“ဗီတာမင်ဆေးလုံးတွေ သောက်ပြီးပြီလား”
“ရေ အလုံအလောက်သောက်ရဲ့လား”
“နေ့လည်စာ ကောင်းကောင်းစားရဲ့လား?”

ဒီမေးခွန်းတွေက အကျွမ်းဝင်ပြီးသား မေးခွန်းတွေ မဟုတ်ပါလား။

ကျွန်ုပ်တို့ရဲ့ကလေးတွေ ဘာတွေကိုစားသုံးပြီး သူတို့ရဲ့ကျန်းမာရေးကို ဘယ်လို အကျိုးသက်ရောက်မည်ဆိုသည်က အလွန် အရေးကြီးဆုံးဖြစ်သည်။ ကျွန်ုပ်တို့အများစုက သူတို့လေးတွေ အာဟာရမျှတစွာစားသုံးကြောင်း သေချာစေဖို့အတွက် အစွမ်းကုန် ကြိုးစားကြသည်။ ကျွန်ုပ်တို့သည်လည်း သူတို့လေးတွေရဲ့ “ပညာရေး”နှင့်ပတ်သက်ပြီးလည်း အလားတူ အာရုံစိုက်ကြသည်။:

“မင်း အိမ်စာတွေ လုပ်ပြီးပြီလား”
“မင်း စာမေးပွဲအတွက် စာလေ့လာပြီးပြီလား”
“ဘယ်အကဲဖြတ်စာအုပ်တွေ ရထားသင့်တယ်လို့ ဆရာက ပြောတာလဲ။”

ဒီမေးခွန်းအားလုံးနဲ့ ၎င်းတို့ရဲ့ အရင်းခံ စိုးရိမ်ပူပန်မှု အားလုံးက ကျိုးကြောင်း ညီညွတ်ပြီး စိတ်ရင်း စေတနာမှန်များ ဖြစ်ကြသည်။ ဒါပေမယ့် သူတို့လေးတွေရဲ့ ဝိညာဉ်ရေးရာ အစားအစာတွေ အတွက်ဆိုလျှင် ဘယ်လိုရှိသလဲ။ ကျွန်ုပ်တို့ရဲ့ ကလေးတွေကို ဘယ်အချိန်က နောက်ဆုံးမေးတာလဲ။

““ကျမ်းစာဖတ်ပြီးပြီလား””

၁ ပေတရု ၂:၂ ၁ ပေတရု ၂:၂ ၌ မွေးကင်းစ ကလေးငယ်များ၏ နို့ကိုတောင့်တသော သရုပ်ဖော်ချက်ကို အသုံးပြုထားပြီး ကျွန်ုပ်တို့လည်း ဘုရားသခင်၏နှုတ်ကပတ်တော်ကို တူညီသောခံစားချက်၊ လိုအပ်ချက်ဖြင့် တောင့်တဆာငတ်ရမည်ဖြစ်သည်။

၄င်းသည် ကျွန်ုပ်တို့အတွက်နှင့် ကျွန်ုပ်တို့ကလေးများအတွက်ရော မှန်ပါသည်။ ဘုရားသခင့်နှုတ်ကပတ်တော်အား တောင့်တ ဆာငတ်ခြင်းသည် ကျွန်ုပ်တို့၏ဝိညာဉ်ရေး ကျန်းမာရေးအတွက် အလွန်အရေးကြီးပြီး သမ္မာကျမ်းစာကိုဖတ်ရှုခြင်းဖြင့် အစပြုပါသည်။

အိမ်အတွက် အလေ့အကျင့်တစ်ခု

တရားဟောရာ ၆:၁-၉ တွင် ၊ မောရှေသည် ဣသရေလလူမျိုးအသိုက်အဝန်းရှိ မိဘများကို ဘုရားသခင့်နှုတ်ကပတ်တော်အား နာခံကာ သူတို့၏ သားသမီးတို့အား သွန်သင်ဆုံးမရန် စေ့စေ့စပ်စပ် ညွှန်ကြားချက်များပေးခဲ့သည်။

““ယနေ့ငါမှာထားသောစကားကို နှလုံးသွင်းရမည်။ ထိုစကားကို သင်၏သားသမီးတို့အား ကြိုးစား၍ သွန်သင်ရမည်။ အိမ်၌ထိုင်လျက်နေသည်ဖြစ်စေ၊ ခရီး၌သွားသည်ဖြစ်စေ၊ အိပ်လျက်၊ ထလျက် ရှိသည်ဖြစ်စေ ထိုစကားကို ပြောရမည်။” (:၆-၇)

ဣသရေလလူတို့သည် ဘုရား၏တရားတော်ကို ဖတ်ရှုပြီး သွန်သင်သည်ကို ကြားနာရန် မှန်မှန်စုရုံးခဲ့ကြသည်။ သို့တိုင် မောရှေသည် ၎င်းတို့အား အိမ်တွင်သာမက နေ့စဉ်ဘဝ၏ ပုံမှန်သွားလာလှုပ်ရှားမှုတို့တွင် သင်ကြားရန်လည်း သူတို့ကို ညွှန်ကြားခဲ့သည်။

ဘုရားသခင်၏ နှုတ်ကပတ်တော်အပေါ် ကျွန်ုပ်တို့၏ စိတ်အားထက်သန်မှုနှင့် ကိုယ်တော်ကို နာခံလိုသော ကျွန်ုပ်တို့၏ဆန္ဒဆိုသည်ကို အချိန်မရွေး၊ ဒေသ မရွေး အမြဲပြောဆိုနေရမည့် အကြောင်းအရာမှာ ဘုရားသခင်ဖြစ်သည်ဟု ဘာသာပြန်ဆိုသင့်သည်။

ကျွန်ုပ်တို့၏ကလေးများ၏ ကိုယ်ကျင့်တရားနှင့် ဝိညာဉ်ရေးဆိုင်ရာ လေ့ကျင့်သင်ကြားပေးမှုကို အသင်းတော် ဝတ်ပြုကိုးကွယ်မှုအစီအစဉ်များ၊ ဉပုသ်စာဖြေကျောင်း၊ လူငယ်မိတ်သဟာယအစည်း အဝေးများနှင့် အဖွဲ့လိုက်ကျမ်းစာသင်အံမှု ကဲ့သို့သော သမရိုးကျ ဝန်းကျင်အနေအထားများ ၌သာ ကန့်သတ်မထားသင့်ကြောင်း ယင်းက ပြသခဲ့သည်။ ၎င်းအစား၊ ဘုရားသခင်၏ နှုတ်ကပတ်တော်ကို ကျွန်ုပ်တို့၏စိတ်အားထက်သန် မှုနှင့် ကိုယ်တော်ကိုနာခံလိုသော ကျွန်ုပ်တို့၏ ဆန္ဒသည် အချိန်မရွေး၊ ဒေသ မရွေး အမြဲပြောဆိုနေရမည့် အကြောင်းအရာမှာ ဘုရားသခင်ဖြစ်သည်ဟု ဘာသာပြန်ဆိုသင့်သည်။

ကျွန်ုပ်တို့၏ကလေးများအတွက် နမူနာတစ်ခု

၂ တိမောသေ ၁:၅ တွင် ပေါလုသည် တိမောသေ၏ “စိတ်ရင်းမှန်ဖြင့် ယုံကြည်ခြင်း”အား သူကို ဘုရားသခင်၏နှုတ်ကပတ်တော်အား သင်ကြားပေး ခဲ့မည့်၊ အနီးကပ်စောင့်ရှောက်သူ အဖွား လောဣနှင့် မိခင် ဥနိတ်တို့၏ အမွေအနှစ်အဖြစ် ဂုဏ်ပြု မှတ်တမ်း တင်ထားပြီး၊ ခရစ်တော်၏ နောက်လိုက်တစ်ဦးဖြစ်ရခြင်း၏အဓိပ္ပာယ်ကို ပုံသက်သေအားဖြင့် ပြသခဲ့သည်။

၃:၁၀–၁၅ တွင် တိမောသေ လိုက်လျှောက်ရန် အတွက် စံနမူနာအဖြစ် ပေါလုသည်လည်း သူ့အသက်တာကို ပုံအပ်ပေးခဲ့ပြီး တိမောသေ သင်ယူခဲ့သည့်အရာများကို စွဲကိုင်ထားရန် တိုက်တွန်းထားသည်။

“သင်သည် အဘယ်သူထံ၌ နည်းခံခဲ့ပြီးသည်ကို၎င်း၊
ယေရှုခရစ်ကို ယုံကြည်ခြင်းအားဖြင့် ကယ်တင်ခြင်းအလိုငှါ
ပညာကိုပေးနိုင်သော ဓမ္မကျမ်းစာကို
ငယ်သောအရွယ်မှစ၍ လေ့ကျက်သည်ကို၎င်း သိမှတ်သည်နှင့်၊
အထက်က သင်၍နှလုံးသွင်းမိသော
အယူဝါဒ၌ တည်နေလော့။” (( :၁၄-၁၅)။)

ကျွန်ုပ်တို့သည် ကျွန်ုပ်တို့၏ကလေးများကို သမ္မာကျမ်းစာဖတ်ရှုရန် အားပေးရုံသာမက ခရစ်တော်၏နောက်လိုက်များအဖြစ် ကျွန်ုပ်တို့၏ကိုယ်ပိုင်စံနမူနာများမှတစ်ဆင့် သူတို့ အတွက် အတုယူစရာ သွန်သင်ပေးရန်လည်း ဖြစ်သည်။ တရားဟောဆရာများ၊ ကျမ်းစာဆရာ များနှင့် ဥပုသ်စာဖြေကျောင်းဆရာ များစွာတို့သည် ၎င်းတို့၏အသင်းတော်များသို့ ဘုရားသခင့် နှုတ်ကပတ်တော်များကို သင်ကြားရာတွင် ကောင်းစွာလုပ်ဆောင်ကြသော်လည်း၊ ကျွန်ုပ်တို့၏သားသမီးများကို နှုတ်ကပတ်တော်၌ ဦးဆောင် လမ်းပြရန်မှာ ကျွန်ုပ်တို့ မိဘများအတွက် ဘုရားသခင် ရည်ရွယ်ထားကြောင်း သမ္မာကျမ်းစာက ရှင်းရှင်းလင်းလင်း ဖော်ပြထားသည်။

ကျွန်ုပ်တို့၏သားသမီးများကို နှုတ်ကပတ်တော်၌ ဦးဆောင်လမ်းပြရန်မှာ ကျွန်ုပ်တို့မိဘများအတွက် ဘုရားသခင် ရည်ရွယ်ထားကြောင်း သမ္မာကျမ်းစာက ရှင်းလင်းစွာဖော်ပြထားသည်။

ထို့ကြောင့် ကျွန်ုပ်တို့၏ကလေးများ၏ ဘဝ ဗဟိုချက်၌ သမ္မာကျမ်းစာကို ကျွန်ုပ်တို့ မည်သို့ထားရှိနိုင်မည်နည်း။ ဤသည်မှာ ထည့်သွင်းစဉ်းစားရမည့် လက်တွေ့ကျသော လုပ်ဆောင်ချက်အချို့ဖြစ်သည်။

၁။ ကျွန်ုပ်တို့ကိုယ်တိုင် ကျမ်းစာ ဖတ်ပါ။

ကျွန်ုပ်တို့၏ကလေးများ သမ္မာကျမ်းစာဖတ်ခြင်းသည် ကျွန်ုပ်တို့နှင့် စတင်ပါသည်။ ကျွန်ုပ်တို့၏ သမ္မာကျမ်း အား ချစ်မြတ်နိုးခြင်းကို ကျွန်ုပ်တို့၏သားသမီးများ မြင်ပြီး ကျမ်းစာက ကျွန်ုပ်တို့၏အသက်တာကို မည်သို့ပြောင်းလဲကြောင်းကို သက်သေတွေ့ရှိကာ သူတို့သည် အလိုလို စိတ်ဝင်စားကြလိမ့်မည်။

၂။ မှန်မှန်ဆုတောင်းပါ။

သင့်သားသမီးများသည် ဘုရားသခင့်နှုတ်ကပတ်တော် ကို အာသီသရှိလာစေရန် ဆုတောင်းပါ။ သမ္မာကျမ်းစာအပေါ် သူတို့၏စိတ်ဝင်စားမှု လျော့နည်းသွားပုံရလျှင်ပင် ဆုတောင်းခြင်းကို လက်မလျော့လိုက်ပါနှင့်။ ဘုရားသခင်၏ နှုတ်ကပတ်တော်အား ကျွန်ုပ်တို့၏သားသမီးများ — သူ၏ သားသမီးများ — အာသီသရှိလာစေရန် ကျွန်ုပ်တို့ လိုလားသကဲ့သို့ ဘုရားသခင် အလိုရှိသည်။

၃။ အရင်းအမြစ်များကို အသုံးပြုပါ။

ကျွန်ုပ်တို့၏ကလေးများ ကျမ်းစာစာဖတ်ခြင်းကို ကူညီရန် ကျွန်ုပ်တို့က ကျွမ်းကျင်သူများဖြစ်ရန် မလိုအပ်ပါ။ အွန်လိုင်းတွင်ရရှိနိုင်သည့် အခမဲ့အရင်းအမြစ်များစွာကို စစ်ဆေးကြည့်ပါ၊ သို့မဟုတ် သင့်ကလေးများကို ဘုရားသခင်၏ နှုတ်ကပတ်တော်၌ အချိန်ကုန်လွန်စေမည့် နည်းလမ်းများရရှိရန် သင့်အသင်းတော် သို့မဟုတ် ဥပုသ်စာဖြေကျောင်းထံမှ အကူအညီတောင်းခံပါ။

၄။ ကူညီပေးမည့်သူကို ရှာပါ။

သင့်ကလေးများသည် အခြားသူတစ်ဦးနှင့် စာဖတ်ခြင်း သို့မဟုတ် မျှဝေခြင်းကို နှစ်သက်ပုံရပါက ဘုရားကျောင်းရှိ ကူညီပေးနိုင်သူ တစ်ဦးဦးကို ရှာဖွေပါ။ ကလေးများထက် အသက်ပိုကြီးသော လူငယ် သို့မဟုတ် ကျမ်းစာသင်တန်းခေါင်းဆောင် ဖြစ်နိုင်သည်။

5။ သူတို့ကို စကားပြောပါ။

ကလေးတွေကို ကျမ်းစာဖတ်ဖို့ တကျည်ကျည် ပြောနေမယ့်အစား သမ္မာကျမ်းစာအကြောင်း စကားစမြည်ပြောဆိုခြင်းဖြင့် သူတို့ရဲ့စိတ်ဝင်စားမှုကို ဆွဲဆောင်ပါ။ “ဒီနေ့ ဘုရားသခင်အကြောင်း သင် ဘာသင်ယူခဲ့သလဲ” သို့မဟုတ် “သင်သင်ယူခဲ့သည့် အရာနှင့်ပတ်သက်ပြီး သင့်အတွက် ကျွန်ုပ် ဘာဆုတောင်းပေးနိုင်မလဲ ကဲ့သို့သော မေးခွန်းများဖြင့် ဆွေးနွေးပြောဆိုပါ။

ဤဆောင်းပါးအားAge of Opportunity, Singapore Youth For Christ ၏ ထုတ်ဝေမှုဖြင့် ပထမဆုံးပုံနှိပ်ထုတ်ဝေခဲ့ပြီး ခွင့်ပြုချက်ဖြင့် ပြန်လည်ပြင်ဆင်ထားသည်။