ခရစ်တော်၌ရှိသောအိမ်

“အိမ်နဲ့တူတဲ့နေရာ ဘယ်မှာမှမရှိဘူး”ဟု Dorathy (ဒေါရသီ)လေးသည် သူမ၏ အနီရောင်ဖိနပ်လေး၏ဖနောင့်ကို ဆောင့်ရင်း ပြောခဲ့သည်။ ‘The Wizard of Oz’ (အော့ဇ်မြို့မှမှော်ဆရာ) ရုပ်ရှင်ဇာတ်လမ်းတွင်  ဒေါရသီ နှင့် Toto (တိုတို) တို့ကို အော့ဇ်မြို့မှ Kansas (ကန်းစပ်)ရှိ သူတို့၏အိမ်သို့ မှော်ဆန်စွာ ပြန်လည်ပို့ဆောင်ပေးနိုင်ရေး ဤစကားလေးကို ပြောပြီးဖနောင့်လေးဆောင့်ရန်သာ လိုအပ်သည်။

စိတ်မကောင်းစရာမှာ လူတိုင်းအတွက် လုံလောက်သည့် အနီရောင်ညှပ် ဖိနပ်များ ရှိမနေပါ။ လူအများစုသည် ဒေါရသီ ကဲ့သို့ တောင့်တမှုမျိုး ရှိသော်လည်း မိမိနှင့်သက်ဆိုင်သည့် အိမ်ကိုရှာတွေ့ရန်မှာ အလုပ်ထက် အပြောက ပိုလွယ်နေလေသည်။

အစဥ်ပြောင်းလဲလျက် မတည်မြဲသည့် ကမ္ဘာကြီးတွင် နေထိုင်ရခြင်း၏ အကျိုးဆက်မှာ မိမိနှင့်အမှန်တကယ်သက်ဆိုင်သည့်နေရာကို တွေ့ရပါ့မလားဟု အတွေးဝင်လျက် သက်ဆိုင်မှုနှင့် စပ်လျဥ်း၍ ခံစားရချက်ဖြစ်သည်။ ထိုခံစားချက်သည် ဆရာကြီး C. S. Lewis (စီအက်စ်လူးဝစ်) ဖော်ပြသကဲ့သို့ “ကမ္ဘာလောကရှိ…

ကျွန်ုပ်တို့၏လိုအပ်ချက်များကို ဘုရားရှင်သိသည်

ဖိလစ်ပိုင်နိုင်ငံ၊ မနီလာမြို့တွင် အများပြည်သူသုံး သယ်ယူပို့ဆောင်ရေးယာဉ် Jeepney (ဂျစ်ဖ်နီ) ယာဉ်မောင်းသူ Lando (လန်ဒို)သည် လမ်းဘေးကော်ဖီဆိုင်တွင် ကော်ဖီ‌ကို တစ်ကြိုက်တည်း မော့ချလိုက်သည်။ ကိုဗစ်-၁၉ ပိတ်ဆို့ကန့်သတ်မှုအပြီးတွင် နေ့စဉ်သွားလာလှုပ်ရှားသူများ ပြန်လည်လှုပ်ရှားသွားလာနေကြပြီဖြစ်သည်။ “ဒီနေ့က အားကစားပွဲရှိတယ်ဆိုတော့ စီးတဲ့သူတွေများမှာပဲ။ ဝင်ငွေ ပြန်ရှိတော့မှာမို့ ငါ့အနေနဲ့ စိုးရိမ်စရာမလိုတော့ဘူး” ဟု သူတွေးနေခဲ့သည်။

သူစတင်ကားထွက်မည်အပြုတွင် အနီးအနားရှိ ခုံတန်းတွင် လမ်းသန့်ရှင်းရေး လုပ်သား Ronnie (ရော်နီ)ကို သူတွေ့လိုက်သည်။ ရော်နီ့ကို ကြည့်ရသည်မှာ အခက်အခဲဖြစ်နေပုံရပြီး၊ စကားပြောချင်နေပုံပေါ်သည်။ သို့သော် “မိနစ်တိုင်းက တန်ဖိုးရှိတယ်။ ခရီးသည်များလေလေ ဝင်ငွေများမယ်။ ငါအချိန်ဆွဲနေလို့မရဘူး” ဟု လန်ဒို တွေးခဲ့သည်။ သို့သော် ဘုရားသခင်သည် သူ့အား ရော်နီ့ထံ သွားစေလိုသည်ဟု သူခံစားခဲ့ရသည်။ သို့နှင့် သူသွားခဲ့သည်။

မစိုးရိမ်ရန် ကြိုးစားရသည်မှာ မည်မျှခက်ခဲကြောင်း သခင်ယေရှုသိ‌သောကြောင့် ကျွန်ုပ်တို့၏ ကောင်းကင်ဘုံရှင် အဘသည်ကျွန်ုပ်တို့လိုအပ်နေသမျှကို သိနေကြောင်း အာမခံခဲ့သည် (မ…

အစီအစဥ်ကျသောဘုရား

ဆေးဗီရိုထဲ တွေ့ရှိသမျှဆေးများအားလုံး Seth (စက်(သ)) ယူသွားခဲ့သည်။ ကွဲပြဲခြင်းများ၊ ဖရိုဖရဲဖြစ်ခြင်းများနှင့် ပြည့်နေသည့် မိသားစုထဲတွင် ကြီးပြင်းလာရသည့် သူ့အဖို့ သူ၏ဘဝသည် အရှုပ်အထွေးဖြစ်နေသည်။ ဖခင်ဖြစ်သူက သူ့ကိုယ်ကို အဆုံးမစီရင်မီအထိ စက်(သ)၏မိခင်ကို အမြဲလိုလို ညှဥ်းပန်းနှိပ်စက်ခဲ့သည်။ ယခုတွင် စက်(သ) သည် မိမိကိုယ်ကို သေကြောင်းကြံစည်လိုသည်။ သို့သော် အတွေးတစ်ခု ဝင်လာခဲ့သည်။ “ငါသေရင် ငါဘယ်ရောက်သွားမှာလဲ ။” ဘုရား၏ကျေးဇူးတော်ကြောင့် ထိုနေ့က စက်(သ) မသေခဲ့ပါ။ အချိန်မီပင် မိတ်ဆွေတစ်ဦးနှင့် သမ္မာကျမ်းစာကို လေ့လာဖြစ်ခဲ့ပြီး၊ သခင်ယေရှုကို မိမိ၏ကယ်တင်ပိုင်ရှင်အဖြစ် လက်ခံယုံကြည်ခဲ့သည်။ စက်(သ) ကို ဘုရားသခင်နှင့် နီးစပ်စေသည်မှာ ဖန်ဆင်းခြင်းလက်ရာများ၏ အလှတရားနှင့် အစီအစဉ်ကျမှုတို့ဖြစ်သည်။ “လှပတဲ့အရာတွေကို ကျွန်တော်မြင်ရတယ်။ တစ်စုံတစ်ယောက်က ဒီအရာတွေကို လုပ်ထားတာပဲ”ဟု သူပြောခဲ့သည်။

ကမ္ဘာဦးကျမ်း ၁ တွင် အရာအားလုံးကို အမှန်တကယ် ဖန်ဆင်းထားသည့် ဘုရားသခင်၏အကြောင်းကို ကျွန်ုပ်တို့…

ဘုရားသခင်၏ငြိမ်းချမ်းရေးကိုယ်စားလှယ်များ

Nora (နိုရာ) သည် တရားမျှတမှုနှင့် ပတ်သက်ပြီး စိတ်အားပြင်းပြသူတစ်ယောက်ဖြစ်ရာ ငြိမ်းချမ်းစွာဆန္ဒပြခြင်းတွင် ပါဝင်ခဲ့သည်။ စီစဉ်ထားသည့်အတိုင်း အသံတိတ်ဆန္ဒပြရန် ဖြစ်သည်။ ဆန္ဒပြသူများသည် ကြီးမားသော တိတ်ဆိတ်မှုဖြင့် မြို့ထဲလမ်းလျှောက် ဆန္ဒပြကြသည်။ ထို့နောက် သူတို့အနီးသို့ ဘတ်စ်ကားနှစ်စီး ရောက်လာခဲ့သည်။ မြို့ပြင်မှ သောင်းကျန်းသူများ ရောက်လာခြင်းဖြစ်ပြီး ဆူပူအုံကြွမှု ဖြစ်ပွားခဲ့သည်။ စိတ်ကြေကွဲစွာဖြင့် နိုရာ အိမ်ပြန်လာခဲ့သည်။ သူတို့၏ ကောင်းမွန်သော ရည်ရွယ်ချက်သည် အချည်းနှီးဖြစ်သွားခဲ့ပုံရသည်။

တမန်တော် ရှင်ပေါလုသည် ယေရုရှလင်မြို့ရှိ ဗိမာန်တော်သို့ သွားရောက်စဉ် ထိုနေရာ၌ သူ့ကို ဆန့်ကျင်သည့် လူများနှင့် တွေ့ခဲ့သည်။ ထိုလူများသည် “အာရှိပြည်” မှလာသောလူများ ဖြစ်ကြပြီး (တ ၂၁:၂၇)၊ သခင်ယေရှုကို သူတို့၏ဘဝ ရှင်သန်မှုပုံစံအတွက် ခြိမ်းခြောက်မှုအဖြစ် မြင်ကြသည်။ ရှင်ပေါလုနှင့်ပတ်သက်၍ အလိမ်အညာနှင့် ကောလဟာလများကို ဟစ်ကြော်ရင်း ပြဿနာဖြစ်အောင် လှုံ့ဆော်ခဲ့ကြသည် (:၂၈-၂၉)။ လူအုပ်ကြီးသည်…

သီချင်းဆိုနေကြသောမြက်ပင်လေးများ

သူမ၏ခွေးများနှင့် စကားပြောလေ့ရှိသည့် ကျွန်မ၏ယောက္ခမကို မြတ်နိုးစွာ ကျွန်မစနောက်လေ့ရှိသည်။ ခွေးဟောင်တိုင်း သူမက ကြင်နာသောနားလည်မှုဖြင့် တုံ့ပြန်လေ့ရှိသည်။ ယခုတွင် သူမနှင့် နေရာတိုင်းရှိ ခွေးပိုင်ရှင်တို့သည် ၎င်းတို့၏ မိတ်ဆွေခွေးများ၏အသံကို နားထောင်ရင်း ရယ်နေကြပေလိမ့်မည်။ ခွေးများ၊ နွားများ၊ မြေခွေးများ၊ ပင်လယ်ဖျံများနှင့် ကျေးငှက်များတွင် ရယ်သံဟုသိကြသည့် “အချက်ပြအသံများ” ရှိကြောင်း သိပ္ပံပညာရှင်များ ရှာဖွေတွေ့ရှိခဲ့သည်။ ထိုအသံများ၏ခြားနားမှုကို သိပါက လူတို့၏အမြင်တွင် ရန်ဖြစ်နေပုံရသည့် တိရစ္ဆာန်တို့၏အပြုအမူများကို အသေအချာ ခွဲခြားနိုင်လိမ့်မည်။

ထိုတိရစ္ဆာန်များ ပြသသည့် ရယ်သံများနှင့် ပျော်ရွှင်မှုတို့သည် တစ်နည်းဆိုရလျှင် သူတို့ကိုယ်ပိုင်နည်းလမ်းဖြင့် ဘုရားသခင်ကို ချီးမွမ်းရန် ကိုယ်တော်၏ ဖန်ဆင်းခြင်းတစ်ရပ်ဟု ကျွန်ုပ်တို့ကို သိမြင်နားလည်စေလျက်၊ ကျွန်ုပ်တို့ကိုလည်း ပျော်ရွှင်စေပါသည်။ ဒါဝိဒ်မင်းကြီးသည် သူ့ပတ်ဝန်းကျင်ကိုမျှော်ကြည့် သည့်အခါ “တောင်တို့သည်လည်း ပီတိခါးစည်းနှင့် စည်းလျက်ရှိကြ”ပြီး “လယ်ပြင်တို့လည်း စပါးပင်နှင့် လွှမ်းမိုးလျက်ရှိ၍၊ ကျူးဧသောအသံနှင့် သီချင်းဆိုကြ” သကဲ့သို့ သူခံစားခဲ့ရသည်…

မြင်စေသောမျက်လုံးများ

Genevieve (ဂျဲနဗီး)သည် မွေးရာပါ အတွင်းတိမ်ရှိသော သူမ၏ ကလေးသုံးယောက်အတွက် “မျက်လုံး” ဖြစ်ရသည်။ အာဖရိကအနောက်ဘက် Benin (ဘီနင်) သမ္မတနိုင်ငံရှိ ၎င်းတို့၏ရွာထဲသို့ ကလေးများကို ခေါ်သွားတိုင်း ကလေးအငယ်ဆုံးကို သူမ၏ကျောပေါ်တွင် ကြိုးဖြင့်ချည်ပိုးကာ၊ အကြီးနှစ်ယောက်၏ လက်မောင်းနှင့်လက်ကို ဆုပ်ကိုင်ပြီး သွားပါသည်။ အမြဲတစေ အန္တရာယ်ကို ဖိတ်ခေါ်နေသကဲ့သို့ပင် ဖြစ်သည်။ စုန်းအတတ်ကြောင့် မျက်စိကွယ်သည်ဟု ယူဆသည့် ယဉ်ကျေးမှုတွင် ဂျဲနဗီး သည် စိတ်ပျက်အားငယ်လျက် အကူအညီအတွက် ဘုရားသခင်ထံ ဟစ်ခေါ်တောင်းဆိုခဲ့သည်။

ထို့နောက် သခင်ယေရှုကို ပုံသက်သေထားပြီး ဆင်းရဲချို့တဲ့သူများအတွက် ကျန်းမာခြင်းနှင့် မျှော်လင့်ခြင်း ယူဆောင်ပေးကာ အရေးကြီးသော ခွဲစိတ်ကုသမှုများ ဆောင်ရွက်ပေးသည့် Mercy Ships (ကရုဏာသင်္ဘော)အကြောင်းကို သူမ၏ရွာမှ လူတစ်ဦးက ပြောပြသည်။ ၎င်းတို့ကူညီနိုင်မလားဆိုတာ မသေချာသော်လည်း သူတို့ထံ သူမချဥ်းကပ်ခဲ့သည်။ ခွဲစိတ်မှုအပြီး ကလေးများ နိုးလာသောအခါ သူတို့စက္ခုအလင်းရခဲ့ကြပြီဖြစ်ပါသည်။

ဘုရားသခင်၏အကြောင်းတွင် အမှောင်ဖုံးလွှမ်းနေသူများနှင့် သူ၏အလင်းကို…

ခရစ်တော်ကို ယူတင်ဝတ်ဆင်ခြင်း

ကျွန်မ၏မျက်မှန်အသစ်ကို ပထမဆုံးအကြိမ် တပ်ရန် အလွန်စိတ်လှုပ်ရှားမိသော်လည်း နာရီအနည်းငယ်အကြာမှာပင် လွှင့်ပစ်လိုက်ချင်မိသည်။ ပါဝါအသစ်နှင့် အသားကျအောင် ချိန်ညှိရမှုကြောင့် မျက်လုံးများ နာကျင်ကာ ခေါင်းထဲတွင် တဒုတ်ဒုတ်ဖြစ်နေသည်။ နေသားမကျသော မျက်မှန်ကိုင်းများကြောင့် နားများ နာလာသည်။ နောက်နေ့တွင်မျက်မှန်တပ်ရဦးမည်ဟု သတိရသောအခါ ကျွန်မညည်းမိသည်။ ခန္ဓာကိုယ်နှင့် အသားကျရန် နေ့တိုင်း မျက်မှန်တပ်ရန် အကြိမ်ကြိမ် ရွေးချယ်ခဲ့ရသည်။ ရက်သတ္တပတ်အတော်ကြာသွားပြီး နောက်ပိုင်းတွင် တပ်လို့တပ်ထားမှန်းမသိ ဖြစ်သွားသည်။

အသစ်တစ်ခုခုကို တပ်ဆင်ဝတ်ဆင်ခြင်းအတွက် ချိန်ညှိမှု လိုအပ်သော်လည်း အချိန်ကြာလာသည်နှင့်အမျှ တဖြည်းဖြည်း အသားကျလာပြီး ကျွန်ုပ်တို့ ပိုမိုအဆင်ပြေလာသည်။ အရင်က မမြင်သောအရာများကိုပင် မြင်လာနိုင်သည်။ ရောမသြဝါဒစာ ၁၃ တွင် တမန်တော်ပေါလုက ခရစ်တော်၏နောက်တော်လိုက်များအား “အလင်း၏လက်နက်စုံကို ဝတ်ဆင်ရန်” (:၁၂) နှင့် မှန်ကန်သောအသက်တာကျင့်သုံးရန် ညွှန်ကြားခဲ့သည်။ သူတို့သည် သခင်ယေရှုကို ယုံကြည်ပြီးသားဖြစ်သော်လည်း၊ သူတို့သည် “အိပ်မောကျ” သွားပြီး ထိုအရာ၌အသားကျသွားပုံရသည်။ သူတို့သည်…

မြို့၌ ဝမ်းမြောက်ခြင်း

၂၀၂၂ ခုနှစ် ကမ္ဘာ့ဖလား ဖိုင်နယ်နောက်ဆုံးပွဲတွင် ပြင်သစ်နှင့် အာဂျင်တီးနားတို့ တွေ့သည့်ပွဲသည် “သမိုင်းတွင် အကြီးကျယ်ဆုံး ကမ္ဘာ့ဖလားပွဲ” ဟု လူအများက တင်စားခေါ်ကြသော မယုံနိုင်လောက်စရာ ပြိုင်ပွဲတစ်ခုဖြစ်သည်။ အချိန်ပိုတွင် ၃-၃ ဂိုးဖြင့် သရေကျခဲ့ပြီး၊ ပင်နယ်တီကန်ရမည်ဖြစ်သည်။ အာဂျင်တီးနားက အနိုင်ဂိုးသွင်းပြီးနောက် တစ်နိုင်ငံလုံး အောင်ပွဲခံခဲ့တော့သည်။ Buenos Aires (ဘွေနိုစိုင်းရိစ်) မြို့လယ်တွင် အာဂျင်တီးနားနိုင်ငံသား တစ်သန်းကျော်နှင့် ပြည့်နေသည်။ ဒရုန်းဖြင့် ရိုက်ထားသော ဗီဒီယိုဖိုင်သည် ဆိုရှယ်မီဒီယာတွင် ပျံ့နှံ့ခဲ့ပြီး ကျယ်လောင်သော ပျော်ရွှင်ဖွယ်မြင်ကွင်းကို ပြသထားသည်။ ဘီဘီစီသတင်းတစ်ပုဒ်တွင် “ပျော်ရွှင်မှုပေါက်ကွဲထွက်ပေါ်ခြင်း”ကြောင့် မြို့တော်လှုပ်ရှားသက်ဝင်နေပုံကို ဖော်ပြခဲ့သည်။

ဝမ်းမြောက်ခြင်းသည် အစဥ်အမြဲ အံ့သြစရာကောင်းသော ဆုကျေးဇူး ဖြစ်သည်။ သုတ္တံကျမ်း၌ မြို့တစ်မြို့(သို့) လူတစ်ဦးသည် ပို၍နက်ရှိုင်းပြီးကြာရှည်သော ဝမ်းမြောက်ခြင်းကို မည်သို့ခံစားရနိုင်သည်ကို ဖော်ပြထားသည်။ “တရားသောသူသည် ကောင်းစားသောအခါ တစ်မြို့လုံးဝမ်းမြောက်ခြင်းရှိ၏” (၁၁:၁၀) ဟု သုတ္တံကျမ်းက…

ကောင်းသောအရာငါးခု

သုတေသနပြုချက်များအရ မိမိတွင်ရှိသောအရာများအတွက် ကျေးဇူးတင်တတ်သူများသည် ပိုမိုကောင်းမွန်စွာ အိပ်စက်နိုင်ခြင်း၊ ဖျားနာသည့်လက္ခဏာများ မဆိုစလောက်သာရှိပြီး ပို၍ပျော်ရွှင်ရကြောင်း တွေ့ရသည်။ ထိုအရာများသည် ကြီးမားသော အကျိုးကျေးဇူးများ ဖြစ်သည်။ စိတ်ပညာရှင်တို့က ကျန်းမာရေးတိုးတက်ကောင်းမွန်စေရေး “ကျေးဇူးတင်ခြင်းနေ့စဉ်မှတ်တမ်း” ထားရှိရန် အကြံပြုထားပြီး၊ အပတ်စဥ် ကျွန်ုပ်တို့ ကျေးဇူးတင်သည့် အချက်ငါးချက်ကို ချရေးခိုင်းပါသည်။

သမ္မာကျမ်းစာတွင် ကျေးဇူးတင်ခြင်းအလေ့အကျင့်ကို အားပေးခဲ့သည်မှာ ကြာခဲ့ပါပြီ။ အစာရေစာနှင့် အိမ်ထောင်ရေးအတွက်မှသည် (၁ တိ ၄:၃-၅) မှ ဖန်ဆင်းခြင်း၏အလှများအထိ (ဆာ ၁၀၄)၊ ထိုအရာများကို ဆုကျေးဇူးများအဖြစ်မြင်ရန်နှင့် ပေးကမ်းသူဘုရားရှင်အား ကျေးဇူးတင်ရန် သမ္မာကျမ်းစာမှ ပြောထားသည်။ ဆာလံကျမ်း ၁၀၇ တွင် သဲကန္တာရမှ ကယ်တင်ခြင်း (:၄-၉)၊ သိမ်းသွားခြင်းမှ လွတ်မြောက်ခြင်း (:၁၀-၁၆)၊ အနာရောဂါပျောက်ကင်းခြင်း (:၁၈-၂၂)၊ ပင်လယ်၌ ဘေးကင်းခြင်း (:၂၃-၃၂)နှင့် ကျတ်တီးမြေ၌ ပေါကြွယ်ဝခြင်း (:၃၃-၄၂) စသည့် ဣသရေလ…

ခရစ်တော်၌ ကျွန်ုပ်တို့၏လူသစ် သ‌‌ဘောသစ်

ကျွန်မတို့၏ အပြာရောင်ထင်းရှူးမျိုးနွယ်ပင်၏ ထင်းရှူးသီးများနှင့် အပ်ကဲ့သို့သော ထင်းရှူးရွက်များ ကြွေကျနေသည်။ သစ်ပင်ကုဆရာဝန်က တစ်ချက်ကြည့်လိုက်ပြီး “ဒါက ထင်းရှူးမျိုးကြောင့် ဖြစ်တာ”ဟု ပြဿနာကို ရှင်းပြသည်။ ပိုကောင်းသော ဖြေရှင်းချက်တစ်ခု (သို့) ကုသပေးမှုကို ကျွန်မမျှော်လင့်ခဲ့သည်။ သို့သော် သစ်ပင်သမားက ပခုံးတွန့်ပြီး “ဒါက သူ့ဖြစ်ခြင်းပဲ” ဟုထပ်ပြောသည်။ သူ့သဘာဝကိုက အရွက်ချောင်းများ ကြွေကျခြင်းကို မပြောင်းလဲနိုင်ပါ။

ကျွန်မတို့၏ဝိညာဉ်ရေးအသက်တာသည် မပြောင်းလဲနိုင်သော လုပ်ရပ် (သို့)သဘောထားများဖြင့် ကန့်သတ်ထားမှုမရှိခြင်းက ကျေးဇူးတင်စရာပါ။ ပေါလုသည် ဧဖက်မြို့ရှိ ယုံကြည်သူအသစ်များအတွက် ဤလွတ်မြောက်စေသောအမှန်တရားကို အလေးပေးဖော်ပြခဲ့သည်။ တစ်ပါးအမျိုးသားတို့သည် “ဉာဏ်အလင်းကွယ်” (ဧ ၄:၁၈) နေကြပြီး၊ သူတို့၏စိတ်များသည် ဘုရားသခင်နှင့် ကွာနေကြောင်း၊ သူတို့သည် “ညစ်ညူးသောအကျင့် အမျိုးမျိုး” ပါရှိသော မာကျောသောနှလုံးသားများကို ပိုင်ဆိုင်ကြပြီး ကာမဂုဏ်နှင့် လောဘကိုသာ လိုက်ရှာကြသည် (:၁၉)ဟု သူဆိုသည်။

သို့သော် သခင်ယေရှုနှင့် ကိုယ်တော်၏သမ္မာတရားကို…