စာရေးသူ။ ။ လက်စလီကိုး(Leslie Koh)၊ စင်ကာပူ | ဘာသာပြန်သူ။ ။ နော်မြတ်ဆုမွန်
မူရင်း အင်္ဂလိပ်ဘာသာစာမူ။ ။ Wuhan Virus: Who’s To Blame?

“ဘာလို့ဒီလိုထပ်ဖြစ်ရတာလဲ။˝ “ဘယ်သူ့ကိုအပြစ်တင်ရမလဲ။˝

ဒီနေ့ဒီအချိန် မြန်မာပြည်တွင် ဤမေးခွန်းများက စကားဝိုင်းများ၏ အစိတ်အပိုင်းတစ်ခုဖြစ်နေမည်မှာ သေချာသည်။ မြန်မာမှာသာမက ကမ္ဘာကြီးတစ်ခုလုံး ဝူဟန်ကိုရိုနာဗိုင်းရပ်စ်ပြန့်နှံ့ခြင်းအကြောင်း သတင်းခေါင်းစီးများတွင် နေရာယူလွှမ်းမိုးထားတာခြင်းနှင့်အတူ ဘယ်သူ့ကြောင့်လဲ ဟုလက်ညှိုးထိုးစွပ်စွဲရန် လွယ်ကူလာပါသည်။

၎င်းမှာ ၂၀၀၃ ခုနှစ်တုန်းကဖြစ်ခဲ့သော SARS ဗိုင်းရပ်စ်နှင့်ပတ်သက်သည့်အမှတ်ရစရာများ ပေါ်ပေါက်လာသည့်အခါ ထိုပြဿနာကို တရုတ်အာဏာပိုင်များ၏ တုန့်ပြန်မှုကြောင့် နောက်ဆုံးတွင် လူပေါင်း ၈၀၀၀ ကျော်ရောဂါကူးစက်ခဲ့ပြီး လူ ၈၀၀ ဦးသေဆုံးခဲ့သည့်အပေါ်လူတို့၏တုံ့ပြန်ခြင်းသည် သဘာဝဖြစ်ကောင်း ဖြစ်ပါလိမ့်မယ်။

ဝူဟန်ကိုရိုနာဗိုင်းရပ်စ်သည် လူပေါင်း ၈၀၀၀၀ ကျော်ကိုရောဂါကူးစေခဲ့ပြီး လူပေါင်း ၃၀၀၀ ကျော် သေဆုံးစေခဲ့သည်ကို သင်ယခုဤစာကိုဖတ်မိသည့်အချိန်၌ အရေအတွက်မှာပိုများနေသည်ကို တွေ့ရပေ လိမ့်မည်။ ဤမေးခွန်းများလည်း မြေကြီးလက်ခတ်မလွဲထပ်မံပေါ်ပေါက်လာလိမ့်မယ်။

တရုတ်အာဏာပိုင်များအနေဖြင့် ပြည့်စုံလုံလောက်စွာမလုပ်နိုင်ခဲ့ခြင်းနှင့် နိုင်ငံသားတစ်ဦးချင်းစီ အနေဖြင့် တာဝန်ယူမှုတာဝန်ခံမှုမရှိကြခြင်းနှင့်ပတ်သက်၍ လူအများက ဝေဖန်မှုများစတင်နေပြီဖြစ်သည်။ စိုးရိမ်ပူပန်နေသောမိဘများက တရုတ်ပြည်မှကျောင်းသားများသည် ဗိုင်းရပ်စ်ပိုးရှိနေသည်ကိုမသိပဲ တရုတ်ပြည်မှ ပြန်လည်သယ်ဆောင်လာနိုင်သည်ကို စိုးရိမ်သဖြင့် ကျောင်းများနှင့်တက္ကသိုလ်များကို စတင် မည့်ရက်အား နောက်ဆုတ်ပေးပါရန် တောင်းဆိုခဲ့ကြသည်။ ထို့အပြင် လေကြောင်းလိုင်းတစ်ခုတွင် ဗိုင်းရပ်စ် ကူးစက်ခံရသော ခရီးသည်နှစ်ဦးကြောင့် သူတို့နှင့်လေယာဉ်တစ်စီးတည်း အတူစီးခဲ့ သောခရီးသည် ထောင်ပေါင်းများစွာကို ထိုလေကြောင်းကုမ္ပဏီမှ ရောဂါလက္ခဏာရှိမရှိ စစ်ဆေးဖို့ရန် လိုက်လံဆက်သွယ်နေသည်။

ကလေးများအပေါ် ဗိုင်းရပ်စ်ကူးစက်ခံရမှုများရှိလာနိုင်သည့်အလားအလာများနှင့် ကျဉ်းကျုတ်သောနေရာများတွင် ဗိုင်းရပ်စ်ကူးစက် ပြန့်ပွားမှု ပိုရှိနိုင်သည့်အန္တရာယ်ကို စိုးရိမ် ကြောက်ရွံ့နေမှုများကို နားလည်ပေးနိုင်ပါသည်။

သို့သော် တစ်စုံတစ်ယောက်က ကျွန်ုပ်အား “ဝူဟန်မှလူများအတွက်ဆုတောင်းပေးသလား” ဟု မေးလာသည့်အခါ ကျွန်ုပ်အနေဖြင့် ထိုပြဿနာ၏အဓိကနေရာဖြစ်သည် ဝူဟန်မြို့ရှိ ဆိုးဝါးသော အခြေအနေ များကြုံတွေ့နေရသည့် ဝူဟန်မြို့သူ၊ မြို့သားများ၏ ဆင်းရဲဒုက္ခအကြောင်းကို တကယ်မစဉ်းစားမိကြောင်း ပြောရန် ကျွန်ုပ်ရှက်မိပါသည်။ ကျွန်ုပ်၏တိုင်းပြည်၊ မိသားစုနှင့် မိတ်ဆွေသူငယ်ချင်းများအတွက် ကျရောက်မည့် အန္တရာယ်နှင့်ပတ်သက်၍ ကျွန်ုပ်ပိုစိုးရိမ်မိနေခဲ့သည်။

ထို့ကြောင့် ရှင်ပေါလုက ခရစ်ယာန်များအား အခြားသူများကိုချစ်ရန်နှင့် ဂရုစိုက်ရန်တိုက်တွန်းရာတွင် “….. သူတပါးသည် ကိုယ်ထက်သာ၍ ကောင်းမြတ်သည်ဟု နှိမ့်ချသောစိတ်ရှိ၍ တစ်ယောက်ကိုတစ်ယောက် ထင်မှတ်ကြလော့။ ကိုယ်အမှုအရာကိုသာ မရှုမမှတ်ဘဲ၊ သူ့အမှုအရာကို အချင်းချင်းရှုမှတ်ကြလော့။” (ဖိလိပ္ပိဩဝါဒစာ ၂:၃-၄) ဟုပြောကြားခဲ့သည်။

အခြားသူများအတွက် စိတ်ဝင်စားမှုကို တန်းတူ (သို့မဟုတ်) ပိုမိုဦးစားပေးခြင်းသည် ကျွန်ုပ်တို့ ကိုယ်တိုင်ဆင်းရဲဒုက္ခခံရနေချိန်၌ပင်ဖြစ်စေ (သို့မဟုတ်) ထိုသို့ပြုလုပ်ခြင်းအတွက် ဆုံးရှုံးမှုတစ်ခုခု ရှိခဲ့လျှင်ပင် ထိုသူတို့ကို ဂရုစိုက်ပေးခြင်းပင်ဖြစ်သည်။ စစ်မှန်သောချစ်ခြင်းမေတ္တာနှင့်ဂရုစိုက်ခြင်းသည် ပြုလုပ်ရန်ခက်ခဲ သော်လည်း ထိုသို့ပြုခြင်းမှား ကိုယ်ကျိုးစွန့်ခြင်းဖြစ်သည်။

ထိုအကြောင်းကို ဝူဟန်ရှိဘုရားကျောင်းတစ်ခုမှ သင်းအုပ်ဆရာတစ်ပါးက ယုံကြည်သူများထံ စာရေးရာတွင် သူက “ဤမြို့တွင်ရှိနေသောခရစ်ယာန်များသည် ဤမြို့သူမြို့သား များနှင့်အတူတကွ ဆင်းရဲဒုက္ခခံရရုံတစ်ခုတည်းသာမက ကြောက်ရွံ့နေသောမြို့သူမြို့သားများအတွက် ဆုတောင်းပေးရန်နှင့် ခရစ်တော်၏ငြိမ်သက်ခြင်းကို ဆောင်ကြဉ်းပေးရန် ကျွန်ုပ်တို့တွင် တာဝန်ရှိသည်” ဟုပြောခဲ့သည်။

ယခုကဲ့သို့အကြပ်အတည်းကြုံတွေ့ရသည့်ကာလ၌ ကျွန်ုပ်တို့ခရစ်ယာန်များအနေဖြင့် ဘာလုပ်နိုင် သနည်း။ လူများကို ဘုရားသခင်အားညွှန်ပြပေးရန်ကူညီပေးနိုင်ပြီး ဝူဟန်ဗိုင်းရပ်စ်ကူးစက်ခံရမည်ကို ကြောက်ရွံ့ခြင်းနှင့် တိုက်လှန်နေစဉ်ပင် ဘုရားသခင်အားယုံကြည်ကိုးစားသူများကို ဘုရားကမည်သို့ကမ်းလှမ်း နေသည်ကို ပြသပေးနိုင်သည်။ ထို့အပြင် ဝူဟန်ရှိလူများနှင့် ဗိုင်းရပ်စ်ကူးစက်ခံရသောသူများအတွက် အောက်ပါအချက်များကို သူတို့ကိုယ်တိုင်တွေ့ကြုံခံစားရစေရန် ဆုတောင်းပေးနိုင်ပါသည်။

• ကျွန်ုပ်တို့ခိုလှုံရာဖြစ်၍ ခွန်အားကိုပေးတော်မူပြီး ဘေးရောက်သည့်ကာလ ကူမတော်မူသော ဘုရားသခင်၏တည်ရှိခြင်း (ဆာလံကျမ်း ၄၆:၁)

• သူ၏နာမတော်ကိုသိသောသူကြောင့် ကွယ်ကာတော်မူမည့် ဘုရားသခင်၏ကာကွယ်စောင့်ရှောက်ခြင်း (ဆာလံ ၉၁:၁၄)

• လူတို့ကြံစည်၍မမှီနိုင်ပဲ ယေရှုခရစ်အားဖြင့် ကျွန်ုပ်တို့၏စိတ်နှလုံးတို့ကိုကြည့်ရှုစောင်မတော်မူမည့် ဘုရားသခင်၏ငြိမ်သက်ခြင်း (ဖိလိပ္ပိဩဝါဒစာ ၄:၇)

ဘုရားသခင်၏ တည်ရှိခြင်း၊ ကာကွယ်စောင့်ရှောက်ခြင်းနှင့် ငြိမ်သက်ခြင်းကို ရရှိကြသူများအနေဖြင့်ဝူဟန်မှလူများအတွက် သင်သည်ကျွန်ုပ်နှင့်အတူ ဆုတောင်းပေးပါမည်လား။

အဘဘုရားသခင်…
ကူးစက်ရောဂါပျံ့ပွားခြင်းကြောင့် စိုးရမ်ပူပန်မှုများအတွက်
ကျွန်ုပ်ဆုတောင်းပါသည်။ ထိုသူများထံ
ဘုရားသခင်၏ တည်ရှိခြင်း၊ ကွယ်ကာခြင်းနှင့် ငြိမ်သက်ခြင်း
ရရှိစေပါမည့် အကြောင်း ဆုတောင်းပေးပါသည်။

စာရေးသူအကြောင်း သိကောင်းစရာ …

လက်စလီကိုး သည် စင်္ကာပူနိုင်ငံ၌ မွေးဖွားကြီးပြင်းခဲ့သူဖြစ်သည်။ သူသည် Our Daily Bread Ministries သို့ မပြောင်းရွေ့မီက ၎င်းနိုင်ငံထုတ် The Straits Times သတင်းစာတိုက်၌ ဂျာနယ်လစ်အဖြစ် ၁၅ နှစ်ထက်မနည်း လုပ်ကိုင်ခဲ့သည်။ သတင်းဆိုးများနှင့်ဆိုင်သည့်ဌာနမှ သတင်းကောင်းနှင့်ဆိုင်သည့် ဌာနသို့ ပြောင်းရွေ့ရခြင်းက အကျိုးကြီးကြောင်း သူသိရှိခဲ့သည်။ လူအပေါင်းတို့ထံသို့ ကောင်းမြတ်သေချာသည့် သတင်းစကားကို ကမ်းလှမ်းပေးခြင်းထက်သာ၍ ကောင်းသောအရာမရှိဟု သူယုံကြည်သည်။ အစာစားသောက်ခြင်း၊ ခရီးသွားခြင်း၊ ပြေးခြင်း၊ စာတည်းဖြတ်ခြင်းနှင့် စာရေးသားခြင်းအမှုတို့ကို သူနှစ်သက်ပျော်မွေ့သည်။

စာမူအားလုံးဖတ်ရန် ဤနေရာတွင်နှိပ်ပါ။