ဘုရားသခင်၏ကယ်တင်ခြင်းအမွေခံများ

ဝမ်းနည်းဖွယ်ရာ ယာဉ်မတော်တဆမှုဖြင့် အဘီဂေးလ်(Abigail)၏ မိဘနှစ်ပါးကွယ်လွန်သွားချိန်တွင် အလွန်ကျယ်ဝန်းသည့် မြေကွက်တစ်ကွက် အမွေရရှိမည့် စာရွက်စာတမ်းကို သူမလက်ခံရရှိခဲ့ပြီး၊ သူမ၏မိဘများက အမွေခံစာရွက်စာတမ်းကို အာမခံလုပ်ငန်းတွင် အပ်နှံခဲ့ကြောင်း သူမသိခဲ့ရသည်။ လတ်တလောတွင် သူ၏ ကောလိပ်ကျောင်းစရိတ်အတွက် အသုံးပြုရန် လုံလောက်ရုံမျှသာ ထုတ်ယူသုံးစွဲခွင့် ရှိသည်။ ကျန်သောအရာများကို သူမအရွယ်ရောက်မှသာ ထုတ်ယူသုံးစွဲနိုင်မည်ဖြစ်သည်။ အဘီဂေးလ်သည် စိတ်အနှောင့်အယှက်ဖြစ်မိသော်လည်း မိဘများ၏ အမြော်အမြင်နှင့် ပညာသားပါပါ စီမံဆောင်ရွက်ခဲ့ခြင်းကို သူမနားလည်ခဲ့သည်။

ဂလာတိ ၄ တွင် ဘုရားရှင်နှင့်အာဗြဟံတို့ပြုထားသော ပဋိညာဉ်အားဖြင့် ဣသရေလတို့ရရှိမည့်ကတိတော်အမွေကို ထိုနည်းတူသောဥပမာဖြင့် ရှင်ပေါလု က ဖော်ပြထားသည်။ အာဗြဟံကို ကောင်းချီးပေးရန် ဘုရားရှင်သည် အာဗြဟံနှင့် ပဋိညာဉ်ပြုပြီး၊ အရေပြားလှီးခြင်းသည် ထိုကတိတော်၏သင်္ကေတပင်ဖြစ်သည် (က ၁၇:၁-၁၄)။ သို့ရာတွင် ထိုသင်္ကေတသည် ကတိတော် မဟုတ်ခဲ့ပါ။ အာဗြဟံမှ ဆင်းသက်သောမျိုးဆက်သည် ထိုကတိတော်ပြည့်စုံစေမည့် နောက်လာမည့်မျိုးဆက်ကို စောင့်မျှော်ကြရမည်။ ဣဇာက်မွေးဖွားလာပြီး၊…

ခရစ်တော်၌ စိုက်ပျိုးရှင်သန်သောအသက်တာ

ကျောက်စရစ်လမ်းအဆုံးရှိ ရွှံ့မြေထက်ပိုပျော့သည့် မြေကွက်လပ်ကြီးပေါ်တွင် ကျွန်တော်တို့၏အိမ်ကို တည်ဆောက်ထားပြီး၊ အော်ရီဂွန်(Oregon)တောင်ခြေ၏ ရေမြေသဘာဝနှင့်လိုက်ဖက်ရန် မြက်ပင်များ၊ သစ်ပင်များနှင့် ချုံပုတ်ပင်များစိုက်ရန် လိုအပ်ခဲ့သည်။ မြက်ခင်းပြင်သုံးကိရိယာများကိုယူပြီး အလုပ်စလုပ်ရာ “မြေ၌ လယ်ယာပျိုးပင် မကြီးပွားမီ၊ လယ်ယာ၌ စပါးပင်မကြီးပွားမီ ...မြေ၌လုပ်သောလူလည်း မရှိသေး” (က ၂:၅) ဟူသည့် ထွန်ယက်လုပ်ကိုင်မည့် လူသားများကို စောင့်မျှော်နေသည့် ပထမဆုံး ဥယျာဉ်အကြောင်း အတွေးထဲဝင်လာသည်။

ကမ္ဘာဦးကျမ်းအခန်းကြီး ၁ မှ ဖန်ဆင်းခြင်းဖြစ်စဥ်တွင် ဘုရားသခင်၏ အကဲဖြတ်ခြင်းနှင့်ပတ်သက်၍‘ကောင်းလှ၏’(သို့) ‘အလွန်ကောင်း၏’ (:၄၊၁၀၊၁၂၊ ၁၈၊၂၁၊၂၅၊၃၁)ဟု သုံးသပ်ထားကြောင်း ထပ်ခါတလဲလဲ ဖော်ပြထားသည်။ သို့သော်၊ မပြည့်စုံသေးပါ။ အာဒံနှင့်ဧဝတို့သည် ဥယျာဥ်ကြီးကို ပြုစုပျိုးထောင်ရန်၊ ဘုရားသခင် ၏ဖန်ဆင်းခြင်းကို သစ္စာရှိစွာ အုပ်စိုးရန်(:၂၈) လိုအပ်နေပါသေးသည်။ သူတို့နှစ်ဦးသည် မပြောင်းလဲသော သုခကမ္ဘာတွင် နေရမည်မဟုတ်ဘဲ စောင့်ရှောက်ရန်နှင့် ဖွံ့ဖြိုးတိုးတက်အောင် လုပ်ပေးရန် လိုအပ်သည့်နေရာတွင် နေထိုင်ရမည်…

ဘုရားသခင်နှင့်အတူ လျှောက်လှမ်းခြင်း

ကျန်းမာရေးပညာရှင်များက အပြေးအားကစားသည် နှလုံးသွေးကြောကျန်းမာရေး အတွက် အရေးကြီးကြောင်း နှစ်ပေါင်းများစွာ ပြောဆိုခဲ့ကြသည်။ သို့သော် သိပ္ပံ နည်းကျ လေ့လာမှုအသစ်များအရ နေ့စဉ် လမ်းလျှောက်ခြင်းသည်လည်း ကျန်းမာရေးအတွက် အကျိုးကျေးဇူးများစွာရှိကြောင်းကို သက်သေပြခဲ့သည်။ အမေရိကန် အမျိုးသား ကျန်းမာရေး တက္ကသိုလ်၏အဆိုအရ လမ်းလျှောက်ခြင်းက ကျွန်ုပ်တို့အတွက် ကောင်းကြောင်း၊ “အရွယ်ရောက်ပြီးသူများသည် တစ်နေ့လျှင် ခြေလှမ်းပေါင်း ၈,၀၀၀ သို့မဟုတ် ထိုထက်ပို လမ်းလျှောက်ပါက ခြေလှမ်းပေါင်း ၄,၀၀၀ လျှောက်သူများထက် နောက်ဆယ်စုနှစ်များအတွင်း သေဆုံးမှုအန္တရာယ်ကို လျော့ကျစေနိုင်သည်” ဟု ဖော်ပြထားသည်။

သမ္မာကျမ်းစာတွင် ဘုရားသခင်နှင့် ရင်းနှီးသော ဆက်ဆံရေးဖော်ပြရန် လမ်းလျှောက်ခြင်းဖြင့် တင်စားသုံးနှုန်းခဲ့သည်။ ကမ္ဘာဦးကျမ်း ၃ တွင် ဘုရားသခင်သည် အာဒံ၊ ဧဝတို့နှင့်အတူ “နေအေးသောအချိန်တွင်” လမ်းလျှောက်ခြင်းကို (:၈) တွေ့ရသည်။ ကမ္ဘာဦးကျမ်း ၅ တွင် ဧနောက်သည် “အနှစ် ၃၀၀…

တည်တံ့ခိုင်မြဲသောအရာကို တည်ဆောက်ပါ

ကျွန်တော်ငယ်စဥ်က အမေရိကန်နိုင်ငံ အိုဟိုင်းယိုပြည်နယ်တွင် ဆောက်လုပ်ရေးလုပ်ငန်းခွင်များအနီးတွင် နေထိုင်ခဲ့သည်။ ဆောက်လုပ်ရေးလုပ်ငန်းများကို ကြည့်ပြီး ကျွန်တော်နှင့် သူငယ်ချင်းများက ခံတပ်ဆောက်ရန် ကျန်ရစ်သော အပိုင်းအစများကို စုဆောင်းခဲ့ကြသည်။ မိဘများထံမှ ကိရိယာတန်ဆာပလာများကို ငှားကာ သစ်တုံးများကို ဆွဲလာပြီး ကျွန်တော်တို့ ရည်ရွယ်ချက်အတိုင်း ရက်ပေါင်းများစွာ ကြိုးစားလုပ်ဆောင်ခဲ့သည်။ ပျော်စရာကောင်းသော်လည်း၊ ကျွန်တော်တို့၏ကြိုးစားမှုက ကောင်းစွာတည်ဆောက်ထားသော ပတ်ဝန်းကျင်ရှိ အဆောက်အအုံများနှင့် ဆန့်ကျင်ဘက် ဖြစ်ပြီး၊ ထိုအရာများက ကြာကြာ မခံပါ။

ကမ္ဘာဦးကျမ်း ၁၁ တွင်၊ ကြီးမားသော အဆောက်အအုံ ဆောက်လုပ်ရေး ပရောဂျက်ကို တွေ့ရမည်။ “လာကြ၊ မိုးကောင်းကင်သို့မီရသော ရဲတိုက်ဖြင့် ငါတို့မြို့ကို ငါတို့ကိုယ်တိုင် တည်ဆောက်ကြစို့”ဟု လူအများက ပြောသည် (:၄)။ ဤကြိုးပမ်းအားထုတ်မှု၏ ကြီးမားသောပြဿနာမှာ လူများက “မိမိနာမည် ကြီးအောင် ပြုခြင်း” ဖြစ်သည် (:၄)။

ဤအရာသည် လူသားများအတွက် ထပ်တလဲလဲဖြစ်သော…

တစ်ဆုပ်ဆန်

အိန္ဒိယအရှေ့မြောက်ပိုင်းရှိ မီဇိုရမ် (Mizoram) ပြည်နယ်သည် ဆင်းရဲတွင်းမှ တဖြည်းဖြည်းတိုးတက်လာသည်။ ဝင်ငွေမရှိသော်လည်း၊ ဤဒေသသို့ ဧဝံဂေလိ စတင်ရောက်ရှိကတည်းက ရှင်ယေရှုကို ယုံကြည်သူများသည် “တစ်ဆုပ်ဆန်” ဟုခေါ်သော ဒေသဓလေ့ကို ကျင့်သုံးခဲ့ကြသည်။ နေ့စဥ် အစားအသောက်ပြင်ဆင်သူ များက ဆန်လက်တစ်ဆုပ်စာကို ဖယ်ထားပြီး ဘုရားကျောင်းကို ပေးကြသည်။ ကမ္ဘာ့ စံနှုန်းအရ ဆင်းရဲပါသည်ဆိုသော မီဇိုရမ် အသင်းတော်များသည် သာသနာအတွက် သန်းနှင့်ချီ၍ ပေးလှူကြပြီး၊ ကမ္ဘာတစ်ဝန်းသို့ သာသနာပြုများ စေလွှတ်ခဲ့သည်။ သူတို့၏ဇာတိပြည်နယ်မှ လူများစွာတို့မှာ ခရစ်တော်ကို ယုံကြည်လာကြသည်။

ကောရိန္သုဩဝါဒစာဒုတိယစောင် ၈ တွင် ရှင်ပေါလုက အလားတူ စိန်ခေါ်မှု ရှိသော အသင်းတော်တစ်ပါးအကြောင်း ဖော်ပြခဲ့သည်။ မာကေဒေါနိရှိ ယုံကြည်သူ များသည် ဆင်းရဲသော်လည်း သူတို့၏ရွှင်လန်းစွာနှင့် အလျှံပယ်ပေးကမ်းခြင်းကို မတားဆီးနိုင်ပါ (:၁-၂)။ သူတို့၏ပေးကမ်းခြင်းကို အခွင့်ထူးတစ်ခုအဖြစ် မြင်ကြပြီး၊ ပေါလု၏သာသနာမိတ်ဖက်အဖြစ် “မိမိတို့တတ်စွမ်းသမျှထက်ပို၍”…

ဘုရားရှင်၏တရားမျှတမှု နှင့် ကျေးဇူးကရုဏာတော်

အင်္ဂလိပ်လူမျိုး စိတ်ကူးယဥ်ပန်းချီဆရာ John Martin (ဂျွန်မာတင်) (၁၇၈၉-၁၈၅၄)သည် လူနေမှုအဖွဲ့အစည်းပျက်စီးခြင်းကို သရုပ်ဖော်သည့် အပျက်အစီးပုံမြင်ကွင်း ပန်းချီကားများကြောင့် လူသိများသည်။ ဤအံ့အားသင့်ဖွယ် မြင်ကွင်းများတွင် လူသားများသည် ပျက်စီးခြင်း၏အကျိုးဆက်များဖြင့် လွှမ်းမိုးခံရကာ ကျရောက် လာတော့မည့် ကြမ္မာဆိုးကို ရင်ဆိုင်နိုင်စွမ်း မရှိကြပေ။ “The Fall of Nineveh” (နိနဝေမြို့ကျဆုံးခြင်း) ပန်းချီကားတွင် မည်းမှောင်သော တိမ်တိုက်များအောက်၌ ကြီးမားလာသော လှိုင်းလုံးအပျက်အစီးများကြားမှ ပြေးထွက်လာသူများကို ပုံဖော်ထားသည်။

မာတင်၏ပန်းချီမတိုင်မီ လွန်ခဲ့သော အနှစ် ၂၀၀၀ ကျော်က ပရောဖက်နာဟုံသည် နိနဝေမြို့တရားစီရင်ခံရမည့်အကြောင်း ကြိုတင်ဟောကိန်းထုတ်ခဲ့သည်။ မိမိအကျိုးစီးပွားအတွက် အခြားသူများအား ဖိနှိပ်သူများအပေါ် ကျရောက်မည့် ဘုရားသခင်၏အမျက်ဒေါသကို သရုပ်ဖော်ရန်အတွက် ပရောဖက်သည် တောင်များတုန်လှုပ်ခြင်း၊ တောင်ကုန်းများပြိုကျခြင်းနှင့် မြေကြီးရွေ့လျားခြင်း ပုံဆောင်ချက်များကို အသုံးပြုခဲ့သည် (နာ ၁:၅)။ သို့ရာတွင် အပြစ်အတွက် ဘုရားသခင်၏ တုံ့ပြန်မှုသည် ကရုဏာတော်မပါဘဲ…

နောင်တရသောနှလုံးသား

မိတ်ဆွေတစ်ဦးသည် ထိမ်းမြားခြင်းကတိကဝတ်ကို ချိုးဖောက်ခဲ့သည်။ သူမိသားစုကို သူကိုယ်တိုင်ဖျက်ဆီးနေသည်ကို မြင်ရသည်မှာ နာကျင်စရာပါ။ သို့သော် သူ၏ဇနီးသည်နှင့် ပြန်လည်သင့်မြတ်ရန် ကြိုးပမ်းသည့်အခါ ကျွန်ုပ်ထံမှအကြံဉာဏ် တောင်းခံခဲ့သည်။ စကားလုံးများထက် ပိုသောအရာများလိုကြောင်း သူ့အား ကျွန်တော်ပြောခဲ့သည်။သူ့အနေနှင့် ဇနီးသည်ကိုချစ်ရာ၌ အနာဂတ်တွင်ဖြစ်လာမည့် အရာများအတွက် ပြင်ဆင်လုပ်ဆောင်ရန်နှင့် အပြစ်မှန်သမျှကိုပယ်ရှင်းရန် လိုအပ်သည်။

ဘုရားသခင်နှင့်ကတိကဝတ်ကို ချိုးဖောက်ပြီး အခြားဘုရားများနောက် လိုက်ခဲ့သည့်သူများကို ပရောဖက်ယေရမိက အလားတူအကြံမျိုးပေးခဲ့သည်။ ဘုရားထံ ပြန်လာရန်အကြံက မလုံလောက်သော်လည်း (ယေ ၄:၁) ၎င်းသည် မှန်ကန်သော အစပြုမှုဖြစ်သည်။ သူတို့၏ အပြောနှင့်အလုပ်ညီရန်လည်း လိုအပ်သည်။ ဆိုလိုသည်မှာ သူတို့၏“ရွံရှာဖွယ်ရုပ်ထု”များကို (:၁) ပယ်ရှားရမည်။ သူတို့သည် “သစ္စာစောင့်ခြင်း၊ တရားစီရင်ခြင်းနှင့် ဖြောင့်မတ်ခြင်းအားဖြင့်”ကတိသစ္စာပြုလျှင် ဘုရားသခင်သည် တိုင်းနိုင်ငံများကိုကောင်းချီးပေးမည်ဖြစ်ကြောင်း ယေရမိပြောခဲ့သည် (:၂)။ ပြဿနာမှာ လူများသည် ဗလာကတိကိုသာ ပေးကြသည်။ ထိုကတိ၌ သူတို့၏စိတ်နှလုံး ရှိမနေပေ။

ဘုရားသခင်သည်…

ဝမ်းမြောက်ဖွယ်သတင်းကောင်း

မက်သဒစ်ဓမ္မသီချင်းစာအုပ်တွင် နှစ်ပေါင်း (၂၀၀) ကျော်တိုင် ထိပ်ဆုံး၌ရှိနေခဲ့သော ဓမ္မသီချင်းမှာ ‘O for a Thousand Tongues to Sing’ (လျှာပေါင်းတစ်ထောင်အတွက် သီဆိုဖွယ်ရာ) ဖြစ်သည်။ ထိုဓမ္မသီချင်းကို Charles Wesley (ချားလ်စ် ဝက်စလီ) မှရေးသားပြီး မူရင်းအမည်မှာ ‘For the Anniversary Day of One’s Conversion’ (ပုဂ္ဂိုလ်တစ်ဦး၏ပြောင်းလဲခြင်း နှစ်ပတ်လည်နေ့အတွက်) ဟူသော ခေါင်းစဉ်ဖြင့် သခင်ယေရှုကို ယုံကြည်ခြင်းကြောင့် သူ့အသက်တာ အသစ်တစ်ဖန် ပြောင်းလဲမှုအတွက် ဂုဏ်ပြုရေးစပ်ခဲ့ခြင်းဖြစ်သည်။ ထိုသီချင်းတွင် နောင်တရပြီး ခရစ်တော် နောက်တော် လိုက်လျှောက်သူတို့အပေါ် ကျရောက်သည့် ဘုရားသခင်၏ ကောင်းမြတ်ခြင်းဘုန်းတော်ကို ကြွေးကြော်သည့် အပိုဒ် (၁၈) ပိုဒ် ပါရှိသည်။

ထိုသို့သောယုံကြည်ခြင်းသည် ဂုဏ်ပြုထိုက်သလို မျှဝေထိုက်ပါသည်။ တိမောသေသြဝါဒစာဒုတိယစောင် ၂ တွင် ရှင်ပေါလုသည် တိမောသေအား သူ၏ယုံကြည်ခြင်း၌ တည်ကြည်ရန်နှင့် ယုံကြည်ခြင်းကို…

ရက်ရောသော ယုံကြည်ခြင်း

လွန်ခဲ့သော နှစ်အနည်းငယ်က နိုင်ငံရေးခေါင်းဆောင်မှု ဝရုန်းသုန်းကား အပြောင်းအလဲကြောင့် မိမိတို့၏နိုင်ငံမှ ထွက်ပြေးလာသော ဒုက္ခသည်များကို လက်ခံရန် ကျွန်ုပ်တို့၏အသင်းတော်ကို ‌ဖိတ်ခေါ်ခဲ့သည်။ မိသားစုအသီးသီးတို့သည် အိတ်သေးသေးလေးထဲ၌ ဝင်ဆံ့သမျှသောအရာများနှင့်သာ ရောက်လာကြသည်။ အခန်းငယ်လေးသာ ပေးနိုင်သူအချို့ အပါအဝင် အသင်းတော်မိသားစုများစွာတို့သည် သူတို့၏အိမ်များကိုဖွင့်လျက် လှိုက်လှဲစွာ ကြိုဆိုလက်ခံခဲ့ကြသည်။

သူတို့၏ ပျူငှာသော ဧည့်ဝတ်ကျေပွန်မှုက ကတိတော်ထားရာပြည်သို့ ဣသရေလလူမျိုးများ ဝင်စားသောအခါ၌ ၎င်းတို့အား ဘုရားသခင်ပေးသည့် ပညတ်သုံးပါးကို ထင်ဟပ်စေသည် (တရား၂၄:၁၉-၂၁)။ စိုက်ပျိုးရေးအခြေခံလူတန်းစားတစ်ရပ်အနေနှင့် ရိတ်သိမ်းခြင်း၏အရေးပါမှုကို ၎င်းတို့နားလည်သဘောပေါက်ကြသည်။ နောက်တစ်နှစ်တာကို ဖြတ်သန်းရန်အတွက် ဝမ်းစာက မရှိမဖြစ်လိုအပ်သည်။ ထို့ကြောင့် “တစ်ပါးအမျိုး၊ မိဘမရှိသောသူ၊ မုဆိုးမအဖို့ ထားရမည်” (:၁၉) ဟု ဘုရားရှင်မိန့်တော်မူရခြင်းဖြစ်ပြီး၊ သူ့အားလည်းယုံကြည်ကိုးစားရန် တောင်းဆိုခဲ့သည်။ ဣသရေလလူမျိုးများသည် သူတို့၌လုံလောက်ပြည့်စုံမှသာ ပေးကမ်းခြင်းမျိုးမဟုတ်ဘဲ၊ ဘုရားသခင်၏ထောက်ပံ့မစပေးမှုကို ယုံကြည်သည့်စိတ်ဖြင့် လက်တွေ့ ပေးကမ်းရန်ဖြစ်သည်။

ထိုသို့ဧည့်ဝတ်ကျေပွန်မှုက “အဲဂုတ္တုပြည်၌ သူတို့ကျွန်ခံခဲ့ဖူးကြောင်း” (:၁၈,…

အတိတ်နှင့် ပစ္စုပ္ပန်တွင်ရှိသော ဘုရားသခင်

ကျွန်တော့်တို့မိသားစု နေထိုင်ခဲ့သည့် အမေရိကန်နိုင်ငံ၊ အော်ရီဂွန်မြို့မှ ပြောင်းရွှေ့ခဲ့သည်မှာ နှစ်များစွာ ကြာခဲ့ပါပြီ။ ထိုနေရာတွင် အမှတ်တရကောင်းများ ရှိခဲ့သည်။
မကြာမီက ထိုမြို့လေးသို့ ပြန်လည်ပတ်ခဲ့စဉ်က မေ့ပျောက်သလောက်ရှိသော အချိန်များဖြစ်သည့်  သမီးများ၏ဘောလုံးအားကစားပွဲများ၊ ကျွန်ုပ်တို့၏အိမ်ဟောင်း၊ ဘုရားကျောင်းတွင် စုဝေးမှုများနှင့်  မိတ်ဆွေများ၏ မက္ကဆီကန် စားသောက်ဆိုင်တို့ကို ပြန်အမှတ်ရစေသည်။ မြို့က ပြောင်းလဲသွားသော်လည်း ပြန်ပြီး အလည်လာချင်သည့်ဆန္ဒကို အစပျိုးပေးသော ရင်းနှီးကျွမ်းဝင်မှု လုံလောက်စွာ ရှိသည်။

ဣသရေလလူမျိုးတို့သည် ဗာဗုလုန်၌ ပြည်နှင်ဒဏ်ခံရသောအခါ ၎င်းတို့ ရင်းနှီးကျွမ်းဝင်သောလူများ၊ အထင်ကရနေရာများ၊ ယဉ်ကျေးမှုများကို လွမ်းဆွတ်ခဲ့ကြသည်။ဘုရား၏သခင်ကို ပုန်ကန်ခြင်းကြောင့် ပြည်နှင်ဒဏ်ခံခဲ့ရသည်ကိုတော့ မေ့လျော့
နေခဲ့ကြသည်။ မိစ္ဆာပရောဖက်များက ပြည်နှင်ဒဏ်ခံရသူများအား နှစ်နှစ် အတွင်း အိမ်သို့ပြန်မည်ဟုပြောသောအခါ (ယေ ၂၈:၂-၄; ၂၉:၈-၉)၊ သူတို့ကိုလက်ခံသော ပရိသတ်များရှိခဲ့သည်။ မကြာခင် အိမ်ပြန်ရမည်ဟု ကတိပေးသော မိစ္ဆာပရောဖက်များ၏ သဘောကျဖွယ်စကားများကို နားယောင်ရန် လွယ်ပါသည်။

ဘုရားသခင်သည်…