အောက်ပါ မေးခွန်း ၃ ခုက စွဲလမ်းမှုကို သင်ခံစားနေရခြင်း ရှိ/မရှိ ဆုံးဖြတ်နိုင်ရန် သင့်ကို အကူအညီပေးနိုင်ပါသည်။
• ယခင်ကထက် အရာဝတ္ထုတစ်ခုခုကို မကြာခဏ သုံးစွဲနေပါသလား။ သို့မဟုတ် အပြုအမူတစ်ခုခုကို သင် မကြာခဏ ပြုမူနေမိပါသလား။
• သင်၌ တစ်စုံတစ်ရာမရှိသည့်အခါ၊ အပြုအမူတစ်ခုခုကို မပြုလုပ်ရသည့်အခါ အဖြတ်ခံရသည့်လက္ခဏာမျိုး ဖြစ်ပေါ်ပါသလား။
• တစ်စုံတစ်ခုကို သင်သုံးစွဲနေသည့်အကြောင်း သို့မဟုတ် သင်၏အပြုအမူ တစ်ခုခုနှင့်ပတ်သက်ပြီး တစ်ဦးဦးကို သင်လိမ်ညာဖူးပါသလား။
ယနေ့ လူ့အသိုင်းအဝိုင်းအတွင်းမှ စွဲလမ်းမှု
သင်၏စမတ်ဖုန်း သို့မဟုတ် ကွန်ပျူတာကို သင်စွဲလမ်းနေပါသလား။ အားလပ်ရက်ကာလ (သို့) မိသားစုနှင့် စားသောက်နေချိန်မှာပင် သင့်မိုဘိုင်းဖုန်းမှ သတင်းများကို သင်မကြာခဏ စစ်မိပါသလား။
၂၀ ရာစုအစောပိုင်းက ပြုလုပ်ခဲ့သည့် စမ်းသပ်မှုတစ်ခုတွင် ဂျပန်လူမျိုး စိတ်ပညာရှင်က လူနာများကို လူများနှင့်အဆက်ဖြတ်ပြီး ပုံမှန်လှုံ့ဆော်မှု များနှင့်ကင်းဝေးအောင် သီးခြားခွဲထားခဲ့သည်။ ၎င်းတို့ကို အခန်းတစ်ခု ထဲ၌ မည်သည့်စာအုပ်၊ သတင်းစာ၊ ဆက်သွယ်ရေးပစ္စည်း တစ်ခုမှမပေးဘဲ တစ်ဦးတည်း သီးခြားစီခွဲကာ ၇ ရက်ကြာ ပိတ်လှောင်ထားသည်။ ရက်အနည်းငယ်ကြာပြီးနောက် ဤလူနာများသည် ဖတ်စရာသတင်းစာ၊ အခြားသူများ၏တုံ့ပြန်မှု၊ အစားအစာတစ်မျိုးမျိုး စသည်ဖြင့် အမျိုးမျိုးသော အရာများကို လိုချင်တောင့်တသည့်စိတ်များ ဖြစ်လာကြသည်။ အထီးကျန် သီးခြား ပိတ်လှောင်ထားခြင်းက သူတို့၏ စွဲလမ်းမှုများကို ပေါ်ထွက်လာစေပြီး ဘဝကို တွန်းအားပေးသည့် အရာများစွာကို သတိပြုမိလာစေသည်။ ဘဝကိုတွန်းအားပေး သည့် အရာများအနက် အချို့က ပျက်စီးမှု ဖြစ်စေနိုင်ပြီး အချို့မှာမူ ခြေချုပ်မိသကဲ့သို့ ဖြစ်စေနိုင်ကြောင်း တွေ့ရသည်။
သို့သော် ယခုမျက်မှောက်ခေတ်တွင် လူများစွာတို့သည် ၎င်းတို့ကို ချည်နှောင် ထားသည့် အင်အားစုများကို သတိမထားမိဘဲ သက်ရှင်နေထိုင်နေကြသည်။
၎င်းတို့ကို အလွယ်တကူ စွဲလမ်းမှုဖြစ်စေနိုင်သည့် အရာဝတ္ထုများ၊ နေထိုင်မှုဘဝပုံစံများ၊ အမူအကျင့် ပုံစံများ၏ ဝန်းရံခြင်းခံနေရသည်။ ၎င်းတို့ အနက် – အရက်၊ မူးယစ်ဆေး၊ လောင်းကစား၊ ညစ်ညမ်းဓာတ်ပုံများကို စွဲလမ်းခြင်း၊ အစားအစာကို အလွန်အကျွံ စားသောက်ခြင်း၊ မိသားစု၊ ကျန်းမာရေး၊ ဘုရားသခင်နှင့်ဆက်ဆံရေး စသည့် ဘဝ၏အရေးကြီးသော ဦးစားပေးမှုများကို လွဲမှားစေခြင်း စသည်တို့မှာ အထူးသဖြင့် အန္တရာယ်ရှိသည်။ သမ္မာကျမ်းစာမှ “လူကိုနိုင်သောအရာသည် လူ၏သခင်ဖြစ်၏” ဟု ၂ပေ ၂:၁၉ တွင် ဖော်ပြထားသည်။
ရာဇဝင်ဝတ္ထုရေးဆရာ သောမတ်(စ်)ကော့စတိန်း (Thomas Costain) ရေးသားသည့် “အက်(ဒ်)ဝပ် သုံးဦး” (The Three Edwards) ၀တ္ထုသည် ၁၄ ရာစုခေတ်မှ ယခုတွင် ဘယ်လ်ဂျီယမ်ဟု ခေါ်ဆိုသည့်နိုင်ငံတွင် နေထိုင်သည့် တတိယမြောက် ရေးနော(လ်) (Raynald III) မြို့စားမင်း အကြောင်းဖြစ်သည်။ သိသိသာသာ ကိုယ်အလေးချိန်ပိုနေသည့် ရေးနော(လ်) အား လက်တင်ဘာသာဖြင့် “ဝတုတ်”ဟု အဓိပ္ပာယ်ရှိသည့် ခရက်စပ်(စ်) ဟူ၍ နာမည်ပြောင် ခေါ်ကြသည်။ ရေးနော(လ်)နှင့် သူ့ညီအက်(ဒ်)ဝပ်တို့သည် အပြင်းအထန် စကားများကြပြီးနောက် သူ့ညီက သူ့ကိုတော်လှန်ပုန်ကန်ပြီး အောင်နိုင်ခဲ့သည်။ အက်(ဒ်)ဝပ်က ရေးနော(လ်)ကို ဖမ်းဆီးခဲ့သော်လည်း မသတ်ခဲ့ပါ။ ထိုအစား Nieuwkerk ရဲတိုက်ထဲတွင် မြို့စားဟောင်း ရေးနော(လ်) ပတ်လည်၌ အခန်းဆောက်လိုက်ပြီး ထိုအခန်းထဲမှ သူထွက်နိုင်သည်နှင့် သူ့ဂုဏ်ပုဒ် နှင့် ပိုင်ဆိုင်မှု၊ မြို့စားအဆောင်အယောင်များကို ပြန်ယူနိုင်သည်ဟု သူ့ကို ကတိပေးခဲ့သည်။ အခန်းတွင် ပြတင်းပေါက်များစွာနှင့် ပုံမှန်နီးပါး အရွယ်အစားရှိသည့် တံခါးရှိနေပြီး တစ်ခုမျှ သော့ခတ်ထားခြင်း၊ သံတိုင် ကာထားခြင်း မရှိသည့်အတွက် လူအများစုအတွက် ခက်ခဲသောကိစ္စ ဖြစ်မည်မဟုတ်ပါ။
သို့သော် ရေးနော(လ်) အတွက်မူ သူ့ခန္ဓာကိုယ်အရွယ်အစားက ပြဿနာ ဖြစ်နေသည်။ သူလွတ်လပ်ရေး ပြန်ရရန်အတွက် ကိုယ်အလေးချိန် လျော့ချရန် လိုအပ်သည်။ သို့သော် အက်(ဒ်)ဝပ်က သူ့အစ်ကို အကြောင်းကို ကောင်းကောင်းသိသည်။ သူ့အစ်ကိုထံ အရသာရှိသည့် စားကောင်းသောက်ဖွယ်မျိုးစုံကို နေ့စဉ်ပို့ပေးသည်။ ရေးနော(လ်)သည် အကျဉ်းခန်းမှလွတ်ရန် အစားလျှော့ရမည့်အစား ပို၍ပင်ဝလာသည်။ မြို့စားမင်းအက်(ဒ်)ဝပ်ကို ရက်စက်သည်ဟု စွပ်စွဲကြသော်လည်း သူ၌ ချေပစရာအဖြေ အသင့်ရှိသည်။ “ကျွန်ုပ်အစ်ကိုဟာ အကျဉ်းသား မဟုတ်ပါဘူး။ သူဆန္ဒရှိရင် အချိန်မရွေး ထွက်သွားနိုင်ပါတယ်” ဟုပြောသည်။ တိုက်ပွဲမှာ အက်(ဒ်)ဝပ်ကျပြီး သေဆုံးသွားချိန်အထိ ရေးနော(လ်)သည် ထိုအခန်းထဲ၌ ၁၀ နှစ် နေခဲ့ရသည်။ သူ့ကို လွှတ်ပေးချိန်တွင် သူ့ကျန်းမာရေးအခြေအနေ အလွန်ဆိုးနေပြီး တစ်နှစ်အတွင်းတွင် သူသေဆုံးသွားသည်။ ရေးနော(လ်)သည် သူနှစ်သက်စွဲလမ်းသည့်အရာ၏ အကျဉ်းသား ဖြစ်ခဲ့သည်။
ရေးနော(လ်)ကဲ့သို့ မိမိနှစ်ခြိုက်စွဲလမ်းသည့်အရာ၏ အကျဉ်းသား ဖြစ်နေသူ များစွာရှိသည်။ ကာမဂုဏ်တပ်မက်ခြင်း၊ လောဘကြီးခြင်း၊ အစားကြူးခြင်း၊ သို့မဟုတ် အခြားတစ်ခုခု ဖြစ်နိုင်ပါသည်။ ရေးနော(လ်) သည် အစားလျှော့ပြီး အကျဉ်းခန်းမှ လွတ်အောင်လုပ်မည်ဆိုလျှင် လုပ်နိုင်သော်လည်း သူ့ကိုယ်သူ ထိန်းချုပ်နိုင်မှုမရှိသည့်အတွက် သူနှစ်ခြိုက်သောအရာ၏ အနိုင်ယူမှုကို ခံခဲ့ရတော့သည်။
စာမူအားလုံးဖတ်ရန် စွဲလမ်းမှုများမှ လွတ်မြောက်ခြင်း ကို နှိပ်ပါ။