စာရေးသူ

အားလုံးမြင်နိုင်ရန်
Adam R. Holz

Adam R. Holz

ဆရာ Adam Holz သည် Focus on the Family's မီဒီယာ - Plugged In ဝက်ဆိုက်စာအုပ်၏ အကြီးတန်း လက်ထောက်စာတည်း ဖြစ်သည်။ Discipleship Journal တွင်လည်း တွဲဖက်စာတည်းအဖြစ် ဆောင်ရွက်သေးသည်။ သူသည် NavPress မှ ရိုက်နှိပ်ထုတ်ဝေသည့် သမ္မာကျမ်းစာလေ့လာခြင်းစာစဉ်ကိုလည်း ရေးသားပြုစုသူဖြစ်သည်။ ဆရာသည် ပရက်ဘီတေးရီးယန်း လက်တင်ဆရာတော်တစ်ပါးဖြစ်ပြီး သူ့ဇနီးမှာ ဂျဲနီဖာဖြစ်သည်။ သူတို့၌ ကလေး ၃ ဦး ရှိပြီး ရေကူးနှင့် ကျွမ်းဘားအားကစားကို နှစ်သက်သည်။ ပြဇာတ်၊ စန္ဒရားတီးခတ်ခြင်းကို ဝါသနာထုံသည်။ ထမင်းစားပြီးလျှင် ဘာအချိုတည်းရမည်နည်းဟု အဖေဖြစ်သူကို မေးတတ်သည်။ ဆရာသည် သူ၏အားလပ်ချိန်များတွင် လျှပ်စစ်ဂီတာတီးခြင်းဖြင့် အချိန်ကုန်နေတတ်သည်။

စာမူ/ အကြောင်းအရာ များ Adam R. Holz

သီဆိုသူ၏နှလုံးသား

စနေနေ့မနက် ၆:၃၃ နာရီတွင် အိမ်အောက်ထပ်မှ ချီးမွမ်းသီချင်းသံလေး လွှင့်ပျံ လာသည်။ မည်သူမျှမနိုးသေးဟု ထင်မိသော်လည်း သမီးထွေး၏မသေမသပ် အသံလေးက ကျွန်တော့်အထင်မှားကြောင်းပြနေသည်။ အိပ်ယာမှနိုးကာစ ဖြစ်သော်လည်း သူမ၏နှုတ်ခမ်းထက်၌ သီဆိုစရာသီချင်းရှိပြီးသားဖြစ်သည်။

ကျွန်တော်၏သမီးထွေးသည် အဆိုတော်ဖြစ်သည်။ သီချင်းမဆိုဘဲ သူမနေနိုင်။ သူနိုးလာတိုင်း သီချင်းဆိုသည်။ ကျောင်းသွားတိုင်း၊ အိပ်ယာ ဝင်တိုင်း သီချင်းဆိုသည်။ သူ့နှလံုးသား၌ မွေးရာပါ ဆိုစရာသီချင်းများ ရှိသည်။ ထို့ပြင် သူဆိုသည့် သီချင်းများက အများအားဖြင့် သခင်ယေရှုကို မျက်မှောက် ပြုသည်။ ဘယ်အချိန်မဆို၊ ဘယ်နေရာမဆို ဘုရားသခင်ကို သူချီးမွမ်းသည်။

ရိုးသားစွာ၊ ကိုးကွယ်သောစိတ်နှင့် စိတ်ပါဝင်စားစွာ ချီးမွမ်းသည့် သမီး၏ အသံကို ကျွန်တော်ချစ်သည်။ သူ့အလိုလို ဝမ်းမြောက်စွာချီးမွမ်းသည့် သီချင်းသံက သမ္မာကျမ်းတစ်အုပ်လံုး၌ တွေ့ရသည့် ဘုရားရှင်ကို ချီးမွမ်းရန် ဖိတ်ခေါ်ချက်ကို ထင်ဟပ်ပြနေသည်။ ဆာလံ ၉၅ တွင်…

ပြဿနာများရှိစေ‌တော့

အိမ်ရောက်ခါနီးမှ ကားအပူချိန်ပြဒိုင်ခွက်မှမြားက အရှိန်မြင့်တက်နေသည်ကို သတိပြုမိသဖြင့် ကားထိုးလိုက်ပြီး စက်သတ်ကာ ကားထဲမှ ထွက်လိုက်ကြသည်။ ကားစက်ဖုံးမှအငွေ့များ ထွက်လာပြီး ကားအင်ဂျင်မှာ အသားပြားကင်သကဲ့သို့ တရှဲရှဲမြည်နေတော့သည်။ ကားကို နောက်သို့ ပေအနည်းငယ်ဆုတ်လိုက်ရာ ကားအောက်တွင် ဆီအိုင်နေသည်ကို တွေ့လိုက်ရသည်။ ကျွန်တော် ချက်ချင်း သိလိုက်သည်။ အင်ဂျင်စက်မှ ဂတ်စကတ်ခေါင်းကြီး ကွဲသွားခြင်းဖြစ်ပါသည်။

ကျွန်တော်စိတ်ပျက်ပျက်နှင့် သက်ပြင်းချမိသည်။ အခြားဈေးကြီးသောပြုပြင်ရေးများအတွက် ငွေများစွာသုံးခဲ့ပြီးပြီ။ “ဟာ... ပျက်ပြန်ပြီ။ မပျက်စီးဘဲ မနေနိုင်ဘူးလားကွာ” ဟု ခါးသည်းစွာနှင့် ကျွန်တော် ညည်းညူလိုက်မိသည်။

သင်ကော ထိုသို့ဖြစ်ဖူးပါလား။ တစ်ခါတစ်ရံ ကျွန်တော်တို့ ပြဿနာတစ်ခုကို လွှဲရှောင်ပြီး အခြားတစ်ခုကို ဖြေရှင်းတတ်သည်။ ပမာဏများသည့် ကုန်ကျစရိတ်ကို အရင်ပေးချေကာမှ အခြားစရိတ်ပေါ်လာပြန်သည်။ မထင်မှတ်ထားသောရောဂါအဖြေသိရခြင်း၊ အချိန်မတန်ဘဲ ကွယ်လွန်သွားခြင်းနှင့် ကြီးမားသောဆုံးရှုံးမှုကြုံရ ခြင်း စသည်ဖြင့် ပြဿနာများက စက်ပစ္စည်းများပျက်စီးခြင်းထက် ပိုကြီးမားသည်။

ထိုအချိန်မျိုးတွင် ကြေကွဲမှု…

ဝိညာဥ်ရေးရာ ယာဥ်မောင်းခြင်း

ကားမောင်းသင်စဥ်က သင်ခန်းစာအသေးစိတ်ကိုမမှတ်မိသော်လည်း အကြောင်း‌ကြောင်းကြောင့် S.I.P.D.E ဆိုသည့် စာအတိုကောက်က ခေါင်းထဲမြဲစွာ ကျန်ခဲ့သည်။

“Scan-စစ်ဆေး။ Identify-ပိုင်းခြား။ Predict-ခန့်မှန်း။ Decide-ဆုံးဖြတ်။ Execute-ဆက်လုပ်။” စသည့်အချက်များမှာ ကျွန်ုပ်တို့အစဉ်မပြတ်လေ့ကျင့်ရသည့် သင်ခန်းစာ ဖြစ်သည်။ လမ်းကြောကို စစ်ဆေးရမည်။ အန္တရာယ်ရှိမရှိ ပိုင်းခြားရ မည်။ ထိုဘေးအန္တရာယ်ကြောင့် ဘာဖြစ်သွားနိုင်သည်ကို ခန့်မှန်းရမည်။ ပြီးနောက် မည်သို့တုံ့ပြန်လုပ်ဆောင်မည်ကို ဆုံးဖြတ်ပါ။ ထိုဆုံးဖြတ်ချက်အတိုင်း ဆက်လုပ်ပါ။ ၎င်းသည် မတော်တဆမှုများကိုရှောင်နိုင်ရန် ပို့ချခဲ့သည့်ဗျူဟာဖြစ်သည်။

ကျွန်ုပ်တို့၏ဝိညာဉ်အသက်တာအတွက် ထိုဗျူဟာကို မည်သို့အဓိပ္ပာယ် ကောက်မည်နည်း။ ရှင်ပေါလုက ဧဖက်မြို့သားယုံကြည်သူများအား “...ပညာမဲ့ ကဲ့သို့မဟုတ်၊ ပညာရှိကဲ့သို့ စေ့စေ့မြေ့မြေ့ကျင့်ဆောင်မည်အကြောင်း သတိပြုကြ လော့” (ဧ၅:၁၅)ဟု ဆိုထားသည်။ သခင်ယေရှုနှင့်အတူလျှောက်လှမ်းမည့် အသက်တာသစ်နှင့်မဆီလျော်၊ ညစ်ညူးသောအသက်တာဟောင်းဖြင့် အသက်ရှင်နေသည့်အန္တရာယ်က ဧဖက်မြို့သားတို့ကို ရွေ့လျော့စေမည်ကို သူသိ သည် (:၈၊ ၁၀-၁၁)။ ထို့ကြောင့် တစ်စစကြီးထွားလာသည့်အသင်းတော်အား သတိပြုရန်…

စိမ်းလန်းသောသစ်ပင်

ကျွန်ုပ်၌ ပစ္စည်းစုဆောင်းလိုစိတ်အမြဲရှိသည်။ ငယ်စဉ်က တံဆိပ်ခေါင်းများ၊ ဘေ့စ်ဘော ကတ်များ၊ ကာတွန်းစာအုပ်များကို စုခဲ့သည်။ ယခု မိဘဖြစ်လာချိန်တွင် ကျွန်ုပ်ကလေးများ၌ အလားတူစိတ်ထက်သန်မှုရှိသည်ကို တွေ့ရသည်။ တစ်ခါတစ်ရံ ဝက်ဝံရုပ် နောက်တစ်ရုပ် တကယ်ပဲလိုအပ်ရဲ့လား ဟု ကျွန်ုပ်တွေးမိသည်။

စင်စစ် ၎င်းသည် လိုအပ်မှုနှင့်မသက်ဆိုင်ပါ။ ပစ္စည်းသစ်တစ်ခုခု၏ ဆွဲဆောင်မှု၊ သို့မဟုတ် သွားရည်ကျလောက်သည့် ရှေးဟောင်းရှားပါးပစ္စည်း၏ဆွဲဆောင်မှု ဖြစ်သည်။ တစ်စုံတစ်ခုက စိတ်ကိုဖမ်းစားထားလျှင် မိမိ၌ "ထိုအရာ"သာရှိလျှင် ဘဝကပိုကောင်းလာမည်ဟု ယုံမှတ်ရန်၊ ကျွန်ုပ်တို့ပျော်ရွှင်မည်၊ ကျေနပ်မည်ဟု သွေးဆောင်ခံရသည်။

သို့သော် မျှော်မှန်းထားသလို ဘယ်တော့မှဖြစ်မလာပါ။ အဘယ်ကြောင့်နည်း။ မိမိ၏လိုအင်ဆန္ဒများကို ကျေနပ်စေမည်ဟု‌ လောကမှပြောလာသည့် အရာဝတ္ထု များနှင့် မဟုတ်ဘဲ ကိုယ်တော်နှင့်ပြည့်ဝနေစေရန် ကျွန်ုပ်တို့ကို ဘုရားသခင်ဖန်ဆင်း ထားခြင်းကြောင့် ဖြစ်သည်။

ဤအားပြိုင်မှုက အသစ်မဟုတ်ပါ။ သုတ္တံကျမ်းက ကြွယ်ဝမှုနောက်လိုက် သည့်ဘဝနှင့် ဘုရားသခင်အားချစ်ခြင်းနှင့် ရက်ရောစွာပေးကမ်းခြင်း၌တည်သော ဘဝဟူသည့်…

ဘဝ၏မြန်ဆန်မှုများကို လမ်းညွှန်ခြင်း

လှေဉီးဆောင်သူမှ “ဘယ်ဘက်မှာရှိတဲ့သူအားလုံး အားပြင်းပြင်းနဲ့ အရှေ့ကို သုံးချက် လှော်ပါ” ဟုအော်ပြောလိုက်သည်။ ဘယ်ဘက်၌ရှိသူများက သူ‌ပြောသည့်အတိုင်း လုပ်ဆောင်ခြင်းဖြင့် ကျွန်ုပ်တို့၏လှေမှာ ဝဲကယက်နှင့်ဝေးရာသို့ လွတ်သွားခဲ့သည်။ ဉီးဆောင်သူ၏လမ်းညွှန်မှုကို နားထောင်ခြင်းသည် အရေးကြီးကြောင်း သင်ခန်းစာ ရခဲ့သည်။ သူ၏တည်ငြိမ်သောအသံသည် ရေစီးသန်သောမြစ်တွင် အလုံခြုံဆုံး သော လမ်းကြောင်းအတိုင်းသွားနိုင်ရန် လှေလှော်သည့်အတွေ့အကြုံ မဆိုစလောက် သာရှိသော လူ (၆) ယောက်ကို အတူလုပ်ဆောင်အောင်မြင်စေခဲ့သည်။

ဘဝ၌လည်း ရေစီးသန်သောမြစ်ကဲ့သို့ အလွန်လျင်မြန်သောအရာများ ရှိကြ သည် မဟုတ်ပါလား။ တစ်ချိန်တွင် ဖြောင့်ဖြူးစွာ ရွက်လွှင့်မည်။ ထို့နောက် လျှပ်တပြက်အတွင်း ဝဲကယက်ထဲ တဝဲလည်လည်မဖြစ်အောင် အသည်းအသန် လှော်ကောင်း လှော်နေရမည်။ ဤသို့ ပြင်းထန်သောအချိန်များက မုန်တိုင်းထန်ချိန်၌ ကျွန်ုပ်တို့ကိုကူညီပြီး လမ်းညွှန်ပေးမည့် ယုံကြည်စိတ်ချရသည့်အသံ၊ ကျွမ်းကျင် သော ဉီးဆောင်သူကို လိုအပ်ကြောင်း ပြင်းထန်စွာ သတိပေးနေသည်။

ဆာလံ ၃၂…

Course 4 Lesson 1

testing

Test Course 4

testing

ဆောက်လုပ်ဆဲကာလ

ကားတန်းများဖြေးညင်းစွာ ရွေ့လျားနေခြင်းကြောင့် လမ်းခင်းနေခြင်းဖြစ်မည်ဟု ကျွန်တော်တွေးမိသည်။ "အခု လမ်းကိုပြန်တူးဆွကြပြန်ပြီ။ ဘယ်အချိန်ကျမှလမ်းတွေ ပြင်လို့ပြီးမှာလဲ" ဟု တွေးနေမိပြန်သည်။ အကြောင်းမှာ “လမ်းခင်းသည့်ကုမ္ပဏီမှ လုပ်ငန်းပြီးစီးသွားပြီဖြစ်သောကြောင့် လမ်းသစ်လေးတွင် ပျော်ရွှင်စွာ မောင်းနှင်နိုင်ပြီ” ဟုထိုကဲ့သို့သောဆိုင်းဘုတ်မျိုးကို ကျွန်တော်တစ်ခါမှမမြင်ခဲ့ဘူးသောကြောင့်ပါ။

သို့သော် ကျွန်တော်၏ဝိညာဉ်ရေးရာအသက်တာတွင် ၎င်းနှင့်အလားတူ ဖြစ်နေ သည်။ အရာအားလုံးကိုနားလည်လျက်၊ ပြီးပြည့်စုံလျက် ရင့်ကျက်သောဘဝအသက်တာကို ယုံကြည်ခြင်းအသက်တာအစပိုင်းတွင် ကျွန်တော်တွေးမြင်ယောင်ကြည့်ခဲ့ဖူးသည်။ နှစ်သုံးဆယ်ကြာပြီးနောက် ကျွန်ုပ်သည် ပြုပြင်ဆဲအခြေအနေတွင်သာ ရှိနေသေးကြောင်း ဝန်ခံလိုက်ရပါသည်။ ထပ်တလဲလဲပေါက်ပြဲနေသောလမ်းပေါ် မောင်းနေရသကဲ့ပင် ကျွန်တော့်အသက်တာသည်လည်း ဘယ်သောအခါမျှ ပြီးစီးသွားမည့်ပုံ မပေါ်ပါ။ တစ်ခါတစ်ရံ ၎င်းသည် စိတ်အနှောင့်အယှက်ဖြစ်စေပါသည်။

ဟေဗြဲ ၁၀ တွင် အံ့သြဖွယ်ရာကတိတော်တစ်ခုကို ဖော်ပြထားသည်။ အငယ် ၁၄ တွင် “အကြောင်းမူကား စင်ကြယ်သောသူတို့သည် ထာဝရစုံလင်ခြင်းအကျိုးကို ရစေခြင်းငှာ တစ်ခါတည်းပူဇော်ခြင်းအားဖြင့် ပြုတော်မူ၏”ဟု ဖော်ပြထားပါသည်။ သခင်ယေရှုကားတိုင်ပေါ် ပြုပေးခဲ့သောအမှုကြောင့် ကျွန်တော်တို့…

စိတ်ညစ်နေသောငန်း

ကားရပ်သည့်နေရာတွင် အဘယ်ကြောင့် ဘောလုံးတစ်လုံးရောက်နေပါလိမ့်။ ကျွန်တော် အံ့သြသွားသည်။ သို့သော် ၎င်းနှင့်နီးကပ်လာသည့်အခါ ထိုအရာသည် ဘောလုံးတစ်လုံး မဟုတ်ဘဲ ကျွန်တော် တစ်ခါမျှ မမြင်ဘူးသည့် စိတ်ညစ်နေသော ကနေဒါငန်းကြီးတစ်ကောင်ဖြစ်နေသည်။

နွေဦးရာသီနှင့်ဆောင်းရာသီတို့တွင် ကျွန်တော်အလုပ်လုပ်သောနေရာအနီးရှိ မြက်ခင်းပြင်၌ ထိုငန်းများကို မြင်ရလေ့ရှိသည်။ ယနေ့ တစ်ကောင်တည်းသာတွေ့ရပြီး လည်လိမ်လျက်ရှိပြီး သူ၏ခေါင်းကို အတောင်အောက်တွင်းသို့ ထိုးသွင်းထားသည်။ မင်းအဖော်တွေ ဘယ်ရောက်ကုန်လဲ။ တစ်ကောင်တည်းဖြစ်နေသည့် သနားစရာ ငန်းပါ။ သူ့ကို ကျွန်တော် ပွေ့ဖက်ပေးချင်သည်။ (မှတ်ချက်၊ မစမ်းကြည့်လိုက်ပါနှင့်)

ငန်းတစ်ကောင်တည်း သင်းကွဲနေခြင်းကို တွေ့ရခဲပါသည်။ များသောအားဖြင့် ငန်းများသည် အုပ်စုလိုက်နေတတ်ပြီး "V" ပုံသဏ္ဌာန်ဖြင့် လေကိုခွဲ၍ ပျံသန်းတတ်သည်။ ၎င်းတို့ကို အုပ်စုလိုက်နေထိုင်သောသဘာ၀ဖြင့် ဖန်ဆင်းခံရပါသည်။

လူသားများသည်လည်း ထိုနည်းတူ အဖွဲ့နှင့် အသိုက်အမြုံနှင့် နေထိုင်ရန် ဖန်ဆင်းခံရပါသည် (က ၂:၁၈ ကို ကြည့်ပါ)။ ထို့ပြင်…

အခွင့်အရေးတိုင်း

နဂါးဖမ်းဖူးပါသလား။ ကျွန်တော့်သားလေး ဂိမ်းတစ်ခုကို ဖုန်းထဲဒေါင်းလုပ် မလုပ်ခိုင်းမီအထိ မဖမ်းဖူးခဲ့ပါ။ ထိုဂိမ်းမှဒစ်ဂျစ်တယ်မြေပုံဖြင့် သင့်အနီးအနားရှိ ရောင်စုံအကောင်လေးများကို ဖမ်းနိုင်ပါသည်။

အခြားဖုန်းဂိမ်းများနှင့်မတူဘဲ ဤဂိမ်းတွင် လှုပ်ရှားမှုလိုအပ်သည်။ မိမိသွားလေရာ နေရာတိုင်းသည် ဂိမ်းတွင် ပါဝင်သော နေရာများပင်ဖြစ်သည်။ ရလဒ်မှာ ကျွန်တော် လမ်းပို လျှောက်ဖြစ်သည်။ ကျွန်တော်တို့သားအဖ ထိုဂိမ်းကစားတိုင်း အနားမှာ ပေါ်ပေါ်လာသော အကောင်လေးများကို အခွင့်အရေးရလျှင်ရသလို ရအောင်ဖမ်းကြသည်။

ဂိမ်းကစားသူများကို ဖမ်းစားသောထိုဂိမ်းအပေါ် အာရုံစိုက်ရသည်မှာ လွယ်သလို ဂိမ်းလည်းစွဲသွားနိုင်သည်။ သို့သော် ထိုဂိမ်းကစားပြီး ကျွန်တော်အတွေးထဲ မေးခွန်းတစ်ခု ဝင်လာသည်။ ငါရော ကိုယ့်အနီးပတ်လည်မှာရှိတဲ့ ဝိညာဉ်ရေးနဲ့ဆိုင်တဲ့ အခွင့်အရေးတွေကို ဖမ်းကိုင်ဖို့ ဂိမ်းလောက် စိတ်ထက်သန်မှုရှိရဲ့လား။

မိမိအနီးဝန်းကျင်တွင် ဘုရားပြုနေသောအမှုအရာများကိုသတိချပ်ရန် လိုအပ်ကြောင်း ရှင်ပေါလုသိရှိခဲ့ပါသည်။ ကောလောသဲ ၄ တွင် သတင်းကောင်းဝေငှရန် အခွင့်အရေး အတွက် ဆုတောင်းပေးရန် ပေါလုတောင်းပန်ခဲ့သည်(:၃)။ ထို့နောက် “ပြင်ပလူတို့၏…