ကျေးဇူးတော်လက်ဆောင် ။ ။ ဘုရားသခင်သည် အသက်သစ်ကို ပေးတော်မူပြီ။

“ငါမူကား သိုးတို့သည် အသက်လွတ်ရုံမျှမက အထူးသဖြင့် အသက်နှင့်ပြည့်စုံစေခြင်းငှာ လာသတည်း။” —ယော ၁၀း၁၀

ငယ်စဉ်ကလေးဘ၀က ကျွန်တော်၏ ခရစ်စမတ်အချိန်များသည် ကိုကိုးစိုက်ခင်း၊ မဟော်ဂနီနှင့် သဖန်းပင်များကြားရှိ ရွာငယ်လေးများတွင် ကုန်လွန် ဖြတ်သန်းခဲ့သည်ကို အမှတ်ရမိသည်။ အသက် ၈ နှစ် ၉ နှစ် အရွယ် ကျွန်တော်တို့ ကလေးတစ်သိုက်မှာ အလွန်ပျော်ရွှင်လျက်၊ ခရစ်စမတ်အတွက် မိဘများက ဆင်မြန်းပေးသည့် အ၀တ်အစားသစ်များ ၀တ်ဆင်ပြီး၊ သူငယ်တော်ယေရှုကို လှည့်လည်ရှာဖွေကြသည့် မာဂုပညာရှိများပမာ (မဿဲ ၂း၁-၂)၊ တစ်အိမ်တက် တစ်အိမ်ဆင်း တစ်ရွာမှတစ်ရွာသို့ ပျော်ရွှင်စွာ သွားရောက်ကြသည်။

ထိုနေရာများ၌ သူငယ်တော် ယေရှု ရှိမနေပါ။ သို့သော် ကျွန်တော်တို့ ကလေးတစ်သိုက်၏ ရင်းနှီးပျော်ရွှင်ပေါင်းဖော်မှု ပွားများ ခဲ့သည်။ ထိုနေ့ညနေပိုင်းတွင် အမေက အိမ်နီးချင်းများထံသို့ မုန့်ဝေခဲ့သည်။ ကျွန်တော်တို့အတွက် ရွာခရစ်စမတ်သည် စေတနာ ယိုဖိတ်လျက် မေတ္တာအကြင်နာပြသည့် အချိန်အခါသမယပင်ဖြစ်သည်။

သို့သော် ခရစ်စမတ်၏စစ်မှန်သောအနှစ်သာရ လိုနေခဲ့သည်။ ပျော်ပွဲရွှင်ပွဲဆင်နွှဲရင်း ပွဲခံရသည့်အကြောင်းအရင်း ပျောက်ဆုံးနေသည်။ မည်သည့် ရွာတွင်မှ ဘုရားကျောင်းမရှိ၊ ကျွန်ုပ်တို့၏ ကယ်တင်ရှင်အဖြစ် ဘုရားသခင်သည် သားတော်ကို စေလွှတ်ခဲ့သည့်တိုင် ကျွန်တော်တို့ကို ချစ်သည့် ဘုရားသခင်အကြောင်း သတင်းကောင်းကို မည်သူမျှ ကျွန်ုပ်တို့ကို မပြောပြခဲ့ပါ (ယော ၃း၁၆) ။ မွေးနေ့ရှင်မရှိဘဲနှင့် မွေးနေ့ပါတီပွဲကျင်းပနေသကဲ့ ဖြစ်နေသည်။

မာဂုပညာရှင်များမှာ ထိုသို့မဟုတ်၊ ၎င်းတို့က အဓိက သခင်ယေရှုကို ရှာဖွေရန် ရောက်လာကြသည်။ “ယခုဖွားမြင်သော ယုဒရှင်ဘုရင်သည် အဘယ်မှာ ရှိတော်မူသနည်း”(မ ၂း၂) ဟု မေးမြန်းစူးစမ်းသည်။ “မယ်တော်မာရိနှင့်တကွ သူငယ်တော်ကို တွေ့မြင်လျှင် ပြပ်ဝပ်ကိုးကွယ်၍ မိမိတို့ ဘဏ္ဍာဥစ္စာတို့ကို ဖွင့်ပြီးမှ… ဆက်ကပ်ပူဇော်ကြ၏” (း၁၁)။ သူငယ်တော်ကို အရင်တွေ့ပြီး၊ ပြပ်ဝပ်ကိုးကွယ်ပြီးမှ လက်ဆောင်ကို ဆက်သသည်။

ကလေး၊ လူကြီး မည်သူပင်ဖြစ်စေ၊ သိနားလည်ရမည့်သမ္မာတရားမှာ ခရစ်စမတ်ပွဲသည် ပွဲလမ်းသဘင်မျှမကပါ။ ခရစ်စမတ်သည် ခရစ်တော်၌ဗဟိုပြုခြင်း အကြောင်းတည်း။ ကျွန်တော်တို့သည် “အထူးသဖြင့် (ကြွယ်ဝသော) အသက်နှင့် ပြည့်စုံစေခြင်းငှာ” ဘုရားသခင်၏သားတော် ကြွဆင်းလာခဲ့ပါသည်။ — LAWRENCE DARMANI

စာမူအားလုံးဖတ်ရန် ကျေးဇူးတော်လက်ဆောင် ကို နှိပ်ပါ။