အာရုံပျံ့လွင့်မှုကို အာသီသရှိခြင်း
ဖန်သားပြင်သေးသေးလေးမှ ပေါ်လာသော ရုပ်ပုံများ၊ စိတ်ကူးများနှင့် အသိပေးချက်များ အဆက်မပြတ် ထွက်ပေါ်လာသည်ကို ငြီးငွေ့ပြီး ဖုန်းကို ချလိုက်သည်။ ထို့နောက် ဖုန်းကို ကောက်ကိုင်လိုက်ပြီး ပြန်ဖွင့်လိုက်သည်။ အဘယ့်ကြောင့်နည်း။
Nicholas Carr (နီကိုးလက်စ်ကားလ်)၏ ၂၀၁၃ ခုနှစ်က ထုတ်ဝေသည့် ‘The Shallows’ (အပေါ်ယံများ) စာအုပ်တွင် သူက အင်တာနက်သည် ကျွန်ုပ်တို့၏ဆက်ဆံရေးကို မည်သို့ငြိမ်သက်သွားစေသည်ကို ပုံဖော်ထားသည်။ “အင်တာနက်က ကျွန်ုပ်၏အာရုံစူးစိုက်မှုနှင့် ဆင်ခြင်ဉာဏ်စွမ်းရည်ကို ဖြိုခွဲပစ်လိုက်သလိုပင်။ ကျွန်ုပ်သည် အွန်လိုင်းပေါ်တွင် ရှိသည်ဖြစ်စေ၊ မရှိသည်ဖြစ်စေ၊ အင်တာနက်မှ ဖြန့်ဝေသည့် နည်းလမ်းဖြင့် လျင်မြန်သော စီးကြောင်းအတွင်း အမှုန်များ ရွေ့လျားသကဲ့သို့ သတင်းအချက်အလက်များ ရယူရန် ကျွန်ုပ်စိတ်က မျှော်လင့်နေသည်။ တစ်ချိန်က ကျွန်ုပ်သည် စကားပင်လယ်၌ ရေငုပ်နှစ်မြှုတ် နေသူဖြစ်သည်။ ယခုတော့ အရှိန်ပြင်းရေယာဥ်ကိုစီးနေသူတစ်ဦးပမာ ကျွန်ုပ်စီးမျောလိုက်ပါသွားလိုက်သည်။”
စိတ်၏အရှိန်ပြင်းရေယာဥ်ပေါ်တွင် ဘဝရှင်သန်နေထိုင်ခြင်းက ကျန်းမာရေးနှင့်…
အပြစ်များကို မအောက်မေ့တော့ပါ
ကားလမ်းပေါ်တွင် ရေခဲဖုံးနေသည်ကို မမြင်တွေ့ရသော်လည်း ရေခဲရှိနေသည်ဟု ကျွန်တော် ခံစားခဲ့ရသည်။ ကျွန်တော် မောင်းနေသော ပစ်ကပ်ကား၏အနောက်တွင် အဘိုး၏ထရပ်ကားကို ကြိုးနှင့်ဆွဲလာခဲ့ပြီး၊ တစ်ချက်၊ နှစ်ချက်၊ သုံးချက် ကွေ့လိုက်ပြီးနောက် (၁၅) ပေရှိသော ရေကာတာပေါ်မှ လေထဲသို့ ကျွန်တော် ပျံတက်သွားသည်။ “ငါမသေရင် ကောင်းမှာပဲ”ဟု တွေးခဲ့မိသည်ကို သတိရသည်။ ခဏအကြာတွင် ထရပ်ကားသည် မတ်စောက်သော တောင်စောင်းသို့ ထိုးကျကာ အောက်ခြေသို့ လှိမ့်ဆင်းသွားသည်။ ကြေမွနေသော ကားခေါင်းခန်းမှ ထိခိုက်မှုမရှိ ဘဲ၊ ကျွန်တော် တွားလျက် ထွက်လာခဲ့သည်။
ထရပ်ကားသည် ထိုနေ့၊ ၁၉၉၂ ခုနှစ် ဒီဇင်ဘာလ နံနက်ခင်းတွင် လုံးဝပျက်စီးသွားသည်။ ဘုရားသခင်သည် ကျွန်ုပ်ကို အသက်ရှင်ခွင့်ပေးခဲ့သည်။ သို့သော် အဖိုးကော။ သူဘာပြောမည်နည်း။ တကယ်တော့ သူသည် ထရပ်ကားနှင့် ပတ်သက်၍ ဘာတစ်ခုမှ မပြောပါ။ တစ်ခုဆိုတစ်ခုမှ မပြောပါ။…
စာရင်း၏ထိပ်ဆုံးက
မနက်ခင်းသည် ပြိုင်ပွဲကဲ့သို့ စတင်ခဲ့သည်။ အိပ်ရာမှ ကျွန်တော်အမြန်ထကာ တစ်နေ့တာ အပြီးသတ်လုပ်ရမည့် အလုပ်များထဲသို့ ပစ်ဝင်လိုက်သည်။ ကလေးကျောင်းပို့ခြင်း-ပြီး။ အလုပ်သွားခြင်း- ပြီး။ “လုပ်ရန်” စာရင်းတွင် ကိုယ်ရေးကိုယ်တာ လုပ်ဆောင်ရန်နှင့် အလုပ်တာဝန်များကို တစ်ခုပြီးတစ်ခု ကျွန်တော် အလျင်အမြန် စုပြုံထည့်သွင်းရေးသားနေပုံမှာ နှင်းတောင်ထုကြီး ပြိုဆင်းလာသကဲ့သို့ပင်။
“အလုပ်နံပါတ် ... ၁၃ - ဆောင်းပါးတည်းဖြတ်။ ၁၄ - ရုံးခန်းသန့်ရှင်းရေးလုပ်။ ၁၅ - နည်းဗျူဟာအဖွဲ့နှင့် အစီအစဉ်ဆွဲ။ ၁၆ - နည်းပညာဘလော့ဂ်ရေး။ ၁၇ - မြေအောက်ခန်းရှင်း။ ၁၈ - ဆုတောင်း”။
နံပါတ် ၁၈ သို့ ရောက်သောအခါ ဘုရားသခင်၏အကူအညီကို ကျွန်တော်လိုအပ်ကြောင်း သတိရလာသည်။ သို့သော် ကျွန်တော်သည် မိမိဘာသာ အရှိန်နှင့်အားထုတ်လုပ်ရင်း ကျွန်တော်တစ်ယောက်တည်း ကြိုးစားနေကြောင်းကို ထိုနံပါတ်အထိ ရောက်မှ ကျွန်တော်…
အမှတ်တံဆိပ်ကိုယ်စားပြုသံတမန်များထက် ပိုသော
အင်တာနက်ခေတ်၌ ယှဉ်ပြိုင်မှုများ ပြင်းထန်လာသည်။ ဖောက်သည်များအား ဆွဲဆောင်နိုင်ရန်အတွက် ကုမ္ပဏီများသည် ဆန်းသစ်တီထွင်သောနည်းလမ်းများနှင့် အပြိုင်အဆိုင် တိုးမြှင့်လုပ်ဆောင်လာကြသည်။ ဥပမာ - ဆူဘာရုမော်တော်ယာဉ်ကို ကြည့်ပါ။ ဆူဘာရု မော်တော်ယာဉ်ပိုင်ရှင်များသည် သစ္စာ ရှိသည့် နေရာ၌ နာမည်ကျော်သူများ ဖြစ်သည့်အတွက် “အရေးပါသော ဆူဘာရု” ဖောက်သည်များကို ဆူဘာရုမော်တော်ယာဉ်များ၏ “အမှတ်တံဆိပ် ကိုယ်စားပြုသံတမန်များ”အဖြစ် ဆူဘာရုကုမ္ပဏီမှ ဖိတ်ခေါ်ကမ်းလှမ်းခဲ့သည်။
ကုမ္ပဏီ၏ဝက်ဘ်ဆိုဒ်၌ “ဆူဘာရုသံတမန်များသည် စိတ်အားထက်သန်စွာ ဆူဘာရုအကြောင်း သတင်းဖြန့်ဝေကာ၊ ဆူဘာရုအမှတ်တံဆိပ်၏ အနာဂတ်ကို ကူညီပုံဖော်နေသူများဖြစ်သည်” ဟု ဖော်ပြထားသည်။ ဆူဘာရုကားပိုင်ဆိုင်မှုက လူတို့၏ဘဝ၏ဖြစ်တည်မှု အစိတ်အပိုင်းဖြစ်လာပြီး၊ ထိုဖြစ်တည်မှုကို မဝေမျှဘဲ မနေနိုင်သည့် စိတ်ထက်သန်မှုရှိရေးကို ကုမ္ပဏီက လိုလားသည်။
ကောရိန္သုဩဝါဒစာဒုတိယစောင် ၅ ၌ သခင်ယေရှုနောက်တော်သို့လိုက်ရန် ဖိတ်ခေါ်သည့် အခြားသော “သံတမန်” အစီအစဉ်တစ်ခုကို ရှင်ပေါလုက ဖော်ပြထားသည်။ “သို့ဖြစ်၍ သခင်ဘုရားနှင့်ဆိုင်သော ကြောက်မက်ဖွယ်သော…
အပြစ်ကို ဖြည်းဖြည်းချင်း ဖုံးကွယ်ခြင်း
ခွေးလေး ဝင်စတန်သည် ဖိနပ်များကို မကိုက်ဝါးရကြောင်းကို သိသည်။ ထို့ကြောင့် သူသည် ပါးနပ်သောဗျူဟာတစ်ခုကို ချမှတ်ခဲ့ပြီး၊ ၎င်းကို “ဖြည်းဖြည်းချင်းလျှောက်”ဟု ကျွန်ုပ်တို့ခေါ်သည်။ ဝင်စတန်သည် စောင့်ကြည့်သူမရှိ၊ စွန့်ပစ်ထားသောဖိနပ်ကို တွေ့လျှင်၊ သူသည် ထိုဖိနပ်ရှိရာသို့ ပေါ့ပေါ့ပါးပါး လျှောက်သွားကာ ဖိနပ်ကိုကောက်ချီပြီး ဖြည်းဖြည်းလေး လမ်းဆက်လျှောက်သွားမည်။ မည်သူမျှ သတိမထားမိပါက တံခါးအပြင်သို့ထွက်သွားမည်။ “အမေရေ၊ ဝင်စတန် က အမေ့ဖိနပ်ကို တံခါးအပြင်ကို ဖြည်းဖြည်းချင်း ချီသွားပြီ”။
မိမိ၏အပြစ်များကို ဘုရားသခင်မမြင်အောင် “နှေးနှေးလျှောက်ပြီး” မသိမသာ ဖုံးကွယ်နိုင်သည်ဟု တစ်ခါတစ်ရံ ကျွန်ုပ်တို့ထင်မြင်သည်။ ဘုရား သတိမထားမိဟု တွေးရန် သွေးဆောင်ခံရတတ်သည်။ ဘယ်အပြစ်ဖြစ်ဖြစ် အရေးမကြီးဟု ကျိုးကြောင်းဆီလျော်စွာ တွေးတတ်ကြသည်။ သို့သော် ဝင်စတန် နည်းတူ ကျွန်တော်တို့က ပိုသိသည်။ ထိုရွေးချယ်မှုများသည် ဘုရားစိတ်တော်နှင့် မတွေ့သောအရာဖြစ်ကြောင်း ကျွန်ုပ်တို့သိသည်။
ဧဒင်ဥယျာဉ်၌ အာဒံနှင့်ဧဝတို့ကဲ့သို့ မိမိ၏အပြစ်ကြောင့်…
မျှော်လင့်မထားသောနေရာများရှိ ဧဝံဂေလိတရား
မကြာသေးမီက ရုပ်ရှင်နှင့် တီဗီ တို့၌ မရေမတွက်နိုင်အောင် မြင်ဖူးသည့် အမေရိကန်နိုင်ငံ၊ ကယ်လီဖိုးနီးယားပြည်နယ်၊ ဟောလိဝုဒ်သို့ ကျွန်တော် ရောက်ခဲ့သည်။ ကျော်ကြားလှသည့် လော့စ်အိန်ဂျလိစ်တောင်စွယ်၌ ‘Hollywood’ ဟူသည့်အဖြူရောင် စာလုံးကြီးများက ဝင့်ကြွားစွာ အစီအရီ ရှိနေသည်ကို ကျွန်တော်တည်းခိုသည့် ဟိုတယ်ပြတင်းပေါက်မှ လှမ်းမြင်ခဲ့ရသည်။
နောက်မှ အခြားအရာတစ်ခုကို သတိပြုမိခဲ့သည်။ ဘယ်ဘက်ခြမ်းအောက်ခြေတွင် လက်ဝါးကပ်တိုင်တစ်ခု ထင်ထင်ရှားရှားရှိနေသည်။ ၎င်းကို ရုပ်ရှင်များ၌ တစ်ခါမှ မတွေ့ဖူးပါ။ ထို့နောက် ကျွန်ုပ်၏ဟိုတယ်ခန်းမှ ထွက်လာသည့်အခါ ဒေသန္တရအသင်းတော်မှ ကျောင်းသားအချို့က ကျွန်ုပ်အား သခင်ယေရှုအကြောင်းကို စတင်ဝေမျှလာသည်။
တစ်ခါတစ်ရံ ဟောလိဝုဒ်ကို ဘုရားသခင်နိုင်ငံတော်နှင့် လုံးဝဆန့်ကျင်ကွဲလွဲနေသော လောကီအရာများ၏ဗဟိုချက်မဟုသာ ကျွန်ုပ်တို့ ထင်မြင်မိမည်။ သို့သော် ထိုနေရာတွင် ခရစ်တော်အလုပ်လုပ်နေပြီး၊ သူ၏တည်ရှိခြင်းက အံ့ဩဖွယ် ကျွန်ုပ်ကို ဖမ်းစားခဲ့သည်။
ဖာရိရှဲများသည် သခင်ယေရှု၏ တည်ရှိပေါ်လာမှုအပေါ် အစဉ် အံ့သြခဲ့ကြသည်။ သူတို့မျှော်လင့်ထားသူများနှင့်…
ကျွန်ုပ်ကားမောင်းတာ ဘယ်လိုနေလဲ
ကျွန်တော့်လမ်းကြောထဲ ကြားဖြတ်ဝင်လာသော ဝပ်ရှော့ထရပ်ကားကြောင့် ကျွန်တော်အော်လိုက်သည်။ ထို့နောက် ထိုထရပ်ကားပေါ်တွင် “ကျွန်ုပ်ကားမောင်းတာ ဘယ်လိုနေလဲ” ဟု စာတန်းနှင့် ဖုန်းနံပါတ်ကို ကျွန်တော်တွေ့လိုက်သဖြင့် ဖုန်းခေါ်လိုက်ပါသည်။ ဖုန်းကိုင်သောအမျိုးသမီးက ဘာကိစ္စလဲဟုမေးသဖြင့် ကျွန်တော်ပေါက်ကွဲပါတော့သည်။ သူမသည် ထရပ်ကားနံပါတ်ကို မှတ်ထားလိုက်ပြီး ငြီးငွေ့သည့်လေသံဖြင့် “ဒီမှာ၊ ကားမောင်းတာ ကောင်းတယ်၊ အဆင်ပြေတယ်လို့ပြောဖို့ အမြဲ ဖုန်းဆက်ပြောလို့ ရပါတယ်” ဟု ပြောလာပါသည်။
သူမ၏မောပန်းစွာပြောသော စကားလုံးများသည် ကျွန်တော့်၏မိမိကိုယ်ကို ဟုတ်လှပြီဟု အထင်ကြီးမှုကို ထိုးဖောက်သွားတော့သည်။ ကျွန်တော်ရှက်မိုး မွန်သွားသည်။ ကျွန်တော့်ဘက်မှ “လုပ်သင့်တာလုပ်ရန်” ဇောကြီးသွားခြင်းကြောင့် ကျွန်တော့်၏ဒေါသလေသံက ခက်ခဲသောအလုပ်ကို လုပ်နေသည့်အမျိုးသမီးအပေါ် မည်သို့သက်ရောက်သွားမည်ကို ကျွန်တော် မစဉ်းစားခဲ့မိပါ။ ထိုအခိုက်တွင် ကျွန်တော်၏ယုံကြည်မှုနှင့် လက်တွေ့လုပ်ရပ်က ဝမ်းနည်းစရာကောင်းလောက်အောင် ကွာဟနေခဲ့ပါ၏။
ရှင်ယာကုပ်ဩဝါဒစာ၌ ကျွန်တော်တို့၏လုပ်ရပ်နှင့် ခံယူချက်များအကြား ကွာဟမှုကို အလေးပေးဖော်ပြထားပါသည်။ ရှင်ယာကုပ်ဩဝါဒစာ ၁:၁၉-၂၀ တွင် “ငါချစ်သောညီအစ်ကိုတို့၊…
ပေါင်းပင်များကို ရေလောင်းခြင်း
ဒိုင်နိုဆောရုပ်ရှင်ဇာတ်ကား ‘Jurassic Park’ မှ မြင်ကွင်းကဲ့သို့ ယခုဆောင်းဦးရာသီ၌ ကျွန်ုပ်တို့၏ခြံနောက်ဖေးတွင် ပေါင်းပင်များပေါက်လာသည်။ ပေါင်းပင်တစ်ပင်မှာ အလွန်ကြီးနေ၍ ထိုအပင်ကို နှုတ်ရန် ကြိုးစားချိန်၌ မိမိဒဏ်ရာရသွားမည်ကို ကျွန်တော် စိုးရိမ်ခဲ့သည်။ အပင်ခုတ်ပစ်ရန် ဂေါ်ပြားတစ်ချပ် ရှာမတွေ့မီတွင် သမီးက ထိုအပင်အား ရေလောင်းနေသည်ကို သတိထားမိသည်။ “ပေါင်းပင်တွေကို ဘာလို့ရေလောင်းနေတာလဲ” ဟု အလန့်တကြားမေးရာ၊ “ဒီအပင် ဘယ်လောက်ထိ ကြီးလာနိုင်မလဲဆိုတာ သမီးတွေ့ချင်လို့” ဟု သူပြောင်ချော်ချော်နှင့် ပြန်ဖြေသည်။
ပေါင်းပင်များသည် ကျွန်ုပ်တို့ ‘တမင်တကာ’ ပျိုးထောင်ချင်သည့် အပင်မျိုးမဟုတ်ပါ။ သို့သော် ထိုအကြောင်းကို ဆင်ခြင်ရင်း၊ တစ်ခါတစ်ရံ မိမိဝိညာဥ်အသက်တာ၏ကြီးထွားမှုကို ချုပ်ကိုင်ဖျစ်ညှစ်သည့် စိတ်အလိုဆန္ဒများအား အစာကျွေးလျက် ဝိညာဥ်ရေး၌ “ပေါင်းပင်များ”ကို ရေလောင်းနေသည်ကို နားလည်မိပါသည်။
ရှင်ပေါလုသည် ဂလာတိဩဝါဒစာ ၅:၁၃-၂၆ တွင် ထိုအကြောင်းကို ရေးသားထားပြီး ဇာတိပကတိအတိုင်း အသက်ရှင်ခြင်းနှင့် ဝိညာဥ်ပကတိအတိုင်းအသက်ရှင်ခြင်းကို…
ကျေးဇူးတော် အသစ်တစ်ဖန်အစပြုခြင်း
လွန်ခဲ့သောဆယ်စုနှစ်များစွာက ရုပ်ရှင်အဘိဓာန်သို့ ‘reboot’ (အသစ်တစ်ဖန် အစပြုခြင်း) ဟူသည့် စကားလုံးအသစ် ရောက်ရှိခဲ့သည်။ ရုပ်ရှင်ဝေါဟာရတွင် ‘reboot’ ဆိုသည်မှာ ဇာတ်လမ်းဟောင်းကိုယူကာ ပြန်လည်ရိုက်ကူးခြင်းဖြစ်သည်။ အချို့သော ‘reboot’ များသည် ကျွန်ုပ်တို့သိသော စူပါဟီးရိုး (သို့) နတ်သမီးပုံပြင်များကို ပြန်ပြောခြင်း ဖြစ်သည်။ အချို့ ‘reboot’ များမှာ လူသိနည်းသောပုံပြင်ကို ယူကာ ပုံစံအသစ်ဖြင့် ပြန်လည်တင်ဆက်ခြင်း ဖြစ်သည်။ သို့သော် ပုံစံတိုင်းတွင် ‘reboot’ သည် နောက်တစ်ကြိမ် ထပ်လုပ်သည့်သဘောဖြစ်သည်။ အသစ်သောစတင်မှု၊ ဘဝဟောင်းထဲသို့ အသစ်သောအသက်တာ မှုတ်သွင်းခြင်းဖြစ်သည်။
‘Reboot’ ပါဝင်သည့် နောက်ပုံပြင်တစ်ခုမှာ ဧဝံဂေလိအကြောင်းပင်ဖြစ်သည်။ ဧဝံဂေလိတရားတွင် သခင်ယေရှုသည် ခွင့်လွှတ်ခြင်းအပြင် ကြွယ်ဝသော ထာဝရအသက်ကို ကျွန်ုပ်တို့အား ပေးကမ်းသည် (ယော ၁၀:၁၀)။ ယေရမိမြည်တမ်းစကားတွင် ပရောဖက်ယေရမိက ကျွန်ုပ်တို့အပေါ်ထားသည့် ဘုရားသခင်၏မေတ္တာသည် နေ့ရက်တိုင်းတွင် အသစ်ဖြစ်ကြောင်း သတိပေးဖော်ပြထားသည်။…
လုံးဝ သန့်ရှင်း သန့်စင်သွားပြီ
မကြာမီက ကျွန်တော်တို့ဇနီးမောင်နှံသည် ဧည့်သည်များကို မဖိတ်ခေါ်မီ အိမ်သန့်ရှင်းရေးလုပ်ခဲ့ကြရာ မီးဖိုချောင်ကြမ်းခင်းကြွေပြား၌ ဒူးထောက်ပြီးတိုက်ချွတ်ရမည့် အမဲကွက်အစွန်းများကို တွေ့လိုက်ရသည်။ သို့သော် ကြမ်းကိုတိုက်ချွတ်လေ၊ အခြားအစွန်းကွက်များ တွေ့လာရလေကို ကျွန်ုပ်သိရှိရသည်။ အစွန်းတစ်ကွက်ကို ပြောင်အောင်တိုက်လိုက်တိုင်း အခြားတစ်ကွက် ထင်ရှားပေါ်လာဖို့သာ ဖြစ်နေ သည်။ မီးဖိုချောင်ကြမ်းခင်းက ပြန်ကောင်းလာစရာမရှိသည့်ကြမ်းပြင်ပုံပေါက် သွားသည်။ သို့နှင့် “ငါဘယ်လောက်ပဲ ကြိုးစားတိုက်တိုက် ဒီကြမ်းပြင် လုံးဝသန့်ရှင်းသွားအောင် ငါမလုပ်နိုင်ဘူး” ဟု ကျွန်တော်နားလည်လိုက်သည်။
မိမိကိုယ်ကို သန့်ရှင်းစင်ကြယ်စေခြင်းနှင့် ပတ်သက်၍ ကျမ်းစာကလည်း ထိုသဘောအတိုင်းပင် ပြောထားသည်။ အပြစ်နှင့်ပတ်သက်၍ မိမိဘာသာ မည်မျှပင်အကောင်းဆုံး အပြစ်ကင်းအောင် ကြိုးစားလည်း စံချိန်မမီဘဲ အမြဲရှုံးနိမ့်မည် ဖြစ်သည်။ ဘုရားသခင်၏ကယ်တင်ခြင်းကျေးဇူးကို မပြတ်ခံစားရသည့်တိုင် (ဟေရှာ ၆၄:၅) ပရောဖက်ဟေရှာယက “အကျွန်ုပ်တို့ရှိသမျှသည် စင်ကြယ်ခြင်း မရှိပါ။ ပြုဖူးသမျှသော ကုသိုလ်ကောင်းမှုတို့သည် ညစ်သောအဝတ်နှင့် တူကြပါ၏” (:၆)ဟု ရေးသားခဲ့ခြင်းက ဘုရားသခင်၏လူ…