စာရေးသူ

အားလုံးမြင်နိုင်ရန်
Marvin Williams

မာဗင်ဝီလီယံ

မာဗင်ဝီလီယံသည် Our Daily Bread အတွက် ၂၀၀၇ ခုနှစ်မှစ၍ စာမူများ ရေးသားပေးသည်။ ဆရာသည် Our Daily Bread Ministries ၏ အခြားသော ဝတ်ပြုကိုးကွယ်ခြင်းစာမူဖြစ်သည့် Our Daily Journey အတွက်လည်း စာမူများရေးသားသည်။ အမေရိကန်နိုင်ငံ၊ မီရှီဂန်ပြည်နယ်၊ လန်စင်းဒေသရှိ တြိနတိ အသင်းတော်၌ စာချသင်းအုပ် ဖြစ်သည်။ တက်စက်(စ)ပြည်နယ်၊ ဒါလာ့စ်မြို့ရှိ သာသနာပိုင် ကောလိပ် (Bishop College) နှင့် အယ်လနွိုက်ပြည်နယ်၊ ဒီးယားဖီးမြို့ရှိ တြိနတိ ဧဝံဂေလိဆိုင်ရာ ဘာသာရေးပညာကျောင်း (Trinity Evangelical Divinity School) များ၌ ပညာသင်ကြား တတ်မြောက်ခဲ့သည်။ မီရှီဂန်ပြည်နယ်၊ ဂရန်းရက်ပစ်မြို့ရှိ နေရာအတော်များများတွင်လည်း သင်းအုပ်ဆရာနေရာ၌ ဆက်ကပ်လုပ်ဆောင်ခဲ့သည်။ ဆရာနှင့် ဇနီး တူနီးယားတို့၌ သားသမီး ၃ ဦး ရှိသည်။

စာမူ/ အကြောင်းအရာ များ မာဗင်ဝီလီယံ

ဘုရားသခင်အတွက် ပြဿနာကောင်း

တစ်နေ့တွင် ဆဌမတန်းကျောင်းသူတစ်ဦးသည် အတန်းဖော်တစ်ဦးက သူ့လက်မောင်းကို သင်တုန်းဓားငယ်နှင့် လှီးဖြတ်နေသည်ကို သတိပြုမိခဲ့သည်။ မှန်ရာကို ပြုရန်အတွက် သူမသည် ထိုသူ၏လက်မှ ဓားငယ်ကို လွှင့်ပစ်လိုက်သည်။ အံ့ဩစရာမှာ ချီးကျူးခံရမည့်အစား သူမကို ကျောင်းမှ (၁၀) ရက် ခေတ္တရပ်ဆိုင်းခဲ့သည်။ အဘယ့်ကြောင့်နည်း။ ကျောင်းမှခွင့်မပြုသော သင်တုန်းဓားကို သူမလက်ထဲ၌တွေ့၍ဖြစ်သည်။ နောက်တစ်ခါ ထပ်လုပ်မည်လားဟု သူမကိုမေးရာ သူမက “ကျွန်မဒုက္ခရောက်ရင်တောင် ကျွန်မထပ်လုပ်မှာပဲ” ဟုဖြေဆိုခဲ့သည် (နောက်ပိုင်းတွင် ကျောင်းမှ ခေတ္တရပ်ဆိုင်းခံရခြင်းကို ပယ်ဖျက်ပေးခဲ့သည်)။ ကောင်းသောအမှုကိုပြုရန် ကြိုးစားသည့်လုပ်ရပ်က သူမအား ပြဿနာဖြစ်စေသကဲ့သို့၊ နိုင်ငံတော်နှင့်ပတ်သက်၍ သခင်ယေရှု၏စွက်ဖက်မှုလုပ်ရပ်သည် သူ့အား ဘာသာရေးခေါင်းဆောင်များနှင့် ပြဿနာကောင်းကောင်း ဖြစ်စေခဲ့သည်။

လက်သေနေသူကို ကုသပေးသည့် သခင်ယေရှုအား ဖာရိရှဲများက ၎င်းတို့၏ စည်းမျဉ်းများကို ချိုးဖောက်ခြင်းဟု ကောက်ချက်ချခဲ့ကြသည်။ ထိုအခါခရစ်တော်က ဥပုသ်နေ့တွင် တွင်းထဲကျနေသည့်တိရိစ္ဆာန်ကို ကယ်ရန် ဘုရား၏ လူများအား ခွင့်ပြုသည်ဆိုလျှင်…

ဘုရားနှင့်အတူ လမ်းကြောင်းပေါ်တွင် ရှိနေခြင်း

လွန်ခဲ့သောနှစ်များက စပိန်နိုင်ငံအနောက်မြောက်ဘက်တွင် ခရီးသည် (၂၁၈) ဦး တင်ဆောင်လာသော မီးရထားတစ်စီးသည် လမ်းချော်တိမ်းမှောက်ခဲ့ပြီး (၇၉) ဦး သေဆုံးကာ (၆၆) ဦးထက်မက ဒဏ်ရာရခဲ့သည်။ ရထားမောင်းသူက ထိုအဖြစ်အပျက်နှင့်ပတ်သက်၍ မရှင်းပြနိုင်သော်လည်း ဗွီဒီယိုမှတ်တမ်းက ဖော်ပြနိုင်ခဲ့သည်။ အန္တရာယ်ရှိသည့် အကွေ့မရောက်မီတွင် ရထားသည် အရှိန်ပြင်းစွာ မောင်းလာသည်ကို တွေ့ရသည်။ အမြန်နှုန်းသတ်မှတ်ရခြင်းသည် ရထားပေါ်၌ပါလာသော ခရီးသည်များ၏ အသက်အန္တရာယ်ကို ကာကွယ်ရန် အတွက်ဖြစ်ပါသည်။ စပိန်အမျိုးသားမီးရထားဌာနတွင် အတွေ့အကြုံ နှစ်သုံးဆယ်ရှိသော ဝါရင့် ရထားမောင်းသူသည် သတ်မှတ်အမြန်နှုန်းကိုလျစ်လျူရှုခဲ့၍ အသက်ပေါင်းများစွာ ဆုံးရှုံးခဲ့ရသည်။

တရားဟောရာကျမ်း ၅ တွင် မောရှေသည် သူ၏လူမျိုးများအတွက် မူလ ဘုရားသခင်နှင့်ပြုသောပဋ္ဋိညာဉ်ကို ပြန်လည်ဆန်းစစ်ပြီး၊ မျိုးဆက်သစ် တို့အား ဘုရားသခင်နှင့်သူတို့ ပဋ္ဋိညာဉ်ပြုသည့်အလား မှတ်ယူရန် အားပေးတိုက်တွန်းလျက် (:၃)၊ ပညတ်တော်ဆယ်ပါးကို ပြန်လည်မိန့်ကြားခဲ့သည် (:၇-၂၁)။ ပညတ်တော်များကို ထပ်မံပြောကြားပြီး ယခင်မျိုးဆက်များ၏…

အကူအညီတောင်းခံခြင်း

David Willis (ဒေးဗစ် ဝေးလစ်(စ်))သည် လန်ဒန်မြို့ရှိ ‘Waterstones’ (ဝါးတားစတုန်းစ်) စာအုပ်ဆိုင်အပေါ်ထပ်တွင်ရှိနေပြီး အောက်ထပ်ဆင်းလာသောအခါ မီးများနှင့် တံခါးများပိတ်ထားသည်ကို တွေ့လိုက်ရသည်။ သူသည် စာအုပ်ဆိုင်ထဲတွင် ပိတ်မိနေသည်။ ဘာလုပ်ရမှန်းမသိသောကြောင့် သူသည် တွစ်တာပေါ်၌ “ဝါးတားစတုန်းစ် ရေ၊ Trafalgar Square (ထရာဖော်လ်ဂါ ရင်ပြင်)က မင်းရဲ့စာအုပ်ဆိုင်မှာ ကျွန်တော်ပိတ်မိနေတာ (၂) နာရီရှိပါပြီ။ ကျေးဇူးပြုပြီး ကျွန်တော့်ကို ထွက်ခွင့်ပေးပါ” ဟု ရေးသားခဲ့သည်။ သူရေးသားပြီး မကြာမီ သူ့အား လာကယ်ခဲ့ကြသည်။

ပြဿနာကြုံသောအခါ အကူအညီရနိုင်မည့် နည်းလမ်းရှိခြင်းသည် ကောင်းပါသည်။ မိမိဘာသာပြုသောပြဿနာများနှင့် ကြုံရသောအခါ ကျွန်ုပ်တို့၏ အကူအညီတောင်းခံမှုကို ဖြေကြားပေးမည့်သူတစ်ဦးရှိသည်ဟု ပရောဖက် ဟေရှာယက ဆိုသည်။ ထာဝရဘုရား၏လူမျိုးတော်သည် တရားလမ်း၌ တလွဲမွေ့လျော်ကြ၍ ထာဝရဘုရားက အပြစ်တင်တော်မူသည်။ သူတို့သည် အစာရှောင်ခြင်း၊ ခြိုးခြံခြင်းတို့ကို ပြုကြသော်လည်း ဆင်းရဲသားတို့အား ဖိနှိပ်ခြင်းကို…

ချစ်ခင်စွာ သတိပေးခြင်း

၂၀၁၀ ပြည့်နှစ်တွင် အင်ဒိုနီးရှားနိုင်ငံ၊ ဆူမားတြားကျွန်းဆွယ်ကို tsunami (ဆူနာမီ)ရေလှိုင်းတိုက်ခတ်ခဲ့ပြီး လူ (၄၀၀) ကျော် သေဆုံးခဲ့သည်။ သို့သော် ဆူနာမီသတိပေးစနစ်ကသာ ကောင်းကောင်း အလုပ်လုပ်ခဲ့ပါက သေဆုံးမှုများကို ကာကွယ် (သို့) လျှော့ချနိုင်ခဲ့လိမ့်မည်။ ဆူနာမီထောက်လှမ်းရေးကွန်ယက်ဖြင့် ချိတ်ဆက်ထားသည့် ရေကြောင်းပြဗော်ယာများ ပြုတ်သွားပြီး ပင်လယ်ထဲ မျောပါသွားသည်။

အပြစ်မှနောင်တမရခြင်း အပါအဝင် ဝိညာဉ်ရေးကို ထိခိုက်နိုင်သည့်အရာများအတွက် အချင်းချင်းကို သတိပေးရန် တပည့်တော်များ၌ တာဝန်ရှိကြောင်း သခင်ယေရှုက ဆိုပါသည်။ ပြစ်မှားခံရသော ယုံကြည်သူသည် နှိမ့်ချစွာ၊ တစ်ဦးချင်းတွေ့ဆုံပြီး၊ ဆုတောင်းလျက် ပြစ်မှားသောယုံကြည်သူ၏အပြစ်ကို “ပြ”ရမည့်နည်းလမ်းကို သခင်ယေရှု ပြသခဲ့သည် (မ ၁၈:၁၅)။ ပြစ်မှားသူက နားထောင်ပါက ပဋိပက္ခပြေလည်ကာ ချစ်ခင်ရင်းနှီးမှုကို ပြန်လည်ထိန်းသိမ်းနိုင်မည်ဖြစ်သည်။ အကယ်၍ ထိုသူက နားမထောင်ပါက “လူနှစ်ဦးသုံးဦး” သက်သေခံ၍ ပဋိပက္ခကို ဖြေရှင်းနိုင်ပါသည် (:၁၆)။ သည့်တိုင် အပြစ်ကျူးလွန်သူသည်…

ချစ်ခြင်းမေတ္တာအဖို့အလို့ငှာ

မာရသွန်ပြေးခြင်းသည် စွမ်းဆောင်ရည်တက်လာအောင် မိမိကိုယ်ကို ရုပ်ပိုင်းဆိုင်ရာ၊ စိတ်ပိုင်းဆိုင်ရာတွန်းအားပေးခြင်း ဖြစ်သည်။ သို့သော် အထက်တန်း ကျောင်းသား အပြေးသမားတစ်ဉီးအတွက်မူ ‌‌ေတောလမ်းခရီးကြမ်းအပြေးပြိုင်ပွဲဝင်ခြင်းသည် အခြားသူတစ်ဉီးကို တွန်းပို့ခြင်းဖြစ်သည်။ Susan Bergeman (ဆူဆန် ဘာဂမန်း)သည် သူမ၏လေ့ကျင့်မှုတိုင်းနှင့် ပြိုင်ပွဲတိုင်းတွင် သူမ၏အကိုဂျက်ဖရီအား ဘီးတပ်ထိုင်ခုံ၌ တွန်းပြီးခေါ်သွားသည်။ ဂျက်ဖရီသည် (၂၂) လသားအရွယ်တွင် နှလုံးရပ်ပြီးနောက် ဉီးနှောက်ပြင်းထန်စွာထိခိုက်ပြီး ကျောရိုးသေသွားခဲ့သည်။ ယခုမှာ ဆူဆန်သည် ဂျက်ဖရီ သူမနှင့်အတူ ပြိုင်ပွဲဝင်နိုင်‌ရေး သူမ၏ကိုယ်ပိုင်အပြေးရည်မှန်းချက်များကို စွန့်လွှတ်ခဲ့သည်။ မေတ္တာနှင့်အနစ်နာခံမှုပေတည်း။

တမန်တော်ရှင်ပေါလုက စာဖတ်သူများအား “တစ်ယောက်ကိုတစ်ယောက် စုံမက်ကြ”ရန် (ရော ၁၂:၁၀) တိုက်တွန်းစဥ် မေတ္တာနှင့်အနစ်နာခံမှု အကြောင်းကို တွေးလျက်ရှိပါသည်။ ရောမမြို့ရှိယုံကြည်သူများသည် မနာလိုမှု၊ ဒေါသနှင့် ရန်လိုစွာသဘောထားကွဲလွဲမှုတို့နှင့် ရင်ဆိုင်နေရကြောင်းကို သူသိသည် (:၁၈)။ ထို့ကြောင့် သူတို့၏စိတ်နှလုံး၌ ဘုရားသခင်၏ချစ်ခြင်းမေတ္တာတော် ဝင်ရောက်အုပ်စိုးခွင့် ပေးရန် တမန်တော်ရှင်ပေါလု တိုက်တွန်းခွန်အားပေးခဲ့သည်။…

သေးငယ်သောအရာထက်မက

နေရာသစ်သို့ရွှေ့ပြောင်းသွားပါက မိမိနှင့်ပတ်သက်သည့် အရာအနည်းအကျဥ်းကို နေရာဟောင်း၌ ချန်ထားတတ်ကြသည်။ သို့သော် အလွန်အေးပြီး ဆိတ်ငြိမ်ခြောက် ကပ်သော အန္တာတိကတိုက်ရှိ Villas Las Estrellas (ဗီလာ လပ်စ် အက်စထရာလပ်စ်)သို့ ပြောင်းရွှေ့နေထိုင်မှုမပြုခင် သင်ပိုင်ဆိုင်သည့်အရာအချို့ကို ထားခဲ့ရမည်မှာ အမှန်ဖြစ်သည်။ အနီးဆုံးဆေးရုံသည် (၆၂၅) မိုင် အကွာတွင်ရှိပေရာ၊ ထိုဒေသ၌ တစ်စုံတစ်ဦးသည် အူအတက်ပေါက်ပါက အလွန်မှ ဒုက္ခရောက်လိမ့်မည်။ ထိုနေရာသို့သွားရောက် နေထိုင်လိုသူတိုင်းသည် မသွားမီ အူအတက်ခွဲစိတ်ကြရပေမည်။

အလွန်ထိရောက်သည့် သဘောတရားပင်။ သို့သော် ဘုရားသခင်၏နိုင်ငံတော်တွင် နေထိုင်မည့်သူဖြစ်ခြင်းသည် ထိုထက်ပိုပါသည်။ သခင်ယေရှုနောက်တော် လိုက်လိုသူများသည် သခင့်သဘောအတိုင်း မဟုတ်ဘဲ သူတို့၏သဘောအတိုင်းသာ လိုက်လိုခြင်းကြောင့် (မ ၁၆:၂၅-၂၇)၊ တပည့်တော်ဟူသည့် အဓိပ္ပာယ်ကို သခင်ပြန်လည် သတ်မှတ်ပေးခဲ့သည်။ သခင်က “ငါ၌ ဆည်းကပ်လိုသောသူဖြစ်လျှင် ကိုယ့်ကိုကိုယ် ငြင်းပယ်ရမည်။ ကိုယ်လက်ဝါးကပ်တိုင်ကို ထမ်း၍ ငါ့နောက်သို့လိုက်ရမည်” (:၂၄)ဟု…

စကားပြောခန်း

စပိန်နိုင်ငံမြောက်ပိုင်းဒေသတွင် ပေါင်းဖော်ခြင်းနှင့် မိတ်ဖွဲ့ခြင်းကို လှပသောနည်းလမ်းဖြင့် လုပ်ဆောင်ကြသည်။ လက်လုပ်ဂူ များစွာရှိသည့် တောအရပ်ဒေသတွင် ကောက်ရိတ်သိမ်းချိန်တိုင်း၌ လယ်သမားအချို့သည် ဂူအပေါ်၌ ဆောက်လုပ်ထားသည့်အခန်းတွင် အစားအသောက်မျိုးစုံကို သိုလှောင်ကြသည်။ အချိန်ကုန်လွန်သည်နှင့်အမျှ ထိုအခန်းသည် မိတ်ဆွေများ၊ မိသားစုများနှင့် အတူစုရုံးလျက် သူတို့၏အဖြစ်အပျက်များ၊ လျှို့ဝှက်ချက်များ၊ စိတ်ကူးအိပ်မက်များကို မျှဝေပြောပြသည့်နေရာဖြစ်သော “စကားပြောခန်း” အဖြစ် ထင်ရှားလာခဲ့သည်။ အကျွမ်းတဝင်ရှိပြီး စိတ်ချရသည့် အပေါင်းအဖော်မိတ်ဆွေကို သင်လိုအပ်ပါက စကားပြောခန်းသို့ သွားရမည် ဖြစ်သည်။

ဒါဝိဒ်နှင့်‌ယောနသန်တို့သည် စပိန်၌သာ နေထိုင်ခဲ့ပါက သူတို့၏မိတ်သဟာယက သူတို့အတွက် စကားပြောခန်း ဖန်တီးစရာအကြောင်းဖြစ်လာပေမည်။ ရှောလုမင်း၌ မနာလိုစိတ်က ပြင်းထန်လျက် ဒါဝိဒ်ကို သတ်ချင်လောက်သည့်အထိဖြစ်လာသောအခါ သူ၏သားကြီးယောနသန်က ဒါဝိဒ်ကို မိတ်ဖွဲ့လျက် ကာကွယ်ပေးခဲ့သည်။ သူတို့နှစ်ဦးသည် တစ်စိတ်တစ်ဝမ်းတည်းဖြစ်လျက် (၁ ရာ ၁၈:၁)၊ ယောနသန်သည် “ဒါဝိဒ်ကို ကိုယ်နှင့်အမျှချစ်”သည် (:၁၊ ၃)။ သူသည်…

သခင်ယေရှု၌ သက်သာချမ်းသာရာကို တွေ့ရှိခြင်း

မတည်ငြိမ်သောစိတ်ဝိညာဥ်သည် စည်းစိမ်ဥစ္စာနှင့် အောင်မြင်မှုအားဖြင့် မည်သည့် အခါတွင်မှ မရောင့်ရဲနိုင်ပေ။ သေဆုံးသွားသော ကျေးလက်ဂီတအကျော်အမော် တစ်ဦးသည် ဤအမှန်တရားကို သက်သေပြနိုင်ခဲ့သည်။ သူ၏သီချင်းအယ်လ်ဘမ် ပေါင်း (၄၀) နီးပါးသည် Billboard (ဘေလ်ဘော့) တေးဂီတမဂ္ဂဇင်း၏ ကျေးလက်ဂီတ ထိပ်တန်းသီချင်း အမှတ်စဥ် ၁ မှ ၁၀ စာရင်းတွင် ထည့်သွင်းဖော်ပြခြင်းခံခဲ့ရပြီး အကောင်းဆုံး တစ်ကိုယ်တော်သီဆိုသူဟုလည်း ကြိမ်ဖန်များစွာ ချီးမြှင့်ခြင်းခံရသည်။ သို့သော် သူသည် အိမ်ထောင်ပေါင်းများစွာရှိခဲ့ပြီး ထောင်ကျခဲ့ဖူးပါသည်။ အောင်မြင်မှုများရှိလျက်နှင့်ပင် “လုပ်ကိုင်လှုပ်ရှားမှု၊ အိမ်ထောင်ရေး ဒါမှမဟုတ် ရည်မှန်းချက်များနဲ့ ဘယ်တော့မှ နိုင်အောင်မထိန်းနိုင်ခဲ့တဲ့ စိတ်မငြိမ်မသက်မှုတစ်ခု ကျွန်တော့်မှာရှိတယ်။ အခုထိလည်း အတိုင်းအတာတစ်ခုအထိ ရှိနေဆဲပဲ။ ကျွန်တော်သေတဲ့နေ့အထိ ရှိလိမ့်မယ်” ဟု သူမြည်တမ်းခဲ့ဖူးသည်။ ဝမ်းနည်းစရာပင်၊ သူ့အသက်မကုန်ဆုံးမီ သူ့စိတ်ဝိညာဉ်အတွက် ငြိမ်သက်ခြင်းကို သူတွေ့ရှိသင့်သည်။

ဤဂီတပညာရှင်ကဲ့သို့ အပြစ်တရားနှင့် အပြစ်၏အကျိုးဆက်များ၌ ဝန်လေး ပင်ပန်းလာသူများအား…

ကျွန်ုပ်တို့၏ကြီးမြတ်သောဆရာကဲ့သို့ပင်

ရေပန်းစားနေသော ဗီဒီယိုတစ်ခုတွင်၊ အသက် (၃) နှစ်အရွယ် အဖြူရောင်ခါးပတ် ကရာတေးသင်တန်းသူတစ်ဦးသည် သူမ၏နည်းပြဆရာအတိုင်း တုပလုပ်ဆောင်ခဲ့သည်။ စိတ်အားထက်သန်မှု ခံယူချက်တို့ဖြင့် ကလေးမလေးက ခေါင်းဆောင်နှင့်အတူ သင်တန်းသားအဓိဋ္ဌာန်ကို ဆိုသည်။ ထို့နောက်တွင်၊ ကိုယ်နေဟန်ထားအပြည့် အာရုံစူးစိုက်မှုနှင့်အတူ၊ ချစ်စရာကောင်းပြီး အကြည်ဓာတ်‌ပေးနေသော သတ္တိရှိသော ထိုကလေးမလေးက သူမ၏ဆရာပြောသမျှအတိုင်း လိုက်လုပ်ခဲ့သည်။ အနည်းဆုံးတော့ သူမသည် ကောင်းကောင်းလိုက်လုပ်နိုင်ခဲ့သည်။

တစ်ချိန်က သခင်ယေရှုသည် “တပည့်သည် ဆရာထက်မသာ။ အပြီးသင်ပြီးသောတပည့်တိုင်း မိမိဆရာကဲ့သို့ ဖြစ်လိမ့်မည်” ဟု ဆိုခဲ့သည် (လု ၆:၄၀)။ သခင်ယေရှုကို အတုယူရာတွင် တပည့်တော်တို့အား သခင့်နည်းတူ စေတနာစိတ်ရှိရန်၊ ချစ်မေတ္တာရှိရန်၊ စီရင်ဆုံးဖြတ်မှုမပြုရန် (:၃၇-၃၈)၊ သူတို့မည်သူ့နောက်လိုက်သည်ကို ပိုင်းခြားသိမြင်ရန် “လူကန်းသည် လူကန်းအား လမ်းကို ပြနိုင်သလော။ နှစ်ဦးတို့သည် တွင်းထဲသို့ကျလိမ့်မည် မဟုတ်လော” (:၃၉)ဟု မိန့်ကြားခဲ့သည်။ လူတို့ကို ဘေးဥပဒ်သို့ပို့ဆောင်နေသည့် လူကန်းတို့အား…

လုပ်ဆောင်ပြုလေသမျှ၌

“ငါအကျိုးအမြတ်ရပြီး ငါ့လောဘကို ဖြည့်ဆည်းနိုင်ရင် တော်ပြီ။ ငါ့အိမ်နီးချင်းအကြောင်း ငါဘာမှဂရုမစိုက်’ ဟူသည့် ဆိုရိုးမှာ ကုန်သည်များ တူညီစွာခံယူထားသော ၎င်းတို့၏စည်းမျဥ်းစံဖြစ်သည်”ဟု Martin Luther (မာတင်လူသာ)က ၁၅၂၄ ခုနှစ်တွင် ဆိုခဲ့သည်။ အနှစ် (၂၀၀) ကျော်ကြာပြီးသောအခါ အမေရိကန်နိုင်ငံ၊ နယူးဂျာစီပြည်နယ်၊ မောင့်ဟော်လီမြို့မှ John Woolman (ဂျွန်ဝူး(လ)မန်း)သည် သူ၏အပ်ချုပ်ဆိုင်လုပ်ငန်းကို သခင်ယေရှုထံ ဆက်ကပ်အပ်နှံလျက် လုပ်ဆောင်ခဲ့သည်။ ကျွန်လွတ်မြောက်ရေးကို ထောက်ခံသောအားဖြင့် သူသည် ကျွန်လုပ်အား ကိုအသုံးပြုသော ကုမ္ပဏီများထံမှ မည်သည့်ဝါဂွမ်းနှင့်ဆေးဆိုးပစ္စည်းများကိုမျှ မဝယ်ယူခဲ့ပေ။ သူသည် လိပ်ပြာလုံသောစိတ်ဖြင့် သူနှင့်သက်ဆိုင်သူများကိုချစ်ပြီး၊ ‌လုပ်ဆောင်ပြုမူလေသမျှတွင် ဂုဏ်သိက္ခာ၊ သမာဓိ ရိုးသားမှုတို့နှင့် လုပ်ကိုင်ခဲ့သည်။

တမန်တော်ရှင်ပေါလုသည် “စိတ်ရိုးသဘောရိုးဖြင့် ပွင့်လင်းစွာ” အသက်ရှင်ရန် အားထုတ်ခဲ့သည် (၂ ကော ၁:၁၂ - ခေတ်သုံး)။ သခင်ယေရှု၏တမန်တော်အဖြစ် ရှင်ပေါလု၏ အခွင့်အာဏာအပေါ် ကောရိန္သုမြို့သားများက…