စာရေးသူ

အားလုံးမြင်နိုင်ရန်
Amy Boucher Pye

အေမီဘိုချာပိုင်

အေမီဘိုချာပိုင် (Amy Boucher Pye)သည် စာရေးဆရာနှင့် ဟောပြောပို့ချသူဖြစ်ပြီး အင်္ဂလန်နိုင်ငံ မြောက်ပိုင်းတွင် နေထိုင်သည်။ သူမသည် A Loving Look at Life in Britain စာအုပ်၊ ဆုရစာအုပ်ဖြစ်သည့် Finding Myself in Britain: Our Search for Faith, Home, and True Identity နှင့် The Living Cross: Exploring God's gift of forgiveness and new life စာအုပ်တို့ကို ရေးသားခဲ့သည်။ သူမသည် the University of London မှ MA in Christian spirituality ဘွဲ့ကိုရရှိခဲ့ပြီး ယူကေတွင် Woman Alive စာအုပ်အသင်းကို ထူထောင်လုပ်ကိုင်လျက် မိသားစုနှင့်အတူ သာသနာအိမ်တွင် နေထိုင်လျက်ရှိသည်။ သူမအကြောင်းကို amyboucherpye.com (သို့) Facebook (သို့) Twitter ၌ (@amyboucherpye) တွင် ရှာကြည့်နိုင်ပါသည်။

စာမူ/ အကြောင်းအရာ များ အေမီဘိုချာပိုင်

လာကြ၊ ကိုးကွယ်ကြစို့

မျိုးဆက်ပေါင်းစုံ ဝတ်ပြုကိုးကွယ်ခြင်းအစီအစဥ်၌ ချီးမွမ်းသီချင်းများ အတူတကွသီကျူးစဉ် လူများစွာ ဝမ်းမြောက်ခြင်းနှင့် ငြိမ်သက်ခြင်းကို ခံစားကြရသည်။ သို့သော် ခြေကုန်လက်ပန်းကျနေသော မိခင်တစ်ဦးတော့ မပါပါ။ ငိုလုဆဲဆဲ ကလေးငယ်ကို ပွေ့ချီကာချော့နေရင်း ငါးနှစ်ကလေးလေးကို သီချင်းစာအုပ်ဖွင့်ပြကာ လမ်းလျှောက်တက်စအရွယ်ကလေးကို ထွက်မပြေးသွားအောင် ဟန့်တားနေသည်။ ထို့နောက် သူ့အနောက်၌ထိုင်နေသည့် အသက်ကြီးကြီးအမျိုးသားတစ်ဦးက လမ်းလျှောက်တက်စအရွယ်ကလေးကို ဘုရားကျောင်းပတ်ပြီး လမ်းလျှောက်ပေးဖို့ ကမ်းလှမ်းပြီး၊ မိန်းမငယ်လေးတစ်ဦးကမူ ကလေးအကြီးဆုံးအတွက် သီချင်းစာအုပ် ကိုင်ပေးသည်။ ၂ မိနစ်အတွင်း ထိုမိခင်၏ခံစားချက် ပြောင်းသွားပြီး အသက်ရှူထုတ်လိုက်ကာ မျက်ဝန်းအစုံကိုပိတ်၍ ဘုရားသခင်ကို ဝတ်ပြုကိုးကွယ်လိုက်သည်။

အမျိုးသား၊ အမျိုးသမီး၊ အသက်ကြီးကြီးငယ်ငယ်၊ ယခင်ကတည်းက ဘုရားကိုယုံကြည်သူနှင့် ယုံကြည်သူအသစ်စသည်ဖြင့် သူ့လူများအားလုံး သူ့ကို ဝတ်ပြုကိုးကွယ်ရန် ဘုရားသခင်က အစဥ်အလိုရှိသည်။ ကတိထားရာပြည်သို့ မဝင်စားမီ ဣသရေလအနွယ် (၁၂) နွယ်တို့ကို မောရှေကောင်းချီးပေးရာ၌ “ယောက်ျား၊ မိန်းမ၊ သူငယ်များ၊ တည်းခိုသောတစ်ပါးအမျိုးသားများတို့”အားလုံး…

ဘုရားသခင်၏သံရုံး

အသက် (၈၂) နှစ်အရွယ် မုဆိုးမ Ludmilla (လုဒ်မီလာ)က “ကျွန်မအိမ်သည်ခရစ်တော်၏နိုင်ငံတော် တိုးချဲ့ဆောင်” ဟုဆိုပြီး ချက်သမ္မတနိုင်ငံတွင်ရှိသောသူမ၏နေအိမ်ကို “ကောင်းကင်နိုင်ငံတော်၏သံရုံး” ဟု ကြေညာခဲ့သည်။ တစ်စိမ်းတစ်ရံဖြစ်စေ၊ မိတ်ဆွေဖြစ်စေ ထိခိုက်နာကျင်ပြီး အကူအညီလိုအပ်သူများကို ချစ်မေတ္တာဖြင့် ပျူငှာစွာ ကြိုဆိုလက်ခံပြုစုသည်။ ရံဖန်ရံခါ အစားအစာနှင့် အိပ်စက်နားနေရန် နေရာထိုင်ခင်းပါပေးသည်။ ဧည့်သည်အာဂန္တုများကို ဂရုစိုက်နိုင်အောင်မစရန် သန့်ရှင်းသောဝိညာဉ်တော်၏ စေ့ဆော်မှုကို အမှီပြုလျက် ထိုသူတို့၏ဆုတောင်းချက်များကို ဘုရားသခင်အဖြေပေးပုံ နည်းလမ်းများအတွက် သူမပီတိ ဖြစ်မိသည်။

အိမ်နှင့်နှလုံးသားကိုဖွင့်ပြီး သခင်ယေရှုအား လုဒ်မီလာ၏ဧည့်ဝတ်ပြုပုံနှင့် ဥပုသ်နေ့တွင် သခင်ယေရှုဝင်၍စားသောက်သော ထင်ရှားသည့် ဘာသာရေးခေါင်းဆောင်တစ်ဦး၏ ဧည့်ဝတ်ပြုပုံချင်း ကွာခြားမှုရှိသည်။ မိမိအား ပြန်လည်ကျေးဇူးဆပ်မည့်သူကို မဟုတ်ဘဲ၊ “ဆင်းရဲသောသူ၊ အင်္ဂါချို့တဲ့သောသူ၊ ခြေမစွမ်းသောသူနှင့် မျက်စိကန်းသောသူများကို” ဖိတ်ခေါ်ကျွေးမွေးသင့်ကြောင်း သခင်ယေရှုက ပညတ်တရားကိုသွန်သင်သူ ကျမ်းတတ်ဖာရိရှဲအား မိန့်ကြားခဲ့သည် (လု ၁၄:၁၃)။ ထိုဖာရိရှဲက ထောင်လွှားစိတ်နှင့် သူ့အား…

နှိမ့်ချသော ကိုယ်အမူအရာ

“လက်ကို နောက်ပစ်ထားလိုက်ပါ။ မင်းအဆင်ပြေမှာပါ” ဤသည်မှာ လူအုပ်စုကို ဂျန် စကားမပြောမီတိုင်း သူမ၏ခင်ပွန်းသည်၏ ချစ်ဖွယ်သောသတိပေးပုံဖြစ်သည်။ လူလေးစားအောင်၊ အခြေအနေတစ်ခုကို တည်ငြိမ်အောင် ပြုလုပ်ရာ၌ သူမ ခံယူနိုင်အောင်၊ နားထောင်ပေးနိုင်သည့် အနေအထား၌ ရှိစေသောကြောင့် ဤအမူအရာကို သူသုံးခြင်းဖြစ်သည်။ သူ့ရှေ့၌ရှိနေသူများကို ချစ်ရန်၊ နှိမ့်ချလျက် သန့်ရှင်းသောဝိညာဉ်တော်ကို နေရာပေးရန် သူမကိုယ်ကို သတိပေးသည့်အခါတွင် သုံးသော ကိုယ်အမူအရာ ဖြစ်သည်။

ဂျန် ၏နှိမ့်ချခြင်းကို နားလည်မှုသည် “အရာရာတိုင်းသည် ဘုရားထံမှ လာသည်” ဟူသော ဒါဝိဒ်မင်း၏ ခံယူတွေ့ရှိချက်၌ အခြေတည်သည်။ “ကိုယ်တော်သည် အကျွန်ုပ်၏သခင်ဖြစ်တော်မူသည်။ ... ကျေးဇူးတော်မှတစ်ပါး အခြားသောမင်္ဂလာသည် အကျွန်ုပ်၌မရှိပါ” (ဆာ ၁၆:၂)ဟု ဒါဝိဒ်က ထာဝရဘုရားအား လျှောက်ဆိုသည်။ ဒါဝိဒ်က “ညဉ့်အချိန်၌ပင် ငါ့နှလုံးသည် ငါ့ကို နှိုးဆော်တတ်၏” (:၇)ဟု ထာဝရဘုရားကို ရှာပြီး တိုင်ပင်အကြံဉာဏ်ရယူရန်…

နှုတ်ကပတ်တော်နှင့် နှစ်သစ်

Michellan (မီရှဲလန်)သည် ဖိလစ်ပိုင်တွင် ကြီးပြင်းလာခဲ့စဥ် အခက်အခဲများနှင့်ရင်ဆိုင်ခဲ့ရသော်လည်း သူမသည် စကားလုံးဝေါဟာရများကို အမြဲနှစ်သက်ခဲ့ပြီး ၎င်းမှနှစ်သိမ့်မှုများ ရရှိခဲ့သည်။ တက္ကသိုလ်တက်နေစဥ် တစ်နေ့တွင် သူမသည် ရှင်ယောဟန်ခရစ်ဝင်ကျမ်း ပထမအခန်းကြီးကို ဖတ်ပြီး သူမ၏ ကျောက်နှလုံးသားသည် လှုပ်ခတ်ခြင်းခံလိုက်ရသည်။ တစ်စုံတစ်ယောက်က “ဟုတ်ပြီ၊ မင်းစကားလုံးတွေကို နှစ်သက်တယ်။ ထာဝရကာလတိုင်တည်တဲ့ စကားတော်ရှိတယ်။ ယခုနှင့် ကာလအစဥ်အဆက် အမှောင်ကို ခွင်းနိုင်စွမ်းရှိတဲ့ နှုတ်ကပတ်တော်၊ လူ့ဇာတိခံတဲ့ နှုတ်ကပတ်တော်၊ သင့်ကိုပြန်ချစ်နိုင်တဲ့ နှုတ်ကပတ်တော်လေ”ဟု သူမကိုပြောနေသကဲ့သို့ပင် ခံစားခဲ့ရသည်။

ရှင်ယောဟန်ခရစ်ဝင်ကို ဖတ်ရှုသူများအား ကမ္ဘာဦးကျမ်းအစတွင် တွေ့ရသည့် “အစအဦး၌” (က ၁:၁)ကို သတိရစေသောစကားများဖြင့် အစပြုထားသည့်ခရစ်ဝင်ကျမ်းကို သူမဖတ်ရှုနေခြင်းဖြစ်သည်။ ရှင်ယောဟန်က အစအဦး၌ သခင်ယေရှုသည် ဘုရားသခင်နှင့်အတူရှိသည်သာမက ဘုရားသခင်ဖြစ်တော်မူကြောင်းကို ထုတ်ဖော်ပြရန် ရှာကြံခြင်းဖြစ်ပါသည် (ယော ၁:၁)။ ဤအသက်ရှင်သော နှုတ်ကပတ်တော်သည် လူဇာတိအဖြစ်ကိုခံယူပြီး “(ကျွန်ုပ်တို့အထဲတွင်)တည်နေ”ပါသည် (:၁၄)။…

ငြိမ်သက်ခြင်းအရှင်

ဂျွန်၏အအေးမိခြင်းက အဆုတ်ရောင်ရောဂါအဖြစ် ပိုဆိုးသွား၍ သူဆေးရုံတက်လိုက်ရသည်။ တစ်ချိန်တည်းမှာပင် သူ့မိခင်မှာလည်း အပေါ်ထပ်အဆောင်၌ ကင်ဆာရောဂါအတွက် ကုသမှုခံယူနေသည်။ ဂျွန်သည် သူ့မိခင်အတွက်ရော၊ သူ့ကျမ်းမာရေးအတွက်ရော အလွန်စိတ်ပူလျက် သောကရောက်ခဲ့ရသည်။ ထို့နောက် ခရစ်စမတ်အကြိုနေ့တွင် ရေဒီယိုမှထုတ်လွှင့်သော “အို သန့်ရှင်းည” ခရစ်စမတ်တေးကို ဂျွန်ကြားခဲ့ပြီး ဘုရားရှင်၏နက်နဲသောငြိမ်သက်ခြင်းက သူ့ကိုလွှမ်းမိုးသွားသည်။ “မင်္ဂလာရှိသော နေ့သစ်တစ်နေ့ ‌ရောက်လာတော့မည်။ ရင်ဖိုဖွယ်မျှော်လင့်ခြင်း၌ နွမ်းနယ်ဝိညာဥ် ဝမ်းမြောက်ခဲ့” ဟူသည့် ချစ်တော်မူသော ကယ်တင်ရှင် မွေးဖွားသောညအကြောင်း သီချင်းစာသားများကို သူနားထောင်ခဲ့သည်။ ထိုအခိုက်အတန့်လေး၌ သူနှင့်သူ့အမေအတွက် ပူပန်မှုများ ပျောက်သွားတော့သည်။

ကျွန်ုပ်တို့အတွက် ဖွားမြင်ခဲ့သည့် “ချစ်တော်မူသောကယ်တင်ရှင်” သခင်ယေရှုသည် ယေရှာယ ပရောဖက်ပြုထားသကဲ့သို့ “ငြိမ်သက်ခြင်းအရှင်” ဖြစ်တော်မူ၏ (ဟေရှာ ၉:၆)။ ရှင်ယေရှုသည် သူငယ်အဖြစ် လောကသို့ ကြွဆင်းလာပြီး “သေမင်း၏နိုင်ငံအရိပ်တွင် ရှိနေသောသူတို့”ထံသို့ (မ ၄:၁၆၊ ဟေရှာ ၉:၂) အလင်းနှင့်ကယ်တင်ခြင်းကို…

ကြီးမားမြောက်များလှစွာသောလူထုကြီး

တနင်္ဂနွေနေ့မနက်၌ အတူတကွ ဝတ်ပြုကိုးကွယ်ရန် ဝမ်းမြောက်ခြင်း၊ မျှော်လင့်ခြင်းအပြည့်နှင့် ဘုရားကျောင်းသို့ ကျွန်ုပ်တို့ရောက်လာခဲ့ကြသည်။ ကိုရိုနာဗိုင်းရပ် ကပ်ရောဂါကြောင့် နေရာခြားပြီး ခပ်ကွာကွာနေရသော်လည်း ဂါဗင်နှင့် တီဂျာနာ တို့၏မင်္ဂလာပွဲကို ဆင်နွဲရန်အခွင့်ကို ရယူခဲ့ကြသည်။ နည်းပညာပိုင်းတွင် ပါရမီရှိသော အီရန်မိတ်ဆွေများက စပိန်၊ ပိုလန်၊ ဆားဘီးယားနိုင်ငံအပါအဝင် နိုင်ငံအသီးသီး၌ ဖြန့်ကျက်နေထိုင်ကြသော သူငယ်ချင်းများ၊ မိသားစုဝင်များအတွက် မင်္ဂလာအခမ်းအနားကို ထုတ်လွှင့်ပြသပေးကြသည်။ ဆန်းသစ်‌ေသော နည်းပညာ သည် ကန့်သတ်မှုများကို ကျွန်ုပ်တို့ကျော်လွှားနိုင်အောင် ကူညီပေးပြီး လက်ထပ် ထိမ်းမြားခြင်းပဋိညာဥ်ပြုပွဲတွင် ရွှင်လန်းဝမ်းမြောက်ခဲ့ကြရသည်။ ဘုရားသခင်၏ ဝိညာဥ်တော်သည် ကျွန်ုပ်တို့အားလုံးကိုပေါင်းစည်းပေးပြီး ပျော်ရွှင်မှုကိုပေးပါသည်။

အံ့သြဖွယ် နိုင်ငံပေါင်းစုံမှဧည့်ပရိသတ်များ တက်ရောက်နိုင်သော ထိုတနင်္ဂနွေနေ့နံနက်ကား ကောင်းကင်နိုင်ငံတွင် တိုင်းနိုင်ငံများ၊ လူအမျိုးအနွယ်အသီးသီးနှင့် ဘာသာစကားမျိုးစုံပြောသူများ ဘုရားသခင်ရှေ့မှောက်ရပ်ချိန်တွင် ပေါ်ထွန်းမည့်ဘုန်းအသရေ တစ်စိတ်တစ်ဒေသကို ခံစားရစေသည် (ဗျာ ၇:၉)။ သခင်ချစ်သော တပည့်တော်ယောဟန်သည် ကြီးမားသောလူအစုအဝေးနှင့် စပ်လျဥ်း၍ ဖွင့်ပြခံရသည့်ရူပါရုံကို…

ဘုရားသခင်၏ဂုဏ်တော်ကို ချီးမွမ်းကျူးဧပါ

တပည့်တော်ဖြစ်ခြင်းဆိုင်ရာ အစည်းအဝေးကျင်းပသည့် တစ်ပတ်တာလုံးတွင် အနောက်အလယ်ပိုင်းဒေသ၏ နွေဥတုအပူဒဏ်နှင့် စိုထိုင်းမှုဒဏ်ကို ကျွန်ုပ်တို့ ခံစားခဲ့ရသည်။ သို့သော် နောက်ဆုံးရက်တွင်မူ အရှေ့ဘက်မှလေအေးကို ခံစားခဲ့ရသည်။ ရာသီအပြောင်း လေအေးနှင့် ဘုရားပြုပေးသည့်အံ့ဖွယ်အရာအတွက် ကျေးဇူးတော်ချီးမွမ်းလျက် ရာနှင့်ချီသည့်လူတို့စုပေါင်းလျက် ဘုရားသခင်ကို ဝတ်ပြုကိုးကွယ်ကြသည်။ စိတ်ရောကိုယ်ပါ ကျူးဧသီဆိုပြီး ခန္ဓာစိတ်ဝိညာဉ်ကို သခင့်ထံအပ်နှံလျက် လူများစွာတို့ လွတ်မြောက်ခြင်းကို ခံစားခဲ့ရသည်။ ၁၀ နှစ် ကြာပြီးမှ ထိုနေ့အကြောင်း ပြန်တွေးမိစဥ် ဘုရားရှင်ကိုချီးမွမ်းစဥ် ခံစားခဲ့ရသည့် ပကတိအံ့ဩမှု၊ ဝမ်းမြောက်မှုကို ပြန်လည်အမှတ်ရမိသည်။

ဒါဝိဒ်မင်းသည် ဘုရားသခင်ကို မည်သို့ စိတ်နှလုံးအကြွင်းမဲ့ချီးမွမ်းရမည်ကို သိသည်။ ယေရုရှလင်မြို့သို့ ဘုရားသခင်ကျိန်းဝပ်တော်မူရာ ပဋိညာဉ်သေတ္တာကို ယူဆောင်လာစဉ် သူသည် ဝမ်းမြောက်စွာ ကခုန်ခဲ့သည် (၅ ရာ ၁၅:၂၉)။ ဒါဝိဒ်ဇနီး မိခါလသည် သူ၏စိတ်လွတ်နေသည့်အခြေအနေကို ကြည့်ပြီး "စိတ်နှလုံးထဲ၌ မထီမဲ့မြင်ပြု" (:၂၉)သည့်တိုင် သူမ၏ဝေဖန်မှုကြောင့် စစ်မှန်သော၊…

သင့်အတွက် ဘုရားသခင်၏အကြံအစည်

အဂ္ဂနက်စ်သည် သူချစ်မြတ်နိုးရသော ဆရာကတော်လည်းဖြစ်သည့် ယောက္ခမကို စံနမူနာယူပြီး သူမကိုသူမ "စုံလင်သော ဓမ္မဆရာတစ်ဉီး၏အကောင်းဆုံးဇနီး" အဖြစ် ၆ နှစ်တိုင် ကြိုးစားခဲ့သည်။ ဤ‌အနေအထားဖြင့် သူမသည် စာရေးဆရာရော၊ ပန်းချီဆရာရော မဖြစ်နိုင်ကြောင်း သူမသိနေပြီး သူမ၏ဖန်တီးမှုစွမ်းရည်များကို ထုတ်မသုံးရဘဲ မြှုပ်ထားရခြင်းကြောင့် စိတ်ဓာတ်ကျကာ မိမိကိုယ်ကို အဆုံးစီရင်ရန်အထိ စဥ်းစားခဲ့သည်။ အိမ်နီးချင်းသင်းအုပ်တစ်ဉီး၏ကူညီမစမှုအားဖြင့် ထိုအမှောင်ထဲမှ သူလွတ်မြောက်ခဲ့သည်။ ဆရာက သူနှင့်အတူဆုတောင်းပြီး နံနက်တိုင်း အချိန် ၂ နာရီ ပေးပြီး စာရေးသားရန် အလုပ်ပေးသည်။ ၎င်းသည် သူမအတွက် ဘုရားရှင်ပေးထားသော "တံဆိပ်ခတ်အပ်ထားသောအမိန့်" ဖြစ်ကြောင်း သူရှင်းလင်းစွာ သိခဲ့ရသည်။ "ကျွန်မရဲ့ဖြစ်တည်မှုအတိုင်း အရှိကိုအရှိအတိုင်းဖြစ်ဖို့ ဘုရားရှင် ကျွန်မကို ပေးသနားထားတဲ့ ဖန်တီးမှုစွမ်းရည် စီးဆင်းသွားရမဲ့လမ်းကြောင်းကို အရင်ရှာဖွေရမယ်" ဟု သူရေးခဲ့ပါသည်။

ထို့နောက်တွင် ဒါဝိဒ်ရေးစပ်သောဆာလံသီချင်းများမှ သူမဘဝအတွက် စေစားမိန့်မှာမှုကို တွေ့ရှိခဲ့ကြောင်း ဖော်ပြခဲ့သည်။…

ဘုရားသခင်၌ လုံခြုံစွာ ခိုနားခြင်း

ကျွန်မကလေးများ ဆယ်ကျော်သက်အရွယ်ရောက်သောအခါ သူတို့ထံသို့ ကျွန်မစာရေးခဲ့သည်။ စာတစ်စောင်တွင် ကျွန်မဆယ်ကျော်သက်အရွယ်၌ မိမိကိုယ်ကို ယုံကြည်မှုမရှိ၊ သေချာမှုမရှိသည့် ခံစားချက်ကို သတိရပြီး ခရစ်တော်၌ မိမိ၏ဖြစ်တည်မှုအကြောင်းကို ပြောခဲ့သည်။ ကျွန်မသည် ဘုရားသခင်ချစ်သော သူ၏သားသမီးဖြစ်ကြောင်း သင်ယူသိရှိခဲ့ပြီး၊ "မိမိကိုယ်ကို သိခြင်းသည် မိမိကို မည်သူပိုင်ကြောင်း သိလာခြင်းပဲ"ဟု ကျွန်မရေးခဲ့သည်။ ဘုရားသခင်သည် မိမိကိုဖန်ဆင်းပြီး သူ့နောက်လိုက်ရန် ကျွန်မတို့ကတိပြုခဲ့ခြင်းကို နားလည်လာသည့်အခါ ကိုယ်တော်ဖန်ဆင်းထားသည့် မိမိ၏ဖြစ်တည်မှုအတိုင်း ငြိမ်ဝပ်စွာ ရှိနေမည်ဖြစ်သည်။ ဘုရားသခင်သည် ကျွန်မတို့ သူနှင့်တူလာရန် နေ့ရက်တိုင်း ပြောင်းလဲပေးနေကြောင်းကိုလည်း ကျွန်မတို့သိသည်။

ဘုရားသခင်၏သားသမီးအဖြစ် ကျွန်မတို့၏ဖြစ်တည်မှုနှင့်ပတ်သက်၍ နှုတ်ကပတ်တော်မှဖော်ပြသော အခြေခံကျမ်းပိုဒ်မှာ တရားဟောရာကျမ်း ၃၃:၁၂ ဖြစ်သည်။ ကတိထားတော်မူသောပြည်သို့ဝင်ရန် ဘုရားသခင်၏လူမျိုးတော်တို့ ပြင်ဆင်ချိန်၊ မောရှေမသေဆုံးမီတွင် "ထာဝရဘုရားချစ်တော်မူသောသူသည် အထံတော်အပါးတွင် လုံခြုံစွာ နေရလိမ့်မည်။ သူ့ကို အစဥ်အမြဲဖုံးလွှမ်း၍ သူ၏ပခုံးကြားမှာ နေရာချတော်မူလိမ့်မည်"ဟု ဗင်္ယာမိန်အမျိုးကို ကောင်းချီးပေးခဲ့…

သခင်ယေရှုအကြောင်း မျှဝေခြင်း

Dwight Moody (ဒွိုက်မူးဒီ) (၁၈၃၇-၉၉)သည် သခင်ခရစ်တော်ကို ယုံကြည်ခဲ့ပြီး မကြာမီမှာပင် ဘုရားသခင်၏သတင်းကောင်းကို မပြောဘဲ တစ်နေ့တာ မကုန်မလွန်စေရ၊ အနည်းဆုံး လူတစ်ဦးကိုသတင်းကောင်းပြောရန် စိတ်ပိုင်းဖြတ် ခဲ့သည်။ သူအလုပ်ရှုပ်သည့်နေ့များတွင် တစ်ခါတစ်ရံ သူသံန္နိဌာန်ကို အချိန် နောက်ကျမှ သတိရသည်။ တစ်ညတွင် သူ့အိပ်ယာထဲရောက်မှသတိရပြီး ထကာအိမ်အပြင်သို့ ထွက်လိုက်သည်။ မိုးရွာချိန်ဖြစ်၍ 'အပြင်၌ မည်သူမျှ ရှိမည် မဟုတ်' ဟု သူတွေးမိသည်။ ထိုအခိုက်တွင် လူတစ်ယောက်သည် လမ်းမအတိုင်း ဆင်းလာသည်ကို တွေ့လိုက်သဖြင့် သူ့ထံအပြေးသွားပြီး ထီးအတူဆောင်းခွင့် ပေးရန် ပြောလိုက်သည်။ ထီးအတူဆောင်းခွင့်ရသည်နှင့် "ဒီလိုမုန်တိုင်းတိုက်နေ ချိန်မှာ မိုးခိုစရာနေရာ တစ်နေရာရာ မရှိဘူးလားဗျာ၊ ပြီးတော့ မိတ်ဆွေကို သခင်ယေရှုအကြောင်း ပြောပြရမလား" ဟု မေးလိုက်တော့သည်။

အပြစ်၏အကျိုးဆက်မှ ဘုရားသခင် ကျွန်ုပ်တို့ကို မည်သို့ ကယ်တင်ခဲ့သည်ကို မျှဝေပြောပြရန် မူးဒီအဆင်သင့်ပြင်ဆင်ရှိနေခဲ့သည်။…