ဖြောင့်မတ်မှန်ကန်သောမြို့

၂၀၀၀ ခုနှစ် နှစ်သစ်ကူးအကြိုနေ့တွင် အမေရိကန်နိုင်ငံ၊ ဒီထရွိုက်မြို့တော်ရှိ အာဏာပိုင်တို့သည် နှစ် (၁၀၀) သက်တမ်းရှိပစ္စည်းများ ထည့်မြှုပ်ထားသည့်‌ သေတ္တာကို ဖွင့်ခဲ့ကြသည်။ ကြေးနီသေတ္တာအတွင်း၌ သာယာဝပြောကြွယ်ဝမှုနှင့် စပ်လျဥ်းသည့်အမြင်ကို ဖော်ပြသော မြို့ခေါင်းဆောင်အချို့တို့၏ မျှော်လင့်ချက်အပြည့်နှင့် ခန့်မှန်းချက်တို့ ပါရှိသည်။ သို့သော် မြို့တော်ဝန်၏သတင်းစကားမှာမူ ကွဲပြားသည်။ သူက “အခြားအရာတွေထက် နိုင်ငံတစ်နိုင်ငံ၊ လူမျိုးတစ်မျိုးနှင့် မြို့တစ်မြို့အနေနှင့် ဖြောင့်မတ်မှန်ကန်စွာ တိုးတက်ရှင်သန်လာခဲ့ပြီး၊ ဒီတရားမျှတဖြောင့်မတ်ခြင်းဟာ နိုင်ငံရဲ့အဆင့်အတန်းဂုဏ်သိက္ခာကို ချီးမြှင့်မြှောက်စားတယ်ဆိုတာ အားလုံးနားလည်သဘောပေါက်ခြင်းဆိုတဲ့ သာလွန်မြင့်မြတ်တဲ့ မျှော်လင့်ချက်ကို ဖော်ပြခွင့်ရရှိကြပါစေ” ဟုပြောခဲ့သည်။

အောင်မြင်ခြင်း၊ ပျော်ရွှင်ခြင်း၊ ငြိမ်းချမ်းခြင်းထက် အနာဂတ်နိုင်ငံကြီးသားများသည် တရားမျှတပြီး ဖြောင့်မတ်ခြင်း၌ တိုးတက်ရှင်သန်စေရန် မြို့တော်ဝန်က ဆန္ဒပြုခဲ့သည်။ သခင်ယေရှုက “ဖြောင့်မတ်ခြင်းပါရမီကို ဆာငတ်ခင်မွတ်သော သူတို့သည် မင်္ဂလာရှိကြ၏” (မ ၅:၆) ဆိုသောအချက်ကို သူကောက်နုတ်ခဲ့ခြင်း ဖြစ်ကောင်းဖြစ်နိုင်သည်။ သို့သော်လည်း ဘုရားသခင်၏ပြီးပြည့်စုံသောစံနှုန်းကို တွေးမိသောအခါ…

သခင်ယေရှု၏ နောက်ဆုံးအောင်နိုင်ခြင်း

ဒုတိယကမ္ဘာစစ်အတွင်း ဥရောပတစ်လွှားရှိ စစ်တပ်စခန်းအချို့တွင် အိမ်ကို လွမ်းသော စစ်သားများအတွက် သာမန်မဟုတ်သော ထောက်ပံ့မှုကို ပြုခဲ့ကြသည်။ ၎င်းမှာ လေယာဥ်ပေါ်မှ စခန်းရှိရာသို့ စန္ဒရားများကို ဒေါင်လိုက်ချပေးခြင်းဖြစ်သည်။ ထိုစန္ဒရားများကို သာမန်သတ္ထုပမာဏ၏ ဆယ်ရာခိုင်နှုန်းခန့်သာသုံးပြီး ရေလုံကော်များနှင့် အင်းဆက်ပိုးမွှားများ မကိုက်မစားအောင် အထူးပြုလုပ်ထားသည်။ စန္ဒရားများသည် ရိုးရှင်းသည့်အကြမ်းထည်များဖြစ်သော်လည်း မိမိတို့နှင့် ရင်းနှီးကျွမ်းဝင်သော သီချင်းများကို သီဆိုရန် စုရုံးလာကြသော စစ်သားများအတွက် စိတ်ဝိညာဥ်ကို မြှင့်တင်ပေးသော ဖျော်ဖြေမှုကို နာရီပေါင်းများစွာ ပေးစွမ်းသည်။

သီချင်းဆိုခြင်း၊ အထူးသဖြင့် ဂုဏ်တော်တေးသီချင်းများ ချီးမွမ်းသီဆိုခြင်းသည် တိုက်ပွဲတွင် သခင်ယေ‌ရှုကိုယုံကြည်သူများ ငြိမ်သက်ခြင်းကို ရရှိနိုင်သော နည်းလမ်းများမှ တစ်နည်းဖြစ်သည်။ ကြီးမားသော ကျူးကျော်တပ်များနှင့် ရင်ဆိုင်ရသောအခါ ဤအချက်သည် မှန်ကန်ကြောင်း ယောရှဖတ်မင်း တွေ့ကြုံသိရှိခဲ့သည် (၆ ရာ ၂၀)။ ကြောက်ရွံ့တုန်လှုပ်နေသော ရှင်ဘုရင်သည် လူအပေါင်းကို စုဝေးစေကာ ဆုတောင်းရန်နှင့် အစာရှောင်ရန်…

သင်၏ဥယျာဥ်ကို ဂရုစိုက်ပါ

အိမ်နောက်ဖေးတွင် သစ်သီးနှင့် ဟင်းသီးဟင်းရွက်ဥယျာဥ်ကို စိုက်ပျိုးရန် ကျွန်မအလွန် စိတ်လှုပ်ရှားခဲ့သည်။ ထို့နောက် မြေစာများတွင် အပေါက်ငယ်များ ရှိသည်ကို သတိပြုမိခဲ့ပြီးနောက်၊ ကျွန်မတို့၏ပထမဦးဆုံးသစ်သီးလေး မရင့်မှည့်မီ ပဟေဠိဆန်စွာ ပျောက်သွားခဲ့သည်။ တစ်နေ့တွင် ယုန်များအသိုက်လုပ်ခြင်းကြောင့် ကျွန်မတို့၏အကြီးဆုံး စတော်ဘယ်ရီပင်လေးမှာ လုံးလုံးလျားလျား အမြစ်မှ ကျွတ်ထွက်ကာ နေလောင်ဒဏ်ကြောင့် ခြောက်သွေ့ကျွတ်ဆတ်သွားသည်ကို စိတ်မကောင်းဖွယ် တွေ့ရှိခဲ့ရသည်။ သတိပေးသည့်လက္ခဏာများကို ကျွန်မပို၍ အလေးထားသင့်ခဲ့သည်ဟုသာ ကျွန်မနောင်တရမိသည်။

ရှောလမုန်သီချင်း၏လှပသော အချစ်တေးကဗျာတွင် ငယ်ရွယ်သောအမျိုးသားနှင့် အမျိုးသမီးတို့၏ အပြန်အလှန် ပြောသည့်စကားကို မှတ်တမ်းတင်ထားသည်။ သူ့ချစ်သူကို ခေါ်နေစဥ် သူ့ချစ်သူ၏ဥယျာဥ်ကို ဖျက်ဆီးမည့် တိရစ္ဆာန်များကို ထိုအမျိုးသားက ခပ်တင်းတင်း သတိပေးထားသည်။ ထိုဥယျာဥ်မှာ သူတို့၏ဆက်ဆံရေးကို အလင်္ကာဖွဲ့တင်စားဖော်ပြချက်ဖြစ်သည်။ “စပျစ် နွယ်ပင်တို့ကို ဖျက်လတံ့သော မြေခွေးများနှင့် မြေခွေးကလေးများကို ငါတို့ဖို့ ဖမ်းကြလော့” ဟုသူပြောခဲ့သည် (သီချင်း ၂:၁၅)။ “မြေခွေး”ဟု သူတင်စားသည့်အရာများမှာ…

နိုင်ငံများကို စည်းလုံးစေခြင်း

ကမ္ဘာ့အရှည်ဆုံး နိုင်ငံတကာနယ်စပ်မျဉ်းသည် အမေရိကန်နိုင်ငံနှင့် ကနေဒါနိုင်ငံ တို့ကြားတွင်ရှိပြီး မယုံနိုင်စရာ ကုန်းမြေနှင့်ရေပြင် ၅,၅၂၅ မိုင် ရှည်သည်။ နယ်နမိတ်မျဥ်း မမှား‌အောင် အလုပ်သမားများက နယ်နမိတ်မျဥ်း နှစ်ဘက်စလုံးတွင် (၁၀) ပေ အကျယ်ထိ သစ်ပင်များကို ပုံမှန်ခုတ်လှဲရသည်။ “နယ်နိမိတ်ခြား” ဟုခေါ်သော ရှည်လျားသည့် ခုတ်ထွင်ရှင်းလင်းပြီး မြေနေရာကို ကျောက်အမှတ်အသားပေါင်း ၈,၀၀၀ ကျော်ဖြင့် အမှတ်သားပြုထားခြင်းကြောင့် လာရောက်လည်ပတ်သူများက နယ်နိမိတ်ခြား မျဥ်းကျရောက်သည့် နေရာကို အမြဲသိနေသည်။

“နယ်နိမိတ်ခြား” သဘာဝသစ်တောရှင်းလင်းမှုသည် အစိုးရများနှင့် ယဥ်ကျေးမှု ခွဲခြားခြင်းကို ကိုယ်စားပြုဖော်ပြနေသည်။ သခင်ယေရှုကို ယုံကြည်သူများ အနေဖြင့် ဘုရားသခင်သည် ထိုအရာကို ပြောင်းပြန်ဖြစ်စေပြီး ကိုယ်တော်၏ အုပ်ချုပ်မှုအောက်တွင် ကမ္ဘာတစ်ဝန်းရှိ လူမျိုးအားလုံးကို စည်းလုံးစေမည့်အချိန်ကို ကျွန်မတို့ စောင့်မျှော်နေသည်။ ပရောဖက်ဟေရှာယက ဗိမာန်တော်ကို ခိုင်မြဲစွာတည်ထောင်မည့် အနာဂတ်ကာလကို ဟောပြောခဲ့သည် (ဟေရှာ ၂:၂)။…

ထာဝရရှင်သန်နေသည့် အသက်တာ

“သေခြင်းတရားကို မကြောက်ပါနဲ့ ဝင်နီ၊ မရှင်သန်တဲ့ဘဝကိုသာ ကြောက်ပါ” ဟု Angus Tuck (အဲန်းဂက်စ် တပ်ခ်)က ပြောသည်။ ၎င်းသည် ဝတ္ထုမှရုပ်ရှင်အဖြစ်ရိုက်ကူးထားသော ‘Tuck Everlasting’ (ထာဝရရှင်သန်နေသော တပ်ခ်) ဇာတ်ကားမှ ကိုးကားချက်ဖြစ်ပြီး၊ မည်သည့်အခါမျှ မသေနိုင်သော ဇာတ်ကောင်ပြောသည့် စကားဖြစ်ခြင်းကြောင့် ပိုစိတ်ဝင်စားစရာဖြစ်ခဲ့သည်။ တပ်ခ် မိသားစုသည် မသေနိုင်ဘဲ အမြဲရှင်သန်သည်။ ဝင်နီ နှင့်ချစ်ကျွမ်းဝင်သော ငယ်ရွယ်သူ ဂျက်စီတပ်ခ် သည် သူမနှင့်ထာဝရအတူနေထိုင်သွားနိုင်ရေး မသေနိုင်သောအသက်ကို ရှာဖွေရန် သူမအား တောင်းဆိုခဲ့သည်။ သို့သော် ပညာရှိ အဲန်းဂတ်စ်က ထာဝရအသက်ရှင်သန်ခြင်း သက်သက်ဖြင့် သူတို့၏လိုအင်ဆန္ဒများ မပြည့်ဝနိုင်ကြောင်းကို သူနားလည်သည်။

ခေတ်ယဉ်ကျေးမှုက ကျွန်ုပ်တို့သည် ငယ်ရွယ်ကျန်းမာပြီး အစဥ်ခွန်အားနှင့်ပြည့်နေမည်ဆိုပါက အမှန်ပျော်ရွှင်ရမည်ဟုဆိုသည်။ သို့သော် ထိုအ‌ခြေအနေ၌ လိုအင်ဆန္ဒပြည့်ဝမှုကို တွေ့ရှိနိုင်သည် မဟုတ်ပါ။ သခင်ယေရှုသည် ကားစင်တင်ခြင်း မခံရမီ သူ၏တပည့်တော်များနှင့်…

အနာဂတ်သစ္စာတရား

Sara (စာရာ)သည် (၁၄) နှစ်အရွယ်တွင် သူမ၏မိခင်ဖြစ်သူကို ဆုံးရှုံးခဲ့ရသည်။ ထို့နောက် သူမတို့မောင်နှမများသည် ၎င်းတို့၏နေအိမ်ကို လက်လွှတ်ခဲ့ရပြီး အိမ်ယာမဲ့များဖြစ်ခဲ့ကြသည်။ နှစ်များစွာကြာပြီးနောက် စာရာသည် သူမ၏ အနာဂတ်ရင်သွေးများအား မျိုးရိုးစဉ်ဆက် လက်ဆင့်ကမ်းနိုင်မည့်အမွေကို ပေးချင်ခဲ့သည်။ ပင်ပန်းခက်ခဲစွာ အလုပ်လုပ်ပြီး၊ နောက်ဆုံးတွင် သူမတစ်ခါမျှ မပိုင်ဆိုင်ခဲ့ဖူးသည့်အိမ်ကို သူမ၏မိသားစုအတွက် ဝယ်ပေးနိုင်ခဲ့တော့သည်။

အနာဂတ်မျိုးဆက်များအတွက် အိမ်တစ်အိမ်၌ ရင်းနှီးမြှုပ်နှံထားခြင်းသည် မမြင်ရသေးသည့်အနာဂတ်ကို ယုံကြည်မှုရှိသည့်လုပ်ရပ်ဖြစ်သည်။ ယေရုရှလင်မြို့ကို ဗာဗုလုန်တို့ အကြမ်းဖက်သိမ်းပိုက်ခြင်းမပြုမီ ဘုရားသခင်က ပရောဖက်ယေရမိအား မြေတစ်ကွက်ဝယ်ရန် မိန့်မှာခဲ့သည် (ယေ ၂၃:၆-၁၂)။ ပရောဖက်အတွက် ဘုရားသခင်၏ညွှန်ကြားချက်များသည် ယုတ္တိမရှိခဲ့ပေ။ မကြာမီတွင် သူတို့၏မြေနှင့်ပိုင်ဆိုင်မှုများ သိမ်းပိုက်ခံရတော့မည်ဖြစ်သည်။

သို့သော်လည်း “ထာဝရဘုရားမိန့်တော်မူသည်ကား၊ ဤလူမျိုးအပေါ်မှာ ကြီးစွာသော ဤဘေးဥပါဒ်အပေါင်းကို ရောက်စေသည်နည်းတူ၊ ငါကတိထားသော ကောင်းကျိုးအပေါင်းကိုလည်း ငါရောက်စေမည်” (:၄၂)ဟု ဘုရားသခင်က ယေရမိအား ကတိပေးခဲ့သည်။ ပရောဖက်ကြီး၏ မြေကွက်၌…

ဘုရားသခင်၌ စိတ်ချစွာ နားခိုခြင်း

တရုတ်နိုင်ငံ ဖူဂျီယန်ဒေသမှ သုတေသီများက အသည်းအသန်လူနာများ ကြပ်မတ်ကုသဆောင် အိုင်စီယူ (ICU)ရှိ လူနာများ နှစ်ခြိုက်စွာ အိပ်ပျော်နိုင်အောင် ကူညီပေးလိုသည်။ သူတို့သည် အိုင်စီယူ အခန်းပုံ ပြင်ဆင်ထားသည့်ဝန်းကျင်တွင် ဆေးရုံအဆင့် သတ်မှတ်ထားသည့် အလင်းအမှောင်ကို ချိန်ညှိပြီး၊ စက်ကရိယာများ၏အသံ၊ သူနာပြုတို့၏စကားသံတို့ကို အသံဖမ်းထားကာ၊ စမ်းသပ်ခံအရာဝတ္ထုများ၌ အိပ်ဆေးများ၏ အာနိသင်သက်ရောက်မှုကို တိုင်းတာသည်။ ထိုသုတေသနပြုချက်က အိပ်ပျော်ရန်သုံးသည့် မျက်နှာဖုံးနှင့် နားကြပ်များသည် စမ်းသပ်ခံအရာများ၏ နားနေအိပ်စက်မှုကို တိုးတက်စေကြောင်း ပြခဲ့သည်။ သို့သော် အိုင်စီယူအခန်းအစစ်၌ အမှန်တကယ် ဖျားနာနေသူအတွက်မူ ငြိမ်းချမ်းစွာ အိပ်စက်နိုင်ရေးက ခက်ခဲနေမြဲဖြစ်သည်။

ဒုကများမြောင်လှသော ကမ္ဘာကြီးတွင် ကျွန်ုပ်တို့ မည်သို့ငြိမ်သက်စွာ အနားရနိုင်မည်နည်း။ သမ္မာကျမ်းစာ၌ မည်သည့်အခြေအနေတွင်မဆို ဘုရားရှင်ကို ခိုလှုံသူအတွက် ငြိမ်သက်ခြင်းရှိကြောင်း ရှင်းရှင်းဆိုထားသည်။ ပရောဖက်‌ ဟေရှာယက ဒုက္ခအခက်အခဲများအလွန်တွင် ဣသရေလလူမျိုးတို့အတွက် ပြန်လည်ထူထောင် ပေးမည့် အနာဂတ်အကြောင်း ရေးသားခဲ့သည်။…

မထိုက်တန်သောလက်ဆောင်

မကြာသေးမီက ကျွန်မသူငယ်ချင်းက ကျွန်မအား လက်ဆောင်တစ်ခုပေးရာ ကျွန်မအံ့ဩရသည်။ သူမထံမှ ထိုမျှကောင်းသောလက်ဆောင်ကို ရထိုက်သည်ဟု ကျွန်မ မထင်ပါ။ ကျွန်မသည် အလုပ်နှင့်ပတ်သက်၍ စိတ်ဖိစီးနေရကြောင်း သူမကြား၍ ပို့လိုက်ခြင်းဖြစ်သည်။ သူမက ကျွန်မထက်ပင် စိတ်ဖိစီးနေနိုင်ပါ သည်။ အိုမင်းလာသောမိဘများ၊ စောဒကတက်သောကလေးများ၊အလုပ်အကိုင် အတည်တကျ မရှိ၊ သူမ၏အိမ်ထောင်ရေးကလည်း တင်းမာနေသည်။ သူမကိုယ် သူမထက် ကျွန်မကိုပိုဦးစားပေးသည်ကို ကျွန်မမယုံနိုင်ဘဲ၊ သူမ၏ရိုးရှင်းသောလက်ဆောင်ကြောင့် ကျွန်မမျက်ရည်ကျမိပါသည်။

အမှန်စင်စစ် ကျွန်မတို့အားလုံးသည် ကျွန်မတို့နှင့်မထိုက်တန်နိုင်သော လက်ဆောင်တစ်ခုကို ရရှိထားကြပါသည်။ ရှင်ပေါလုက “ယေရှုခရစ်သည် အပြစ်ရှိသောသူတို့ကို ကယ်တင်ခြင်းငှာ ဤလောကသို့ကြွလာတော်မူသည် ... အပြစ်ရှိသောသူတို့တွင် ငါသည် အကြီးဆုံးဖြစ်၏” (၁ တိ ၁:၁၅)ဟု ဆိုပါသည်။ သူသည် တစ်ချိန်က “ကဲ့ရဲ့သောသူ၊ ညှဉ်းဆဲသောသူ၊ ကြမ်းကြုတ်သောသူဖြစ်ဖူးသော်လည်း” “သခင်ဘုရား၏ကျေးဇူးတော်သည် ... အတိုင်းထက်အလွန်ကြွယ်ဝ”သည် (:၁၃-၁၄)ဟု သူက ဆိုသည်။…

ပြည့်စုံပါစေ

ဒေါက်တာ Martin Luther King Jr. (မာတင်လူသာကင်း ဂျူနီယာ)၏ ကြောက်မက်ဖွယ်ရာ လုပ်ကြံခံရမှုသည် ၁၉၆၀ ပြည့်နှစ်များအတွင်း အမေရိကန်နိုင်ငံသား အခွင့်အရေးလှုပ်ရှားမှု၏ အရှိန်မြင့်တက်နေချိန်တွင် ဖြစ်ပွားခဲ့သည်။ သို့သော်လည်း (၄) ရက်ကြာပြီးနောက်၊ သူ့ဇနီးသည် မုဆိုးမ Coretta Scott King (ကော်ရက်တာစကော့ကင်း)သည် ငြိမ်းချမ်းစွာ ဆန္ဒပြပွဲများတွင် သူမ၏ခင်ပွန်းကိုယ်စား ရဲရဲဝံ့ဝံ့ ဦးဆောင်ခဲ့သည်။ ကော်ရက်တာသည် တရားမျှတမှုအတွက် ဆန္ဒပြင်းပြပြီး အရေးခင်းများစွာတွင် ကြောက်ခမန်းလိလိ အောင်နိုင်သူတစ်ဦးဖြစ်ခဲ့သည်။

“ဖြောင့်မတ်ခြင်းပါရမီကို ဆာငတ်ခင်မွတ်သောသူတို့သည် မင်္ဂလာရှိကြ ၏။ အကြောင်းမူကား၊ ထိုသူတို့သည် ဝပြောခြင်းသို့ ရောက်ကြလတ္တံ့” (မ ၅:၆)ဟု ရှင်ယေရှုမိန့်မှာခဲ့သည်။ တစ်နေ့နေ့တွင် ဘုရားသခင်သည် တရားမျှတမှုဖြင့် ကယ်တင်ပြီး အမှားများကို ပြုပြင်ရန်ကြွလာတော်မူမည်ကို ကျွန်မတို့သိသည်။ သို့သော်လည်း ထိုအချိန်မတိုင်မီအထိ ကော်ရက်တာကဲ့သို့ ကမ္ဘာမြေ၌ ဘုရားသခင် ၏တရားမျှတမှု အမှန်တကယ်ဖြစ်လာစေရန်…

ဝန်ကို ပေါ့ပါးစေပါ

ကျွန်မတို့အသစ်ဖွဲ့ထားသော ကျမ်းစာလေ့လာခြင်းအဖွဲ့မှ အမျိုးသမီးများသည် အဖြစ်ဆိုးအမျိုးမျိုးကို ကြုံတွေ့ရသောအခါ နက်ရှိုင်းသော ကိုယ်ရေးကိုယ်တာ အတွေ့အကြုံများကို အတူတကွ မျှဝေပြောပြကြသည်ကို တွေ့ခဲ့ရသည်။ ဖခင် ကွယ်လွန်သွားခြင်း၊ အိမ်ထောင်ကွဲပြီးနောက် မင်္ဂလာနှစ်ပတ်လည်ကို ဖြတ်သန်းရသည့်ဝေဒနာ၊ နားမကြားသောကလေးကို မွေးဖွားခြင်း၊ မိမိရင်သွေးကို အရေးပေါ်ခန်းသို့ အသည်းအသန်ပို့ရခြင်းအတွေ့အကြုံ စသည်တို့ကို တစ်ဦးတည်း ရင်ဆိုင်ကျော်လွှားရန်မှာ ကြီးလေးပြင်းထန်လှသည်။ တစ်ဦးစီ၏ခံနိုင်ရည်မဲ့မှုများကို မျှဝေခြင်းဖြင့် ပို၍ပွင့်လင်းမြင်သာမှု ရှိလာစေသည်။ ကျွန်မတို့အတူ ငိုယိုဆုတောင်းခဲ့ကြသည်။ သို့နှင့် သီတင်းပတ်အနည်းငယ်အတွင်းတွင် အချင်းချင်း အကျွမ်းဝင်မှုမရှိသောအုပ်စုမှ အလွန်ခင်မင်ရင်းနှီးသော မိတ်ဆွေတစ်စု ဖြစ်လာသည်။

အသင်းတော်၏အစိတ်အပိုင်းအနေဖြင့်၊ သခင်ယေရှုကို ယုံကြည်သူများသည် မိမိအဆင်ပြေသလို ဆင်းရဲဒုက္ခခံစားနေရသူများနှင့်အတူ မျှဝေခံစားနိုင်ပါသည်။ ခရစ်တော်၌ညီအစ်ကိုမောင်နှမများ၏ အချင်းချင်းချည်နှောင်သော ဆက်ဆံရေးသည် ကျွန်ုပ်တို့ တစ်ဦးနှင့်တစ်ဦးသိကျွမ်းခဲ့ကြသည့် အချိန်ကာလ (သို့) စိတ်တူသဘောတူဖြစ်မှုပေါ်တွင် မမူတည်ပါ။ ၎င်းအစား “ထမ်းရွက်စရာ ဝန်ချင်းတို့ကို အချင်းချင်းကူညီ၍ ထမ်းရွက်”ရန် ရှင်ပေါလုက သွန်သင်ခဲ့သည်…