စာရေးသူ

အားလုံးမြင်နိုင်ရန်
Amy Boucher Pye

အေမီဘိုချာပိုင်

အေမီဘိုချာပိုင် (Amy Boucher Pye)သည် စာရေးဆရာနှင့် ဟောပြောပို့ချသူဖြစ်ပြီး အင်္ဂလန်နိုင်ငံ မြောက်ပိုင်းတွင် နေထိုင်သည်။ သူမသည် A Loving Look at Life in Britain စာအုပ်၊ ဆုရစာအုပ်ဖြစ်သည့် Finding Myself in Britain: Our Search for Faith, Home, and True Identity နှင့် The Living Cross: Exploring God's gift of forgiveness and new life စာအုပ်တို့ကို ရေးသားခဲ့သည်။ သူမသည် the University of London မှ MA in Christian spirituality ဘွဲ့ကိုရရှိခဲ့ပြီး ယူကေတွင် Woman Alive စာအုပ်အသင်းကို ထူထောင်လုပ်ကိုင်လျက် မိသားစုနှင့်အတူ သာသနာအိမ်တွင် နေထိုင်လျက်ရှိသည်။ သူမအကြောင်းကို amyboucherpye.com (သို့) Facebook (သို့) Twitter ၌ (@amyboucherpye) တွင် ရှာကြည့်နိုင်ပါသည်။

စာမူ/ အကြောင်းအရာ များ အေမီဘိုချာပိုင်

ဘုရားသခင် အသိအမှတ်ပြုဖို့ရန် လုပ်ဆောင်ခြင်း

ဘုရားသခင်နှင့် လူများပေါ်ထားသော ချစ်ခြင်းမေတ္တာက Kathryn (ကက်သရင်း)၏ ကျမ်းစာဘာသာပြန်ခြင်း အလုပ်ကို စွဲမြဲစေသည်။ အိန္ဒိယနိုင်ငံရှိ အမျိုးသမီးများသည် မိမိတို့၏ မိခင်ဘာသာစကားဖြင့် သမ္မာကျမ်းစာကို ဖတ်ရှုပြီး လေးလေးနက်နက် နားလည်လာနိုင်ခြင်းကို သူမ ဝမ်းမြောက်ပါသည်။ သူတို့ ဖတ်ရှုပြီး နားလည်ကြသောအခါ “သူတို့တွေ မကြာခဏ စပြီး အော်ဟစ် ကြွေးကြော်ကြတယ် ။ လက်ခုပ်တီး ကြတယ်။ ရှင်ယေရှုအကြောင်းဖတ်ပြီး ‘အို အံ့ဩစရာ ကောင်းလိုက်တာ’ လို့ပြောကြတယ်” ဟု ကက်သရင်း မှတ်ချက်ချပြောပြသည်။

ကက်သရင်း သည် အခြားလူများစွာကို သူတို့၏ဘာသာစကားဖြင့် ကျမ်းစာဖတ်ရှုစေလိုသည်။ ဤဆန္ဒဖြင့် ပတ်မုကျွန်းရှိ သက်ကြွယ်တပည့်တော် ရှင်ယောဟန် ၏ ရူပါရုံကို သူမနှလုံးသားနှင့် နီးကပ်စွာ စွဲကိုင်ထားသည်။ဝိညာဉ်တော်အားဖြင့် ဘုရားသခင်သည် သူ့ကို ကောင်းကင်ဘုံ၏ပလ္လင်တော်အခန်းသို့ ပို့ဆောင်တော်မူပြီး “အသီးအသီး ဘာသာစကားကိုပြောသော လူအမျိုးအနွယ်ခပ်သိမ်းတို့ အထဲမှ ထွက်၍၊ အဘယ်သူမျှ…

မြင်တတ်သော မျက်လုံးများ

အရက်စွဲနေပြီး စိတ်ကျန်းမာရေးပြဿနာများနှင့် နှစ်ပေါင်းများစွာ ရုန်းကန်နေရသည့် သူမ၏အမျိုးဖြစ်သူ Sandy (စန္ဒီ) အတွက် Joy (ဂျွိုင်း) စိုးရိမ်ပူပန်နေခဲ့သည်။ စန္ဒီ ၏ တိုက်ခန်းကို သွားသောအခါ တံခါးများ သော့ခတ်ထားပြီး လူမရှိသည့်ပုံပင်။ သူမနှင့် အခြားသူများသည် စန္ဒီကို ရှာရန်စီစဉ်နေစဉ်တွင် ဂျွိုင်း က “ဘုရားသခင်၊ ကျွန်မ မမြင်တဲ့အရာကို မြင်နိုင်အောင် မစပါ”ဟု ဆုတောင်းခဲ့သည်။ သူတို့ထွက်သွားနေစဉ် ဂျွိုင်း သည် စန္ဒီ၏တိုက်ခန်းကို ပြန်လှည့်ကြည့်သောအခါ ကန့်လန့်ကာ အနည်းငယ် လှုပ်ရှားသွားသည်ကို တွေ့လိုက်ရသည်။ ထိုအချိန်တွင် စန္ဒီ အသက်ရှင်နေသေးကြောင်း သူမ သိလိုက်ရသည်။ သူမဆီသို့ရောက်ဖို့ အရေးပေါ်အကူအညီ ယူခဲ့ရသော်လည်း ဂျွိုင်း က ဤအဖြေရသော ဆုတောင်းချက်ဖြင့် ဝမ်းမြောက်ခဲ့သည်။

ပရောဖက် ဧလိရှဲက ဘုရားသခင်၏အဖြစ်မှန်ကို သူ့အား ဖော်ပြရန် ဘုရားသခင်ထံ တောင်းလျှောက်ခြင်း၏တန်ခိုးကို သိသည်။ ဆီးရီးယား(ရှုရိ)စစ်တပ်က သူတို့မြို့ကို ဝိုင်းထားသောအခါ…

မြင်စေသောမျက်လုံးများ

Genevieve (ဂျဲနဗီး)သည် မွေးရာပါ အတွင်းတိမ်ရှိသော သူမ၏ ကလေးသုံးယောက်အတွက် “မျက်လုံး” ဖြစ်ရသည်။ အာဖရိကအနောက်ဘက် Benin (ဘီနင်) သမ္မတနိုင်ငံရှိ ၎င်းတို့၏ရွာထဲသို့ ကလေးများကို ခေါ်သွားတိုင်း ကလေးအငယ်ဆုံးကို သူမ၏ကျောပေါ်တွင် ကြိုးဖြင့်ချည်ပိုးကာ၊ အကြီးနှစ်ယောက်၏ လက်မောင်းနှင့်လက်ကို ဆုပ်ကိုင်ပြီး သွားပါသည်။ အမြဲတစေ အန္တရာယ်ကို ဖိတ်ခေါ်နေသကဲ့သို့ပင် ဖြစ်သည်။ စုန်းအတတ်ကြောင့် မျက်စိကွယ်သည်ဟု ယူဆသည့် ယဉ်ကျေးမှုတွင် ဂျဲနဗီး သည် စိတ်ပျက်အားငယ်လျက် အကူအညီအတွက် ဘုရားသခင်ထံ ဟစ်ခေါ်တောင်းဆိုခဲ့သည်။

ထို့နောက် သခင်ယေရှုကို ပုံသက်သေထားပြီး ဆင်းရဲချို့တဲ့သူများအတွက် ကျန်းမာခြင်းနှင့် မျှော်လင့်ခြင်း ယူဆောင်ပေးကာ အရေးကြီးသော ခွဲစိတ်ကုသမှုများ ဆောင်ရွက်ပေးသည့် Mercy Ships (ကရုဏာသင်္ဘော)အကြောင်းကို သူမ၏ရွာမှ လူတစ်ဦးက ပြောပြသည်။ ၎င်းတို့ကူညီနိုင်မလားဆိုတာ မသေချာသော်လည်း သူတို့ထံ သူမချဥ်းကပ်ခဲ့သည်။ ခွဲစိတ်မှုအပြီး ကလေးများ နိုးလာသောအခါ သူတို့စက္ခုအလင်းရခဲ့ကြပြီဖြစ်ပါသည်။

ဘုရားသခင်၏အကြောင်းတွင် အမှောင်ဖုံးလွှမ်းနေသူများနှင့် သူ၏အလင်းကို…

ယနေ့ သခင်ယေရှုခရစ်တော် ထမြောက်တော်မူပြီ

အင်္ဂလန်နိုင်ငံ၊ Cambridge (ကမ်းဘရေ့ချ်) တက္ကသိုလ်၌ မတက်ရောက်မီ Charles Simeon (ချားလ်စ်စီမြော)သည် မြင်းများနှင့် အဝတ်အစားများကို နှစ်သက်မြတ်နိုး သည်။ နှစ်စဥ် အဝတ်အစားအတွက် သူငွေမြောက်များစွာ အကုန်အကျခံခဲ့သည်။ သို့သော် ပုံမှန်ပွဲတော်ဝတ်၌ ပါဝင်တက်ရောက်ရန် ကောလိပ်ကျောင်း၏စည်းမျဥ်းကြောင့် သူသည် သူယုံကြည်သောအရာကို စတင်ရှာဖွေလာသည်။ သခင်ယေရှုကို ယုံကြည်သူများ ရေးသားသောစာများကို ဖတ်ရှုပြီးနောက်၊ အီစတာတနင်္ဂနွေနေ့တွင် သူသည် အံ့သြဖွယ်ပြောင်းလဲမှုကို တွေ့ကြုံခဲ့သည်။ ၁၇၇၉ ခုနှစ်၊ ဧပြီလ ၄ ရက်နေ့တွင် သူသည် နံနက်စောစောထကာ “ယေရှုခရစ်တော် ယနေ့ထမြောက်ပြီ။ ဟာလေလုယာ။ ဟာ‌လေလုယာ” ဟု ကျယ်လောင်စွာ အော်ဟစ်ခဲ့သည်။ ဘုရားသခင်၌ ယုံကြည်မှုကြီးထွားလာသည်နှင့်အမျှ သူသည် သမ္မာကျမ်းစာလေ့လာရန်၊ ဆုတောင်းရန်၊ ကျောင်းတွင်းဝတ်ပြုစည်းဝေးခြင်းတွင် ပုံမှန်ပါဝင်ရန် ဆက်ကပ်အပ်နှံခဲ့သည်။

ပထမဦးဆုံး အီစတာနေ့တွင် သခင်ယေရှု၏သင်္ချိုင်းဂူသို့ ရောက်လာသော အမျိုးသမီးနှစ်ဦးတို့၏အသက်တာများ ပြောင်းလဲခဲ့သည်။ ကောင်းကင်တမန်တစ်ပါးက ဂူဝရှိကျောက်တုံးကို လှိမ့်ဖွင့်လိုက်သောအခါ…

ချစ်ခြင်းမေတ္တာထားရန် ပညတ်သစ်

ဆယ့်သုံးရာစုအစောပိုင်းတွင် အစပြုခဲ့သည့်အစဥ်အလာတစ်ခုမှာ အင်္ဂလန်နိုင်ငံရှိ တော်ဝင်မိသားစုဝင်များသည် မဟာသောကြာကြီးနေ့နှင့် အီစတာပွဲတော် မတိုင်မီ ကြာသပတေးနေ့ ‘Maundy Thursday’ တွင် ဆင်းရဲနွမ်းပါးသူများကို လက်ဆောင်များပေးခြင်းဖြစ်သည်။ ထိုအလေ့အထသည် ‘maundy’ (မောန်ဒီး) ဟူသော စကားလုံး၏ အဓိပ္ပာယ်၌ အ‌ခြေခံကာ ဖြစ်ပေါ်လာသည်။ ထိုစကားသည် လက်တင်စကား Mandatum’ (မန်ဒါထန်) မှဆင်းသက်လာပြီး အဓိပ္ပာယ်မှာ “အမိန့်တော်” ဖြစ်သည်။ ထိုအမိန့်တော်ကို အမှတ်တရ ဖြစ်နေရခြင်းမှာ သခင်ယေရှု မသေဆုံးမီ တစ်ညအလိုတွင် သူ၏မိတ်ဆွေများအား “သင်တို့သည် အချင်းချင်း တစ်ယောက်ကိုတစ်ယောက် ချစ်ကြလေ့ာ။ ငါသည် သင်တို့ကို ချစ်သည်နည်းတူ အချင်းချင်းချစ်ကြလေ့ာဟု ပညတ်သစ်ကို ငါပေး၏” (၁၃:၃၄)ဟူသော ပညတ်သစ်ကြောင့်ဖြစ်သည်။

သခင်ယေရှုသည် သူ၏မိတ်ဆွေများ၏ခြေကို အစေခံကဲ့သို့ ဆေးခဲ့သော ခေါင်းဆောင်တစ်ဦးဖြစ်သည် (:၅)။ “ငါသည် သင်တို့၌ပြုသကဲ့သို့ သင်တို့သည် ပြုစေခြင်းငှာ ပုံသက်သေကိုပြခဲ့ပြီ” ဟုကိုယ်တော် ပြောခဲ့သည် (:၁၅)။…

ကျွန်ုပ်တို့၏ရန်သူများကို ချစ်ခြင်း

အမေရိကန် တောင်ပိုင်းနှင့်မြောက်ပိုင်း ပြည်တွင်းစစ်ကြောင့် တိုင်းပြည်တွင် အမုန်းပွားနေသောအခါ Abraham Lincoln (အေဗရာဟမ် လင်ကွန်း)သည် တောင်ပိုင်းနှင့်ပတ်သက်၍ စကားကောင်းများပြောသင့်သည်ဟု မြင်ခဲ့သည်။ အလွန်အံ့ဩသွားသော ပရိတ်သတ်တစ်ဦးက အဘယ့်ကြောင့် ဤသို့ပြောနိုင်ကြောင်း မေးသောအခါ သူက “ကိုယ့်ရန်သူကို မိတ်ဆွေဖြစ်အောင် လုပ်တဲ့အခါ အဲဒီရန်သူတွေကို ဖျက်ဆီးရာမရောက်ဘူးလား”ဟု မေးခဲ့သည်။ ရာစုနှစ်တစ်ခုအကြာတွင် Martin Luther King Jr. (မာတင် လူသာကင်းဂျူနီယာ)က “ဤသည်မှာ ရွေးနုတ်ကယ်တင်တတ်သည့် ချစ်ခြင်းမေတ္တာ၏ အင်အားဖြစ်သည်” ဟု ထိုစကားကို သုံးသပ်ခဲ့သည်။

ခရစ်တော်၏နောက်လိုက်များအား သူတို့၏ရန်သူများကိုချစ်ရန် နှိုးဆော်ရာတွင် ကင်း သည် သခင်ယေရှု၏သွန်သင်ချက်တို့ကို အလေးအနက်ထားခဲ့သည်။ ယုံကြည်သူများသည် သူတို့အား ညှဥ်းဆဲသူတို့ကို ချစ်ရန် ခက်ခဲနိုင်သော်လည်း ဤချစ်ခြင်းမေတ္တာသည် “ဘုရားသခင်ထံသို့ စဉ်ဆက်မပြတ် အကြွင်းမဲ့ ဝန်ခံအပ်နှံမှုမှ ပေါက်ဖွားလာပြီး၊ ကျွန်ုပ်တို့ ထိုသို့ချစ်ပါက ကျွန်ုပ်တို့သည် ဘုရားသခင်ကို သိကျွမ်းနိုင်၍ ဘုရားရှင်၏ သန့်ရှင်းမှုအလှတရားကို…

အသွင်ပြောင်းလဲစေသော ဘုရားသခင်၏စကားတော်

Kristin (ခရစ္စတင်း)သည် သူမ၏ ခင်ပွန်းဖြစ်သူ တရုတ်လူမျိုး Xio-Hu (ရှီရိုဟူး) အတွက် အထူးစာအုပ် ဝယ်ပေးလိုသည့်အတွက် ရှာဖွေရင်း သူမတွေ့ရှိခဲ့သော တရုတ်ဘာသာဖြင့် ရေးထားသည့်စာအုပ်မှာ ကျမ်းစာအုပ်ပင်ဖြစ်သည်။ သူတို့နှစ်ဦးစလုံးသည် ယုံကြည်သူများ မဟုတ်သော်လည်း ထိုလက်ဆောင်ကို သူ့ခင်ပွန်း ကြိုက်နှစ်သက်လိမ့်မည်ဟု သူမမျှော်လင့်ခဲ့သည်။ ရှီရိုဟူးသည် ကျမ်းစာအုပ်ကို သူမြင်မြင်ချင်း ဒေါသထွက်ခဲ့သော်လည်း တဖြည်းဖြည်းနှင့် ကျမ်းစာကို စတင်ဖတ်ရှုလာခဲ့သည်။ ဖတ်ရင်းဖတ်ရင်း စာမျက်နှာတိုင်းရှိ အမှန်တရားက သူ့အား ဆွဲဆောင်နေခဲ့သည်။ ခင်ပွန်းသည်၏ မထင်မှတ်ထားသော ပြောင်းလဲလာမှုကို စိတ်ပျက်လာသောကြောင့် ခရစ္စတင်း တစ်ယောက် ရှီရိုဟူး ကို ချေပရန် နှုတ်ကပတ်တော်ကို စတင်ဖတ်ရှုခဲ့သည်။ အံ့ဩစရာမှာ သူမလည်း ဖတ်ခဲ့ရသည့် အကြောင်းအရာများကို လက်ခံယုံကြည်လာကာ ခရစ်တော်ကို ယုံကြည်သက်ဝင်လာခဲ့သည်။

နှုတ်ကပတ်တော်၏ ပြောင်းလဲနိုင်စွမ်းကို တမန်တော်ရှင်ပေါလု သိသည်။ သူသည် ရောမအကျဥ်းထောင်မှ နေ၍ သူပြုစု ပျိုးထောင်ခဲ့သော တိမောသေအား ငယ်ရွယ်စဉ်ကတည်းက…

ဘုရားသခင်၏အလုပ်သမား

အရှေ့အလယ်ပိုင်းဒေသရှိ ဒုက္ခသည်စခန်းတွင်နေထိုင်သော Reza (ရေဇာ)သည် ကျမ်းစာအုပ် တစ်အုပ်ရရှိပြီးနောက် ခရစ်တော်ကို သိပြီး ယုံကြည်လက်ခံလာခဲ့သည်။ သခင်ခရစ်တော်၏နာမကို အမှီပြုပြီး ပထမဆုံး သူဆုတောင်းခဲ့သည်မှာ “ကျွန်ုပ်ကို ကိုယ်တော့်၏ အလုပ်သမားအဖြစ် အသုံးပြုမူပါ” ဟူ၍ဖြစ်သည်။ စခန်းမှ သူထွက်ခွာပြီးနောက် သူ့ကို ဘုရားသခင် အဖြေပေးခဲ့သည်။ မမျှော်လင့်ဘဲ ဒုက္ခသည်များကို ကူညီပေးသည့် အဖွဲ့အစည်းနှင့် အတူတူအလုပ်လုပ်ခွင့်ရခဲ့ပြီး၊ စခန်းရှိ သူသိကျွမ်းသူ ချစ်ခင်ရသူများကို ပြန်လည်အစေခံခဲ့သည်။ အားကစားကလပ်များ၊ ဘာသာစကားသင်တန်းများ၊ “လူများကို တစ်စုံတစ်ရာ မျှော်လင့်ချက်ပေးနိုင်သည့်” ဥပဒေရေးရာ ဆွေးနွေးမှုတို့ကို သူတည်ထောင်ခဲ့သည်။ ၎င်းအစီအစဥ်များအားဖြင့် အခြားသူများကို အစေခံနိုင်ပြီး ဘုရား၏ဉာဏ်ပညာနှင့် ချစ်ခြင်းမေတ္တာကို ဝေမျှနိုင်သည်ဟု သူယုံကြည်သည်။

ကျမ်းစာဖတ်နေစဉ် ရေဇာ သည် ကမ္ဘာဦးကျမ်းမှ ယောသပ်နှင့် ဆက်နွယ်မှု တစ်ခုကို ခံစားခဲ့ရသည်။ ယောသပ်ထောင်ထဲ၌ ရှိနေချိန် ဘုရားသည် သူ၏အလုပ်များကို တိုး၍လုပ်ဆောင်ရန်…

လိုအပ်သောအရာတစ်ခု

မတ်လအားလပ်ရက်တစ်ရက်တွင် မောင်ဖြစ်သူလာဇရုနှင့်အတူ နေထိုင်သော ယေရှုချစ်သည့် ဗေသနိရွာမှ မာရိ၊ မာသ ညီအစ်မနှစ်ဦးတို့၏အကြောင်း‌ ခေါင်းစဥ်ဖြင့် ကျမ်းစာသင်တန်းကို ကျွန်မဦးဆောင်ခဲ့သည် (ယော ၁၁:၅)။ ကျွန်မတို့သည် အင်္ဂလိပ်ကမ်းရိုးတန်းတစ်လျှောက် ဝေးလံခေါင်သီသောအရပ်တွင် ရောက်နေပြီး၊ မမျှော်လင့်ဘဲ နှင်းများကျလာသောအခါ သင်တန်း၌ပါဝင်သူများစွာက နောက်ထပ် တစ်ရက်နေရခြင်းက မာရိကဲ့သို့ ခရစ်တော်၏ခြေရင်း၌ ထိုင်လျက်သင်ယူခြင်းသဘောကို အတူတကွ လေ့ကျင့်ရန်ဖြစ်ကြောင်း မှတ်ချက်ချခဲ့ကြသည်။ သခင်ယေရှုက မာသအား သူ့ထံချဉ်းကပ်ပြီး သင်ယူရန် ရွေးချယ်သင့်ကြောင်း မေတ္တာဖြင့် မိန့်ဆိုခဲ့သည့် “လိုသောအရာတစ်ခု” အကြောင်းကို (လု ၁၀:၄၁) သူတို့ လေ့လာချင်ကြသည်။

မာသ၊ မာရိနှင့် လာဇရုတို့၏အိမ်သို့ သခင်ယေရှုလာရောက်သောအခါ၊ သခင်လာမည်ကို ကြိုတင်မသိရှိခဲ့သောကြောင့် ယေရှုနှင့်သူ၏မိတ်ဆွေများကိုကျွေးမွေးရန် ပြင်ဆင်မှုများ၌ မာရိမကူညီသည့်အတွက် မာသမည်မျှစိတ်ပူပန်နေမည်ကို ကျွန်မတို့ နားလည်နိုင်သည်။ သို့သော် အမှန်တကယ်အရေးကြီးသောအရာဖြစ်သည့် ယေရှုထံမှသင်ယူခြင်းဖြင့် ရရှိမည့်အရာကို သူမမျက်ခြည်ပြတ်သွားခဲ့သည်။ ခရစ်တော်သည် သူ့အား…

အံ့သြဖွယ်ရာများ၏ဘုရား

ကွန်ဗန်းရှင်းစင်တာက မှောင်သွားပြီး၊ ဆက်ကပ်ရန် ကတိပြုခြင်းအတွက် တရားဟောဆရာက ဦးဆောင်ဆုတောင်းပေးချိန်၌ ထောင်နှင့်ချီသောတက္ကသိုလ်ကျောင်းသားများ ခေါင်းငုံ့ထားကြသည်။ နိုင်ငံရပ်ခြားသာသနာအတွက် အစေခံရန်စေစားမှုကို ခံစားရသူများ မတ်တပ်ရပ်ရန် ဆရာဖိတ်ခေါ်သောအခါ ကျွန်မ၏ သူငယ်ချင်း လင်းနက်သည် နေရာမှ ထရပ်လိုက်သည်ကို ကျွန်မခံစားရသည်။ သူမသည် ဖိလစ်ပိုင်တွင် နေထိုင်ပြီး အ‌စေခံရန် ကတိပြုထားသည်ကို ကျွန်မသိသည်။ ကျွန်မကမူ မတ်တပ်ရပ်ရန် ဆန္ဒမရှိသေးပါ။ အမေရိကန်ပြည်ထောင်စုတွင် လိုအပ်မှုများကို သိမြင်ပြီးနောက် ဘုရားသခင်၏ ချစ်ခြင်းမေတ္တာကို ကျွန်မ၏ မွေးရပ်မြေ၌သာ ဝေမျှချင်ခဲ့သည်။ သို့သော် ဆယ်နှစ်ခန့်ကြာပြီးနောက် ကျွန်မအား အိမ်နီးချင်းများအဖြစ် ဘုရားသခင် ပေးထားသော လူများကြား၌ အမှုဆောင်ရန် ကြိုးစားရင်း ဗြိတိန်သို့ ကျွန်မပြောင်း‌ရွှေ့နေထိုင်ခဲ့သည်။ ကျွန်မမျှော်လင့်ထားသည်နှင့် မတူသည့် စွန့်စားခန်းတစ်ခုသို့ ဘုရားသခင် ကျွန်မအား ဖိတ်ခေါ်သည်ကို သိလိုက်ရသောအခါ ကိုယ့်ဘဝကို မည်သို့ရှင်သန်မည်နှင့်ပတ်သက်၍ ကျွန်မစိတ်ကူးများ ပြောင်းလဲသွားသည်။

သခင်ယေရှုသည် သူ့နောက်သို့လိုက်ရန်ခေါ်ခဲ့သော…