ကမ္ဘာအနှံ့အပြား နေ့တာတိုသောဆောင်းရာသီ၌ နေရောင်ခြည်ရရှိမှု အကန့်အသတ်ရှိသော ဒေသများတွင်ဖြစ်လေ့ရှိသည့် ရာသီအလိုက်စိတ်ပိုင်းဆိုင်ရာ ရောဂါ SAD စိတ်ကျဝေဒနာခံစားရသူ သန်းပေါင်းများစွာအနက် ကျွန်မသည် တစ်ဦးအပါအဝင်ဖြစ်သည်။ ရေခဲတစ်မျှ အေးခဲလှသော ဆောင်းတွင်းကျိန်စာ ဘယ်တော့မှအဆုံးမသတ်နိုင်ဟု ကြောက်စိတ်စတင်ဝင်လာစဉ် နေ့တာရှည်ပြီး ပူနွေးသောအချိန်ရောက်လာမည့် လက္ခဏာများကို အလွန်တောင့်တမိသည်။

တအိအိကျနေသောနှင်းမှုံများကိုဖောက်ပြီး ပန်းလေးများ အောင်မြင်စွာ ပွင့်လန်းနေခြင်းက နွေဦးရာသီ၏ပထမဆုံးလက္ခဏာဖြစ်သည်။ ၎င်းသည် အမှောင်မိုက်ဆုံးရာသီ၌ပင် ဘုရားသခင်၏မျှော်လင့်ခြင်းသည်လည်း ထိုးဖောက်ဝင်ရောက်လာနိုင်ကြောင်း ကျွန်မကို အစွမ်းကုန်သတိပေးနေသည်။ ဣသရေလ လူတို့ ဘုရားသခင်ကို ကျောခိုင်းသွားခဲ့စဉ်၊ ဤသို့ရှည်လျားသော၊ စိတ်ကြေကွဲဖွယ် ဆောင်းရာသီဝေဒနာကို ပရောဖက် မိက္ခာခံစားခဲ့ရသည်။ သူသည် ဤမှောင်မိုက်သော အခြေအနေကို ကြုံတွေ့ခံစားရစဉ်၊ “ဖြောင့်မတ်သောသူ တစ်ယောက်မျှ မကျန်ရစ်တော့” ဟုမြည်တမ်းခဲ့သည် (မိ ၇:၂)။

အခြေအနေများ ဆိုးရွားနေပုံပေါ်သော်လည်း၊ သူသည် မျှော်လင့်ချက်ကို မစွန့်ခဲ့ပါ။ သက်သေကို မမြင်နိုင်လည်း၊ စိတ်ပျက်ဖွယ်အခြေအနေဖြစ်လည်း ဘုရားသခင်သည် အလုပ်လုပ်နေကြောင်း ( :၇) သူယုံကြည်ခဲ့သည်။

တစ်ခါတစ်ရံတွင် မှောင်မိုက်သော၊ အဆုံးမဲ့သော ဆောင်းရာသီ၌ နွေရာသီ ရောက်လာမည်ဟု မထင်ရသောအချိန်၌ မိက္ခာကဲ့သို့ ကျွန်မတို့ရင်ဆိုင်ရုန်းကန် ရသည်။ ကျွန်မတို့ စိတ်ပျက်ဝမ်းနည်းနေမည်လား၊ သို့မဟုတ် ဘုရားသခင်အား မျှော်လင့်လျက် စောင့်နေမည်လား ( :၇)။

ဘုရားသခင်၌ ကျွန်မတို့၏မျှော်လင့်ခြင်းသည် ဘယ်တော့မျှ မဆုံးရှုံးပါ (ရော ၅:၅)။ ကိုယ်တော်သည် ဆောင်းရာသီမဟုတ်သောအချိန်၊ စိတ်မသာ ညည်းတွား ခြင်း၊ နာကျင်ခြင်း မခံစားရသောအချိန်ကို ယူဆောင်လာပေးမည် (ဗျာ ၂၁:၄)။ သည့်နောက်တွင် ကျွန်မတို့သည် “ကိုယ်တော်၌သာ မျှော်လင့်ခြင်း ရှိပါ၏” (ဆာ ၃၉:၇) ဟုဝန်ခံလျက်၊ ကိုယ်တော်၌ ငြိမ်သက်စွာခိုလှုံနေရပါလိမ့်မည်။ LISA M. SAMRA