်…
ယုံကြည်ခြင်းနှင့်ဆိုင်သော အိမ်တွင်းစကားဝိုင်းများ
“အိမ်ကဲ့သို့နေရာမရှိ။ အိမ်ကဲ့သို့နေရာမရှိ။” ‘The Wizard of Oz’ (အောက်ဇ် မှ မှော်ဆရာ) ရုပ်ရှင်မှ သရုပ်ဆောင် Dorothy (ဒေါ်ရသီ)ပြောခဲ့သော ထိုမမေ့နိုင်ဖွယ်ရာစကားများသည် ‘Star Wars’ (ကြယ်တာရာစစ်ပွဲများ)နှင့် ‘The Lion King’ (ခြင်္သေ့ဘုရင်)ကဲ့သို့ ကာလကြာရှည်စွာ ကျွန်ုပ်တို့နှစ်သက်ကြသည့် ဇာတ်လမ်းအများစုတွင် တွေ့ရသည့် ဇာတ်အိမ်ဖွဲ့ပုံကို ဖော်ပြနေသည်။ ၄င်းကို “သူရဲကောင်းခရီးစဥ်”ဟု လူသိများကြသည်။ အချုပ်ပြောရလျှင် သမားရိုးကျအသက်ရှင်နေသော သာမန်လူတစ်ဦးသည် ထူးခြားသောစွန့်စားခန်းတစ်ခုကို ရင်ဆိုင်ရန် အကြောင်းဖန်လာသည်။ ထိုဇာတ်ကောင်သည် ကိုယ့်ရပ်ကိုယ့်မြေကို စွန့်ခွာကာ စမ်းသပ်မှုများ၊ စုံစမ်းစစ်ကြောမှုများနှင့်တကွ နည်းပေးလမ်းပြမည့်သူများနှင့် လူဆိုးများရှိသော အခြားကမ္ဘာတစ်ခုသို့သွားရသည်။ သူမ (သို့) သူက စမ်းသပ်မှုများကို ကျော်ဖြတ်နိုင်ပြီးသူရဲကောင်းဖြစ်ကြောင်း သက်သေပြနိုင်လျှင် နောက်ဆုံးအဆင့်မှာ တိုးပွားလာသောဉာဏ်ပညာနှင့်အတူ ဝေမျှပြောပြစရာဇာတ်လမ်းများနှင့် အိမ်အပြန်ခရီးနှင်ရန် ဖြစ်သည်။ နောက်ဆုံးအပိုင်းမှာ အလွန်အရေးကြီးပါသည်။
ညစ်ညူးသောနတ်ဆိုးစွဲသူ၏အဖြစ်အပျက်သည် “သူရဲကောင်းခရီးစဥ်” ဇာတ်ကြောင်းနှင့်တူလှသည်။…
အကျွန်ုပ်တို့အဘ
အများအားဖြင့် မနက်ပိုင်းတွင် ကျွန်တော်ပတ္ထနာတော်ကို ဆုတောင်းလေ့ရှိသည်။ ပတ္ထနာတော်၏စာသားများ၌ ကိုယ့်ကိုကိုယ် အထိုင်မချမချင်း ကျွန်တော်သည် နေ့သစ်နှင့်မထိုက်တန်ပါ။ တစ်လောက “အကျွန်ုပ်တို့အဘ” ဟုသာ စရသေးသည်၊ ကျွန်တော့်ဖုန်းမြည်လာသဖြင့် အံ့သြသွားသည်။ မနက် (၅) နာရီ (၄၃) မိနစ်သာ ရှိသေးသဖြင့် မည်သူဖုန်းဆက်သနည်း။ ဖုန်းဖန်သားပြင်တွင်တော့ အဖေဟုပြနေပြီး ကျွန်တော် ဖုန်းမကိုင်မီ ဖုန်းကျသွားပါသည်။ အဖေ ဖုန်းမှားခေါ်ခြင်းဖြစ်လိမ့်မည်ဟု ထင်သည့်အတိုင်း သူကျွန်တော့်ကို မှားခေါ်ခြင်းဖြစ်သည်။ မတော်တဆတိုက်ဆိုင်မှုလား။ ဖြစ်နိုင်ပါသည်။ သို့သော် ဘုရားသခင်၏ ကရုဏာတော်နှင့် ပြည့်လျှံသည့်ကမ္ဘာကြီး၌ ကျွန်တော်တို့ နေထိုင်ရှင်သန်ရသည်ဟု ကျွန်တော်ယုံပါသည်။ ထိုနေ့က အဘဘုရားသခင်၏ အတူရှိကြောင်းစိတ်ချမှုကို ကျွန်တော်လိုအပ်နေခဲ့ပါသည်။
ခေတ္တစဥ်းစားကြည့်ပါ။ တပည့်တော်များအား မည်သို့အစပြုဆုတောင်းရမည်ကို သွန်သင်ခဲ့သည်များအနက် သခင်ယေရှုက “ကျွန်ုပ်တို့အဘ” (မ ၆:၉) ဟူသည့် စကားဖြင့် အစပြုရန် ရွေးချယ်ခဲ့သည်။ ကြုံရာကျပန်းရွေးခဲ့ခြင်း မဟုတ်ပါ။ သခင်ယေရှုက…
ဖွင့်ပြခြင်းနှင့် ပြန်လည်သေချာစေခြင်း
၂၀၁၉ ခုနှစ်တွင် ကလေး ကျား/မ ကြေညာမှုများက ဇာတ်ဟန်ပါလှသည်။ ဇူလိုင်လတွင် ဗီဒီယိုတစ်ခု၌ ကားမှအပြာရောင်မီးခိုးများမှုတ်ထုတ်ပြီး ‘ယောက်ျားလေး’ဟု ဖော်ပြခဲ့သည်။ စက်တင်ဘာလတွင် အမေရိကန်နိုင်ငံ၊ တက္ကဆက်ပြည်နယ်၌ ပိုးသတ်ဆေးဖြန်းသည့်လေယာဥ်မှ ပန်းရောင်ရေများ ပက်ဖျန်းကာ ‘မိန်းကလေး’ဟုကြေညာသည်။ နောက်“ထုတ်ဖော်မှု”တစ်ခုမှာ ထိုကလေးများ ကြီးပြင်းလာမည့်ကမ္ဘာနှင့်ပတ်သက်ပြီး သိသာထင်ရှားသော အရာများကို ပြသခဲ့သည်။ ၂၀၁၉ နှစ်ကုန်ပိုင်းတွင် ‘YouVersion’ မှ ၎င်း၏အွန်လိုင်းနှင့်ဖုန်းကျမ်းစာ app တွင် တစ်နှစ်တာလုံး မျှဝေမှု၊ အသားပေးဖော်ပြမှုနှင့် အမှတ်အသားပြုမှု အများဆုံး ကျမ်းချက်မှာ ဖိလိပ္ပိသြဝါဒစာ ၄:၆ ဟု ဆိုသည်။ “အဘယ်အမှုကိုမျှ စိုးရိမ်ခြင်းရှိဘဲ အရာရာ၌ ကျေးဇူးတော်ကို ချီးမွမ်းခြင်းနှင့်တကွ ဆုတောင်းပတ္ထနာပြုသောအားဖြင့် သင်တို့တောင်းပန်လိုသောအရာများတို့ကို ဘုရားသခင်အား ကြားလျှောက်ကြလော့”။
ဤအရာမှဖွင့်ပြမှုတစ်ခုရရှိခဲ့ပါသည်။ ယနေ့တွင် လူသားများသည် ကိစ္စများ စွာအတွက် စိုးရိမ်သောကရောက်နေကြသည်။ သားသမီးတို့၏ လိုအပ်ချက်မှအစ မရေမတွက်နိုင်သောနည်းလမ်းဖြင့် မိသားစုများနှင့်မိတ်ဆွေများ…
အဘ၏အသံတော်
မကြာမီက ကျွန်တော့်သူငယ်ချင်း၏ဖခင် ဆုံးပါးသွားခဲ့သည်။ သူ့ဖခင်နေမကောင်းဖြစ်နေစဉ်တွင် အခြေအနေမှာ လျင်မြန်စွာဆုတ်ယုတ်ခဲ့ပြီး ရက်အနည်းငယ်အတွင်းမှာပင် ဤလောကမှ ထွက်ခွာသွားသည်။ သူငယ်ချင်းနှင့် သူ၏ဖခင်တို့နှစ်ဦးကြားတွင် ခိုင်မြဲသောဆက်ဆံရေး အစဉ်ရှိခဲ့သော်လည်း မေးရမည့် မေးခွန်းများ၊ ရှာရမည့်အဖြေများ၊ ဆွေးနွေးတိုင်ပင်ရဦးမည့်အရာများ ကျန်ရှိနေဆဲဖြစ်သည်။ မပြောဖြစ်ခဲ့သောစကားများ ရှိနေဆဲမှာပင် သူ့ဖခင်ကွယ်လွန်သွားခဲ့သည်။ ကျွန်တော့်သူငယ်ချင်းသည် ကျွမ်းကျင်သော အကြံပေးပုဂ္ဂိုလ်တစ်ဦးဖြစ်သည့်အလျောက် သူသည် ပူဆွေးသောကရောက်မှု၏ အနိမ့်အမြင့် အတက်အကျကို နားလည်ပြီး၊ အခြားသူများ၏ ခက်ခဲရှုပ်ပွေသောပြဿနာများမှ ထွက်ပေါက်လမ်းကြောင်းကို ကူညီရှာဖွေပေးနိုင်သူဖြစ်သည်။ သို့ဖြစ်စေကာမူ “တစ်ချို့နေ့တွေမှာ အဖေငါ့ကို ချစ်တယ်ဆိုတဲ့ စိတ်ချမှုကိုပေးနေတဲ့ အဖေ့ရဲ့အသံကိုကြားရဖို့ အရမ်းလိုအပ်တယ်။ အဲ့တာ ငါ့အတွက် ဘာနဲ့မှမလဲနိုင်တဲ့တန်ဖိုးကြီးမားတဲ့အရာပဲ” ဟု သူက ကျွန်တော့်ကို ပြောပါသည်။
သခင်ယေရှု လောကတွင် ထမ်းဆောင်ခဲ့သော သာသနာလုပ်ငန်းအစပိုင်း၏ အရေးပါသောဖြစ်စဉ်တစ်ခုမှာ ယောဟန်၏လက်၌ ဗတ္တိဇံခံခြင်းဖြစ်သည်။ ယောဟန်သည် ငြင်းဆိုရန်ကြိုးစားခဲ့သော်လည်း ယေရှုက ၎င်းသည် ဆောင်ရွက်ရန်လိုအပ်သောအမှုဖြစ်သည်။ သို့မှသာ…
အဖြေမရသည့် ဆုတောင်းချက်များ
“ရောက်ပြီလား/ မရောက်သေးဘူး။ ရောက်ပြီလား/ မရောက်သေးဘူး။” သားသမီးများ ငယ်စဉ်က အမေရိကန်နိုင်ငံ၊ ကော်လိုရာဒိုမှ ကျွန်ုပ်တို့အိမ်တည်ရှိရာ အာကန်ဆာသို့ ပထမဆုံးသော ၁၆ နာရီကြာသည့် အပြန်ခရီးတွင် ရှေ့တိုးနောက်ဆုတ် ဂိမ်းကို ကစားနေခြင်း ဖြစ်သည်။ ကျွန်ုပ်၏သားကြီးနှစ်ယောက်က ထိုဂိမ်းကို ပါးနပ်စွာကစားနိုင်ပြီး သူတို့မေးတိုင်း ကျွန်ုပ်တစ်ဒေါ်လာရပါက ကျွန်ုပ်၌ ဒေါ်လာအထပ်လိုက်ရှိနေမည်ပင်။ ထိုမေးခွန်းကို ကျွန်ုပ်ကလေးများ အလွန်စွဲလန်းသကဲ့သို့ (ကားမောင်းသူ) ကျွန်ုပ်လည်း သူတို့နှင့်ထပ်တူ “ရောက်ပြီလား”ဟု တွေးမိပါသည်။ အဖြေကတော့ “မရောက်သေးဘူး။ သို့သော် မကြာခင်ရောက်မည်ပေါ့။”
အမှန်အတိုင်းဆိုရလျှင် ကျွန်ုပ်တို့သည် အသံထွက် မပြောသော်လည်း အရွယ်ရောက်သူတိုင်းက ထိုမေးခွန်းကို ပုံစံမျိုးစုံနှင့် မေးတတ်ကြသည်။ ကျွန်ုပ်တို့သည် “ဝမ်းနည်းခြင်းအားဖြင့် မျက်စိပျက်”ကြပြီး (ဆာ ၆:၇) တူညီသောအကြောင်းရင်းဖြင့် မေးခွန်းထုတ်ကြသည်။ ညစဥ်ကြားရသည့်သတင်းမှအစ နေ့စဉ်ဖြစ်ပျက်သည့် အလုပ်ခွင်ပြဿနာများအထိ၊ မဆုံးနိုင်သောကျန်းမာရေးပြဿနာများမှအစ မိသားစုတွင်းတင်းမာမှုများအဆုံး မကုန်ဆုံး နိုင်သောပြဿနာအသွယ်သွယ်ကြောင့် ကျွန်ုပ်တို့…
အသက်ရှင်စဉ် ပေးကမ်းပါ
အောင်မြင်သည့်စီးပွားရေးလုပ်ငန်းရှင်တစ်ဦးသည် သူရှာဖွေစုဆောင်းခဲ့သည့် စည်းစိမ်များအား ပေးကမ်းခြင်းဖြင့် သူ့ဘဝ၏နောက်ဆုံး ဆယ်စုနှစ်အချိန်အနည်းငယ်ကို အသုံးပြုခဲ့သည်။ ဘီလီယံများစွာကြွယ်ဝသည့် ထိုသူသည် မြောက်ပိုင်း အိုင်ယာလန်နိုင်ငံအတွက် ငြိမ်းချမ်းရေးဆောင်ယူပေးခြင်းနှင့် ဗီယက်နမ်နိုင်ငံ၏ကျန်းမာရေးဝန်ဆောင်မှုစနစ်ကို မြှင့်တင်ပေးခြင်းစသည်ဖြင့် အကြောင်း အရာအမျိုးမျိုးအတွက် ငွေလှူဒါန်းခဲ့သည်။ သူမကွယ်လွန်မီအချိန်၌ နယူးယော့မြို့ Roosevelt (ရုစဗဲ့)ကျွန်းကို နည်းပညာဌာနအဖြစ် ပြောင်းလဲရန် ဒေါ်လာမီလီယံ ၃၅၀ အသုံးပြုခဲ့သည်။ “အသက်ရှင်စဉ် ပေးကမ်းခြင်းက လုံးဝမှန်ကန်တယ်လို့ ကျွန်တော်ယုံတယ်။ ပေးလှူခြင်းအတွက် နှောင့်နှေးစရာအကြောင်း မရှိဘူး။... ဒါ့အပြင် အသက်ရှင်တုန်း ပေးကမ်းတာက သေပြီးမှပေးကမ်းတာထက် ပိုပြီးပျော်စရာကောင်းတယ်”ဟု သူက ဆိုသည်။ “အသက်ရှင်စဉ် ပေးကမ်းပါ” စိတ်သဘောသည် ထားရှိသင့်သည့် အံ့သြဖွယ်စိတ်သဘောပင် မဟုတ်ပါလား။
ရှင်ယောဟန်ခရစ်ဝင်ကျမ်းတွင် မွေးရာပါမျက်စိမမြင်သူတစ်ဦးကို သခင်ယေရှု၏ တပည့်တော်များက “မည်သူ့အပြစ်ကြောင့်” မျက်စိမမြင်ဖြစ်ရသည်ကို ဆုံးဖြတ်လိုကြသည် (၉:၂)။ ရှင်ယေရှုက “ကိုယ်အပြစ်ကြောင့် မဟုတ်။ မိဘအပြစ်ကြောင့်လည်း မဟုတ်။ ဘုရားသခင်၏အမှုတော်ကို…
အသင်းတော်အသိုက်အဝန်းကို ကျွန်ုပ်တို့လိုအပ်ပေ
တောင်ပိုင်းနှစ်ခြင်းခရစ်ယာန် တရားဟောဆရာ၏သားဦးအဖြစ် ကျွန်တော် ကြီးပြင်းခဲ့သည်။ အပတ်စဥ် တနင်္ဂနွေနေ့တိုင်းတွင် မျှော်လင့်စရာက ရှင်းပါသည်။ ကျွန်တော်ဘုရားကျောင်း၌ ရှိနေရမည်။ ဖြစ်နိုင်ခြေချွင်းချက်အဖြစ် ကျွန်တော် နေမကောင်းဖြစ်လျှင် ဘုရားကျောင်းမသွားရပါ။ သို့သော် ဘုရားကျောင်းသွားရခြင်းကို ကျွန်တော်နှစ်သက်လှကြောင်းမှာ လုံးဝမှန်ကန်ပြီး အချို့အချိန်များတွင် အဖျားရှိလျက်ပင် သွားပါသေးသည်။ သို့သော်လည်း အခြေအနေများပြောင်းလဲကုန်ပြီး ဘုရားကျောင်းသို့ ပုံမှန်လာရောက် ဝတ်ပြုသူဦးရေမှာ ယခင်ကဲ့သို့ မဟုတ်တော့ပါ။ မည်သည့်အကြောင်းကြောင့်နည်း။ အဖြေအမျိုးစုံ ရှိပါသည်။ စာရေးဆရာမ Kathleen Norris (ကက်သလင်းနောရစ်)က “အဘယ်ကြောင့် ဘုရားကျောင်းသွားရသနည်း” ဆိုသည့်မေးခွန်း၏အဖြေတုံ့ပြန့်မှုကို သင်းအုပ်တစ်ဦးထံမှ ရရှိခဲ့သည်။ ထိုဆရာက “အခြားသူအတွက် ကျွန်ုပ်တို့ ဘုရားကျောင်းကို သွားရခြင်းဖြစ်တယ်။ တစ်စုံတစ်ယောက်က သင့်ကို လိုအပ်ကောင်းလိုအပ်နိုင်တယ်” ဟုဆိုသည်။
၎င်းသည် ကျွန်ုပ်တို့ ဘုရားကျောင်းသွားရခြင်း၏ တစ်ခုတည်းသောအကြောင်းပြချက် မဟုတ်သော်လည်း သူ၏တုံ့ပြန်မှုသည် ဟေဗြဲသြဝါဒစာ ရေးသားသူ၏နှလုံးခုန်သံကို ထင်ဟပ်ပြနေသည်။ စာရေးသူက ယုံကြည်သူများအား…
စစ်မှန်သောကိုးကွယ်ဝတ်ပြုသူများ
နောက်ဆုံးတွင် ဘုရားကျောင်းသို့သွားရန် အခွင့်ရခဲ့ပါပြီ။ ဘုရားကျောင်းအတွင်း မြေအောက်ခန်းအောက်ဆုံးရှိ ဂူသေးသေးလေးထိ သူမ ရောက်သွားသည်။ နေရာကျဥ်းကျဥ်းလေး၌ ဖယောင်းတိုင်အပြည့်ရှိနေပြီး ချိတ်ဆွဲထားသည့်မီးအိမ်လေး ကြောင့် ကြမ်းပြင်ထောင့်လေးလင်းနေသည်။ ထိုနေရာတွင် အချွန်အတက် ၁၄ ခုပါရှိသည့် ငွေရောင်ကြယ်ကြီးက နေရာယူထားသည်။ သမိုင်းအရ ခရစ်တော် ဖွားမြင်ခဲ့သည့်နေရာဟု ယူဆထားသည့်ဗက်လင်မြို့ရှိ ဖွားမြင်ခြင်းနိပတ်တော်ကို ခင်းကျင်းပြထားသည့်ဂူသို့ သူမ ရောက်ရှိခဲ့ခြင်းဖြစ်ပါသည်။ သိုသော် ဘုရားသခင်သည် ထိုနေရာထက် ကြီးမြတ်ကြောင်း သိရှိသောကြောင့် စာရေးဆရာမ Annie Dillard (အယ်နီဒီလတ်)သည် ထိုနေရာကို အထင်မကြီးမိပါ။
သို့သော် ထိုနေရာမျိုးသည် ကျွန်ုပ်တို့၏ယုံကြည်ခြင်းဇာတ်လမ်း၌ ကြီးမား သော ထူးခြားသက်ရောက်မှုကို ဖြစ်စေသည်။ သခင်ယေရှုနှင့် အမျိုးသမီးတစ်ဦးတို့ ရေတွင်းအနီးစကားပြောသည့်အဖြစ်အပျက်တွင် အခြားနေရာတစ်ခုကို ဖော်ပြ ထားသည်။ ထိုအမျိုးသမီး၏ဘိုးဘေးများ ကိုးကွယ်မှုပြုလေ့ရှိသည့်တောင်မှာ (ယော ၄:၂၀) ဂေရဇိမ်တောင်ကိုရည်ညွှန်းပါသည် (တရား ၁၁:၂၉)။ ယေရုရှလင် ၌…
ဘုရားသခင် သင့်အတွက်သီချင်းဆိုပေးသည်
ပထမသားလေးမွေးပြီး ၁၇ လ အကြာတွင် သမီးလေးကိုမွေးပါသည်။ သမီး ရသည့်အတွက် အလွန်ဝမ်းမြောက်မိသော်လည်း သားယောင်္ကျား၏အလေ့အလာများကို ကျွန်ုပ်အနည်းအကျဥ်းသိပြီး သမီးမိန်းကလေး၏အလေ့အလာကို မသိသောကြောင့် အနည်းငယ်စိတ်မသက်မသာဖြစ်မိသည်။ သမီးကို စာရာ ဟုအမည်မှည့်ခေါ်ပြီး၊ ကျွန်တော်၏ဇနီး အနားယူနိုင်အောင် သမီးကို ပုခက်လွှဲသိပ်ပေးရသည့် အခွင့်အရေးကို ရခဲ့သည်။ ဘာကြောင့်မှန်းမသိ၊ သူအိပ်ပျော်အောင် ချော့သိပ်ရန် ကျွန်တော်သီဆိုလိုက်သည့် သီချင်းမှာ You Are My Sunshine (သမီးလေးဟာ ဖေဖေ့ရဲ့နေခြည်ဦး) သီချင်းဖြစ်နေသည်။ သမီးကို ချီပွေ့ထားစဉ်ဖြစ်စေ၊ သူမ၏ ကုတင်အနီး၌ရပ်နေစဉ်ဖြစ်စေ သူ့အတွက် သီချင်းသီဆိုပေးရသည့် မိနစ်တိုင်းကို နှစ်သက်ကြည်နူးမိသည်။ ယခုအခါ သမီးသည် အသက် ၂၀ ပြည့်တော့မည်ဖြစ်ပြီး သူမအား "နေခြည်ဦး"လေးဟု ခေါ်နေဆဲပင်ဖြစ်သည်။
ကောင်းကင်တမန်တို့၏ သီချင်းကျူးဧသံကို ကျွန်ုပ်တို့တွေးဆင်ခြင်ဖူးသည်။ ဘုရားရှင်သီချင်းဆိုခြင်းကို မည်သည့်အချိန်တွင်သင်နောက်ဆုံးဆင်ခြင်ခဲ့သနည်း။ မှန်ပါသည်။ ဘုရားရှင် သီချင်းဆိုနေပါသည်။ ထိုထက်ပို၍ ပြောရလျှင်…