သူတစ်ပါးကိုချစ်ခြင်းနှင့် အချစ်ခံရခြင်း၏ အဓိပ္ပာယ်ဆိုလိုရင်းကား အဘယ်နည်း။ တစ်ခါတစ်ရံ ၎င်းတို့၏အဓိပ္ပာယ်ကို လိုသည်ထက်ပို၍ ရှုပ်ထွေးအောင် လုပ်မိသည်ဟု ကျွန်မထင်ပါသည်။ တစ်ချိန်ပြီးတစ်ချိန် ခံစားရသည့်ခံစားချက်များကို ခွဲခြမ်းစိတ်ဖြာရင်း မေတ္တာဆိုသည်မှာ ခံစားချက်သက်သက်မဟုတ်ကြောင်း ကျွန်မတို့ မေ့နေတတ်သည်။ မေတ္တာဆိုသည်မှာ ဘဝရှင်သန်ရမည့်လမ်းစဥ်နှင့် လောက၌ကျင်လည်ရမည့်လမ်းစဥ် ဖြစ်ပါသည်။ မည်သို့ချစ်ရမည်ကို စိတ်ဓာတ်ခိုင်မာခြင်း၊ ကောင်းကျိုးအလို့ငှာရည်ရွယ်သည့် စေတနာစိတ်တို့ဖြင့် သင်ယူ၍မရပါ။ မေတ္တာကို ခံစားရခြင်းနှင့် မေတ္တာဖြင့် အသက်ရှင်ခြင်းအားဖြင့်သာ ချစ်ခြင်းသဘောကို သင်ယူရပါသည်။