အသက်ဝိညာဉ်ရှိသည့် လူသတ္တ၀ါဖြစ်ခြင်းကြောင့် ကျွန်ုပ်တို့တွေ့ကြုံ ရသည့် အမှုအရာမှန်သမျှတွင် ၀ိညာဉ်ရေးအမြင်ဖြင့် ရှုမြင်သုံးသပ်ရပါမည်။ စွဲလမ်းမှုနှင့်ပတ်သက်၍လည်း ဤသဘောအတိုင်းပင် ဖြစ်သည်။
ကျွန်ုပ်တို့သည် ပုံမှန်မဟုတ်သည့် ကမ္ဘာကြီးတွင် သက်ရှင်နေထိုင်ကြပြီး ကျဆုံးပျက်စီးသောလူသားများ၏ အပြစ်ရလဒ်ကို တွေ့ကြုံရင်ဆိုင်နေကြ ရသည်။ ဤသို့ဆိုရာ၌ ဘုရားသခင် ဖန်ဆင်းကောင်းချီးပေးခဲ့သည့် မူလ လူသားဇနီးမောင်နှံ အာဒံနှင့်ဧဝတို့၏ အပြုအမူများကို ရည်ညွှန်းပါသည်။ ၎င်းတို့သည် ၎င်းတို့လိုအပ်ရာမှန်သမျှ အကုန်ရှိသည့် လှပသောဥယျာဉ်၌ ဘုရားသခင် သူတို့ကို နေရာပေးခဲ့သော်လည်း ဘုရားသခင် သူတို့ကို မစားစေလိုသော၊ တားမြစ်ထားသော အသီးကိုစားရန် သူတို့ရွေးချယ်ခဲ့ ကြသည် (က ၃)။ ကောင်းသောအရာကို ရွေးချယ်ရန်အတွက် လွတ်လပ်ခွင့် ပေးခဲ့သော်လည်း ထိုလွတ်လပ်ခွင့်ကို သူတို့အလွဲသုံးစားလုပ်ပြီး မကောင်းသောအရာကို ရွေးချယ်ခဲ့ကြသည်။
ရလဒ်အနေဖြင့် ယိုယွင်းပျက်စီးခြင်း၏ချုပ်နှောင်မှုကို ကျွန်ုပ်တို့ ခံနေ ရသည် (ရောမ ၈:၂၀-၂၁)။ သမ္မာကျမ်းစာမှ “…လူအပေါင်းတို့ကို အပြစ်၌ ချုပ်ထား၏”ဟု ဆိုထားပါသည် (ကလာ ၃:၂၂)။ ဘုရားသခင်ကို ဆန့်ကျင် အာခံခြင်းကြောင့်၊ လွဲမှားသော လိုအင်ဆန္ဒများကြောင့် နှောင်ဖွဲ့ချုပ်နှောင် ခံနေရကြောင်း ကျွန်ုပ်တို့သိသည်။ ထိုသိစိတ်ကို အနက်ရှိုင်းဆုံးသော မိမိ၏ကိုယ်ပိုင်ကမ္ဘာလေး၊ မိသားစု၊ လုပ်ငန်းခွင်၊ လူမှုဘဝအသိုင်းအဝိုင်း စသည်တို့တွင် ကျွန်ုပ်တို့ တွေ့ကြုံခံစားနေကြရသည်။
ကျွန်ုပ်တို့၏ စိတ်နှလုံးထဲတွင် ဘုရားသခင်၏အလိုကျ ပုံသဏ္ဌာန်ရှိသည့် ဗလာနယ်တစ်ခုကို ထည့်သွင်းပြီး ကျွန်ုပ်တို့ကို ဘုရားရှင်ဖန်ဆင်းထား သည်။ ကျွန်ုပ်တို့၏ နက်ရှိုင်းသော လိုအင်ဆန္ဒများ၊ လိုအပ်ချက်များကို ကျွန်ုပ်တို့ကျေနပ်သည်အထိ ဖြည့်ဆည်းပေးနိုင်သူ ဘုရားသခင်ကို ကျွန်ုပ်တို့ရှာမတွေ့မီအထိ ဘုရားသခင်၏နေရာကို အစားဖြည့်ပေးနိုင်မည့် အရာအား ကျွန်ုပ်တို့ရှာဖွေကြသည်။ ဘုရားသခင်၏နေရာကို အစားထိုး ဝင်ယူရန် ကျွန်ုပ်တို့ခွင့်ပြုသည့်အရာများ – မည်သည့်အရာပင်ဖြစ်ဖြစ် ကျွန်ုပ်တို့ကို နှိပ်စက်ရန်၊ ချုပ်နှောင်ရန်၊ ဖျက်ဆီးရန် စွမ်းအားရှိသည်။
အပြစ်နှင့် ချည်နှောင်ခြင်းကို တွေ့ကြုံခံစားရခြင်း
မိမိသည် ဝိညာဉ်ရေးရာအကူအညီ ကင်းမဲ့နေကြောင်း၊ အပြစ်ဒုစရိုက်၏ အားက ကြီးမားကြောင်း မိမိကိုယ်ကို သိနားလည်လာသူတစ်ဦး၏ စကားများကို သမ္မာကျမ်းစာက မှတ်တမ်းတင်ထားသည်။ ရောမမြို့သား များထံ ရေးသောစာ၌ သူ့စိတ်အနှောင့်အယှက်ဖြစ်ရသည့် ပျက်စီးမှု အခြေအနေများကို ရှင်ပေါလုက ခံစားမှုပြင်းထန်စွာ ဖော်ပြထားသည်။
“ငါသည် ကိုယ်ကျင့်သောအကျင့်ကို မနှစ်သက်။ ကျင့်ချင်သော အကျင့်ကို မကျင့်၊ ရွံရှာသောအကျင့်ကို ကျင့်၏။ ငါ့အထဲမှာ ငါ့ဇာတိပကတိ၌ ကောင်းသောအရာ တစ်စုံတစ်ခုမျှ မတည်သည်ကို ငါသိ၏။ အကြောင်းမူကား ငါသည် ကျင့်ချင်သောစိတ်ရှိသော်လည်း ကောင်းစွာ ကျင့်တတ်သောအခွင့်ကို ရှာ၍မတွေ့နိုင်။ ငါသည် ကျင့်ချင်သော အကျင့်ကောင်းကို မကျင့်၊ မကျင့်ချင်သော အကျင့်ဆိုးကိုကျင့်၏။ ထိုသို့ ငါသည် မကျင့်ချင်သောအကျင့်ကိုကျင့်လျှင် ငါ့ကိုယ်တိုင် ကျင့်သည်မဟုတ်၊ ငါ့အထဲ၌နေသော အပြစ်တရားသည် ကျင့်၏”(ရောမ ၇:၁၅၊ ၁၈-၂၀)။
သူက ဆက်လက်ပြီး ဤသို့ကြေကွဲစွာ မြည်တမ်းပြန်သည်။
“ထိုသို့ ကောင်းသောအကျင့်ကို ငါကျင့်ချင်သောအခါ မကောင်းသော
အကျင့်ကို ကျင့်စေတတ်သောတရားကို ငါတွေ့၏။ ငါသည် အတွင်းလူ အားဖြင့် ဘုရားသခင်၏ပညတ်တရားတော်ကို နှစ်သက်၏။ သို့သော်လည်း ငါ့ကိုယ်အင်္ဂါများ၌ရှိသော တရားတစ်ပါးသည် စိတ်ဝိညာဉ်တရားကို ဆိုင်ပြိုင်တိုက်လှန်သဖြင့် ငါ့ကိုယ်အင်္ဂါများ၌ရှိသော အပြစ်တရားလက်သို့ ငါ့ကို ဖမ်းသွားအပ်နှံသည်ကို ငါမြင်၏။ ငါသည် ငြိုငြင်သောသူ ဖြစ်ပါသည်တကား။ ဤအသေကောင်မှ ငါ့ကို အဘယ်သူ ကယ်လွှတ်မည်နည်း”(ရောမ ၇:၂၁-၂၄)။
ဤတွင် အပြစ်များလှသည့် မိမိ၏အကျင့်၌ မမွေ့လျော်တော့ဘဲ ထိုအပြစ်များ၏ ချည်နှောင်မှု ခံနေရသူကို တွေ့ရသည်။ သူသည် မစကူညီမှုကို အော်ဟစ် တောင်းခံနေပြီး အပြစ်၏ချည်နှောင်ခံရခြင်းမှ လွတ်မြောက်မှုရရန် တောင့်တနေသည်။ ထိုသူ၏အခြေအနေသည် သမ္မာကျမ်းစာ၏ အခြားတစ်နေရာတွင် ဖော်ပြထားသည့် လူတစ်ဦး၏ အခြေအနေနှင့် တူနေပါသည်။ “ခွေးသည် မိမိအံဖတ်ကို ပြန်၍စား၏။ ဝက်သည်လည်း ဆေးပြီးမှ ရွှံ့တွင် လူးပြန်၏ (၂ပေ ၂:၂၂)။” “ငါသည် ငြိုငြင်သောသူ ဖြစ်ပါသည်တကား” ဟု ပေါလုပြောခြင်းက မဆန်းပါ။
သို့သော် သူ၏ကူညီရာမဲ့နေသည့် အခြေအနေကို သူဝန်ခံသိမှတ်ခဲ့သည်။ ဤသို့ဝန်ခံခြင်းသည် (နောက်ပိုင်းတွင် ကျွန်ုပ်တို့တွေ့လာမည့်) သူ၏ ပြုပြင်ပြောင်းလဲခြင်းဖြစ်စဉ်နှင့် “ငါ့ကို အဘယ်သူ ကယ်လွတ်မည်နည်း” ဟု သူမေးခဲ့သည့် မေးခွန်း၏အဖြေကို တွေ့ရှိမှုအစပင်ဖြစ်သည်။ “ငါတို့ သခင်ယေရှုခရစ်အားဖြင့် ကယ်လွှတ်တော်မူသော ဘုရားသခင်၏ ကျေးဇူးတော် ကြီးလှပေ၏” (ရောမ ၇:၂၅)ဟု သူပြောခဲ့ပါသည်။
ယေဘုယျအားဖြင့် ဒုစရိုက်အမူအကျင့်နှင့်ပတ်သက်သည့် ကျွန်ုပ်တို့၏ ပြဿနာများအတွက်အဖြေ သို့မဟုတ် အထူးသဖြင့် ကျွန်ုပ်တို့၏ စွဲလန်းမှု ပြဿနာအတွက်အဖြေက ကျွန်ုပ်တို့၏ပြင်ပတွင်ရှိသည်။
မိမိ၏ ကိုယ်ပိုင်ခွန်အားဖြင့် ဒုစရိုက်အပြစ်နှင့် စွဲလမ်းမှုများကို ကျော်လွှား အနိုင်ယူရန် မဖြစ်နိုင်ပါ။ ဘုရားသခင်ထံမှ အကူအညီကို ကျွန်ုပ်တို့ လိုအပ်ပါသည်။
စာမူအားလုံးဖတ်ရန် စွဲလမ်းမှုများမှ လွတ်မြောက်ခြင်း ကို နှိပ်ပါ။