တစ်ယောက်တည်းဖြစ်နေလား

Sue (စူး)၏မိသားစုသည် သူမမျက်စိရှေ့တွင်ပင် ပြိုကွဲသွားသည်။ ခင်ပွန်းသည် ရုတ်တရက် အိမ်မှထွက်သွားပြီး သူမနှင့်သားသမီးများသည် စိတ်ရှုပ်ဒေါသထွက်နေကြသည်။ သူမနှင့်အတူ အိမ်ထောင်ရေးရာ ဆွေးနွေးတိုင်ပင်ရန်အတွက် အကြံပေးသူထံ သွားရောက်ရန် ခင်ပွန်းသည်အား တောင်းဆိုခဲ့သော်လည်း ပြဿနာများသည် သူမကြောင့်ဟုသာပြောပြီး ငြင်းဆိုခဲ့သည်။ သူဘယ်တော့မှ ပြန်လာမည်မဟုတ်ကြောင်း သူမသိလိုက်ချိန်တွင် ကြောက်စိတ်ဝင်ကာ မျှော်လင့်ချက်မဲ့မှုများ ဖြစ်ပေါ်လာသည်။ သူ့ကိုယ်သူနှင့်သားသမီးများကို သူတစ်ယောက်တည်း ပြုစုနိုင်ပါမည်လား။

အာဗြဟံနှင့် စာရာ၏ကျွန်မ ဟာဂရသည်လည်း ထိုအတွေးမျိုးနှင့် ရင်ဆိုင်ခဲ့ရသည်။ သူတို့အား ကတိတော်အတိုင်း သားယောကျ်ားကိုပေးမည့် ဘုရားသခင်အား စိတ်မရှည်ဘဲ (က ၁၂၊ ၁၅)၊ စာရာသည် ဟာဂရအား ခင်ပွန်းဖြစ်သူကို ပေးခဲ့ပြီး၊ ဟာဂရသည် ဣရှမေလကို မွေးဖွားခဲ့သည် (၁၆:၁-၄၊၁၅)။ သို့ရာတွင် ဘုရားသခင်သည် သူ၏ကတိတော်ကို ပြည့်စုံစေပြီး၊ စာရာသည် ဣဇာက်ကို မွေးဖွားသောအခါ၊ မိသားစုအတွင်း တင်းမာမှုများဖြစ်ပေါ်လာပြီး အာဗြဟံသည် ဟာဂရကို…

ကျွန်ုပ်တို့သည် သူစိမ်းများသာ

နိုင်ငံအသစ်တွင် ဘာသာစကားအသစ်၊ ကျောင်း၊ ဓလေ့ထုံးစံ၊ ယာဉ်ကြောပိတ်ဆို့မှုနှင့် ရာသီဥတု အားလုံးသည် ပြောင်းရွှေ့လာသူတို့အတွက် သိသိသာသာ ကွဲပြားပါသည်။ သူတို့ မည်ကဲ့သို့ ကျင့်သားရအောင် ညှိယူရမည်နည်း။ အနီးနားရှိ အသင်းတော်မှလူများက နယ်မြေသစ်တွင် သူတို့ဘဝအသစ်စတင်ရာ၌ ကူညီပေးခဲ့ကြသည်။ ပက်တီသည် ဇနီးမောင်နှံနှစ်ဦးကို ဒေသထွက် အစားအစာများရောင်းချသောဈေးသို့ ဈေးဝယ်ထွက်ရန် ခေါ်သွားပြီး ရနိုင်သည့်အရာများနှင့် ပစ္စည်းများ မည်သို့ဝယ်ယူရမည်ကို ပြသခဲ့သည်။ စျေးကိုလှည့်ပတ်ကြည့်ရင်း သူတို့နှစ်သက်သည့် မွေးရပ်မြေမှအသီးအနှံ သလဲသီးများကို မြင်သောအခါ မျက်လုံးများ ပြူးကျယ်လာပြီး အားပါးတရ ပြုံးလိုက်ကြသည်။ သူတို့ကလေးများအတွက် တစ်လုံးစီဝယ်ခဲ့ပြီး ကျေးဇူးတင်သည့်အနေနှင့် ပက်တီ၏လက်ထဲသို့ တစ်လုံးထည့်ပေးသည်။ သစ်သီးလေးနှင့် မိတ်ဆွေအသစ်များသည် သူတို့နှင့်တစ်စိမ်းဆန်လှသော နယ်မြေသစ်၌ ကြီးမားသော နှစ်သိမ့်မှုကို ဖြစ်စေပါသည်။

ဘုရားသခင်သည် မောရှေအားဖြင့် သူ၏လူမျိုးတော်တို့အား ပေးသည့် ပညတ်တော်များတွင် ဧည့်သည်အာဂန္တုများကို “ကိုယ်အမျိုးသားချင်းကဲ့သို့ မှတ်ရမည်” ဟူသည့် ပညတ်တော်ပါ၀င်ခဲ့သည်…

ကိုယ်ကို ကိုင်းညွတ်လျက်

သူ့ခြေထောက်ငယ်ငယ်လေးများနှင့် နင်းနိုင်သမျှအမြန်ဆုံး စက်ဘီးနင်းနေသည့် သမီးလေးနောက်၌ ငယ်ရွယ်သည့်မိခင်တစ်ဦးက လိုက်ပါနေသည်။ သို့သော် လိုသည်ထက် အရှိန်များသွားသောအခါ သမီးလေးသည် စက်ဘီးပေါ်မှပြုတ်ကျကာ ခြေကျင်းဝတ်နာသွား၍ ငိုတော့သည်။ သူ့မေမေလည်း အလျင်အမြန် ဒူးထောက် ထိုင်ချကာ ကိုယ်ကိုကိုင်းညွတ်လျက် နာနေသည့်နေရာကို အနမ်းပေးပြီး “နာကျင်မှုကို လွှင့်ပါးသွားစေသည်။” တကယ် အလုပ်ဖြစ်ပါသည်။ သမီးလေးက ထခုန်လိုက်ပြီး စက်ဘီးပေါ်ပြန်တက်ကာ ဆက်နင်းသွားတော့သည်။ ကျွန်ုပ်တို့၏နာကျင်မှု မှန်သမျှ ယင်းကဲ့သို့ အလွယ်တကူ လွှင့်ပါးသွားရန် သင်မတောင့်တမိသလော။

တမန်တော်ရှင်ပေါလုသည် သူ၏ ဆက်တိုက်ရုန်းကန်နေရမှုများထဲ၌ ဘုရားသခင်၏နှစ်သိမ့်သက်သာစေမှုကို တွေ့ကြုံခံစားခဲ့ရသည်။ ရိုက်ပုတ်ခြင်း၊ ကြိမ်နှင့်ရိုက်ခြင်း၊ ခဲနှင့်ပစ်ခြင်း၊ မအိပ်ဘဲစောင့်နေခြင်း၊ မွတ်သိပ်ခြင်း၊ အသင်းတော်များအတွက် စိုးရိမ်ရခြင်းစသည့် စစ်ကြောမှုအချို့ကို ကောရိန္သုဩဝါဒစာ ဒုတိယစောင် ၁၁:၂၃-၂၉ ၌ စာရင်းပြုစုထားသည်။ ဘုရားသခင်သည် “သနားခြင်းကရုဏာ၏အဘ၊ သက်သာခြင်းအမျိုးမျိုးတို့၏အရှင်” ဖြစ်ကြောင်း (၁:၃) သူအကျွမ်းတဝင် သိရှိခဲ့သည်။ အခြားကျမ်းမူကွဲတစ်ခုတွင်…

လက်တွေ့လုပ်ဆောင်သော ယုံကြည်မှု

၂၀၂၁ ခုနှစ် ဇွန်လညနေခင်း၌ လေဆင်နှာမောင်း တိုက်ခတ်ခဲ့ပြီး ရပ်ကွက်တစ်ခုတွင် မိသားစုတစ်စု၏စပါးကျီကြီး ပျက်စီးသွားသည်။ စပါးကျီသည် ၁၈၀၀ ခုနှစ်နှောင်းပိုင်းကတည်းက မိသားစုပိုင်စည်းစိမ်ဖြစ်သောကြောင့် ဝမ်းနည်းဖွယ် ဆုံးရှုံးမှုတစ်ခုဖြစ်သည်။ နောက်တစ်နေ့နံနက်တွင် ဂျွန် နှင့် ဘာဘ် တို့သည် ဘုရားကျောင်းသို့ သွားရန်ကားမောင်းလာရင်း အပျက်အစီးများကိုမြင်ပြီး မည်သို့ကူညီရမည်နည်း ဟု တွေးလျက် ကားရပ်ပြီး စနည်းနာကြည့်ရာ၊ အပျက်အစီးများကို ရှင်းလင်းရန် အကူအညီလိုနေကြောင်း သိရှိခဲ့သည်။ သို့နှင့် ကားကိုပြန်လှည့်ကာ အိမ်ပြန်အဝတ် အစားလဲပြီး မုန်တိုင်းကြောင့် ဖြစ်ပေါ်ခဲ့သော အမှိုက်သရိုက်များကို ကူညီရှင်းလင်းပေးရန်အတွက် တစ်နေ့တာအချိန်ပေးခဲ့ကြသည်။ ထိုမိသားစုကို အကူအညီပေးခြင်းဖြင့် သူတို့၏ယုံကြည်ခြင်းကို သူတို့လက်တွေ့ အကောင်အထည်ဖော်ခဲ့သည်။

“အကျင့်နှင့်ကင်းသော ယုံကြည်ခြင်းသည် အသေဖြစ်၏” (ယာ ၂:၂၆) ဟု ရှင်ယာကုပ် ပြောခဲ့သည်။ သူက မည်သည့်နေရာသို့သွားနေမှန်း မသိသော် လည်း နာခံမှုဖြင့် ဘုရားသခင်နောက်သို့လိုက်သူ အာဗြဟံအား…

ဘုရားသခင်ကိုချစ်ပြီး အမှီပြုအားကိုးပါ

ဇက်ခ်သည် ထက်မြက်၊ လူကြိုက်များပြီး ဟာသဉာဏ်ရွှင်သူဖြစ်သည်။ သို့သော် သူသည် စိတ်ဓာတ်ကျခြင်း ဝေဒနာနှင့် လူမသိသူမသိ ရုန်းကန်တိုက်နေခဲ့ရပြီး၊အသက် (၁၅)နှစ် တွင် မိမိကိုယ်ကို အဆုံးစီရင်သွားခဲ့သည်။ သူ၏မိခင် လိုရီ က “ဘဝရဲ့စိတ်လှုပ်ရှားဖွယ်ရာများစွာရှိတဲ့သူအနေနဲ့ သူဒီအခြေအနေအထိ ဘယ်လိုဖြစ်သွားတာလဲဆိုတာ နားလည်ရခက်လို့နေပါတယ်။ သေကြောင်းကြံစည်မှုက ဇက်ခ်ကိုလည်း အလွတ်မပေးခဲ့ဘူး” ဟု ပြောပြသည်။ လိုရီသည် သူမ၏ဝမ်းနည်းကြေကွဲမှုကို ဘုရားသခင်ထံ တိတ်တဆိတ်သွန်းလောင်းခဲ့ရချိန်များလည်း ရှိခဲ့သည်။ သေကြောင်းကြံစည်မှုဖြစ်ပြီးနောက် နက်နက်ရှိုင်းရှိုင်းဝမ်းနည်းရသည်မှာ “နောက်ထပ် ပူဆွေးမှုအဆင့်တစ်ခုလုံးဖြစ်သည်”ဟု သူမက ဆိုသည်။ သို့သော် လည်း သူမနှင့်မိသားစုသည် ဘုရားသခင်နှင့်အခြားသူများပေါ် အားကိုးတတ်ရန် သင်ယူခဲ့ကြပြီး ယခုအခါ စိတ်ဓာတ်ကျမှုနှင့် နပန်းလုံးနေရသူများကို ချစ်တတ်ရန် သူတို့၏အချိန်များကို အသုံးပြုနေကြသည်။

သို့နှင့် “ချစ်ခြင်းနှင့်အားကိုးခြင်း”သည် လိုရီ၏ ဘဝဆောင်ပုဒ်ဖြစ်လာသည်။ ဤအတွေးအခေါ်မျိုးကို ဓမ္မဟောင်းကျမ်းမှ ရုသဝတ္ထုတွင်လည်း တွေ့ရသည်။ နောမိသည် ခင်ပွန်းနှင့်သားနှစ်ယောက်ကို ဆုံးရှုံးခဲ့ရသည်…

ရှင်သန်ခြင်းနှင့် တိုးတက်ကြီးပွားခြင်း

‘The Croods’ ဂူတွင်းနေ ခရုဒ်မိသားစု ကာတွန်းရုပ်ရှင်တွင် အသက်ရှင်သန်ရန် တစ်ခုတည်းသောနည်းလမ်းမှာ သူတို့မိသားစုလေး တစ်စုတည်းနေထိုင်ရန် ဖြစ်သည်ဟု သူတို့ယုံကြည်ထားသည်။ သူတို့သည် ကမ္ဘာကြီးနှင့်အခြားသူများကို ကြောက်ကြသည်။ ထို့ကြောင့် လုံခြုံသောနေရာကို ရှာဖွေရင်း သူတို့ရွေးချယ်သောဒေသတွင် ထူးဆန်းသောမိသားစုတစ်စုရှိနေသည်ကို တွေ့သောအခါ သူတို့အလွန်ကြောက်ရွံ့စိုးရိမ်မိသည်။ သို့သော် များမကြာမီ အိမ်နီးချင်းအသစ်များနှင့် သူတို့၏ မတူညီမှုများကို လက်ခံတတ်လာပြီး ၎င်းတို့ထံမှ ခွန်အားယူကာ အတူတကွ ရှင်သန်ကြသည်။ ဘဝကို ပြည့်ဝစွာရှင်သန်နိုင်ရေး အခြားသူများကို သူတို့ လိုအပ်ပြီး အမှန်တကယ် ပျော်ရွှင်စွာ အတူနေနိုင်ကြောင်း သူတို့တွေ့ရှိလာသည်။

ပေါင်းသင်းဆက်ဆံရေးအမှုသည် ဘေးရန်မကင်းပါ။ ကျွန်ုပ်တို့ကို သူတစ်ပါးက နာကျင်စေနိုင်သည်။ သို့သော် အသင်းတော်တည်းဟူသော အဖွဲ့အစည်းတစ်ခုတည်းတွင် ဘုရားရှင်သည် သူ၏လူများကို ပေါင်းစည်းထားခြင်းသည် ကောင်းကျိုးအတွက်ပင်ဖြစ်သည်။ အခြားသူများနှင့် မိတ်သဟာယဖွဲ့သောအခါ ကျွန်ုပ်တို့ရင့်ကျက်လာသည် (ဧ ၄:၁၃)။ “စိတ်နှိမ့်ချခြင်း၊ နူးညံ့သိမ်မွေ့ခြင်းနှင့် စိတ်ရှည်ခြင်း”…

အခြားသူများနှင့်အတူလျှောက်လှမ်းခြင်း

ချစ်စရာကောင်းပြီး သစ္စာရှိသောခွေးလေး Billy (ဘီလီ)သည် ၂၀၂၀ ခုနှစ်တွင် အင်တာနက်ပေါ်တွင် ထင်ပေါ်နာမည်ကြီးလာခဲ့သည်။ ၎င်း၏သခင် Russell (ရပ်ဆဲလ်)သည် ခြေကျင်းဝတ်ထိခိုက်သဖြင့် လမ်းလျှောက်ရာ၌ ချိုင်းထောက်ကို အသုံးပြုရသည်။ မကြာပါ။ ခွေးလေးသည် သူ့သခင်နှင့်အတူ လမ်းလျှောက်သောအခါ ထော့နဲ့ထော့နဲ့နှင့် လျှောက်လာပါတော့သည်။ ရပ်ဆဲလ်သည် စိတ်ပူကာ ဘီလီအား တိရစ္ဆာန်ဆေးကုဆရာဝန်ထံ ခေါ်ဆောင်သွားရာ၊ ဆရာဝန်က သူ၌ မည်သည့်ရောဂါမှ မရှိကြောင်း ပြောခဲ့သည်။ သူတစ်ကောင်တည်းရှိနေလျှင် လွတ်လွတ်လပ်လပ် အကောင်းအတိုင်း ပြေးဆော့သည်။ သူ့သခင်နှင့် လမ်းလျှောက်သည့်အခါ၌သာ ဟန်ဆောင်ကာ ထော့နဲ့ထော့နဲ့ လမ်းလျှောက်ခြင်း ဖြစ်သည်။ ၎င်းသည် တစ်စုံတစ်ယောက်၏နာကျင်မှုကို အမှန်တကယ် ခွဲခြားသိမြင်နိုင်အောင် ကြိုးစားခြင်းပင်ဖြစ်ပါသည်။

ရောမမြို့ရှိအသင်းတော်သို့ရေးပို့သော တမန်တော်ပေါလု၏လမ်းညွှန်ချက်တွင် အခြားသူများနှင့်အတူတွဲဘက်ကာ အသက်ရှင်ခြင်းသည် ဦးဆုံးလုပ်ရမည့်ညွှန်ကြားချက်ဖြစ်သည်။ ပညတ်တော် (၁၀) ပါး၏ နောက်ပိုင်း (၅) ချက်ကို “ကိုယ်နှင့်စပ်ဆိုင်သောသူကို ကိုယ်နှင့်အမျှချစ်လော့” (ရော…

အိမ်ကို တောင့်တခြင်း

‘Anne of Green Gables’ (အစိမ်းရောင်အမိုးနှင့်အိမ်မှ အန်း) ပုံပြင်၏ အဓိကဇာတ်ဆောင် အန်းသည် မိသားစု ရရန် တောင့်တခဲ့သည်။ မိဘမဲ့ဖြစ်သောကြောင့် အိမ်ဟုခေါ်နိုင်မည့်နေရာမရှိတော့ ဟုသူထင်ခဲ့သည်။ သို့သော်လည်း မက်သရူးဟုခေါ်သည့် လူကြီးနှင့် သူ့ညီမ မာရီလာတို့က သူမအား မွေးစားမည်ဟု သိလိုက်ရသည်။ သူတို့အိမ်သို့ မြင်းလှည်းစီး၍သွားရာတွင် စကားများနေမိသောကြောင့် အန်းက တောင်းပန်သော်လည်း လူအေးကြီး မက်သရူးက “သမီးကြိုက်သလောက် စကားပြောနိုင်ပါတယ်။ ဦးလေး စိတ်မဆိုးပါဘူး” ဟုပြောလိုက်သည်။ သူ့စကားကို နားထောင်ဖို့နေနေသာသာ သူမကို မည်သူမျှမလိုချင်ဟု ယခင်က ခံစားခဲ့ရသောကြောင့် ဤစကားသည် သူမကို အလွန်ပျော်ရွှင်စေသည်။ အိမ်သို့ရောက်သောအခါ မက်သရူးတို့ မောင်နှမက သူတို့၏လယ်ယာမြေတွင် ကူညီလုပ်ကိုင်ရန် ယောက်ျားလေးတစ်ဦး မွေးစားရန် စဥ်းစားနေကြောင်း သိလိုက်ရ သည့်အခါ သူမ အားငယ်သွားရသည်။ ပြန်ပို့ခံရမည်လားဟု သူမစိုးရိမ်သွားသည်။ သို့သော် သူတို့က…

မတုန်မလှုပ်သောယုံကြည်ခြင်း

ကီဗင်သည် သူ့ဖခင်ဆုံးသွားသောအခါ အဖေ၏ပစ္စည်းများကို သိမ်းဆည်းရန် ဘိုးဘွားရိပ်သာသို့ ရောက်လာခဲ့သည်။ ဝန်ထမ်းတစ်ယောက်က သူ့အား သေတ္တာလေးနှစ်ခုသာပေးခဲ့သည်။ ပျော်ရွှင်ရန်အတွက် ပိုင်ဆိုင်မှု ဥစ္စာပစ္စည်း များများစားစား မလိုအပ်ကြောင်းကို ထိုနေ့တွင် သူသဘောပေါက်ခဲ့သည်။

သူ၏ဖခင်လယ်ရီသည် ပူပင်ကြောင့်ကြမှုကင်းပြီး အမြဲတစေပြုံးနေတတ်ကာ သူတစ်ပါးအတွက် အားပေးစကားပြောနေတတ်သည်။ ထိုသို့ပျော်ရွှင်ရ သည့် အကြောင်းအရင်းမှာ လောကစံနှုန်းသေတ္တာ၌ မဝင်ဆံ့သည့် ‘ပိုင်ဆိုင်မှု’ တစ်ခုကြောင့်ဖြစ်သည်။ ၎င်းမှာ သူ့ကိုရွေးနှုတ်တော်မူသော ယေရှုခရစ်တော်၌ရှိသည့် မတုန်မလှုပ်သောယုံကြည်ခြင်းပင်ဖြစ်သည်။

ယေရှုက “ကောင်းကင်ဘုံ၌ ဘဏ္ဍာကို ဆည်းဖူးကြလော့” ဟုမိန့်မှာသည် (မ ၆:၂၀)။ ကျွန်ုပ်တို့ကို အိမ်မပိုင်ရ၊ ကားမဝယ်ရ၊ ရှေ့ရေးအတွက် မစုဆောင်းရ၊ ပစ္စည်းဥစ္စာများများ မပိုင်ဆိုင်ရဟု သခင် မပြောဘဲ ကျွန်ုပ်တို့၏နှလုံးသားက မည်သည့်အရာ၌ အာရုံပြုသည်ကို ဆန်းစစ်ရန် ပြောထားသည်။ လယ်ရီ၏ မျက်မှောက်ပြုရာသည် အဘယ်မှာရှိပါသနည်း။ အခြားသူများအပေါ် မေတ္တာထားခြင်းဖြင့် ဘုရားသခင်ကို ချစ်ခြင်း၌…

ယုံကြည်ခြင်းဖြင့် အသက်ရှင်ခြင်း

ဂယ်ရီသည် လမ်းလျှောက်စဥ် ဟန်ချက် မထိန်းနိုင်သည့်ပြဿနာရှိနေသည့်အတွက် ဟန်ချက်ထိန်းညှိနိုင်မှုကောင်းလာစေရန် ရုပ်ပိုင်းဆိုင်ရာကုထုံးဖြင့် ကုသရန် ဆရာဝန်က မှာကြားခဲ့သည်။ ကုသမှုခံယူစဥ် ကုထုံးဆရာက “ခင်ဗျားက ခင်ဗျားမြင်နေတဲ့အရာက မှားနေရင်တောင် အဲ့မြင်နေရတာကိုပဲ အရမ်းယုံကြည်နေတယ်။ ခင်ဗျားခန္ဓာကိုယ်မှာဖွဲ့စည်းထားတဲ့ အခြားစနစ်တွေဖြစ်တဲ့ ခြေဖဝါးအောက်ဘက်က အာရုံခံစားမှုနဲ့ နားအတွင်းပိုင်းကအချက်ပြမှုတွေပေါ်မှာ မှီခိုမှုအားနည်းနေတယ်။ အဲ့အရာတွေကလည်း ဟန်ချက်ထိန်းညှိနိုင်ဖို့ ထောက်ပံ့ပေးတယ်” ဟု သူ့ကို ပြောသည်။

“မိမိမြင်ရသည့်အရာကိုပင် အရမ်းယုံကြည်သည်” ဆိုသောအချက်ကြောင့် ဂေါလျက်နှင့် သိုးကျောင်းသားလေးဒါဝိဒ်၏ ရင်ဆိုင်ပွဲအကြောင်းကို သတိရမိသည်။ ဖိလိတ္တိလူ ဂေါလျက်သည် “အရက်လေးဆယ်ပတ်လုံး၊ နံနက်တစ်ခါ၊ ညဦးတစ်ခါ ချဉ်းကပ်၍ ကိုယ်ကိုပြ”ပြီး (၁ ရာ ၁၇:၁၆) သူနှင့်ရင်ဆိုင်တိုက်ခိုက်မည့်သူကိုစေလွှတ်ရန် မခံချင်အောင် ခနဲ့ပြောဆိုသည်။ သို့သော် လူများသည် ၎င်းတို့ ကြောက်အောင် လုပ်သည့်အရာကိုသာ အလိုအလျောက် အာရုံစိုက်မိသည်။ ထို့နောက် ဒါဝိဒ်လေးသည် ဖခင်စေခိုင်းသည့်အတိုင်း အစ်ကိုများအတွက် ရိက္ခာလာပို့သည်…