အဘွား၏ယုံကြည်ခြင်း

ညစာစားပွဲဘေးတွင် ဝိုင်း၍ထိုင်နေကြစဉ် ၉ နှစ်အရွယ် ကျွန်မ၏မြေးယောကျ်ားလေးက “ကျွန်တော်က အဘွားနဲ့တူတယ်။ စာဖတ်တာကို နှစ်သက်မြတ်နိုးတယ်” ဟု ပြုံး၍ပြောပါသည်။ သူ့စကားကိုကြားသောအခါ ကျွန်မ အလွန်ဝမ်းသာမိသည်။ မနှစ်က သူနေမကောင်းဖြစ်ပြီး ကျောင်းသို့မသွားဘဲ အိမ်မှာနေခဲ့ရသည်ကို ကျွန်မသတိရမိသည်။ သူက အချိန်ကြာကြာ တစ်‌ရေးအိပ်ပြီးနောက် မြေးအဘွား နှစ်ယောက်သား ဘေးချင်းယှဉ်ထိုင်လျက် စာဖတ်ကြသည်။ ကျွန်မမိခင်ထံမှ လက်ခံရရှိခဲ့သော စာဖတ်ခြင်းကိုမြတ်နိုးသည့် အမွေအနှစ်ကို ကျွန်မ၏မြေးကလေးအား လက်ဆင့်ကမ်းပေးခွင့်ရသည့်အတွက် ကျွန်မ ပျော်ရွှင်ခဲ့ရသည်။

သို့သော်လည်း ယခုမြေးများကို ပေးသောအရာသည် ကျွန်မပေးချင်သည့် အရေးကြီးဆုံးသော အမွေအနှစ်တော့ မဟုတ်ပါ။ ကျွန်မ၏မိဘထံမှလက်ခံရရှိသော ယုံကြည်ခြင်းအမွေအနှစ်ကို သားသမီးထံ လွှဲပေးပြီး သူတို့မှတစ်ဆင့် မြေးများ ၎င်းတို့၏ယုံကြည်ခြင်းခရီးပန်းတိုင်သို့ လျှောက်လှမ်းသွားရာ၌ ပံ့ပိုးကူညီနိုင်အောင် လက်ဆင့်ကမ်း ပေးမည့် အမွေအနှစ်အတွက် ကျွန်မဆုတောင်းမိပါသည်။

တိမောသေသည် ဘုရားကို ဦးထိပ်ထားသော မိခင်နှင့်အဘွား၏ဝိညာဉ်ရေးရာ အမွေအပြင် ဆရာဖြစ်သည့်…

အခြားသူများ၏ကိစ္စ

ကျွန်မတို့၏မြေးလေးယောက်သည် ကစားစရာ ရထားပုံစံငယ်ဖြင့် ဆော့ကစားနေစဉ် အငယ်နှစ်ယောက်က ရထားစက်ခေါင်းနှင့်ပတ်သက်၍ စကားများကြသည်။ (၈) နှစ်အရွယ် မြေးလေးက ကြားဝင် ဖျန်ဖြေရာ၊ (၆) နှစ်အရွယ် သူ့ညီမငယ်က “သူတို့ကြားဖြစ်တဲ့ကိစ္စအတွက် မပူနဲ့” ဟု ဝင်ပြောသည်။ များသောအားဖြင့် ကျွန်ုပ်တို့အားလုံးအတွက် ပညာရှိသောစကားပင်။ သို့သော် သူတို့၏အငြင်းအခုံက မျက်ရည်စက်လက် ဖြစ်လာသည့်အခါ အဖွားက ဝင်ပါရပြီး ငြင်းခုံနေသော ကလေးနှစ်ဦးကို ခွဲကာ ဖျောင်းဖျပေးရပါတော့သည်။

ဝင်ပါလိုက်ကာမှ အခြေအနေပိုဆိုးနိုင်၍ အခြားသူများ၏ကိစ္စ ကြားဝင် မရှုပ်ခြင်းက ကောင်းပါသည်။ သို့သော်လည်း ရံဖန်ရံခါ ဆုတောင်းခြင်းဖြင့် ဝင်ပါရန် လိုအပ်ပါသည်။ ဖိလိပ္ပိအသင်းတော်သို့ ရေးသားသောစာတွင် တမန်တော် ရှင်ပေါလုက မည်သည့်အချိန်၌ ပါဝင်ပတ်သက်ရမည်ကို ဥပမာဖြင့် ဖော်ပြထား သည်။ “သခင်ဘုရား၌ သဘောတညီတညွတ်တည်း ဖြစ်ရကြမည်အကြောင်း” (၄:၂) ဧဝေါဒိနှင့်သုန္တုတ်ဟူသည့် အမျိုးသမီးနှစ်ဦးအား တမန်တော်ကြီးက တိုက်တွန်းနှိုးဆော်ထားသည်။…

ရိုးရှင်းသော ကြင်နာမှုလုပ်ရပ်များ

ကျွန်မ၏မိခင်ကို နာတာရှည်ဆေးရုံ၌ တင်ထားရပြီး၊ ‌လောက၌ သူမ၏နောက်ဆုံးနေ့ရက်များ နီးကပ်လာချိန်တွင် ဘိုးဘွားရိပ်သာမှ ပြုစုစောင့်ရှောက်ပေးသူ၏ စစ်မှန်သောကြင်နာမှုက ကျွန်မစိတ်ကိုတို့ထိခဲ့သည်။ လက်ထောက်သူနာပြုမလေးက ချည့်နဲ့နေသောကျွန်မမိခင်ကို ထိုင်ခုံမှ ညင်သာစွာမပြီး အိပ်ယာပေါ်တင်ပြီးနောက်၊ အမေ့ဦးခေါင်းကို ပွတ်သပ်ပေးပြီး ခေါင်းကို ငုံ့ကာ “အဖွားက သိပ်ချစ်စရာကောင်းတာပဲ” ဟု ပြောလေသည်။ ပြီးနောက် သူမက အဆင်ပြေရဲ့လားဟု ကျွန်မကို မေးသည်။ ထိုစဥ်က သူမ၏ကြင်နာမှုသည် ကျွန်မကို မျက်ရည်ကျစေခဲ့ပြီး ယနေ့ထိလည်း မျက်ရည်ကျရသည်။

သူမ၏လုပ်ရပ်သည် ရိုးရှင်းသောကြင်နာမှုလေးဖြစ်ပြီး၊ ထိုအချိန်၌ ကျွန်မ လိုအပ်သောအရာဖြစ်သည်။ ဤအမျိုးသမီး၏မျက်လုံးတွင် ကျွန်မမိခင်ကို လူနာအဖြစ်သာ မြင်သည်မဟုတ် ဟူသည့် အသိဖြင့် ကျွန်မရပ်တည်နိုင်ခဲ့သည်။ သူမသည် ကျွန်မမိခင်ကို ဂရုစိုက်ပြီး လေးစားတန်ဖိုးထားအပ်သူအဖြစ် မြင်ခဲ့သည်။

နောမိနှင့်ရုသတို့ ၎င်းတို့၏လင်ယောက်ျားများ ဆုံးရှုံးပြီးနောက်၊ ဗောဇသည် ရုသအား ကောက်ရိတ်သမားများ ကျန်ခဲ့သောစပါးများကို ကောက်သင်းကောက်ခွင့်ပြုခြင်းဖြင့် ကြင်နာမှုပြခဲ့သည်။…

ယုံကြည်ခြင်းဖြင့် ခြေလှမ်းခြင်း

ဧည့်သည်တရားဟောဆရာက ဘုရားသခင်ကို ယုံကြည်ကိုးစားလျက် “မြစ်ထဲသို့ခြေချခြင်း” အကြောင်းနှင့်ဆိုင်သည့် ဒဿနကို ဟောပြောခဲ့သည်။ သူက မိမိနိုင်ငံ၌ ဥပဒေသစ်တစ်ရပ် ထုတ်ပြန်ထားသော်လည်း သမ္မာကျမ်းစာ၏ သမ္မာတရားများကို ဟောပြောရန် ရွေးချယ်ခဲ့သည့် ဘုရားသခင်ကို ကိုးစားသော သင်းအုပ်ဆရာတစ်ဦး အကြောင်း ပြောပြသည်။ ထိုသင်းအုပ်မှာ လူမျိုးဘာသာ ခွဲခြားဘက်လိုက်မှုဖြင့် စွဲချက်တင်ခံရပြီး ထောင်ဒဏ် ရက်သုံးဆယ် ကျခံခဲ့ရသည်။ သို့သော် သူ၏ အမှုကို အယူခံဝင်ခဲ့ပြီး၊ သူ၌သမ္မာကျမ်းစာကို ကိုယ်ပိုင်အနက်ဖွင့်ခွင့်နှင့် အခြားသူများအား လိုက်နာရန် တိုက်တွန်းပိုင်ခွင့်ရှိသည်ဟု တရားရုံးက ဆုံးဖြတ်ခဲ့သည်။

ပဋိညာဉ်သေတ္တာကို ထမ်းသော ယဇ်ပုရောဟိတ်များသည် ရေထဲခြေချရမည်လား (သို့) ကမ်းပေါ်၌ နေရမည်လားကို ရွေးချယ်မှုပြုလုပ်ခဲ့ရသည်။ အဲဂုတ္တုပြည်မှ လွတ်မြောက်ပြီးနောက်၊ ဣသရေလလူမျိုးတို့သည် အနှစ်လေးဆယ် ပတ်လုံး တော၌လှည့်လည်ခဲ့ကြသည်။ ယခု၌ သူတို့သည် ရေလွှမ်းမိုးပြီး အလွန်အန္တရာယ်ရှိသော ယော်ဒန်မြစ်ကမ်းတွင် ရပ်နေကြ၏။ သို့သော် သူတို့သည်…

ကန္တာရနေရာများ

နုနယ်သေးသည့် ယုံကြည်သူဖြစ်စဉ်အခါက “‌ဘုရားထံမှ သိသာသော ဖွင့်ပြမှု ” ရရှိခံစားရချိန်သည် ရှင်ယေရှုနှင့်နီးပြီးသူနှင့်တွေ့နိုင်သောအထွတ်အထိပ်နေရာဟု ကျွန်မ ထင်မှတ်ခဲ့ဖူးသည်။ သို့သော် ထိုအခိုက်အတန့်သည် ကြာရှည်မခံ၊ ကြီးထွားခြင်းသို့ မရောက်စေပါ။ စာရေးဆရာမ Lina AbuJamra (လီနာအဘူဂျမ်ရာ)က ကန္တာရကဲ့သို့သောနေရာများတွင်သာ ကျွန်မတို့ ဘုရားနှင့်တွေ့ပြီး ကြီးထွားနိုင်သည်ဟုပြောခဲ့သည်။ သူမ၏“‌ကန္တာရကိုဖြတ်၍” ဟူသောသမ္မာကျမ်းစာလေ့လာမှုတွင် “‌ကျွန်မတို့ရဲ့ဘဝမှာ ကန္တာရကဲ့သို့သောနေရာမျိုးကို အသုံးပြုပြီး၊ ကျွန်မတို့ ပိုမိုသန်မာ ခိုင်ခံ့စေဖို့ ဘုရားသခင် ရည်ရွယ်ထားတယ်။ ဘုရားရှင်၏ကောင်းမြတ်ခြင်းကို ကျွန်မတို့ရဲ့နာကျင်မှုများကြားမှာ လက်ခံရယူရန်ဖြစ်တယ်။ ထိုကောင်းမြတ်ခြင်းကို နာကျင်ခံစားမှုမရှိဘဲ သက်သေပြ၍ မရပါ”ဟု သူမက ရေးသားထားသည်။

ကြေကွဲဝမ်းနည်းမှု၊ ဆုံးရှုံးမှုနှင့် နာကျင်ရသည့် ခက်ခဲသည့်နေရာများ၌ ဘုရားသခင်က ကျွန်ုပ်တို့၏ယုံကြည်ခြင်း ကြီးထွားလာရန်၊ သူနှင့်သာ၍နီးလာရန် ကူညီမစပါသည်။ လီနာသင်ယူခဲ့ရသကဲ့သို့ပင် “ကန္တာရသည် ဘုရားသခင်၏ အစီအစဉ်၌ သာမန်ကာလျှံကာ ပါလာခြင်း မဟုတ်ပါ။ ၎င်းသည် ကျွန်ုပ်တို့၏…

ဘုရားသခင်နှင့် နပန်းလုံးခြင်း

ကျွန်မခင်ပွန်း ကွယ်လွန်သွားပြီးနောက် နှစ်ပေါင်းများစွာ ခင်မင်သော မိတ်ဆွေက စာတစ်စောင် ပေးပို့ခဲ့သည်။ “အယ်လန်သည် ဘုရားနှင့် နပန်းလုံးခဲ့သူ၊ တကယ့် ယာကုပ် တစ်ဦးဖြစ်ခဲ့ပြီး၊ သူသည် ယနေ့ ကျွန်ုပ် ခရစ်ယာန်ဖြစ်လာခဲ့ခြင်း၏ ခိုင်လုံသော အကြောင်းရင်းဖြစ်သည်” ဟု ဆိုသည်။ အယ်လန်၏ရုန်းကန်ခဲ့ရမှုများကို ဘိုးဘေး ယာကုပ်နှင့် နှိုင်းယှဉ်ရန် ကျွန်မ မစဉ်းစားခဲ့ဖူးသော်လည်း အံကိုက်ဖြစ်နေသည်။ သူ့ဘဝတစ်လျှောက်လုံး၌ သူရုန်းကန်ခဲ့ရပြီး၊ အဖြေရဖို့ ဘုရားရှင်နှင့် နပန်းလုံးခဲ့ရသည်။ ဘုရားကို သူချစ်သော်လည်း၊ ဘုရားရှင် သူ့ကိုချစ်ပြီး ခွင့်လွှတ်ကြောင်း၊ သူ့ဆုတောင်းသံကို နားညောင်းကြောင်း အမှန်တရားများကို သူအမြဲနားမလည်နိုင်ခဲ့ပါ။ သို့သော် သူ့ဘဝ၌ ကောင်းချီးများရှိခဲ့ပြီး၊ လူများအပေါ် ကောင်းကျိုးပြုသော လွှမ်းမိုးမှုရှိခဲ့သည်။

ယာကုပ်၏ဘဝကိုဖော်ပြရလျှင် ရုန်းကန်မှုများနှင့်ပြည့်သော ဘဝဟု ဆိုနိုင် သည်။ သူ့အစ်ကိုဧသော၏ သားဦးအရိုက်အရာကို လှည့်စားရယူခဲ့သည်။ အိမ်မှထွက်ပြေးခဲ့ရပြီး သူ၏ဆွေမျိုး၊ ယောက္ခမ လာဗန်ထံ၌…

စွန့်ကြဲခြင်း၌ ပျော်ရွှင်ခြင်း

ကယ်ရီ၏သားငယ်သည် ကြွက်သားကြုံလှီ နာတာရှည်ရောဂါကြောင့် နောက်တစ်ကြိမ် ထပ်မံ၍ ခွဲစိတ်ရသောအခါ သူမသည် အခြားသူတစ်ဦးအတွက် တစ်ခုခုကို လုပ်ဆောင်ပေးရင်း သူမ၏မိသားစုအခြေအနေမှ စိတ်အာရုံလွှဲလိုခဲ့သည်။ ထို့ကြောင့် သူမသည် သူမ၏သားနှင့် မတော်တော့သော်လည်း အကောင်းနီးပါးရှိသည့်ဖိနပ်များကို စုဆောင်း၍ အဖွဲ့အစည်းတစ်ခုသို့ လှူခဲ့သည်။ သူမ၏အလှူကြောင့် မိတ်ဆွေများ၊ မိသားစုဝင်များသာမက အိမ်နီးချင်းများကပါ ပါဝင်လာခဲ့ကြပြီး အချိန်တိုအတွင်းတွင် ဖိနပ်အရံ ၂၀၀ ကျော်ကို လှူဒါန်းဖြစ်ခဲ့ကြသည်။

ဖိနပ်လှူဒါန်းခြင်းမှာ အခြားသူများကောင်းချီးဖြစ်စေရန် ရည်ရွယ်ခဲ့ခြင်းဖြစ်သော်လည်း သူမ၏မိသားစုတွင် ပို၍‌ကောင်းချီးဖြစ်ခဲ့သည်ဟု ကယ်ရီ ခံစားခဲ့ရသည်။ “ဒီအတွေ့အကြုံကြောင့် ကျွန်မတို့စိတ်အားတတ်ကြွလာခဲ့ပြီး ကျွန်မတို့က အပြင်ဘက်ကို အာရုံစိုက်တတ်လာခဲ့တယ်” ဟု သူမက ဆိုသည်။

သခင်ယေရှုနောက်လိုက်များအနေဖြင့် ရက်ရောစွာ စွန့်ကြဲခြင်းသည် မည်မျှအရေးပါကြောင်းကို ရှင်ပေါလု နားလည်ခဲ့သည်။ သူသည် ယေရုရှလင်မြို့သို့ အသွားတွင် ဧဖက်မြို့၌ တစ်ထောက်နားခဲ့သည်။ ထိုမြို့ရှိ သူတည်ထောင်ခဲ့သော အသင်းတော်မှလူများနှင့် ယခုတွေ့ဆုံခြင်းသည် နောက်ဆုံးဖြစ်နိုင်ကြောင်း သူသိခဲ့သည်။…

သခင်ယေရှု၌ အတူတကွ တွေ့ဆုံခြင်း

ကျွန်မဘဝ၏ ခက်ခဲကြမ်းတမ်းသော အခြေအနေများကြောင့် စိတ်ထိခိုက်မှုများ၊ ဝိညာဉ်ပိုင်းဆိုင်ရာ နာကျင်မှုများကို ဖြတ်သန်းရချိန်တွင် အသင်းတော်နှင့် အဆက်အသွယ် ဖြတ်ရန်မှာ ကျွန်မအတွက် အလွန်လွယ်ကူနေမည်။ (ဘာလို့ အာရုံအနှောင့်ခံရမှာလဲဟု တစ်ခါတစ်ရံ ကျွန်မတွေးမိသည်။) သို့သော် တနင်္ဂနွေနေ့တိုင်း ဘုရားကျောင်းတက်ရန်ကိုမူကား စိတ်၌ နှိုးဆော်မှုဖြစ်သည်ဟု ကျွန်မခံစားမိသည်။

ကျွန်မ၏အခြေအနေများက ထူး၍မလာဘဲ နှစ်ပေါင်းများစွာ စိတ်ဖိစီးမှုကို ခံစားနေရသော်လည်း ဘုရားကျောင်း၌ပြုလုပ်သော ဝတ်ပြုစည်းဝေးများ၊ ဆုတောင်းခြင်းအစီအစဉ်များ၊ ကျမ်းစာသင်တန်းများ၌ အခြားယုံကြည်သူများနှင့် အတူတကွ ဘုရားရှိခိုးရခြင်း၊ မိတ်သဟာယပြုရခြင်းက ကျွန်မအား သည်းခံစိတ်ရှည်ခြင်း၊ မျှော်လင့်ခြင်း စသည်တို့ ပိုမိုခိုင်မြဲစေရန် ခွန်အားပေးခဲ့သည်။ ကျွန်မသည် ထိုစိတ်ဓါတ်မြှင့်တင်စေသည့် တိုက်တွန်းချက်များ၊ သွန်သင်ချက်များကို ကြားနာရသည်သာမက ကျွန်မအမှန်တကယ်လိုအပ်နေသော နှစ်သိမ့်မှုများ၊ နားထောင်ပေးသောနားများ၊ နွေးထွေးသောပွေ့ဖက်မှု များကိုပါ အခြားသူများထံမှ လက်ခံရရှိပါသည်။

ဟေဗြဲသြဝါဒစာ ရေးသားသူက “လူအချို့တို့၏ထုံးစံရှိသည်အတိုင်း အချင်းချင်းစည်းဝေးခြင်းအမှုကို မရှောင်မလွှဲကြနှင့်။ အချင်းချင်းတို့ကို တိုက်တွန်းနှိုးဆော်ကြလော့” (၁၀:၂၅)…

ခရစ်တော်၏ ပြင်းပြသောဆန္ဒ

‘The Passion of the Christ’ (ခရစ်တော်၏ ပြင်းပြသောဆန္ဒ) ရုပ်ရှင်ကားတွင် သခင်ယေရှုအဖြစ် Jim Caviezel (ဂျင်း(မ်)ခါဗီဇဲလ်) သရုပ်မဆောင်မီ၊ ဒါရိုက်တာ Mel Gibson (မဲလ်ဂစ်(ပ်)ဆင်)က ဤဇာတ်ကောင်နေရာသည် အလွန်ခက်ခဲလိမ့်မည်ဖြစ်ပြီး ဟောလီးဝုဒ်တွင် ခါဗီဇဲလ်၏သရုပ်ဆောင်အဖြစ် အသက်မွေးမှုအပေါ် အပျက်သဘောလွှမ်းမိုးမှု ရှိနိုင်သည်ဟု သတိပေးသည်။ မည်သို့ပင်ဖြစ်စေ ခါဗီဇဲလ်သည် ထိုဇာတ်ကောင်အဖြစ် သရုပ်ဆောင်ခဲ့ပြီး “ဒီအရာဟာ အတော်ခက်ပေမဲ့ ကျွန်တော်တို့ လုပ်ရမယ်လို့ ကျွန်တော်ထင်တယ်”ဟုပြောခဲ့သည်။

ရုပ်ရှင်ရိုက်နေစဥ်အတွင်း ခါဗီဇဲလ် မိုးကြိုးပစ်ခံခဲ့ရသည်။ အလေးချိန် (၄၅) ပေါင် ကျသွားသည်။ ကြာပွတ်ရိုက်ခံရခန်းကို သရုပ်ဆောင်နေစဥ် မတော်တဆ ကြာပွတ်ရိုက်ခံရသည်။ “လူတွေ ကျွန်တော့်ကို မမြင်ဘဲ သခင်ယေရှုကိုမြင်ဖို့ပဲ ကျွန်တော်ဆန္ဒရှိတယ်။ ဒီအရာအားဖြင့် ပြောင်းလဲမှုတွေ ဖြစ်လာလိမ့်မယ်”ဟု နောက်ပိုင်းတွင် သူပြောခဲ့သည်။ ထိုဇာတ်ကားသည် ခါဗီဇဲလ်နှင့် ရိုက်ကွင်းရှိ အခြားသူများအပေါ် နက်နဲစွာ အကျိုးထိရောက်မှုရှိခဲ့သည်။ ၎င်းကို…