ဧဝံဂေလိတရားအရင်းအမြစ်များကို မျှဝေခြင်း
ချီကာဂိုမြို့လယ်တွင် ကျင်းပခဲ့သော ခေါင်းဆောင်များ အစည်းအဝေး ကျင်းပရာနေရာနှင့် နေရာထိုင်ခင်းတို့သည် ကျွန်တော်တို့ ထိုနေရာသို့သွားရာလမ်းတွင် ကြုံတွေ့ခဲ့ရသော ဆင်းရဲခြင်းကပ်နှင့် လုံးဝဆန့်ကျင်ဘက်ဖြစ်သည်။ ၎င်း၌ အခြေခံလိုအပ်ချက်ဖြစ်သည့် စားနပ်ရိက္ခာနှင့် အမိုးအကာများပင်မရှိသည့်လူများပါဝင်သည်။ ထိုကွဲပြားမှုများက မြို့နှင့် အခြားနေရာများတွင် အမှုတော်ဆောင်ရန် ကျွန်တော်တို့၏ ရူပါရုံစီမံကိန်းရေးဆွဲရာတွင် - ဘုရားသခင်၏ချစ်ခြင်းမေတ္တာနှင့် ကယ်တင်ခြင်းသတင်းတရားကို ဖြန့်ဝေရာ၌ ဘုရားရှင်ပြင်ဆင်ပေးသည့် အထောက်အကူဖြစ်သည့် အရာမှန်သမျှ- ဧဝံဂေလိတရားအရင်းအမြစ်များကို ရယူကာ အလိုအပ်ဆုံးသော နေရာများဆီသို့ ရောက်ရှိစေရေးဟူသည့် ပါဝင်သင့်သော လိုအပ်ချက်များကို ရှင်းလင်းစွာ ပြောဆိုနိုင်ရန် မစပေသည်။
ရှင်ပေါလုသည် သခင်ယေရှုကို ယုံကြည်သူရောမမြို့သားများထံ စာရေးသော အခါ ၎င်းတို့ထံ သူသွားချင်သောဆန္ဒရှိသော်လည်း မရောက်ဖူးသေးပါ။ “သင်တို့ သည် မြဲမြံခိုင်ခံ့မည်အကြောင်း၊ ငါသည် သင်တို့၌ ဝိညာဉ်ဆုကျေးဇူးတစ်စုံတစ်ခုကို အပ်ပေးခြင်းငှာ၊ သင်တို့ကို အလွန်တွေ့မြင်ချင်ပါ၏။ ထိုသို့ဆိုသော်၊ ငါနှင့်သင်တို့သည် ယုံကြည်သောအားဖြင့် အချင်းချင်း အားရသက်သာခြင်းသို့…
ခရစ်တော်အားဖြင့် ကြင်နာမှုအောင်ပွဲ
မျက်မှောက်ခေတ် မေဂျာလိဂ်ဘေ့စ်ဘောအသင်း၏ ပထမဆုံးလူမည်းကစားသမား ဂျက်ကီရော်ဘင်ဆန်(Jackie Robinson)သည် ၁၉၄၇ ခုနှစ် မေလ ၉ရက်တွင် ဖီလာဒဲလ်ဖီးယား(Philadelphia)ပြည်နယ်ရှိ ရှီဘဲ(Shibe)ပန်းခြံ၌ ကစားနေစဥ် ၁၀ နှစ်အရွယ် ဒေါရစ်(Doris)သည် သူမ၏ဖခင်နှင့်အတူ အထက်တန်းလွှာခုံတွင် ထိုင်နေသည်။ အသက်ရလာပြီဖြစ်သော ထိုလူမည်းအမျိုးသားကြီး သူတို့အနီးရှိ ခုံတစ်ခုံသို့ လျှောက်လာသောအခါ သူ့ဖခင်က တရင်းတနှီးဖြင့် စကားများပြောခဲ့သည်။ ဂိုးသွင်းသည့်အကြောင်းပြောနေသော စကားဝိုင်းသည် သူမအား “လူကြီး”တစ်ဦးအဖြစ် ခံစားရစေသည်ဟု ဒေါရစ်က ဆိုသည်။ နောက်ပိုင်းတွင် သူမက“အဲဒီလူနဲ့ သူ့အပြုံးမျက်နှာကို ကျွန်မဘယ်တော့မှ မမေ့ဘူး”ဟု ပြန်ပြောပြသည်။ လူဖြူမိန်းကလေးငယ်နှင့် ကျွန်တစ်ယောက်၏သားဖြစ်သူ ကြင်နာမှုရှိသောအဘိုးအိုတို့ကြားတွင် ကြည်နူးဖွယ်ကောင်းသော အပြန်အလှန်ဆက်ဆံရေးသည် ထိုနေ့တွင် တောက်ပနေခဲ့သည်။
သို့သော် ၎င်းအဖြစ်အပျက်နှင့် ထိုဘေ့စ်ဘောရာသီ၌ အခြားပွဲစဥ်တစ်ခုတွင် ရော်ဘင်ဆန် ကြုံတွေ့ခဲ့ရသည့် အမုန်းပွားစေသည့်အဖြစ်အပျက်မှာ လုံးဝဆန့်ကျင် ဘက်ဖြစ်သည်။ “လူမျိုးအသားအရောင်ကြောင့် သူတို့က ကျွန်တော့်ကို အော်ငေါက်ပြောဆိုကြတယ်။ တော်တော်ဆိုးတယ်ဗျာ”…
သခင်ယေရှုအတွက် မှန်ကန်သူဖြစ်သည်
အဲရစ်၏ကလေးဘဝ စိန်ခေါ်မှုများတွင် ပြင်းထန်သော အရေပြား နီမြန်းခြင်း၊ ကျောင်း၌ အခက်အခဲကြုံရခြင်းနှင့် ငယ်ရွယ်စဉ်ကတည်းက နေ့စဉ် အရက် သို့မဟုတ် မူးယစ်ဆေး အလွန်အကျွံသောက်ခြင်းတို့ ပါဝင်သည်။ သို့တိုင်၊ မိမိကိုယ်ကို “အဆိုးများ၏ဘုရင်” ဟုခေါ်ဆိုသူက ဘေ့စ်ဘောအားကစားတွင် သူထူးချွန်ကြောင်း သူ့ကိုယ်သူသိသည်။ သို့သော် ခွဲခြားဆက်ဆံခံရမှုကြောင့် စိတ်ဓာတ်ကျလာပြီး ဘေ့စ်ဘောကို စွန့်ခွာခဲ့သည်။ ထို့နောက်တွင် သူသည် မူးယစ်ဆေးဝါးသုံးစွဲခြင်းနှင့် ရောင်းဝယ်ခြင်းအတွက် အချိန်ပိုပေးဖြစ်ခဲ့သည်။
သို့သော် အဲရစ်သည် ဘုရားကျောင်းဝတ်ပြုအစည်းဝေးတစ်ခုတွင် သခင်ယေရှုနှင့် တွေ့ခဲ့ပြီး သူ့အသက်တာပြောင်းလဲသွားခဲ့သည်။ နောက်တစ်နေ့တွင် သူ့အလုပ်မှ သခင်ယေရှုကို ဆက်ကပ်အပ်နှံသောယုံကြည်သူတစ်ဦးက အဲရစ် ကို အခြားဝတ်ပြုကိုးကွယ်ခြင်း၌ ပါဝင်ရန်ဖိတ်ခေါ်ခဲ့သည်။ ထိုဝတ်ပြုကိုးကွယ်ခြင်းမှ သူအသစ်တွေ့ရှိခဲ့သော ယုံကြည်ခြင်းကို အားပေးသည့်“လူမည်သည်ကား၊ ခရစ်တော်၌ရှိလျှင် အသစ်ပြုပြင်သောသတ္တဝါဖြစ်၏။ ဟောင်းသောအရာတို့သည် ပြောင်းလဲ၍ ခပ်သိမ်းသောအရာတို့သည် အသစ်ဖြစ်ကြပြီ”(၂ ကော ၅:၁၇)ဟူသည့် ကျမ်းချက်ကို ကြားသိခဲ့ရသည်။ အဲရစ်၏ဘဝသည်…
ခရစ်တော်အားဖြင့် ကူညီမစခြင်း
ကျွန်တော့်သူငယ်ချင်း Dwayne ဒွင်း ၏အမေ၊ မစ္စ Charlene ရှာလင်းသည် အသက် ၉၄ နှစ်ရှိပြီး၊ အရပ်က ၅ ပေအောက်၊ ကိုယ်အလေးချိန်လည်း ပေါင် ၁၀၀ အောက်သာရှိသည်။ သို့သော် ထိုအရာများက ကျန်းမာရေးအားနည်းပြီး မိမိကိုယ်ကိုပင် မကြည့်ရှုနိုင်သော သားကို မစောင့်ရှောက် မပြုစုနိုင်အောင် သူမအတွက် အတားအဆီး မဖြစ်ခဲ့ပါ။ သူတို့၏နှစ်ထပ်အိမ်သို့ အလည်အပတ်ရောက်သွားလျှင် သူမနေသော ဒုတိယထပ်၌ သူ့ကို တွေ့ရတတ်သည်။ သူမသည် လှေကားထစ် ၁၆ ထစ်ကို နင်းပြီး၊ အောက်ထပ်သို့ ဖြည်းညင်းစွာ ဆင်းလာကာ ဧည့်သည်များအား သူမချစ်သောသားကို ပြုစုသကဲ့သို့ နှုတ်ဆက်ဧည့်ဝတ်ပြုသည်။
သူမ၏လိုအပ်ချက်ထက် သား၏ကျန်းမာရေးကို ရှေးရှုသော မစ္စ ရှာလင်း၏ ကိုယ်ကျိုးမဖက်သည့် ခိုင်မာသောစိတ်ဓာတ်သည် ကျွန်ုပ်အတွက် ယုံကြည်လောက်သည့် အနှစ်သာရ၊ စိန်ခေါ်ချက်နှင့် တွန်းအား ဖြစ်သည်။ ဖိလိပ္ပိသြဝါဒစာ…
စကားပြောဖို့ လှုံ့ဆော်ခြင်း
“ယေရှုက မင်းကို ချစ်တယ်။ သူက မင်းကို တကယ်ချစ်တယ်”။ ၎င်းသည် ဂျွန်ဒန်နီယယ်၏နောက်ဆုံးစကားများဖြစ်သည်။ အိမ်ခြေယာမဲ့တစ်ယောက်ကို ပိုက်ဆံ ပေးပြီးနောက် ထိုနှုတ်ဆက်စကားများကို ပြောပြီး စက္ကန့်ပိုင်းအတွင်းမှာပင် ကားနှင့် တိုက်မိပြီး ရုတ်တရက်ဆုံးသွားသည်။ ဂျွန်၏အသက်တာကို ဂုဏ်ပြုသည့်အခမ်းအနားအတွက် ထုတ်ဝေသည့်အစီအစဥ်စာရွက်တွင် “သူသည် နောက်ထပ်လူများကို မည်သို့ကမ်းလှမ်းရမည်ကို သိလိုသည်။ ထို့ကြောင့် တနင်္ဂနွေနေ့လည်ခင်း တွင် လိုအပ်နေသောလူတစ်ဦးကို ကူညီရန်ကြိုးစားရင်း ဘုရားသခင်က သူ့အား ဤလောကကို လက်လှမ်းမီနိုင်သည့်နည်းလမ်းတစ်ခုပေးခဲ့သည်”ဟူသည့် စကားလုံးများ ဖော်ပြပါရှိသည်။ ပြည်တွင်းရုပ်သံလိုင်းများက ထိုသတင်းကို ဖော်ပြကြပြီး နိုင်ငံတစ်ဝန်းရှိ သူငယ်ချင်းများ၊ မိသားစု နှင့် အခြားသူတို့ထံ ပျံ့နှံ့သွားသည်။
ဂျွန်ဒန်နီယယ်သည် တရားဟောဆရာ မဟုတ်သော်လည်း အခြားသူများအား ယေရှုအကြောင်း ပြောပြရန် လှုံ့ဆော်ခြင်းခံရသည်။ ရှင်ပေါလုလည်း ထိုနည်းလည်းကောင်းဖြစ်သည်။ တမန်တော်ဝတ္ထု ၂၀ တွင် တမန်တော်ကြီးသည် ဧဖက်မြို့ရှိ အသင်းတော်ခေါင်းဆောင်များအား နှုတ်ဆက်စကားဆိုရင်း…
ဘုရားသခင်နှင့် စကားပြောခြင်း
၂၀၂၂ ခုနှစ်သည် ကျွန်တော်နှင့် ကျွန်တော့်ဇနီးအတွက် အလွန်ထူးခြားပါသည်။ ထိုနှစ်သည် ကျွန်ုပ်တို့၏ မြေးရှစ်ယောက်တွင် တစ်ဦးတည်းသောမြေးမဖြစ်သူ ဆိုဖီယာအက်ရှလီ (Sophia Ashley)မွေးဖွားသောနှစ်ဖြစ်သည်။ ဆိုဖီယာ၏ အဘိုးအဘွားများ၏ အပြုံးများ မရပ်တန့်တော့ပေ။ သားဖြစ်သူက ဗီဒီယိုနှင့်ဖုန်းခေါ်သောအခါ စိတ်လှုပ်ရှားမှုက ပို၍ပင် မြင့်တက်လာသည်။ ကျွန်တော့်ဇနီးနှင့် ကျွန်တော်သည် အခန်းတစ်ခန်းထဲတွင် အတူမရှိသော်လည်း သူ၏ပျော်ရွှင်ပြီး ကျယ်လောင်သော အသံက ဆိုဖီယာကို တွေ့လိုက်၍ဖြစ်ကြောင်း ဖော်ပြနေသည်။ ယခုအခါတွင် အဝေးမှ ချစ်သောသူများကို မြင်တွေ့ရရန်မှာ ဖုန်းခေါ်ဆိုမှု သို့မဟုတ် ကလစ်တစ်ချက်နှိပ်ရုံသာ ဖြစ်သည်။
မိမိနှင့် ဖုန်းပြောနေသူကို မြင်နိုင်စွမ်းသည် အတော်လေးအသစ်အဆန်းဖြစ်သော်လည်း ဘုရားသခင်နှင့် အချိန်ယူခြင်း — သူ၏မျက်မှောက်တော်၌ ရှိနေကြောင်းအသိနှင့် ဆုတောင်းခြင်းက အသစ်အဆန်း မဟုတ်ပါ။ ဆာလံ ၂၇ မှ ဒါဝိဒ်၏ ဆုတောင်းချက်တွင် ဆန့်ကျင်တိုက်ခိုက်မှုများအလယ်တွင် အနီးဆုံးရင်းနှီးဆက်နွယ်သူများ၏ကူနိုင်စွမ်းထက် ကျော်လွန်သည့် ကူညီမှုကို…
ဝိညာဥ်ရေးရာကြံ့ခိုင်ခြင်း
Tre (ထြီ) သည် အားကစားရုံသို့ ပုံမှန်လာသူဖြစ်သလို လာကြောင်းကိုလည်း ကြည့်လိုက်တာနှင့် သိနိုင်သည်။ သူ့ပုခုံးများသည် ကျယ်ပြီး၊ သူ၏ကြွက်သားများကလည်း အချက်ပြနေသည်။ သူ့လက်မောင်းများက ကျွန်တော့်ပေါင်နီးပါးရှိသည်။ သူ၏ ရုပ်ပိုင်းအနေအထားက သူ၏ဝိညာဉ်ရေးနှင့်ပတ်သက်ပြီး စကားပြောရန် ကျွန်တော့်ကို နှိုးဆော်ခဲ့သည်။ ကိုယ်ကာယကြံ့ခိုင်မှုအတွက် တစိုက်မတ်မတ်ပြုခြင်းက တစ်နည်းနည်းဖြင့် ဘုရားသခင်နှင့်ဆက်ဆံရေးကို ထင်ဟပ်စေသလားဟု သူ့ကိုမေးရာ၊ ကျွန်တော်တို့ နက်နက်နဲနဲ မဆွေးနွေးခဲ့သော်လည်း ထြီ က “သူ့ဘဝ၌ ဘုရား သခင်” ကို အမှန်ပင် အသိအမှတ်ပြုခဲ့သည်။ ပေါင်လေးရာနှင့် ပုံပျက်ပြီး၊ မကျန်းမာသည့် သူ့ဓာတ်ပုံကို ပြခဲ့သည်အထိ အချိန်အတန်ကြာ စကားပြောဖြစ်ခဲ့သည်။ သူ၏ နေထိုင်မှုပုံစံ အပြောင်းအလဲသည် သူ့ခန္ဓာကိုယ်ကို အံ့ဩဖွယ်ဖြစ်စေခဲ့သည်။
တိမောသေဩဝါဒစာပထမစောင် ၄:၆-၁၀ တွင် ရုပ်ပိုင်းဆိုင်ရာနှင့် ဝိညာဉ်ရေး လေ့ကျင့်မှုအကြောင်းကို အဓိကပြောထားပါသည်။ “ဘုရားဝတ်၌ မွေ့လျော်ခြင်းအားဖြင့် ကိုယ်ကိုကိုယ် ဆုံးမလော့။…
အန္တရာယ်ရှိသောလမ်း
မနက်ခင်းလမ်းလျှောက်ထွက်စဥ် ကားတစ်စီးသည် ယာဥ်ကြောပြောင်းပြန်ဘက်သို့ ဦးတည်ရပ်နေသည်ကို ကျွန်တော် သတိထားမိလိုက်သည်။ ယာဥ်မောင်းအမျိုးသမီးမှာ အိပ်ပျော်နေပြီး အရက်သောက်ထားပုံပေါ်သောကြောင့် မိမိနှင့် အခြားသူများအတွက် အန္တရာယ်ရှိသည်ကို သတိမပြုမိပေ။ အခြေအနေက ကြီးမားသော အန္တရာယ်ဖြစ်စေနိုင်သောကြောင့် ကျွန်တော် အရေးယူလုပ်ဆောင်ရတော့သည်။ သူမကို ခရီးသည်ထိုင်ခုံဘက်သို့ ရွှေ့ပေးပြီးနောက် ယာဉ်မောင်းနေရာ၌ ကျွန်တော်ဝင်ထိုင်ကာ ကားကို ဘေးကင်းရာသို့ မောင်းသွားလိုက်သည်။
ရုပ်ပိုင်းဆိုင်ရာအန္တရာယ်သည် ကျွန်တော်တို့ကြုံတွေ့ရသည့် တစ်ခုတည်းသော ထိခိုက်နစ်နာစေမှု မဟုတ်ပါ။ ရှင်ပေါလုက “ထို(အေသင်)မြို့သည် ရုပ်တုတို့နှင့်အပြည့်ရှိသည်ကို မြင်လျှင်” အေသင်မြို့ရှိ လောကီပညာရှိ၊ လူတော်လူတတ်များ၏ ဝိညာဉ်ရေးအန္တရာယ်အတွက် “စိတ်ပူပန်ခြင်းသို့ရောက်၏” (တ ၁၇:၁၆)။ အပေါ်ယံအတွေးအခေါ်များကိုသာ စိတ်ဝင်စားပြီး ခရစ်တော်အကြောင်း ဆင်ခြင်စဉ်းစားရန် ပျက်ကွက်သူများအပေါ် ရှင်ပေါလု၏ အလိုအလျောက် တုံ့ပြန်မှုမှာ သခင်ယေရှု၌၊ သခင်အားဖြင့် ဖြစ်သော ဘုရားသခင်၏ရည်ရွယ်ချက်များအကြောင်းကို ဝေမျှခြင်းဖြစ်သည် (:၁၈၊ ၃၀-၃၁)။ သို့နှင့် လူအချို့တို့သည် ကြား၍…
ကျန်းမာသောနှလုံးသား
လူ့နှလုံးသည် အံ့ဩစရာကောင်းသော ကိုယ်အင်္ဂါဖြစ်သည်။ သွေးညှစ်ပေးသည့် လက်သီးအရွယ်အရာလေးသည် ၇ ပေါင်မှ ၁၅ ပေါင်ကြား အလေးချိန်ရှိသည်။ နေ့စဥ် အကြိမ် ၁ သိန်း ဝန်းကျင်ခုန်ပြီး၊ သွေးဂါလန်ပေါင်း ၂ ထောင်ကို ကျွန်တော်တို့ ခန္ဓာကိုယ်ထဲမှ မိုင် ၆ သောင်းရှိသော သွေးကြောများထဲသို့ တွန်းပို့ပေးသည်။ နှလုံး၏အလုပ်တာဝန်မှာ ထိုမျှကြီးမားအရေးပါသောကြောင့် နှလုံးကျန်းမာရေးသည် လူ့တစ်ကိုယ်လုံး၏ကောင်းကျိုးသုခအတွက် အဓိကကျသည်ကို နားလည်နိုင်ပါသည်။ ကျွန်တော်တို့၏နှလုံးအခြေအနေနှင့် ကျန်းမာရေးအရည်အသွေးသည် ဆက်စပ်နေသောကြောင့် ဆေးဝါးသိပ္ပံက ကျွန်တော်တို့ကို ကောင်းမွန်သောအလေ့အထများကို လိုက်စားရန် တိုက်တွန်းပါသည်။
ဆေးဝါးသိပ္ပံက ကျွန်တော်တို့၏ ရုပ်ပိုင်းဆိုင်ရာနှလုံးများအကြောင်း ပြောဆိုပိုင်သည့်အခွင့်အာဏာရှိသော်လည်း အခြားသော “နှလုံး”တစ်မျိုးအကြောင်းကို ဘုရားသခင်က ပို၍ကြီးမားသော အခွင့်အာဏာမျိုးဖြင့် ပြောဆိုသည်။ ဘုရားရှင်က ကျွန်တော်တို့ဖြစ်တည်မှု၏ စိတ်ကျန်းမာရေးဆိုင်ရာ၊ စိတ်ခံစားချက်ဆိုင်ရာ၊ စိတ်ဝိညာဉ်ဆိုင်ရာ ကိုယ်ကျင့်တရားဆိုင်ရာ “ဗဟိုချက်”အကြောင်း ပြောဆိုပါသည်။ နှလုံးသည် ကျွန်တော်တို့ဘဝ၏အရေးကြီးဆုံး အစိတ်အပိုင်း…
သမ္မာကျမ်းစာချစ်သူများ
ဂုဏ်ယူဝင့်ကြွားသောဖခင်၏လက်ကို ဆုပ်ကိုင်ထားသော သတို့သမီးအလှလေးသည် ပလ္လင်ပေါ်သို့ သွားရန် အသင့်ရှိနေသည်။ သူမ၏ ဆယ့်သုံးလသားအရွယ် တူလေးက အရင်ဝင် လာရမည်ဖြစ်သည်။ ကိုင်နေကျ “လက်စွပ်” အစား သူသည် “သမ္မာကျမ်းစာကိုင်ဆောင်သူ” ဖြစ်သည်။ သခင်ယေရှုအား ဝန်ခံဆက်ကပ်ထားသော ယုံကြည်သူများအနေနှင့် သတို့သမီးနှင့် သတို့သားတို့က ဤနည်းဖြင့် သမ္မာ ကျမ်းစာကို ချစ်မြတ်နိုးကြောင်း သက်သေခံလိုကြသည်။ လမ်းလျှောက်တတ်စ ကလေးသည် အခက်အခဲ အနည်းငယ်မျှမရှိဘဲ အရှေ့သို့ လျှောက်လာခဲ့သည်။
သမ္မာကျမ်းစာ၏သားရေအဖုံးပေါ်၌ လမ်းလျှောက်တတ်စ ကလေး၏သွားရာများကို တွေ့ရှိရခြင်းကလည်း အလွန်ကောင်းသည့်သာဓကဖြစ်သည်။ ခရစ်တော်ကို ယုံကြည်သူများ သို့မဟုတ် ကိုယ်တော်ကို သိလိုသူများသည် ကျမ်းစာကို မြည်းစမ်းပြီး ဖတ်ရှုမှတ်သားလိုက်လျှောက်မည့်အကြောင်း ကိုက်ညီလှသည့် ပုံဖော်ချက်ပင်။
ဆာလံ ၁၁၉ သည် သမ္မာကျမ်းစာ၏ ပြီးပြည့်စုံသောတန်ဖိုးကို ချီးကျူးဂုဏ်ပြုထားသည်။ “ထာဝရဘုရား၏ တရားလမ်း၌ မလွဲမတိမ်းလိုက်သွားသောသူတို့သည် မင်္ဂလာရှိကြ၏” (:၁)ဟု ကြေညာပြီးနောက်…