စာရေးသူ

အားလုံးမြင်နိုင်ရန်
Xochitl Dixon

ဆိုချီးလ်ဒစ်စင်

ဆိုချီးလ်ဒစ်စင် (Xochitl Dixon)သည် စာဖတ်သူများအား ဘုရားသခင်၏ ကျေးဇူးတော်ကို ပွေ့ဖက်ပြီး၊ ခရစ်တော်နှင့်ကိုယ်တိုင် အချိန်ယူခြင်း၊ တစ်ပါးသူနှင့် အချိန်ယူခြင်းအမှုများ၌ မိတ်ဿဟာယ နက်နဲတိုးတက်မှုရှိရေးအတွက် ပြင်ဆင်ပေးသည်။ အားပေးသည်။ စာရေးဆရာနှင့် ဟောပြောပို့ချသူအဖြစ် အစေခံလျက် xedixon.com တွင် အင်တာနက်ဒိုင်ယာရီရေးသူ ဘလော့ကာဖြစ်သည်။ သူမသည် သီချင်းဆိုခြင်း၊ စာဖတ်ခြင်း၊ ဓာတ်ပုံရိုက်ခြင်းနှင့် မိခင်ဘဝကို ပျော်မွေ့သည်။ သူမ၏ မိတ်ဆွေကောင်း ဒေါက်တာ ဒဘလူ အယ်လန် ဒစ်စင် စီနီယာ (Dr. W. Alan Dixon Sr.) နှင့် လက်ထပ်ခဲ့သည်။

စာမူ/ အကြောင်းအရာ များ ဆိုချီးလ်ဒစ်စင်

စွန့်ကြဲသူ၏ နှလုံးသား

အမေရိကန်နိုင်ငံ၊ ဝစ်ခေါ်န်စန် (Wisconsin) ပြည်နယ်မှ ပြောင်းရွှေ့မည့်နေ့တွင် ကျွန်မ၏မိတ်ဆွေက ကျွန်မတို့ကို နှုတ်ဆက်ရန် သူ၏လေးနှစ်သမီးလေး Kinslee (ခင်စလီ)ကို ခေါ်လာသည်။ “သမီး အန်တီတို့ကို မပြောင်းစေချင်ဘူး” ဟု ခင်စလီပြောရာ၊ သူမကို ပွေ့ဖက်လိုက်ပြီး ကျွန်မစုဆောင်းခဲ့သည့် ပန်းချီကားတစ်ခုနှင့် ‌လက်ရေးပန်းချီ ယပ်တောင်လေးတစ်ခုကို သူမအား ပေးပြီး “အန်တီ့ကို သတိရရင် ဒီယပ်တောင်လေးနဲ့ ယပ်ခပ်ပြီး အန်တီ သမီးကို ချစ်တယ်ဆိုတာ သတိရနော်” ဟုပြောလိုက်သည်။ ကျွန်မအိတ်ထဲမှ စက္ကူယပ်တောင်ကို ယူလို့ရမလားဟု သူမေးရာ၊ “အဲဒါပျက်နေပြီ။ အန်တီ့မှာရှိတဲ့ ‘အကောင်းဆုံး’ကိုပဲ သမီးကို ရစေချင်တာ” ဟုပြန်ဖြေခဲ့သည်။ ကျွန်မအကြိုက်ဆုံး ယပ်တောင်လေးကို ခင်စလီအား ပေးခဲ့သည့် အတွက် နောင်တ မရပါ။ သူပျော်သည်ကို ကြည့်ပြီး ကျွန်မပိုပျော်ခဲ့သည်။ နောက်ပိုင်းတွင် သူက ကျွန်မ ယပ်တောင်အစုတ် သုံးနေခြင်းကို သူဝမ်းနည်းကြောင်း…

သခင်ယေရှုကဲ့သို့

၂၀၁၄ ခုနှစ်တွင် ဇီဝဗေဒပညာရှင်များသည် ဖိလစ်ပိုင်နိုင်ငံ၌ လိမ္မော်ရောင် ရေနဂါး အသေးမျိုးတစ်စုံကို ဖမ်းမိခဲ့သည်။ သူတို့၏အိမ်ဟုသတ်မှတ်သည့် လိမ္မော်ရောင် ပင်လယ်သန္တာကျောက် တစ်ပိုင်းနှင့်အတူ ၎င်းတို့ကို အမေရိကန်နိုင်ငံ၊ ဆန်ဖရန်စစ္စကိုမြို့ရှိ ကယ်လီဖိုးနီးယား သိပ္ပံတက္ကသိုလ်သို့ ခေါ်ဆောင်သွားခဲ့သည်။ ထိုရေနဂါး အသေးမျိုးသည် ၎င်းတို့၏မိဘများ၏အရောင် (သို့) ပတ်ဝန်းကျင်အရောင်နှင့်လိုက်လျောညီထွေ ဖြစ်ရန် မွေးဖွားလာသလား ဆိုသည်ကို သိပ္ပံပညာရှင်များက သိချင်ကြသည်။ အညိုရောင်မှိုင်းမှိုင်း ရေနဂါးငယ်များ မွေးဖွားလာသောအခါ သိပ္ပံပညာရှင်များက ခရမ်းရောင်ပင်လယ်သန္တာကျောက်ကို ကန်ထဲသို့ ထည့်လိုက်ရာ၊ လိမ္မော်ရောင်မိဘများမှ ပေါက်လာသည့် ‌ရေနဂါးငယ်လေးများသည် ဖြာထွက်နေသော ခရမ်းရောင် သန္တာကျောက်နှင့် လိုက်ဖက်အောင် အရောင်ပြောင်းသွားသည်။ ၎င်းတို့၏ နုနယ်သောသဘာဝကြောင့် ၎င်းတို့၏ရှင်သန်မှုသည် ဘုရားသခင်ပေးသော ပတ်ဝန်းကျင်နှင့် သဟဇာတဖြစ်နိုင်စွမ်းပေါ်မူတည်နေပါသည်။

သဟဇာတဖြစ်ခြင်းသည် သဘာဝတရားတွင် အသုံးဝင်သော ကာကွယ်ရေး ယန္တရားတစ်ခု ဖြစ်သည်။ သို့သော် လူသားအားလုံး ကယ်တင်ခြင်းကို လက်ခံပြီး၊ မိမိ၏အသက်ရှင်မှုသည်…

ခရစ်တော်၏အစွမ်းတန်ခိုး

၂၀၁၃ ခုနှစ်တွင် အမေရိကန်နိုင်ငံ၊ ‘Grand Canyon’ (ဂရင်းကန်ရွန်) ချောက်ကြီး အနီးရှိ ပေ (၁၅၀၀) အကျယ်ရှိသော ချောက်နက်ကြီးအား ဟိုဘက်ဒီဘက် သွယ်တန်းထားသည့်ကြိုးပေါ်မှ ကောင်းကင်ကျွမ်းဘားသမား Nik Wallenda (နစ်ဝါလန်ဒါ) လမ်းလျှောက်သည်ကို လူပေါင်း (၆၀၀) ခန့် လာရောက်ကြည့်ရှုခဲ့ကြသည်။ (၂) လက်မထုရှိသည့် သံမဏိကြိုးပေါ်သို့ ဝါလန်ဒါ ခြေချလိုက်ပြီးနောက် သူ့ဦးခေါင်း၌ တပ်ဆင်ထားသည့် ကင်မရာက အောက်ဘက်ရှိ လျှိုမြှောင်ချိုင့်ဝှမ်းမြင်ကွင်းကို ချိန်ထားစဉ် သူမြင်တွေ့ရသည့် မြင်ကွင်းကြောင့် သခင်ယေရှုကို သူကျေးဇူးတင်ခဲ့သည်။ လူသွားစင်္ကြံန်၌ အေးအေးလူလူ လမ်းလျှောက်နေသကဲ့သို့ သူလျှောက်သွားစဉ် သခင်ယေရှုထံ ဆုတောင်းလျက် ကျေးဇူးတော်ချီးမွမ်းခဲ့သည်။ လေထန်လာချိန်၌ သူခဏရပ်ကာ ဝပ်နေလိုက်ပြီးနောက် သူပြန်ထကာ ဟန်ချက်ပြန်ထိန်းလိုက်သည်။ “ကြိုးကို ငြိမ်စေသည့်အတွက်” ဘုရားသခင်အား ကျေးဇူးတင်ခဲ့သည်။ ထိုဗီဒီယိုကို ထိုစဥ်ကရော၊ ယခုတွင်ပါ ကြည့်ရှုကြသော ကမ္ဘာတစ်ဝန်းရှိ လူများအား…

ထာဝရသစ္စာရှိသောဘုရား

Xavier (ဆေဗီယာ)လေး မူလတန်းကျောင်းသားဘဝက ကျွန်မကျောင်းအသွားအပြန် ကြိုပို့ ပေးခဲ့ဖူးသည်။ တစ်နေ့တွင် စီစဉ်ထားသလို ဖြစ်မလာဘဲ၊ သူ့ကိုကြိုရန် နောက်ကျခဲ့သည်။ ကားထိုးရပ်ပြီး သူ့အတန်းဆီပြေးသွားရင်း ထိပ်ထိပ်ပြာပြာ ဆုတောင်းနေမိသည်။ သူ့လွယ်အိတ်ကလေးပိုက်ပြီး ဆရာတစ်ယောက်နှင့်ထိုင်နေသည့် သူ့ကို တွေ့လိုက်ရသည်။ “မေမေအရမ်းတောင်းပန်တယ်။ သားအဆင်ပြေရဲ့လား” ဟုမေးရာ၊ သူက သက်ပြင်းချရင်း “သားအဆင်ပြေပါတယ်။ ဒါပေမဲ့နောက်ကျတဲ့အတွက် မေမေ့ကို သားစိတ်ဆိုးတယ်” ဟု ပြန်ဖြေသည်။ သူ့ကို အပြစ်မတင်ရက်ပါ။ ကိုယ့်ကိုယ်ကိုလည်း ကျွန်မစိတ်ဆိုးမိသည်။ သားကို ကျွန်မချစ်သည်။ သို့သော် သူ့ကို စိတ်ပျက်စေမည့် အချိန်များရှိနေဦးမည်ကို ကျွန်မသိသည်။ တစ်ချိန်ချိန်တွင် ဘုရားသခင်အပေါ် သူစိတ်ပျက်မည်ကိုလည်း ကျွန်မသိသည်။ ထို့ကြောင့် ဘုရားသခင်က မည်သည့်အခါမျှ ကတိ မဖျက်ကြောင်းကို သူသိအောင် ကျွန်မကြိုးစားသင်ပေးခဲ့သည်။

ဆာလံကျမ်း ၃၃ တွင် “ထာဝရဘုရား၏နှုတ်ကပတ်တော်သည် ဖြောင့်မတ်ပေ၏။ စီရင်တော်မူသမျှသောအမှုတို့သည်လည်း သစ္စာတရားနှင့်ညီ”သောကြောင့် (:၄)…

ကျေးဇူးတော်အပို လိုအပ်သည်

အသင်းတော်တွင် အထူးအစီအစဉ်တစ်ခုပြုလုပ်ရန် ပြင်ဆင်နေစဉ် အမျီုးသမီး ခေါင်းဆောင်တစ်ဦးက ကျွန်မ၏အတွေ့အကြုံနည်းမှုအပေါ် လာ၍ဆရာ လုပ်သည်။ သူမ ထွက်သွားသည့်အခါ အခြားအမျိုးသမီးတစ်ဦး ထပ်ရောက်လာပြီး “အဲဒီအမျိုးသမီးကို စိတ်မရှိပါနဲ့နော်။ သူက ကျွန်မတို့အခေါ် E.G.R. ‌(Extra Grace Required)‌လေ။ ကျေးဇူးတော်အပို လိုနေတဲ့သူပေါ့” ဟု ပြောသည်။

ကျွန်မရယ်မိသည်။ မကြာပါ။ တစ်ယောက်ယောက်နှင့် အဆင်မပြေဖြစ်တိုင်း ထိုသူကို အထက်ပါအတိုင်း ကင်ပွန်းတပ်ခဲ့သည်။ နှစ်အတန်ကြာပြီးနောက် ထိုအသင်းတော်၏ ခုံတန်းပေါ်ထိုင်လျက် ကျေးဇူးတော်အပို လိုအပ်သူ ထိုအမျိုးသမီး၏စျာပနဝတ်ကို တက်ရောက်ခဲ့သည်။ သင်းအုပ်ဆရာက မြင်ကွင်းနောက်ကွယ်တွင် ဘုရားသခင်ကို သူမ မည်မျှအစေခံခဲ့သည်၊ အခြားသူများအပေါ် မည်မျှရက်ရောစွာ ပေးကမ်းကြောင်းတို့ကို ဝေငှပြောပြသည်။ ယခင်က သူမနှင့် သူတစ်ပါးတို့အား E.G.R. တံဆိပ်တပ်လျက် စီရင်ခြင်း၊ အတင်း ပြောခြင်းတို့အတွက် ကျွန်မကိုခွင့်လွှတ်ရန် ဘုရားသခင်ထံ တောင်းလျှောက်ခဲ့ပါသည်။ တစ်ကယ်တော့ ကျွန်မသည်လည်း…

ယေရှုကို တုပခြင်း

ရုပ်ဖျက်ကျွမ်းကျင်သော ရေဘဝဲတစ်ကောင်သည် အင်ဒိုနီးရှားရေပြင်နှင့် ‘Great Barrier Reef’ သန္တာကျောက်တန်းများကြား ကျက်စားလေ့ရှိသည်။ အခြားရေဘဝဲများကဲ့သို့ ထိုတုပနိုင်စွမ်းရှိသောရေဘဝဲသည် ပတ်ဝန်းကျင်နှင့်ထပ်တူကျ ဆင်တူရန် သူ၏အရောင်အသွေးကို ပြောင်းလဲနိုင်စွမ်းရှိသည်။ ခြိမ်းခြောက်ခံရသောအခါ ထက်မြက်သော ထိုသတ္တဝါသည် အဆိပ်ပြင်းသော ပင်လယ်ငါး၊ မြွေများကဲ့သို့ ပုံသဏ္ဌာန်၊ လှုပ်ရှားသွားလာပုံ၊ အပြုအမူများကို ပြောင်းလဲပစ်နိုင်သည်။

ထိုတုပနိုင်စွမ်းရှိသောရေဘဝဲနှင့် မတူဘဲ၊ သခင်ယေရှုကို ယုံကြည်သူများသည် မိမိ၏ဝန်းကျင်နှင့် ခြားနားစွာ ရပ်တည်ရမည်။ မိမိတို့နှင့်သဘောထား မတိုက်ဆိုင်သူများ၏ ခြိမ်းခြောက်မှုခံရသကဲ့သို့ ခံစားရပြီး၊ ခရစ်တော်၏ နောက်လိုက်များအဖြစ် အသိမှတ်ပြုမခံရအောင် သူတို့နှင့်အတူတူ ရောနှောဖြစ်တည်ရန် ကျွန်ုပ်တို့သွေးဆောင်ခံရနိုင်သည်။ သို့သော် မိမိ၏အသက်တာ ကဏ္ဍတိုင်း၌ သခင်ယေရှုကို ကိုယ်စားပြုရန်၊ မိမိတို့ကိုယ်ခန္ဓာများကို “ဘုရားသခင် နှစ်သက်တော်မူဖွယ်သော လက္ခဏာနှင့်ပြည့်စုံသောယဇ်” အဖြစ် (ရော ၁၂:၁) ဆက်ကပ်အပ်နှံရန် တမန်တော်ကြီး ရှင်ပေါလုက နှိုးဆော်ထားသည်။

မိတ်ဆွေ၊ မိသားစုများက “လောကီပုံသဏ္ဌာန်”နှင့်(:၂)လိုက်လျောညီထွေ…

ခြေလှမ်းတစ်လှမ်းချင်းစီ

အဖွဲ့တစ်ခုစီတွင် လူသုံးဦးစီပါဝင်သော အဖွဲ့ (၁၂) ဖွဲ့သည် ပခုံးချင်းယှဉ်ရပ်နေကြပြီး ခြေလေးချောင်းပြိုင်ပွဲအတွက် ပြင်ဆင်နေကြသည်။ ဘေးနှစ်ဘက်မှ လူတစ်ဦးစီ၏ ခြေကျင်းဝတ်နှင့်ဒူးတို့ကို ရောင်စုံအဝတ်စများဖြင့် အလယ်မှလူ၏ခြေထောက်နှင့် ချည်နှောင်ထားကာ လူသုံးဦးအဖွဲ့များသည် ပန်းတိုင်သို့သာ စူးစိုက်ကြည့်နေကြသည်။ ဝီစီစမှုတ်သောအခါ၊ ၎င်းတို့သည် ရှေ့သို့ တိုး၍တိုး၍ သွားကြသည်။ အများစုမှာ လဲကျပြီး ခြေထောက်ပြန်ထောက်နိုင်ရန် ရုန်းကန်နေရသည်။ အဖွဲ့အချို့က လမ်းလျှောက်မည့်အစား ခုန်၍သွားကြသည်။ အဖွဲ့အချို့ကမူ လက်လျှော့လိုက်ကြသည်။ သို့သော် အဖွဲ့တစ်ဖွဲ့သည် နောက်ကျမှစတင်ခဲ့ပြီး ၎င်းတို့၏အစီအစဉ်ကို အတည်ပြုပြီးမှ တစ်ဦးနှင့်တစ်ဦး ဆက်သွယ်ကာ ရှေ့သို့လှမ်းလာခဲ့သည်။ ထိုအဖွဲ့သည် လမ်းတစ်လျှောက်တွင် လဲကျခဲ့သော်လည်း ကြိုးစားလျက်၊ နောက်ဆုံး အသင်းအားလုံးကို ကျော်တက်ခဲ့သည်။ ခြေလှမ်းတစ်လှမ်းချင်းစီတွင် တစ်ဦးနှင့်တစ်ဦး ပူးပေါင်းဆောင်ရွက်လိုစိတ်က သူတို့ကို အတူတကွ ပန်းဝင်စေခဲ့သည်။

ယုံကြည်သူအသိုင်းအဝိုင်းတွင် ဘုရားသခင်အတွက် အသက်ရှင်နေထိုင်ခြင်းသည် ခြေလေးချောင်းပြေးပွဲတွင် ရှေ့သို့လှမ်းရန် ကြိုးစားသကဲ့သို့ စိတ်ပင်ပန်းမှုများဖြစ်ရပြီး၊ မိမိနှင့်…

ဘုရား၏လက်လှမ်းမီမှုအတွင်း

အရာရှိတစ်ဉီးက ကျွန်မကိုစစ်ဆေးရှာဖွေပြီးနောက် ခရိုင်ထောင်တွင်းသို့ ကျွန်မ ဝင်သွားကာ ဧည့်သည်မှတ်တမ်းတွင် လက်မှတ်ရေးထိုးပြီး လူပြည့်ကြပ်နေသော ဧည့်သည်စောင့်ခန်းတွင် ထိုင်နေလိုက်သည်။ ကလေးများက စောင့်ဆိုင်းနေရခြင်းကို ညည်းညူနေချိန်၊ လူကြီးများက ယောက်ယက်ခတ်နေကာ သက်ပြင်းချနေကြသည်ကို ကြည့်ပြီး ကျွန်မတိတ်တဆိတ် ဆုတောင်းနေမိသည်။ တစ်နာရီကျော်ကြာပြီးနောက် လက်နက်ကိုင်အစောင့်တစ်ယောက်က ကျွန်မနာမည်အပါအဝင် နာမည်စာရင်းကိုခေါ်ပြီး၊ ကျွန်မတို့အဖွဲ့ကို အခန်းတစ်ခုထဲ ခေါ်သွားကာ မိမိထိုင်ရမည့်နေရာကို ပြသည်။ ကျွန်မခင်ပွန်း၏သား (လင်ပါသား)သည် မှန်ထူထူပြတင်းပေါက်၏တစ်ဘက်၌ ထိုင်ပြီး တယ်လီဖုန်းလက်ခံစက်ကို ကိုင်လိုက်စဥ် နက်ရှိုင်းသောအကူအညီမဲ့မှုက ကျွန်မကို လွှမ်းခြုံသွားတော့သည်။ သို့သော် ကျွန်မငိုနေစဥ် သားသည် ဘုရားသခင်၏လက်လှမ်းမီမှုတွင် ရှိနေဆဲဖြစ်ကြောင်း ကိုယ်တော်က ကျွန်မကို ယုံကြည်စိတ်ချစေခဲ့သည်။

ဆာလံကျမ်း ၁၃၉ တွင် ဒါဝိဒ်က “အိုထာဝရဘုရား၊ ကိုယ်တော်သည် အကျွန်ုပ်ကို စစ်ကြော၍ သိတော်မူ၏။ ... အကျွန်ုပ်ကျင့်သောအကျင့်အလုံးစုံတို့ကို ကျွမ်းတော်မူ၏” (:၁-၃) ဟုဆိုသည်။ အကြွင်းမဲ့သိတော်မူသောဘုရားသခင်ဖြစ်ကြောင်း…

မြင်သော၊ နားလည်သော၊ ဂရုစိုက်သောဘုရားသခင်

နာတာရှည်ဝေဒနာနှင့် ပင်ပန်းမှုကို ခံစားနေရခြင်းကြောင့် တစ်ခါတစ်ရံ အိမ်၌ ကျွန်မ မည်သူနှင့်မျှမရောဘဲ၊ တစ်ယောက်တည်းနေပြီး အထီးကျန်မှုကို ခံစားရ သည်။ ဘုရားသခင်နှင့် အခြားသူများက ကျွန်မကို မျက်ကွယ်ပြုသည်ဟုလည်းမကြာခဏခံစားရသည်။ မနက်ပိုင်း ကျွန်မ၏အကူခွေးနှင့်အတူ လမ်းလျှောက်ရင်း ဆုတောင်းစဉ် ထိုခံစားချက်များနှင့် ကျွန်မလုံးပမ်းနေမိသည်။ ထိုအခိုက် ခပ်လှမ်းလှမ်းမှမီးပုံးပျံတစ်လုံးကို ကျွန်မတွေ့လိုက်သည်။ မီးပုံးပျံစီးသူများက ကျွန်မတို့၏ဆိတ်ငြိမ်ရပ်ကွက်ကို အပေါ်စီးမှမြင်နိုင်သော်လည်း ကျွန်မကို တကယ် မမြင်ရပါ။ အိမ်နီးနားချင်းတို့၏အိမ်ရှေ့မှ ဖြတ်လျှောက်လာစဉ် ကျွန်မ သက်ပြင်းချမိသည်။ ထိုအိမ်များထဲမှ င့ါကို သူများမမြင်ဘူး၊ ငါဟာ အရေးမပါဘူးဟု လူမည်မျှတို့ ခံစားနေရမည်နည်း။ လမ်းလျှောက်ပြီးချိန်တွင် ကျွန်မ၏ အိမ်နီးချင်းများကို ကျွန်မမြင်၍ ဂရုစိုက်ကြောင်း၊ ဘုရားသခင်လည်းမြင်၍ ဂရုစိုက်‌ကြောင်းကိုပြရန် အခွင့်အရေးပေးပါဟု ကျွန်မ ဆုတောင်းခဲ့သည်။

ဘုရားသခင်သည် ကြယ်များကိုဖန်ဆင်းစဉ်က ကြယ်အရေအတွက်အတိအကျကို ဆုံးဖြတ်ခဲ့ပြီး၊ ကြယ်တစ်လုံးချင်းစီအား အမည်မှည့်ခေါ်ခဲ့သည် (ဆာ ၁၄၇:၄)။ ၎င်းသည်…

သခင်ယေရှုကဲ့သို့ ချစ်ခြင်း

အမေရိကန်နိုင်ငံ၊ ဂျော်ဂျီရာပြည်နယ်ရှိ အတ်တလန်တာမြို့ ဘူတာရုံတွင် ကျွန်မရထားစောင့်နေစဥ် ရှပ်အင်္ကျီလက်ရှည်နှင့်ဘောင်းဘီရှည် ဝတ်ဆင်ထားသည့် လူငယ် တစ်ဦးသည် ခုံတန်းပေါ်ထိုင်ကာ သူ၏လည်စည်းနက်ထိုင်း (tie) ချည်မရဖြစ်နေစဥ် သက်ကြွယ်အမျိုးသမီးတစ်ဦးက သူ့ခင်ပွန်းအား လူငယ်ကို ကူညီပေးရန် တိုက်တွန်း သည်။ သက်ကြွယ်အမျိုးသားက လူငယ်ထံ ခါးကိုင်း၍ နက်ထိုင်းကို မည်ကဲ့သို့ချည်ရမည်ကို သင်ပေးနေပုံကို တစ်စိမ်းတစ်ယောက်က ဓာတ်ပုံရိုက်ခဲ့သည်။ ထိုဓာတ်ပုံသည် အွန်လိုင်းပေါ်တွင် ပျံ့နှံ့သွားပြီး ဤကဲ့သို့ အလျင်းသင့်သလိုပြုသော ကြင်နာမှု အပြုအမူများ၏အစွမ်းတန်ခိုးကို ကြည့်ရှုသူများက အမျိုးမျိုးမှတ်ချက်ပေးကြသည်။

သခင်ယေရှုကို ယုံကြည်သူများအတွက် သူတစ်ပါးတို့အား ကြင်နာမှုပြုခြင်းသည် ကျွန်ုပ်တို့ကဲ့သို့သောသူများအတွက် မိမိကိုယ်ကို တင်လှူပူဇော်သည်အထိ သခင်ပြခဲ့သည့် အလေးထားဂရုပြုမှုကို ပေါ်လွင်ထင်ဟပ်စေခြင်း ဖြစ်သည်။ ထိုကြင်နာမှုအပြုအမူသည် ဘုရားသခင်၏ ချစ်ခြင်းမေတ္တာဖော်ပြချက်ဖြစ်ပြီး၊ “ငါတို့သည် အချင်းချင်းချစ်ကြရမည်” (၁ ယော ၃:၁၂) ဟူသည့် အချက်ကို သူ၏ တမန်တော်များ လက်တွေ့လုပ်ဆောင်ရန်…